[INPUI.com Feature]
NOV 29, 2009: November 28 zan 8.30 khan Hmar Chatters’ Advance Christmas 1-na chu www.inpuichat.tk ah inhoi taka hmang a nih.
Prokram hmang dinga hunghai hi London, West Virginia (USA) le India khawpui - New Delhi, Mumbai, Bangalore, Chennai, Chandigarh, Jamshedpur, Nagpur, Guwahati, Shillong, Haflong, Imphal- a inthok an ni tawl. Mi fekhawm po chu 21 an nih.
Seson I-na chu inkhawm pangngai angin Krismas thucha a inpawlna nei a ni a. ‘Inpui’ thruoitu ni’n ‘JayKay’ a inthok Luka 2:8-14 “ Chun,chu rama ma chun beramvengtu hai an um a,zanah an beram hai an veng a, phula an riek nghah a…” ‘ngaithlak’ a nih.
“A bik takin ei Pathien in ami lawm bek2 Hmar nauhai kuoma hin inremna le muongna in rorel sien.....Pathien chu a chunghnung taka ei sie seng ka nuom,” ti’n ‘JayKay’ chun a hril.
Hi zo hin chatter hlun ‘Bhayanga’ in ‘Best 3 Krismas Jokes’ sei deuh deuh el a hung present ve a, fekhawm hai a sukhlim hle.
Chun, ‘MistyBlue’ in tulai English tronga Krismas film en ding pathum a hung hril bawk a. Nisienlakhom, Hmar tronga Krismas le inzoma film ei la neinaw poi a ti thu a hril. “Hmar trong ngei in Christmas movie dam hi hei nei thei ta in la chu nuom a va um ngei de aw …” ti’n a hril.
Hi zo hin Pu L.Keivom, IFS(retired), in Hmangaina Ruoi ‘sharing’ na hun a nei a. Pu Lalthlamuon hi sin poimaw dang a nei leiin ‘Live’ in hung thrang thei naw sienkhom Krismas Thucha a hung siem chu ‘LKeivom’ in chatter hai tiem dingin a hung post pei a, fekhawm han ‘ngaithlak’ inhoi an ti in ‘Amen’ tawk an bo nawh.
“Kristmas ruoi, Krista ruoi, hmangaina ruoi hi mani thlarau ngeia ei kîl hma chun khuong le dar leh lamin, hlimhlopna tinreng leh kîl hlak inla khom ruoi lungsietum inchang zing a tih.Hmangaina ruoi thrang si lo kristmas chun umzie a nei nawh; a ruoi neitu luok ei suksuok mei mei a nih,” ti’n Pu Lalthlamuon chun a hril.
Krismas Thucha ‘ngaithlak’ zo in , ‘SinlengNews’ in Pathien kuomah lawmthu hrilin Seson I kharna a nei.
‘Break’ darkar chenve vel hnungin, Seson II chu ‘Gunda’ in hnesaw takin a hung thuoi a. MistyBlue in London a inthok a hung siem ngat, Hmar Chatters’ Advance Christmas Cake chu ‘Inpui’ in a ‘cut’ a, fekhawm hai inhoi an ti hle.
Hi zo hin, testimony memberhai a inthok 'ngaithlak' a ni a. ‘Lalringzo’ in Bethlehem Password a hril a, lawmin pungkhawm hai an LOL sup sup el bakah lungril a tawk hle. Chun chatter ‘Lalruong’ testimony, Assam Khawbon rama sai nghal laka inthoka Pathienin a sanhim thu ngaithlak a ni nawka; Lalruong chun ngam takin, “Ka Pa mivengtu chu iengtiklai khawma mi thlathlam ngailo hi alo ni zinga,” a ti tah a nih.
Hi zo Baibul Quiz, conductor Gunda in hnesaw takin a hung huoihawt nawka, zingkar dar 5.56 A.M chen inhoi takin hun hmang a nih.
====Note: More Photos coming soon+Proceedings of the event====
Ka hung thrang ve hman naw chu poi ka ti ngot el. Hi thil hi Sinlunga inthoka ei hung suok hnunga boruok zai hmanga Kristmas titi ei nei hmasa tak a ni leiin ei histawri-ah mellung thar ei phun a nih. A buotsaituhai inpak an umin chawimawi an hmu a, Zoram khawvel hmingin lawmthu ka hrl. Hi ruoi kiltu mi 21 hai kha in vangnei chungchuong a nih, histawri poimaw tak siemtu in ni leiin. Lalpan mal sawm cheu raw se. Inrengin kristmas chibai. LK
ReplyDelete