INPUI: Hmar News & Info

GUWAHATI HMAR CHRISTIAN FELLOWSHIP

(An Interdenominational Evangelical Fellowship)

CBCNEI Compound, Pan Bazar, Guwahati ‐ 781001

To

The Moderator/Secretary,

Independent Church of India

Sielmat, Churachandpur, Manipur

Subject: Delhi khawpuia ICI binga inkhawmna siem chungchang

Lalrama thawpui dittakhai,

Ei Lalpa Isu hming thienghlimin chibai kan bûk cheu.

Independent Church of India, 63^rd General Assembly thurel Resolution No 5. dungzuiin, ‘Delhi sungah remchang hmasa taka kohran pawl bik hminga inkhawmna nei ta dinga thurel’ chanchin hi kan lo hriet ve a. Hmar Christian Fellowship, Delhi hi Delhi khawpuia Hmar tawng hmang haiin tawng thu leia Delhi Mizo Inkhawm huna inkhawm ngai lo tam tak an hung um ta leiin kohran pawl bik um lovin Delhi Hmar Christian Fellowship tiin kum 1988 khan indin a lo ni a. Hmar hnam tlawmte mi hnung hnawta ei um zing lai Delhi ah kohran pawl bik um lova kum 25 deu thaw inthuruol tak le hrat taka rawngbawlin hma an lo lak khu mitinin ei lawmpui chau ni lovin, nasa nawk zuola hma an sawn theina dinga tawngtaipui tuhai ei nih a. Chuonglai zinga hi thu hung inher suok hin nasa takin lungril a thawng a, pawi kan tih a. Eini laia inremna le inhmangaina, inditsak tuona khawpui lien haia a um hi a suksiet nasa hle ding niin kan hriet a, pawi kan ti takzet a nih. Chuleiin, lungril takin a hnuoia thuhai khu ngun nawk zuola Hnam pumpui huoma Pathien ram thlira in hung ngaituo thar ngei Pathien hmingin kan hung ngen cheu:

• Hmar Christian Leaders’ Forum huoihawtna hnuoia Hmar Gospel Centenary 2010 declaration No. 5 na khan hieng ang hin kohran thuoitu popo haiin ziek le sign a nih a. “Khawpui hmun hran hrana Hmar Christian Fellowship indin theia a um hi lawmum kan tih. Hmun danga khawm indin theia a um pei tha ti a nih. Hmar Christian Fellowship hai le Kohran pui amani pawlpui amani hai inkara iengkim inkalna um lova Networking system tha tak neia rawngbawl le sinthaw tlangna ei nei thei peina dinga hma lak a pawimaw”. Hi declaration hi inza taka, Pathien ram le Hnam pumpui huopa hma ei lak nawk zuol kan nuom.

• Hnam pumpui huopa Hmar Christian Fellowship, Delhi in rawngbawlna an nei khu nasa takin Pathienin mal a sawm a, sorkar sinthawtuhai le inchuklai haiin an tangkai pui emem a. Pathien rama nasa nawk zuola hma an lak theina dingin pawl tinin a hma neka nasa lema ei thangpui nuom a um hle.

• Kohran inthena tam taluo leia khawtin ah indaidanna um hi ei hnam tadinga ei thangmaw bawk a ni leiin, khawpui lien lem haia lungruol tak le inthuruol taka rong ei bawl tlangna le inkhawm kawpna hi keidar lova siem hrat lem dingin hma la thar nawk lem inla.

• Khawpui haiah Hmar kohran pakhatin ‘kohran pawl hminga’ inkhawmna ei nei a ni chun a kakhawk ding hi thil ditum lo le ngai ngam lo khawp a ni ding a nih. Pawl tinin inkhawmna a hranin India ram khawpui haiah hung nei ve tum ngei an ta. Ei lim ding chu ngun taka ei ngaituo chun ‘Setan lawmzawng tak – inthedarna le innghir innghona’ a hung ni ta ding a nih.

• Hlapawl sak khawp um lo KTP, rongbawl thei taktak khawp lo pawl kohran hung suok a ta. Chu inthena lungril chun HSA, HYA, Welfare Society hai chen a hung nghawr nawk ding a ni leiin, Pathien hminga hi thu hi a thei hram chun keikir nawk dingin kan ngen takmeu cheu a nih.

• Thangthar kohran hung inthang duong pei dinghai lai, inhmangaina le inlainatna chi the nawk sau sau inla. Chuchu thangthar kuoma ei ‘thilpek’ (gift) ropui tak a ni kan ring tlat bawk.

• Khawpui lien haia project pawl tinin an neihai hi kan lawmpui zing lai, Pathien hminga inlawi khawmna ‘Fellowship’ tha tak ei nei hi tluong taka a fe pei hi ei duthusam a ni ngei kan ring tlat bawk a.

• Pathien thuoina zarin tuhin khawpui hieng Delhi, Pune, Mumbai, Chennai, Bengalaru, Ahmednagar, Silchar le Guwahati hai ah Pathien thuoina zar lieu lieu in HCF/HWS hai ei nei a. Naupang tete haiin anni le anni in enkawlin theitawpin Thlarau rama an hrat theina dingin hma an lak hram hram hai hi, pawl chi le lungril tukhawma ‘tu’ lova tawngtaina leh ei sana, hma ei lak seng kan nuom takmeu a nih.

• Hieng khawpui kohran haia pawl binga hmun zu suot nek hmanin kohran lien deu hai hin Pathien hminga Pastor dam deputation a in tir hi mi tamtak lungril le beiseina khawm anih

Chuleiin, ICI hotu dittakhai kuomah hi ngenna tlawm tak kan hung siem hi, ei hnam le ei ram chauh ni lovin Pathien ram a lien lema thlirin (larger context) a thei hram chun, lunginsiet taka mi keikir pek nawk dingin Pathien hmingin kan hung ngen cheu a nih.

Lalrama in thawpui

(Rev. Dr. H M Songate)

Chairman

(Dr. Chawngrolien Chonzik)

Secretary

Copy to: RPC- NE I, EFCI, EAC, PCI Vongzawl Presbytery, Hmar Fellowships at Indian Cities

By John L. Zote

Guwahati, August 21, 2012: HSA Guwahati Joint Headquarter chun August 20, 2012 khan hlim le inhawi titak in Freshers’ Social anlo hmangzo tah. Hi hun a hin Pu Thanghlun Hmar, IRS (Chairman, Hmar Welfare Society, Guwahati le HSA Advisor) Chief Guest a nih. Programme phuisuitak le ropuitak a hmangzo a nih. Miss le Mr Freshers’ khawm thlangna nei a nih. Fashion parade le insukhlimna chi dang dang a um bawk.

Chief Guest Pu Thanghlun Hmar IRS chun inchuklai hai “taimakna le “tumruna” nei a pawimaw zie subject a hmagin thu hrilna a nei.

Mr Fresher 2012 a dingin Tv. Issac Lalmalsawm thlang a ni a. Miss Fresher 2012 a dingin Ms. Mary Songate thlang ani bawk.

Inchuklai hai chun Tv John Sellete, Nk Ruth Chonzik le Nk Mawi Tusing hai inrawinain Fashion Parade – Hnam puon chi dang dang suklangna an nei.

Hi fashion show a hin lawmman siem a ni a, best model award Pasal tienga Tv Lallukhum Neitham inhlan ani a, nuhmei tiengah Ms Christy Hluothangpui Hmar inhlan ani bawk. Hi lawmman sponser tu hai chu Ms Chawngparmawi Neitham le Ms Jezreel Lalditpui Hmar hai an nih.

HSA Jt,Hqrs chun meritorious award category dang danga hlawthlingna chang hai inhlanna a nei a. Chun, Category dang danga Ist Divisioner hai pawisa sum le memento inhlan an ni bawk.

Freshers’ hai ta dinga tawngtai pekna le thuhril tawi Pastor le midang danga inthawkin ngaithlakna nei ani bawk.

Hi ni hin Hmar Welfare Directory hunsawt taka inthawka buoipuia um chu Dr C. Chonzik in tlangzarna a nei.

Fak le dawn hnienghnar taka buoisai ani bawk. Mipui Fekhawm hai chu, rimawi le Hnam lam le insukhlimna chidang dang umhai chun a suk hlim hle.

HSA thuoitu haiin hieng ang program puitlingtak a an huoihawt hi lawm an umin inpak an um takzet a, hmatieng pangah hieng ang hnam hmasawnna ding thil tamtak an hung thaw pei ei beiseina lientak a nih.

Source: Hmar Guwahati

Guwahati: Kum 2012 a Manipur Assembly election um pha a Tipaimukh constituency a ngir tum RIMS director hlui Dr Lallukhum Fimate chun Guwahati Hmar Welfare Society le Hmar Fellowship thuoitu hai Hotel Kiranshree, Paltan Bazar ah inpawltlangna a nei puia.

Ram le hnam ta dinga hmasawnnah thalem hmatieng ei dawng pei theina ding lampui ngaituotlang a nih. from Thanghlun Hmar

Gift Coupon Results as declared by the Guwahati Hmar Welfare Society on August 22, 2011.

1st Prize Ford Figo: Rev.H.Chungthang Thiek 55982
2nd Prize Pulsar 180 CC: Solomon Hmar 36607
3rd Prize Washing Machine: North East Motor 24284
3rd Prize Washing Machine: Deepanjali 14831
Consolation Micro Oven: Subhaji 25834
Consolation Micro Oven: Manoj Sandeep Jalan 21761
Consolation Micro Oven: Mary 32584
Consolation Micro Oven: North East Motor 25410
Consolation Micro Oven: North East Motor 24347
Consolation Micro Oven: Lalneihnieng Khobung 52224
Consolation Micro Oven: Debojit Bora 56041
Consolation Micro Oven: Thanghlun 55737
Consolation Micro Oven: CR Arjun 17480
Consolation Micro Oven: Sandeep CA 36053

Guwahati, Aug 23:  Hmar Students’ Association Freshers’ Social-cum-Welfare Meet was held here yesterday with much fanfare.

The prorgramme was a “success” according to sources who attended the event.

Among prominent local Hmar leaders, Pu David Neitham, APS and HSA general headquarters president Pu Lalthlamuon Hmar graced the occasion.

Entertainment items, speeches, prayers and feast marked the day’s event.   

PHOTOS FROM THE EVENT: Courtesy:- Virthli.com