Tlangmi le phaimi thehran lovin thangruol ei tiu: Ibobi
IMPHAL, Nov 28(Hmasawnna Thar): Tribal Research Institute Auditorium, Adimjati, Imphal hmuna zanikhan hlawtling takin Imphal Hmar Sikpui Ruoi, 2009 hmang a nih. Khuollienin Manipur Chief Minister, Pu O.Ibobi Singh a thang a, Functional President in Pu Ngursanglur, MLA a thang a, Guest of Honour in Dr L.Fimate, Director RIMS a thang a, Sikpui Pa in Prof Laldena a thang.
Pu O.Ibobi Singh in thuhrilna a neinaa chun, hnam tlawm le tam tuelkhawmin hun sawttaka inthawka ei nei seng Pi le Puhai Culture le tradition inhmangtir lova venghim a tul thu, vawisuna Kut hi Hmar hnamhai ta dinga Kutpui pawimaw takel ani dan, Pathien thangpuina zara tukuma huon le lo a pieng rasuokhai hlawtling taka hmu ani leia lawmnaa Kut hi hmang ani dan, Manipur-ah ni dang laia inthawk hnam tum tumhai inhma-ngaitak le inremtaka um hlak ei lo ni ang hrimin hnam lienhai khawmin hnam chinhai hmusit le en danglam lo le en hnuoi chuong lova khawsatlang an lo ni danhai hrilin, tlangram le phairam mihai the hran bik nei lova inhmangaitak le inngaina taka muongna, inremna le hmasawnna a hung um theina dingin thangruol ei tiu, tiin ngenna a siem.
Buoina le inhrietthiemnawna a lo um khawmin Political dialogue neia sukfel thei ani a, chu ding chun hma la tlang seng ei tiu tiin CM chun mipuihai kuoma ngenna a siem.
Pu O.Ibobi Singh chun Imphal Hmar Sikpui Ruoi, 2009 Organising Committee thangpuina dingin sum Rs. 1,00,000 a pek.
Video: Oliver Intoate
Post a Comment
Comments not related to the news or article may be deleted.