AIZAWL, Nov 21 (Hmasawnna Thar): Young Mizo Association (YMA), Mamit district headquarters chun, Tuikuk hai kut tuorna leia Mizo hai laia hringna chan an um zeu zeu chu hrietthiem harsa an ti thu le Zarzokima thina le inzawma Bru In raw peka um hai Mizorama Kohran \henkhat han \hangpuina le ralna pe sia Bru helpawl han an kap hlum Zarzokima sunghai ta dinga iengkhawm pek an neinaw na thua an lungawinaw thu le an hrietthiemnaw thu press release an insuoa chun an zieklang.
Sawrkarin Zarzokima ralna dinga Rs. 1,00,000 an pek chu lawmum an ti thu hrilin Zarzokima sung-le-kuo mi pakhat tak a tlintawk sawrkar sin pek nisien an nuom thu an press release a chun an zieklang bawk.
YMA Mamit Sub-Hqrts chun Tuikuk hai chengna khuoa In kanga khan an inrawl naw thu an hrila, Tuikuk hai hin vawitamtak Mizo an that a, an \huoihmang baka Bus le Sumo hai suom hlak hai sienkhawm Mizo hai chun Tuikuk pakhat khawm an la that ve naw thu an hril bawk.
Post a Comment
Comments not related to the news or article may be deleted.