Halloween party ideas 2015

Hmuntin, ramtina kan unau dittak hai,

Hmar hnama mi siemtu ei Pathien hmingin chibai kan bûk che/cheu !

Media fêthlenga ei hung târlang rawp ta hlak SHAIDC chun,a bul inṭan hlima inthawkin sum umsa nei ṭhak lova a tlachawp tak meu meu hmangin vawisun chen hin, a thiltum lê hmalâkna  kawnga, tluong takin kal ala pen det det zinga.

Hieng anga kalpên theia a um nasan chu,Pathienin ei ṭawngṭaina a dawn lei lê, mi ṭhahnem ngai hai inpêkna lei lieu lieuva la fe ani a.
Ei ṭawngṭaina tlawmtak hai chu Pathienin hung dawnin, mi lungrila sin a hung thaw a, Hnam hmangaina lungril  hung innei tirin. Hmar khawvêla mi inlâr tak tak, hmun hran hrana um, a ṭhen lem chu ramdang deia inthawk damin, hnam hmangaina leiin, moral cho nilovin financial support hung neiin sum an hung pêk khawm mêk a. An thahlaw lieu lieu hai an hung thawlawm khâwm hi SHAIDC chu lawmna in asip a. Chu cho nilo, mi laia khawm inlang pha lêmlo, sienkhawm Hnam ngirsuok annuom na leia,an nitha hlaw dâm,insit ngawi ngawi, ṭûl tisi leia hung thawlawm vê a. An hming khawm zieklang dinga inphalam lê ṭûl tilo hai hung thawlawm khawm an umpei hi SHAIDC ta ding hin  hlu chungchuong hlê anih.

Hieng hai lei hin SHAIDC hi lawmna leiin mitthli a sêng hiel châng a um.

Sum le pai hung petu hai, inchunga SHAIDC hi a lawm bêk bêk anih tî lo hre zingin. Hnam mipetu Pathien chun in inpêkna hi hrezing sien, a lêt tamtakin,malsawmna in vûr lêt ngei ati cheu, tihi SHAIDC ṭawngṭai na a nih.

*Fund rising thu a:* SHAIDC in hmabâk asunzawm theina ding hin,sum le pai mamawna, chi hran hran, court fee, ukil ruoina,etc,. ala um ding cho khawm a ni a. Hieng sum ei mamaw hai hi,source ṭha ei nei nawh ti hi ei hriet ruol ruolin, midang hieng political party le mimal MLA candidate hai kuoma sum hnî hi, committee hmingsietna lê muolphona a ngaiin thaw a tum naw a. Chunêkin, member lai ngeia inthawkin, mani dellai ngei ''Hmun lê ram chen, hung thêsuoka, Hmar mipui hai laia tlawmngai hai inchawk thei dinga pesuok ei uma''. Ei Headquarter Sakawrdai hmuna *inhmun* ṭha lê hlû, zawr a,aman hi SHAIDC in a ṭûlna a ahmang dingin ei hung zawr anih.

Hieng anga inhmun,ram ei zawr hai hi SHAIDC member haiin, midang sukbuoi lova mani ngeia mamaw eiin todel thei tâkduoiin ti a, Committee member haiin Hnam hmangaina leia an hmun lê ram chu an hung pêksuok ani a. An inpêkna hi aropuiin lawm a um bêk bêk anih.

*A zawr dân:*  Aman hi bituk a um naw a, ngam insangtak hai kuoma pêk ni'ng atih. Hmun petu hai pêkna lungril hre a, aman chungchanga hin buoilo ding lê hnam ngirhmun hrezinga hung *dawn* dingin khawvêl pumpuia Hmar lê Demand area mipui hai eiin ngen tak zet anih.

A ngam insâng tieng, ngamna inang a um chun, lêkha pawt a, a thutlûk na siem ni'ng atih.

Mi tukhawma, hnam lungril puta, inchawk tum ngei dingin ei hung in ngen anih.

Eini a thawtu dinghai in,ei theina zawn senga ṭhang lathar ei tiuva, ''Ama (Pathien) chun ei mamaw chu a hriet awm si a''.

Hmar hnama min dintu chu inpâkin umpei sien ! Ama, indin chu ṭhuoisuok a, in ngirsuoktir ni hi nei ngei atih.

Hnam damna dinga,in rawngbawlpui,
SHAIDC aiin,

Lalsandam Hmar
Co, Founder,
SHAIDC

Date: 17, Sept. 2018

OFFICE OF THE
SINLUNG HILLS ACCORD IMPLEMENTATION DEMAND COMMITTEE (SHAIDC)
GEN. HQ. SAKAWRDAI, SINLUNG HILLS, MIZORAM.
Ested: 2015               
Motto: ''Serve the Nation''.

Subject: Chibai bûkna lê ngênna.

      Hmun hran hrana unau ditumtak hai, September Beiruol ei hmang mêk hi hlim lê lawma, hlawk taka hun hmang seng dingin, SHAIDC chun ditsakna anhlân a. Kohran lê pawl hran hran haiin Pathien thlarau pawltharna chang seng dingin eiin ditsak tak meu meu anih.

          SHAIDC hin kum 2016 February thla lai khan Mizoram Chief Minister kuoma '94 agreement HPC le Mizoram sawrkar in anlo sign ta kha June 25, 2016 chena implement a mi thawpêk naw chun Ghy.High Court Mizoram Bench a hêkna a pêk ding thu, lêkha pe a intlun ani a. Sienkhawm CM hin iengkhawm dawnna a siem naw leiin, June 25, 2016 chun SHAIDC chun HC ah hêkna a submit ta anih.

     Chu hêkna chu HC in thutlinga pawmin Mzr sawrkar chu judgement order a pêka. Chu sâ khawm chun sawrkar hin ei chan ṭhatna dingin iengkhawm hmalâk a tum chuong naw a. Court thu chu fê peiin, September 03, 2017 khan HC chun Mzr sawrkar chu kumkhat sunga '94 accord kha implement thaw dingin order ansuo/a pêk nawk a. Chu order chu, sawrkarin a hmu ni a inthawka kumkhat a tling na ding chun, tûtâ thlâ ni September 13, 2018 hi ani ding an tah. Hi hun a hin ei ukil hai chun Court a fe in Contemn of court(court thu zawm naw leia, hêkna thar) an intlun nawk ding ani a. Hi huna hnêna ei chang theina dingin, kohran tina beiruol ei hmang mêk a hin SHAIDC chun, kohran popo hai kuoma ngênna hung siem hi ṭha ati leiin, a hranpâ taka lekha semdar antak lei lê, remchang taka media fêthlenga ngênna siem hi thil awlsam lê remchânga inchû in, '' a thei anga hun tam, ei hnam damna dinga, SHAIDC hmalâkna hi, Pathienin malsawma, hlawtlingna ei chang thei na dingin,lo ṭawngṭai pêk thei nisien,'' ti hi a hung ngên mawl mawl anih.

    Hi thu tiem vêlo tamtak hai kuoma hrilsawng hi, a tiem hai seng mawphurna a ei hungin hlan nghâl bawka. Kahrana apuipâ deu hai lê member haiin,mâni inlawina kohran senga lo puongzâr hrâm hrâm dingin eiin ngên bawk.

Hnam mipetu ei Pathien hin a nauhai rawl ngaithla a hung dawnin, ei tum ram mi ṭhuoi tlung ngei rawse. Amen!

Hmar hnam dam suok sien,

Hnam ta,
Lalsandam Hmar
Co-Founder
SHAIDC

INHRIETTIRNA
4th September,  2018

Mipui Hmakhuo Ngaina Leiin

Saikot (Tuithaphai): Mipui hmakhuo ngaina leiin hieng a hnuoia ang hin inhriettirna le ngenna siem a nih.

1. Saikot SDO ah lekha pawimaw la ding chun, (1) Aadhaar Card/Voter Icard/Government Issue Icard le (2) Mani khuo Lal(Chief/Secretary, Village Authority)-in Domicile a pek suok  chawisa ngei ding a nih. Original a lo ni naw khawma Xerox copy self attested chu pawm ning a tih.

2. Chun,  Income Certificate lak ding chun, (1)  Lal/Secretary, Village Authority Or (2) Gazetted Officer in Income Certificate a pek suok chawi ngei bawk ding a nih,  chuong an naw chun,  SDO,  Saikot ah Income lak   theia ni nawh. 

3. Death le Unmarried Certificate lak ding chun,   mani Khaw Lal (Chief) /Secretary, Village Authority kuoma inthawk Certificate chawi ngei ding a ni bawk.

4.Chun, Lal(Chief) /Secretary, Village Authority  lekha hrim hrim kim taka fillup ngei ding a nih.

Hi inhriettirna hi, inzaum SDO,  Saikot Office thurawn ang dungzuia public interest-in SDO Saikot biel mipui po po hai kuomah  inhriettirna le ngenna hi ei siem a nih.

In thawpui, 

Sd/
Priscilla Vanrammawi
Deed Writer/Petition Writer

Residential Address:
Japan Camp Approach Road,
Vengtang,  Saikot, Tuithphai
Contact: 9089400574 or 7085794894

By Rosang Hekte

1. Vahûi(hûi-êm, hûimeisei, hûitupui)
2. Vapuol(Rângkêk, Vakhawk, Kâwlhau/Vakâwl)
3. Mu/Manmu(Mupui, Muvânlâi, Mulukawl, Muphêng, Mubuong, Tlânglawi etc)
4. Vațhû (Țhurieng, Țhusûm)
5. Vahrit
6. Varung
7. Ram âr/ Ârța
8. Vala
9. Varihaw
10. Vakhawthlang
11. Vakhawhri
12. Va-âk
13. Thlokher
14. Thlangawm
15. Vamîm
16. Vazâr/Zârlubuong
17. Varuol(Varuoltak, varuol senpa)
18. Vahuong/Âr awn
19. Simbu/ Titiri/ Chingpirinu
20. Valambawk/ Zân âr
21. Lênchîm(Lâilên, Tuipui lênchîm, Zo lênchîm, Ram lênchîm)
22. Suongchâwm
23. Rampuivâ
24. Tuklo
25. Vaber
26. Hmângva/ Ber eng
27. Thlabul eng
28. Changpânva
29. Vaki
30.Vakûl
31.Vaiva
32.Vabawng/ Vabuong
33.Tawllawt
34. Chawngzawng
35.Chawmanai
36.Vahrâng
37.Vahnakhawr
38.Changkawrdawk
39.Chiprang
40.Vapuol-Kawlhawk
41.puolrang
42.Mu- muhreu
43. Mu arla
44. Vahla
45. Zarțhiawr
46. Riekmaw
47. Țawkțawkawtsen
48. Dumva
49.Vabekvar
50.Tuivaarngo
51.Vaak
52.Vamitcheng.
53.ChîprângVaruol / Varuolmit cheng
54.Vahlup.
55. Ramparva.
56.Thizîl.
57. Peleu.
58. Vachedek.
59 Vamûr.

Powered by Blogger.