TUITHRAPHAI, Nov 13, 2009(Lelte): Hun rei lo atang khan Mizo te hian Kristianna lo changa kum za vel chauh kan la hmuh laiin thil chhinchhiahthlak tam tak kan nei tain a langa, hmasawna leh thil thar chin dan tha lo tak tak kan nei lai in, thil tha tak tak pawh chin thar kan nei bawkin a lang.Chung zinga mi pakhat chu a chunga kan thailan Buonga's Archives khi a ni a.
Pu Buonglienkung hriat hlawh em em leh ngaihven hlawh,mi tamtak rilru la luah khat rengtu, a hlate vanga miin an la theihnghilh theih lo chuan nikum Nov. 3, 2008 khan he khawvel ah inhmu leh tawh lo turin kan lo \hen ta kha a ni a.Chu a thih cham Nov. 3, 2009 khan a chenna in Muolvaiphei, Churachandpur town atanga KM 2 vela a hlaah ama puala Blessed Choir tena an lo Vision angin Buonga's Archives chu Rs. 2,04,280 seng-a an lo sak chu Ropui takin Pu P.C. Lawmkunga, IAS, Principal Secretary, Govt. of Manipur chuan mipui hmuh theih leh a en duh apiang te tan en theih turin a hawng a. A mah vek hian thusawina neiin " Buonga hi a thi lovaa a mu a ni" a ti.
He mi ni hian Mizoram atangin Pu C.Lalrosang, Deputy Director General, AIR, DDK, North East Rigion leh, Goodwill Mission Network hruaitu Pu Rosiamlian Ralte,Pu P.C. Vanlalsawma leh Rev. Darchungnunga Retd Pastor te leh Pi Remi kum 80-a upa Kaifang atangin a rawn kal bawk a ni.
He mi ni hian Blessed Choir pu Buonga ho ten Cassette Audio album an lo siam thar chu Pu C. Lalrosang an a tlangzarh a. Thusawina neiin "Pu Buonga zofa tena kan chan hi a pawi a, tin amah hi Pathianin a hmang em em a, chuvangin Mizoram leh Manipur Zofate tan inkal pawh tawnna nasa takin kan neih thei phah niin a lang" a ti, Mipui teh Pu C. Lalrosanga thusawi leh Goodwill Mission hruaitute thusawi leh thil pek chuan an thinlung a khawih hle a ni.
Mipui kalkawm ten-a harsa an tih pakhat chu Buonga nupui leh fanau ten a hlaphuah ngei “Rinum khelah Malsawmna" tih hla an han sak zet chuan mipui te thinlung a hneh em em a, a rehin a reh thup mai a, Kalkhawmte chu Pu Bounga chhungte zai chuan a v>l vek a ni ber e.
Blessed choir te leh ICI Central Choir, Rongmei, Thadou unau te atangin zaipawl thiam tak tak pu Buonga lo kaihruai te pawhin Thiam takin Fakna hla an hlan a, He mi hunah hian Manipur hmun hrang hranga tangin mipui an kal khawm tha hnem hle a. Mahse, Publicity an tih tlem deuh vangin rawn kal duh tam takten a hun an lo hriat loh vangin mi an tlem phah deuh niin an lang.
He Archives buatsaihtu Blessed Choir te Secretary Emmanuel chuan Pu Buonglienkung a nupui Pi Laltlingzo hnenah Chahbi a hlan a. Tin, he inkhawm nuam tak leh Ropui tak chu Pu Keneth Lalhrietzinga’n kaihruai a, Nula Lalnuntluong chuan a kal dan phung thiam takin mipui hmaah a pho chhuak a, a thiam hle. Buatsaih dan a sawi zelnaah "Archives sak zawh a ni theih dan report a pekna ah chuan Engeneering, Pu Vanlalsung Zote in Blue print leh ampuina zarah mawi taka Design a nih thu leh, tun thleng ni 18 One day7 market buatsaih tawhin, kawng hrang hrang ngaihtuahin sum an zawnga chung te avangin he an Vision hi an tipuitling thei chauh a ni.Tin, mimal tlawmngai te pawn nasa takin an lo tanpui bawk a.hemi piah bakah an ni member ten an thiamna te leh an tha leh zung nasa taka an sen a vangin in a senso pawh hi a san loh phah hle nghe nghe a ni
Post a Comment
Comments not related to the news or article may be deleted.