Halloween party ideas 2015

NHRIETTIRNA
Dated: The 24th August, 2012
Aizawl
Subject: Hrietpui dinga ngenna
Hmar Students’ Association General Headquarters hmingin ditsakna chibai ka buk che, Dt. 28-07-2012 khan Hmar Students’ Association CEC Vawi 38 na chu Silchar ah nei ani a. Hi taka kan thurel dungzuiin kan Joint Hqrs. pakhat,Aizawl Joint Hqrs. thuoitu thenkhat chun  kan constitution(Dan) bawsiin Mizoram HSA inti in, kum bul ting anthawk khan pawl anin din a. Hi hi HSA constitution article 6 (ii) kal ani leiin Aizawl Joint Headquarters chu desolved a nih. Hi pawl Mizoram HSA inti hai hin, Hmar Students’ Association Logo, Constitution leh HSA nihna an hmang hi kan remti naw a. HSA Aizawl Joint Hqrs. in property a neih ang anghai- minute book, file, seal, letter head le adanghai chu Pu Lalrawngbawla Hrangchal, Public Relation Secretary, Gen. Headquarter kuoma August 20, 2012 hma ngeia pekir dinin inhriettir an ni bawk.

Hmar Students’ Association hai hi khawlai State bik thuhnuoia khom ei um naw a, Registered Office chu Rengkai ah a um, chun kan thuoitu hai hi vote hmanga thlang an ni a, State bik amani a inthlierna ei nei ngai nawk.Thuoitu nidingin tu el khawm HSA dan tha le indik a ti chun thlang thei an nih, tuta ei President leh General Secretary hai ngei khom hi Aizawla um an nih, Vice President Churachandpur a um niin Assistant Secretary leh Finance Secretary hai chu Shillong um an ni nawk. HSA General Hqrs. thuoitu hai hi hmun dang dang, state dang dang a um niin tu khom puotieng mi  ti theih kan um nawh.
Mizoram a hian Joint Headquarters Pathum a um a. Aizawl, Sinlung Hills leh Kolasib hai an nih. Tu hin Aizawl Joint Headquarters chu timchin um lovin thiet a ni a, thu nawk um hma chu a hnuoia mi hai kutah HSA Aizawl Joint Headquarters chu sie a nih.
Lalremsanga Biate (Convener),

1. Upa. Rohminglien

2. Lalramtana

3. Lalkhumsang

4. Andy Ngurkhum Pudaite

5. Zoremsiama

6. Upa Rochanhlu

7. Samuel Buhril.
Ram le Hnam tadinga inthahnemngaipui,
(Lalrawngbawla Hrangchal)
Secretary Public Relation
Hmar Students Association

August 24 2012 khan HSA Aizawl Jt, HQ dissolved a ni hnungin HSA Aizawl Jt HQ Interim thuoitu dinghai hieng a hnuoi a mi hai hih ruot an nih.

Inthuruolna lampui tha suol suok ding le ei hnam mawina hung phursuok ngei dingin thuoitu ruot thara um hai hi ditsakna insangtak ei inhlan zui nghal.

Lalremsanga Biate (Convener)

Members

1. Upa. Rohminglien, 2. Lalramtana, 3. Lalkhumsang 4. Andy Ngurkhum Pudaite 5. Zoremsiama 6. Upa Rochanhlu 7. Samuel Buhril.

By Pu L.Keivom, Inpui.com Columnist

Sinin, hrilin, sanin, thruoiin, Serve the nation: hnam rongbawl di’n. -Lalruotthang

Kum 1962-a Hmar Students’ Association General Assembly chu HSA pieng champha October 2 huom ngeia Sielmata hmang hman dingin kan insingsa mup mup a. Chuong laia HSA phurtu tak chu D.M.College-a kai laihai kan ni a, college pakhata Hmar hnathlak inchuk lai kan fuon khawm rawnna tak le tlang hrieta hming ser phak kan suok rawnna tak a nih. Chuong lai chun HSA chanchinbu thla kip suok Inchuklai Nun khom keini rawi enkolna hnuoia um a ni a, Editor chu kan pawla mi S. N.Ngurte a ni a, a hun takah a suok zat zat hlak a nih.

HSA hi kum 1939-a indin tah ni sien khom kum 1961 chen khan amain puonzar (flag) a la nei naw a, ieng khom inziek lo puon hlap, a rong hring hi puonzar lailawka hmangin kan khai hlak a. Kum 1962-a hmang hman ngei dinga puonzar buotsai dinga ti a ni a, a buotsaitu dingin an mi dànde a. College-a ka kai sung po po khan HSA pumpuia Secretary, Culture & Information ka ni tluon suok leiin HSA puonzar le emblem buotsai sin khom chu ka liengkoah an innghat ni takin ka hriet. Tu laia internet hmanga information mamaw ei dap khawm zung zung ang hin chuong lai huna chun thaw thei a la ni naw bakah HSA Constitution-a a pawl thil tum tawitea ziek a ni bak chu a motto ding le a emblem ding ieng khom siem fel a la um naw a. A motto siem fel zet naw hlak chun Emblem buotsai ngaina a um naw leiin mawphurna an mi pek kha hautak ve tak a nih.

Thaw dinga ka chunga mawphurna innghat a ni tah si, mi hang rawn ding ka hriet bok si naw leiin kan college laibrari-ah khawvel hmun dang danga mi thaw dan ka hmu thei ang ang le Manipura tlangmi hnam dang dang magazine insuoa an emblem hmanghai chu ka dap khawm a. Dit dan chieng tak ka nei a. A hmasa taka thrang ngei ngei ding le a laili tak hluotu dinga ka dit chu Hmar Arsi (Pole Star) a nih. Chu Hmar Arsi chu arasi dang ang ni lo, inson ngai lo, tien lai compass an hmu suok hma le hmu suok hnung khoma tuipuia lam inhmanghaiin panna tieng ding lampui kawkhmutu ringuma an hmang hlak a nih. Nunghak tlangval tam tak khomin hi arasi ringum le nghet hming sâl hin hmangaina biethu an thlung hlak a. September 25, 2008-a lo liem tah ka ruolpa Lalthanzau Pudaite khomin tienami, ‘Ei tiem Hmar Arsi’ ti ngainuomum deu el a ziek nghe nghe a, a hnungin Hmar Literature Society haiin an sukhmangpek a, inpâm a um kher el. Vangneithlak takin, kum 2010 khan a sangpa Vankham Pudaite-in a Mss a lo nei ti kan hmu suok a, chu chu Lalpienglien Pudaite le a nauhaiin computer-ah thunin August 2010 khan an mi hung thon a. Hmar trong le Lusei tronga bu khata sut dinga buotsai tum a ni laiin, a Mss ka zuk en leh a tawp tieng kha ziek zo lo, sentence laklaw laia tawp a ni a, ziek zo a ngai a. Hun inthawl deuah chik taka edit bakah ziek zo dinga ka sie kha tu chen hin bawzui hman loin ka la um a, a zie naw khop el.

Ei thupuia bok kir nawk inla. Dannarana arasi lim an ziek hi kil ngaa inki a ni hlak. Amiruokchu, chuong ang chu hmang nekin Davida Arsi (Star of David) an ti, kil ruk nei, triangle intie pahnih, a kil inchen vonga bel thuo ang chu hmang ka tum a nih. Hi hi Shield of David (Davida Phaw) ti a ni bok (Sam 18:30,35). Hi lim char hi Solomonin a hming namna suoiah (seal) a hung hmang leiin Seal of Solomon (Solomon Suoi) ti a ni bok a. Isu hung pieng laia Bethlehem chunga arasi mak hung inlang leh keikopin Star of Bethlehem (Bethlehem Arai) ti pawl an um bok. Kum 1948-a Israelhaiin Israel State thar an hung indin nawk khan an hnam puonzara a laili tak hluotuah an hung hmang nawk a. Isu Krista tlanna zara Pathien hnam thlang Israel tharhai chu ringtuhai ei ni lei le chu sakhuo zuitu Hmar hnathlakhai chu Israel thar ei hung ni tak leiin arasi kil ruk nei chu hmang lo thei loah ka ngai a nih.

Chun, chu arasi lim chu thil biel (circle) sungah um a ta, arasi sunga chun a pawl hming lamtawi ‘HSA’ ti chieng deua hawroppuia inchuon thrain ka hriet bok a. Chu kuol sunga arasi lim mi dangin an sie dan chu: hmar le sim tieng zawng, a chung le a hnuoi tieng laili takah arasi sir zumin a kuol hmawr ve ve a sun a, sak le thlang tieng ruok chu arasi zum pahniin a kuol hmawr ve ve an insuntir thung a nih. Sienkhom, chuong anga sie ve chun a sunga HSA sie ka tum hawrophai leh khan a kil rem fuk thei a ni naw a, a letling chara sie ruok chun a kil invuok rem dan (symmetrical order) a hung indik thlap thei a nih.

A laia sie ding Hmar Arsi lim le a sunga inchuon ding ka rem fel hnung chun, arasi lim chu inlir thei ke kuol sunga sie thrain ka hriet a. Chu hminga chun ‘Hmasawnna Kekuol’ (Wheel of Progress) ti inbuk thra dingin ka ngai a. Mihriemin mei a hmu suok hnunga hmasawnna sirbi a kai tung tak tak hun chu tawlailir ke (wheel) a hmu suoka inthok le a hmang dan chi hrang hrang a hung thiema inthok a nih. Chu chu a hmingah ‘lirkuol’ ti inla, a fûk el thei. Chu lirkuol le arasi inkara chun HSA pieng kum 1939 le HSA motto ziek thrain ka hriet a. Sienkhom a motto hang sie ding chu ieng khom siem a la ni si nawh. Institution hrang hrangin an thaw dan ka zong khawm a, abikin sikul le kawlez thra deuhai chu Roman Catholic ta an ni tlangpui bakah an motto khom Latin trong besana ser deu vong a nih. Ka thil hmuhai chu besana hmangin “SININ, HRILIN, SANIN, THRUOIIN” ti thupui hi ka hung duong suok tah a nih.

A umzie tlângpui chu hieng ang hin a nih: SININ= Inchuklaihai chun lekha inchukna sin nasa taka thawin, thiemna an hai suok ding a nih; HRILIN=Chuong thiemna le hmasawnna kong an hai suokhai chu an mipuihai hrilin an inchuktir ding a nih; SANIN= An hratna le theina po po hmangin ram le hnam sanin an inhmang ding a nih; THRUOIIN= Thiemna le varna an inchuk suokhai chu hmangin ram le hnam an keithruoi ding a nih. Chu motto chu lirkuol sungah voi tieng SININ, HRILIN, chang tieng SANIN, THRUOIIN ti ka sie a, a lu tieng Saptrongin, SERVE THE NATION ti le a mong tieng HSA pieng kum 1939 ka sie bok a. Chu lirkuol inkhumtu ding chun UNO flag-a mi, huit (wheat) buvui lim, fak le dawn tienga hmingilna le hnienghnarna inentirna (sign of prosperity) chu ka sie nawk a. Chu thruta chun HMAR STUDENTS’ ORGANISATION ti hawroppuiin ka sie a, HSA Emblem ruongam ding chu a hung suok tah a nih.

A ruongâm ding ka rel hnung chun geometry kan thaw chânga biel rinna dinga hmangruo kan hmang hlak, bân pahni nei (compasses) ka haw a, chu chu hmangin lekhapuonah ka ziek thlak phot a. Ruolhai kan entir a, thra an mi tipui seng a. Chu zoah bazarah ka fe a, lekhakhong (cardboard), a rong uk lien tawk tak ka’n chawk a, chu taka chun uluk deuin ka ziek thlak a, hawrop le a lim ker ngai po chu ngunthluk takin ka ker a. Ka thaw zo chun kan hostel-a inthoka minit nga lawn chauha hla Girls’ Hostel-a um Nk Lalring, a hnunga Rev. Hrilrokhum Thriek nuhmei hung ni tah kuomah ka fe a, flag-a hmang ding puon hlap, a rong hring kan inchawka HSA Emblem thar ka ziek thlak chu ka dizain anga tlawmngaia kuta lo thruichei dingin ka pêk a. Arasi lim kha rong vara thrui ding a ni a, a sunga HSA inziek chu rong sena thrui ding a nih. A dang a lim le hawropa ziek po po chu a var vonga thrui ding a ni bok.

HSA puonzar dinga rong hring thlang a nina san chu HSA member-hai chu thudik le ram le hnam trana hring zing tina a ni bâkah an chèngna tlangram hring dum dur inentirna a ni bok. HSA Emblem-a Hmar Arsi (Pole Star) chun HSA chu ringum taka ram le hnam keithruoitu le lampui kawkhmutu ding pawl a nizie dam, arasi kil ruk nei a nina chun a memberhai chu Isu Krista ringna leia thuthlung nau, Pathien hnam thlang, Israel thar an nina dam le rong vâra arasi lim ziek chun thienghlimna le mi tin elvartu ding an nizie a’n entir a. Rong sena a laia HSA ziek chun ram le hnam ta dinga thisen far kang rawt khopa a tawp chena mani theina po po hmang dinga inpumpekna an entir bok a nih. A motto, SININ, HRILIN, SANIN, THRUOIIN ti hin HSA memberhai thaw dinga bituk le mawphurna an hlen ngei ding chu a hril a. Tawlailir ke, lirkuol, Hmasawnna Kekuol (Wheel of Progress) chun kal pêna hma tieng sawn pei ding pawl a nizie le a kekuol tuomtu huit buvui chun fak le dawn tienga hmuingilna le hnienghnarna a’n entir bok a nih.

A hnung daia ka hang ngaituo lèt chângin, iengtin am HSA Emblem hi ka lo dizain suok thei a ni aw! ti hi keima le keima zawna ka’n don rop hlak chu a nih. Khang hun laia D.M.College-a kaihai kha a tlangpuiin Imphal phairuom khêl la dak phak lo, rêl (train) lu takngiel khom la hmu lo deu vong kan nih. Lekhabu thra inchawkna ding dawr a la um naw a (tu chen khom hin a la um chuong nawh), um khom ni sien, inchawkna ding sum kan nei tawl bok nawh. College laibrari kha kan innghatna um sun a ni a, lekhabu hlui, thring tak tak a tam a, lekhabu thar ruok chu hmu ding a um naw tluk a nih. Hrietna hang zauhna dingin television a la um naw a, Shillong/Gauhati-a inthoka an hung insuo All India Radio-a Mizo prokram zan dar 8-a suok hlak chu boruoka inthoka thu le hla kan dong thei um sun a nih. Vuongnain Calcutta inthoka Saptronga chanchinbu suok Hindusthan Standard, Amrita Bazar Patrika le Statesman hai hi a hung phur hlak a, a tûkah vangnei chun College laibrari-ah kan tiem phâk trawk a. Kar tin suok, Bombay-a inthoka Karanjia rawia an insuo Blitz, masala le maru marang inthak le inhmui deu tak tak an pol hlak chu kan khûkpui nasa thei hle.

Chu khawvela chêng chu kan la ni leiin kan text book bak kha chu hriet kan nei tlawm êm êm. Chu ngirhmuna intâl ni sia HSA Emblem, umzie inril tak nei ka lo hang duong suok el dam hi a hnungin mak ka ti hlak a. Tu hin hang duong nawk ding ni lang, hieng ang hin ka duong suok phak teuh teuh ka ring ta nawh. Ieng leia Hmar Arsi aiawa Star of David kher kher dam hi ka lo hmang am ning a ta? Chuong ang thil chu ka ngaituonaah a chêng phak ta’m a ni ding maw? Chuong anga ka thilthaw, ka thaw laia a umzie ka man phak chie loa ka hriet, a hnunga inril lema a umzie ka hung hriet suok chauh leia mak ka ti êm êm iemani zat zet a um. Mi dang khomin hi thil hi an tuok ve hlak tho ka ring. Pastor Thangngurin, “Ka hma khalin hnuoi tieng a mi lo dom” a ti ang khan, chu huna chun a nih, ka hriet loa keimaa sinthaw, mi keithruoitu a lo um ngei a nih ti ka hung hriet suok chauh hlak chuh. Chuong ka tonhriethai laia entirna pakhat chu HSA Emblem ka dizain hi a nih.

Tlawmngaiin Nk. Laringin flag puon ding kan peka chun HSA Emblem thar lim chu ngun tak le thiem takin a hung thrui a, inkhawmpui hmain a zo hman hràm a, Churachandpur tieng hlim takin kan phur tung tah a nih. October 2, 1962 tuk, HSA piengcham voi 23 ni chun favang khaw thieng innui ver ver hnuoiah HSA puonzar thar hi zârin, inkhawmpui ropui chu hlim takin kan tran tah a nih. Ka hriet suol a ni naw chun, ka emblem duong le Lalring le kan flag buotsai kha Assembly khan a pom le pom naw thu le a umzie hril tlangna khom um loin ei hmang song el ni awm a nih.

Hi truma Assembly sung ngeia dramaa insuo hman ding tiin kum nga liem tah 1957/58 a ka tienami ziek SANGI LE THANGSIEM chu lemchang ruongin ka hriet suok thei po chu hmawsarumin ka ziek suok a. Voi khat char kan inchang sin hman a, huoisen takin kan thaw ve top el a nih. Sangi-a chang chu Thangkhawl (T,Kholly), Thangsiema chang chu keima kan nih. Commentator-ah Lalzar B.Sinate a thrang a, Saptrong ngatin a thaw a nih. Hi hi HSA General Assembly le inkhawmpui dang hrim hrima drama inchangna hmasa tak a nih. Hi tienami hi ka tienami ziek hmasa tak a ni a, ka ruolpa Khamlienin a haw a, Kangreng tieng a chawi thlak a, an sukhmang tah a nih. Ka kutsuok thil inhmang laia ka thil inro pawl tak a nih.

Hi truma kan drama inchanga hin Dari khom Sangi nu-ah a chang ve a. Chu truma kan inman chu kan inman det fu ning a tih, tu chen hin kan la sunzom tah zing a nih. Kum 1962 kha ka nuna mellung poimaw iemani zat, abikin thu le hla tieng ka phunna kum a ni ve a, chuonghai laia muol ka liem hnung khoma, hnama ei hung damkhawsuok ve ngai a ni chun, ram le hnam ta dinga ka kutsuok ka maksan laia ka sàkhi (witness) a ngir rop dinga ka ngai ve laia pakhat chu HSA Emblem hi a nih.

(*June 25, 2008; Revised August 25, 2012 Delhi)

By John L. Zote

Guwahati, August 21, 2012: HSA Guwahati Joint Headquarter chun August 20, 2012 khan hlim le inhawi titak in Freshers’ Social anlo hmangzo tah. Hi hun a hin Pu Thanghlun Hmar, IRS (Chairman, Hmar Welfare Society, Guwahati le HSA Advisor) Chief Guest a nih. Programme phuisuitak le ropuitak a hmangzo a nih. Miss le Mr Freshers’ khawm thlangna nei a nih. Fashion parade le insukhlimna chi dang dang a um bawk.

Chief Guest Pu Thanghlun Hmar IRS chun inchuklai hai “taimakna le “tumruna” nei a pawimaw zie subject a hmagin thu hrilna a nei.

Mr Fresher 2012 a dingin Tv. Issac Lalmalsawm thlang a ni a. Miss Fresher 2012 a dingin Ms. Mary Songate thlang ani bawk.

Inchuklai hai chun Tv John Sellete, Nk Ruth Chonzik le Nk Mawi Tusing hai inrawinain Fashion Parade – Hnam puon chi dang dang suklangna an nei.

Hi fashion show a hin lawmman siem a ni a, best model award Pasal tienga Tv Lallukhum Neitham inhlan ani a, nuhmei tiengah Ms Christy Hluothangpui Hmar inhlan ani bawk. Hi lawmman sponser tu hai chu Ms Chawngparmawi Neitham le Ms Jezreel Lalditpui Hmar hai an nih.

HSA Jt,Hqrs chun meritorious award category dang danga hlawthlingna chang hai inhlanna a nei a. Chun, Category dang danga Ist Divisioner hai pawisa sum le memento inhlan an ni bawk.

Freshers’ hai ta dinga tawngtai pekna le thuhril tawi Pastor le midang danga inthawkin ngaithlakna nei ani bawk.

Hi ni hin Hmar Welfare Directory hunsawt taka inthawka buoipuia um chu Dr C. Chonzik in tlangzarna a nei.

Fak le dawn hnienghnar taka buoisai ani bawk. Mipui Fekhawm hai chu, rimawi le Hnam lam le insukhlimna chidang dang umhai chun a suk hlim hle.

HSA thuoitu haiin hieng ang program puitlingtak a an huoihawt hi lawm an umin inpak an um takzet a, hmatieng pangah hieng ang hnam hmasawnna ding thil tamtak an hung thaw pei ei beiseina lientak a nih.

Source: Hmar Guwahati

North East Support Centre and Helpline Team has been receiving calls from different people in Delhi that some North East people were killed in different part of Delhi last night. NE Helpline Team has checked with Delhi Police, Media and friends and none of them is confirmed.

Now invisible communal forces are once again trying to mislead the nation by such rumour again and it must be stopped immediately.

We appeal to all sections of society, particularly to the people from North East India that any information that may be passed to you by any means, please confirmed it first by calling Police Helpline No 100, from your community and student leaders. Unconfirmed information will fuel the rumour.

We appeal to Delhi Police to arrange special patrolling in North East Indian dominated areas like Murnika, Mukherjee Nagar, Moti Bagh, Khanpur, Safdarjung Enclave, Defence Colony, Gandhi Vihar, Nehru Vihar, Vijay Nagar, Double Storey, Delhi University Campus, JNU Campus and Sikanderpur in Gurgaon.

For further clarification, the North East Support Centre and Helpline Team can be contacted at 9774303076, 9968291645, 9811535563 Madhu Chandra Spokesperson, NESC&H

Mizoram HSA haiin an Press Release a ring naw tieng deiin SIPHRO chu an buoinaa an kei lut a nih ti kan hmuin pawi kan ti hle. In buoinaa hin SIPHRO kan lo inrawl ngai naw a, in rawl naw bawk kan tih; a tulin kan hriet nawh.

Amiruokchu, bang ah SIPHRO hming in tat rang ta ro ro a kan tawnhriet hai chu hril lo theilo niin ka hriet leiin hrilfiena ni malamin thil umdan ka hung hril ve a nih. SIPHRO chun “Development, Rights, Land and Resources” (Dam Context-ah) chungchanga Sinlung Hills (Mizoram) a inhril hriet a hma lak dingin chu sin chu liengko a innghatin ei pen tan naa, HSA Aizawl Jt Hqrs an ti ang bawkin HSA Sinlung Hills Jt Hqrs alo um ve leiin a biel sunga hotu hai chu hma mi la pui dingin kan ngenna. Chu dungzuiin an inhman le inhman naw thu hril loin a thei theiin an mi tawi awm alo nih. A biel sung a HSA hai le kan lo inthlawp leiin SIPHRO thawsuolna a umin ka hriet nawh. Amiruokchu, HSA thuoitu inti hai hin HSA inthuoi dan le inzawmin “democratic decentralisation” umzie hi chu in la hriet thiem tawl naw niin ka hriet; hieng hin ei inti pei ding ani chun. HSA Sinlung Hills thuoitu kan zinpui hai chu Tv Lalringum Riengsete, Pu Ropieng (Vairengte), Pu Zohuol (Suongpuilawn), Pu Henry, Tv Mahriet, le Tv Ruotsang (Sakawrdai) hai an nih. Ruo hnuoia ke ngawtin kan inzin a, an thaw chi rak nawh. Sinlung Hills a khuo hai chu kan fang kim deu vawng tho.

Biel kan fang zoin, biel fang ringawt niloin “practical” deu thil thaw ei tiu an ti tawl leiin Aizawl a protest rally nei ei hung rawt taa. Chu program ding le inzawmin Pu JC (Aizawl) chu vawi tamtak ka phone a; ka phone a pick up ngai naw a; a pick up phat leh a buoi thu ami hril a. Khang lai khan exam answer paper an check buoi thu ami hril niin ka hriet; kan inhmu thei hlawl nawh. Rally zoin kan inhmu thei chauh. HSA President lo ni hlak Pu Hrata (famtah) chu ka biek a, buoina alo nei ve a; i buoi naw phat inhmu ei tih ka tia. Ni khat chu rally tawm deu khan Pu Hrata le Pu Darrosang hai chu Loisbet dawra kan inhmu ta a,“Kan thei dan danin hma lo lang kan tih” an ti a. Hnampuol inchuklai thuoitu hai fielna lekha khawm an niin an sem nghe nghe.

Chuong lai zing chun, Rally hlawtlingna ding chun Sinlung Hills le Kolasib a inthawk Aizawl a Hmar inchuklai hai inhmupui chu Sinlung Hills tienga HSA thuoitu haiin an rawt leiin kan inhmupui hrim a. Vawi hnih neka tam kan inhmupui tawl. Sawkawrdai Students' Association ti dam kha an lo um ve a; Hmarphei Students' inti le a sunga a dang dang kha an lo um nuol a. Ka ring nekin ka buoi pha hle; an nawi tha em a. Zau deu le lien deu a ei issues hai ei khekpui tum zing lai khan ziektu VS Naipaul in indona sunga indona chite te aum alo ti ang deu khan ei hriet ngai thak lo hai khan hmun an lo inchu ve seng kha alo nih; a khawhnung a ka hmu fie ve chauh. Inkhaw tak alo nih.

Chu cho chu niloin, Nk Zovi, Thingdawla HSA thuoitu chu Glenary's (Chanmari) a coffee leh ramdang bei hming phuok fain rally hlawtling dan ding kan ngaituo nawk a. Motor pathum bek leh Thingdawl tienga hai chu a hung thuoi thei ding ani thu ami hril a; ka lawm khawpel a. A tawpah Nk Zovi chun Thingdawl YMA hai lo hriet dingin rally chungchang chu Central YMA a inthawk fielna lekha hung la thei la ami ti a, ka thei zawng kha alo ni naw a; anni khawm chu rally a an hung thei ta naw vawng alo ni kha tie.

Rally le inzawm khan chu HSA Aizawl am, Kolasib am, Sinlung Hills am ti kha ka lo ngaituo ngai naw reng reng. Rally banner a khawm Sinlung Peoples' Collective ti ani kha. Rally a khan tu hai am an tam, tu hai am an tlawm ti khawm ka hriet chuong nawh. Ei thaw tlang anel! Chu po chu ani hrim.

Anachu thudik hril ka tih, Aizawl Rally a khan Pu JC Tlangthansiama (Aizawl) annawleh Tv Rothanglien hai chu an taksa leh an hung thang thak nawh; an buoi ve ve. Rothanglien chu naupangte kan ni a inthawk Happy Heart Sikula kan lo kai khawm a. Khawvel a HSA um naw sienla khawm kan in pawl pangaiin kan in pawl tho ding ana; kan lo inpawl leiin hotu inti haiin a kawi thei dan po poin in mi lo lak kawi ani chun lamkawi chu a tluon thei ta ngai nawh ti hre ding khawpin khawvel chu ka lo hmu ve tah; in mi thuoi kawi tum ani chun hlawtling chuong naw ti niu.

Thudik hril nawk ka ti cheu; hotu inti tlawmte hai hi in inhmu thiem tawl nawh. Chuleia kar a keu a nih; chu leia mipui lai in puon bal insawp a nih; chu leia SIPHRO dam in hril kai a nih; chuleia a biel biela inthe in rawt a nih. Ka hlawk na ding chite khawm aum naw a chu ei ram ei hnam le ei mipui hai in suk muolpho a nih ti bek chu lo hre ro! In inrem thei naw leh mihriem inrem thei ei tam taluo; ei inrem el ding a nih. A tul tak bawk. Thuoitu tlawmte inthuhmu thei lo leia hnam a buoi ding an naw reng reng. Inzak ro. Nachang bek hre tawl ro. Inrem nachang le inthuruol nachang bek hrein ei pawl pui hi inthuoi thei naw chun ei ram ei hnam thuoi dingin Baal hmaa la kun ngailo ngawt hung inthlar ve ta raw hai se. An tam taluo! Tlawmte buoi leiin a hnamin in mi kawp kai vawng ding ani nawh. Ei buoi dan hai kuhi ei ngirhmun le khawm eiin hme ta le. Thlierkar lungril put zing pumin mitdel sai themin ei hun pawimaw tak hi ei la them pei ding ani chun Pathien khawmin hun remchang mi siem pek thei naw nih.

Aizawl rally zo khan HSA Aizawl election in a zui a; tul lo deuin Rally kha election agenda pakhat a in hung sie zui nawk a. Inthlang tawm khan line-up in siem tawl a nih ti khawm ka hriet. Tu hi tum ana ti khawm ka hriet tawl naw cheu; a tul tul in thaw el bakah in thaw dan pangngai bawkin thaw ning a tih ka lo ti el a. Amiruokchu, inthlangna hall sung a (Chanmari YMA Hall) khan ka hming khawm vawi sari neka tam an lam a nih an ta; a tul ka ti naw khawpel. Kha inthlang a khan tu ta ding khawm ka thang bik nawh. In buoi naa in mi kei lut ringawt hi chu iengtik lai khawm inphal ngai naw reng reng ka tih. In buoi naa thang der loin dam lem bawk ka tih. Ka thu hriet danin kha tuma inthlang khawm khan Council pawl versus HSA Gen Hqrs a nih an la ti deu deu. Ka lo inzak el.

HSA (Aizawl Jt Hqrs) hai khan Pu Samuel Hrangate a inah uisa thlaithleng an mi buotsai pek a, ka lawm. Kha ni khawm khan thil umdan ka hrilfie ka sawn a; hun in alo nawt bo hman rek am an ta ding; A fie rek tanaw bak a! In buoinaa SIPHRO hming hi chu lunginsiettakin hung hril ri/ ziek lang ta ngai naw ro.

Ngaidan le Ngenna:

* HSA buoina hi hotu inti hai mi tlawmte buoina niin ka hmu. Inhmu ro, in chibai ro, inbie ro, rel fel thei a nih.

* Ram le hnam hmingin ram le hnam kei dar naw ro.

* Mi tlawmte, hotu, buoina leiin kum sawm, kum zakhat dei buoina lien lem in intlun thei a nih ti hrein pielral a rel fel dingin hla naw ro.

* Mi thiem, mi fel, mi tlawmngai vawng in nih, thangruol inla hnam thuoi ro; ei nasa ding annawm.

* In buoina hi mipui lo hre phak ve hai hin chu tha an ti nawh, tul an ti naw bawk; thuoihruoi ding zawng zawng naw ro in rel fel hma chu.

* Nang ni leiin a ram, a hnamin Hmar hai hi chu ei va nep lawm lawm an ti zing an tah.

Sd/-

David Buhril

Chairman

Sinlung Indigenous Peoples Human Rights Organisation (SIPHRO)

25th August 2012

Samaj Sadan Sector-IV, R.K.Puram
New Delhi-22

FIRST SESSION
12:00 Noon

Compères: Nk. Melody Varte & Tv.Chanchinmawi Faiheng

Mipui Hlasak: “Aw kan Hmarram”
Hun hawng tawngtaina: Upa Lalsiemlien Pulamte, Chairman HCFD
Lawmlutna Thucha: Pu James P Sanate, President, HSA Jt. Hqrs. Delhi
Malzai:
Hmeltharhai lawmlutna:
Tv. Zonunmawia Pachuau & Nk. Grace Lalthlawnpek
Hmeltharhai tawngtaipekna: Pastor Lalsiesang Zote
Cultural Show: HSA Cultural Troupe
Infuina Thucha: Pu Hrangthangvung
Special Award Semna
Meritorious Award:
Esther Lalsanhim, Education Secretary, HSA Delhi
Short Speech:
1. DHWA
2. Rothanglien Khawbung, General Secretary, HSA Gen. Hqrs.
Ruoi Inhlanna: Rev. Ramchuoilo Varte


SECOND SESSION
Compères: Elizabeth Sungte & Joseph Lalramlien
Malzai: Mr. & Miss Fresher Thlangna
Tuoni le Neilal: Glee Version
ATM Group
Hla Ruoi
Hun khar tawngtaina: Pu Timothy Sakum

By Pu L.Keivom*, Inpui.com Columnist

He has made me his target. -Job (16:12)

June 1, 2012-a inthok khan Baibul (Delhi Version-2007) ennon sin ka tran a, tluong taka ka thaw thei chun December 2012 a zo hman ka tum a nih. Chu ka ‘target’ zo thei ding chun ni danga zing nisa suok ruol, dar 7 vela sin ka thaw tran anga ka thaw chun thil thei lo a ni naw khomin thil harsa tawp ding a ni leiin, zing dar 5-a tran a trûl a. Delhi tlanga zing dar 5 chu Churachandpur-a zing dar 3 ang a ni a, inhma tak a nih. Tuta Delhi Version hi phêk 1700 chuong hret, thumal 8,65,754 umna a ni a, ennon zoa references le footnotes sie vong pha chu phêk 1800 chuong ni dinga hisâp a nih. Thla sari sŭnga zo ding chun ni tin a tlawm takah phek 10 bek zo a ngai. A khikhawkna chu, a chânga fe pur pur thei hun a um a, thu mal khat amanih sentence khat chaua hun sawt tak ei intăng tlat chang a um bok. Chuong laia pakhat chu ei bi ding a nih.

Tumtăr

Hi thu mal hi tiemtu threnkhat chun an hmu charin mak tiin a umzie ngaituo nghal mei an tih. Tiemtu threnkhat ruok chun a umzie hre naw hai sien khom bengkhon loin tiem liem an ta, thil dîlsût nuomna le peina (curiosity) an nei naw leiin an bu fak tui dawn inhnikna khak buoi chuong naw nih. Chu chu thil chîk mi le dîlsût mi le mi naw khawvel indanglamna chu a nih. A tlângpuia ka hmu dan chun, a tam lem hi a hmasa nêkin a nuhnung pawla mi ei nih.

Saptrong hin khawvel a rŭn nasa leiin, hnam tin hin ei tronga Saptrong chekpol hi ngaiah ei nei a, a Saptrong chie ei hmang naw khoma “I hriet—blah blah blah” ti bêka sentence tin ei khàr naw chun seramu ei thŭr ta nawh. Ka darling chen khoma a hmang ka hriet zeuh zeuh tlat! Kei ruok chu hmang ka la’n sŭm hrăm hrâm. Hriet naw kâra ka lo hmang palh chăng khom a um el thei..I hriet!

Ho angreng, ho teu si lo chu, mani trong ang hiela ei hmang tah thu mal inlet hang harsatzie hi a nih. Saptrong hre nuol tah, i bula nupui ruol khah, “It’s not fair” ti hi mani trongin hang inlettir la, zaa za deuthaw-in, “A fair nawh” tiin inlet an ta, Saptrong thu mal an hmang ti khom ngaituo kher naw ni hai. Nupui pawl an inkhawm a, inkhawm thruoitu zawna indon chu, “August thlaa ei mission field-a ding target ei fulfil am?” ti dam a ni nuom khop el. August, mission field, target’ le fulfil ti dam chu eini trong tuolleng ang hiela ei ngai le hmang a ni ta a, ei tronga inlet trŭl khomin ei ngai ta nawh. Chu chu tuta truma ei thupui thruoitu chu a nih.

Ka Baibul ennon fe peiin Joba 16:12 ka hung tlung a. Tuta hmang laia “Ama chun a mi thlŭr bing a” tia a thu kawk tum anga inlet hi Saptronga Baibul threnkhata chun, “He has made me his target” (NIV) “Set me up for his mark (KJV), “He set me up as his target” (NRSV, NEB, ESV) tiin an sie a. Chu chu BSI (2005) le BFW suta chun, “Ama inchikna dinga chun a mi sie ta bawk a” tiin an sie ve ve a. Mizo Tronga mi, BSI sut (2005), tu lai tronga inleta chun, a umzie tak ni dinga an ngai angin, “A chhia zawng zawng min bûrbun ta” tiin an inlet daih thung bok a nih. Baibul chàng inang ni si, a kawk tum khom thuhmun vong bok sì, inlet dan hieng lawma a danglam el hi, bawk doma ngaituo tham chu a ni hrim hrim.

Kum 2005 April-a Joba lekhabu ka’n let laiin hi lai thu hi ka buon hrep ta a. Hi thu hi Joba hril, Elifaz thukhawchang a donna a nih. Joba chun a tuorna po po chu a chunga Pathien kut thlàkna niin a ngai a, mit khap kar khom inthla loa enthla a, ama chu bitum le thlur bing ngat ngatah a ngai a, chu chu Saptronga an inlet dan umzie tak chu a nih. Hi taka a thu chabi chu ‘target-a hmang’ ti a nih. An leh, Saptrong thiem naw khoma mani trong anga ei hmang el tah ‘target’ chu iengtin am inlet ta’ng ei ta?

Khâ hmâ le tu chen khoma ‘target’ ei inlet dan tlangpui chu ‘inthemthiemnaa ei thil sai le kap fuk tum, inthemthiemna, ei thil tum chin hrim hrim’ ti a ni ka ring. Sipaihai chun silai kâp thiem an inchŭknaah an kăp ding thil an tăr a, chu chu kăp fûk tumin an sai a, an kap fŭk tum tak, an thil tăr chu a nih ‘target’ an ti chuh. Chuonga an thil tăr, kap fûk tuma an inelna chu ‘inthemthiemna’ ti a ni a, inthemthiemna chu target tìna a ni nawh.

A hmaa ei tar lang tah Joba 16:12 kha 2006 khan lo chai hrep tah lang khom, tuta truma ka hang bi nawk hin a thu umzie ringot ni loa ‘target’ ti tlukpui thu mal hmang ngeia inlet chu trûlin ka hriet a. Ka dap ngiela chu a tlukpui le kawk chie eini trongah a um naw leiin ‘tumtăr’ ti hmang thrain ka ring a. Chu thu mal thar chu a hrilfiena angin hieng hin footnote-ah ka sie a: “‘Tumtăr’ chu Saptronga ‘target’ an ti, inthemthiemnaa kăp, per, dĕng le khâw fûk dinga inchikna an tăr hi a nih. Thil tum, tlung le hlen ngei dinga ruot le sie tina khom a nih” tiin. Saptronga a kawk inangpui, tekhinna (metaphor) anga an hmang chu ‘goal’ (gawl) a ni a, chu chu ‘tiem, tum, tum-ram’ tina a nih. Futbawl an khèl phaa an tum tak chu gawl-a pĕt lût a nih. Kum tin bu phur 300 nei ei tum leia chu dinga thrang la dinga ei intiem kha ei target le ei goal, ei tumtàr hlen ei tum lei a nih. Chu chu kum iemani zat liem taa ka trongkam ser ‘hmathlir’ leh inzomna an nei a, sienkhom ‘tumtăr’ chu ‘hmathlir’ tìna a ni nawh.

Ei thil thaw tum, thaw le hlen ngei dinga ei hmaa ei sie le tăr, ei bitum ding ‘tumtàr’ (target) hi threnkhat chun ‘pholêng’ leh umzie thuhmun an sawn a, sienkhom a ni nawh. ‘Pholêng’ chu bil an kam chănga a chim le a chim naw hrietna dinga thinglera inchikna an tàr, dannarain thingpek vàr a nih. Chu thingphèk chu thinglèrah an khit de a, bil leh hruiin an thlung mat a, bil kha a chim pha leh pholeng kha a kei thlak a, rala inthoka an hmu ta naw pha leh bil a chim tah ti an hriet a, vè dingin an fe hlak a nih. Hringnuna entirna amanih tekhinna (metaphor) anga an hmang phâ leh hma tienga beiseina mi lo hmuoktu ding hrilna a nih. Buonglienkung hlaa, “Beiseina pholêng mi târpêk la, zui pei ka ti che” a ti ang kha a nih.

‘Tăr’le thu mal dang keikopin trongkam thar tam tak ser thei a nih. Chuong laia ka trongkam ser pakhat chu ‘tărlăr’ (advertise) le ‘tărlărna’ (advertisement) a nih. Chîk taka i bì chun Saptronga mi nêkin lam a olsam lem bakah a umzie a fie lem bok. Hmar tronga ka lekha zieknaah voi iemani zât zet ka hmang taa chuh a ûksak ei um naw amani ding, tu khomin an hmang zui ka la hriet nawh. Mizo tronga ka lekha zieknaa ka hmang chu ni sien a hlutzie man nghal an ta, a ram phêkin tu hin chu hmang tang an tih. Kum 1980-a Arabian Notebook-a trong thar ka ser suok, ‘biekzin’ (pilgrimage, pilgrim) chu Inchuklai Nun-ah a hung suok a, tu chen hin u ve au ve ti ka la hriet nawh. Chu artikul chu kum iemani zat hnungah Mizo-Lusei trongin ‘Meichher’ ah a hung suok a, thla sawt naw te sungin Mizoram a fang suok a, chu trongkam chu lekhabu hminga hmang khom mi iemani zat an um tah. Eini laia lekha ziek chu mithi khuoa tlanginsam ang a nih.

Trongkam ser dan

Tronga hma ei sawn ding chun hrietna le ngaituonaa hma ei sawn a ngai. Hma ei sawn ruolin thil thar hrilna ding trongkam ei ser thar pei a ngai bok. Mihriemin hma ei sawn ang peiin ei thil hril khom a chieng deu deu a, a chieng ding chun trong hmangraw thar chieng lem le fie lem ei nei le hmang pei a ngai. Kha hmaa hlatzie inkhinaa ei nei, chawhma lam, ni khat lam, ni thum lam ti vêl kha a kilometer zawngin chieng takin ei hril ta a. Vairik, sunchang, vaimim tui suong hun, unau hmelhai, leng hnot suok arkhuong, khuontevik ei tihai kha a darkar biin ei hril lem tah. Chuong ang bokin thil danghai khom. Thil thar a um pha a hrilna ding trongkam thar a pieng naw thei nawh. Chu hrilna dinga trongkam thar ei ser chu mumal nei taka ser a poimaw khop el. Trong hi hnam darthlalang a ni leiin a trong neitu zie le kalchar a put ding a nih.

Ei trong hi thu mal tin umze nei (monosyllabic) le ziek dan inang khom ei lam rik dan zira umze hrang hrang nei (phonetic) trong a ni a. Trong dang, entirnan Indo-Europeon trong hi thu mal tinin umzie nei loa thu mal inbel khawma umze nei chauh (polysyllabic) trong a ni a. Trong ze inang (monosyllabic) a inthoka trongkam ei haw chun thu mal hrang hrang siemna dingin hmangraw trangkai a ni thei a; polysyllabic tronga inthoka ei haw a ni ruok chun ei haw băk trongkam dang a pieng thei nawh. Kong danga hril chun, ei trong ze inangpuia inthoka trongkam ei lak chun tê a hring treuh thei a, polysyllabic tronga inthoka ei lak a ni ruok chun chî a thla thei nawh. Chuleiin, trongkam thar ei ser ding hrim hrim chun ei trong zie ang put trongkam amanih thu mal ei hmang a ngai. Ei ta dinga trong ching Saptrong dam hi ei lak lut treuh chun polysyllabic trong a ni leiin ei trong zie damten chĭm dal a ta, a tawpah chĭm hlum a ta, a chǐm hlum der naw khoma trong ze dang daih hung suok a tih. Tu ngei khoma ei trong nasa taka chokchawrawitu chu Saptrong Baibul King James Version thlêka Lusei tronga an inlet, a ngiel a ngana ei lo inlet sawng hi a nih. Hi Baibul hi ei thlarau sandamna dinga ei trangpui a ni khomin ei trong phŭmna ding thlăn chotu a ni a, a mi sop hnè khop el. Chu chu hre thei lo le hmu thei loa ei um zing chun, inngaituo chieng a hun ta khop el.

Delhi Version inlet kan tran hlim khan Baibul her hongna dinga a thu chabi poimaw zuolhai ei nei le nei naw kan dap hmasa a. A hmasa takin, ‘worship’ ti hi ei nei naw phot a. A aiah ‘chibai bûk’ ti dam an lo hmang mei mei a. Ei hang sui chieng hlak chun Chinese tronga thlarau an biekna trongkam ‘lîbai’ tia hung suok niin a’n lang bakah ei thiempuhaiin ramhuoi an lo biekna trongkam a na, Pathien bieknaa hmang ding chun a fûk thei nawh. Chuleiin, trongkam thar ser thrain kan hriet a, Pathien chawimawia biek a ni leiin ‘chawibiek’ ti hih hmang a ni a. A tir chun ei inkhawr hle a, tu ruok hin chu Delhi tlanga chun sŭngpui nau nina ngirhmun a chang tah a nih. Chuong ang bokin nunghak thienglâm (virgin) ti hai, lemder/lemderna (hypocrisy), biekzin (pilgrimage) ti le a dang dang ei mamaw ang peia ser an ni bok.

Chuonga kan tran laia thu mal hmang dinga ka dit naw le indik loa ka hriet chu ‘inthâwi/inthâwina’ ti hi a nih. Judahai khan an Pathien Jehova an biek a, ran le bu le bal a kuomah an inhlàn a, sienkhom an inthâwi ngai nawh. ‘Inthâwi’ hlak chu Kanan mi hnam hrang hrang, pathien dang le milim be mihai an nih. Ei pi le puhai khom ramhuoi kuomah an lo inthăwi hlak a, sienkhom Pathien kuoma ruok chu an inthawi ngai naw a, lawmthu hrilna le dawvankaina an nei hlak chu inthawi ti loin ‘sakhawhmang’ an tih. Pathien kuoma hlànbiekna hi inthawina a ni naw leiin hi trongkam hi peihawna a dang, indik lem hmang ka rot a. Sienkhom, miin mak an ti talaw ding vêngna leiin, a hmaa an lo hmang hlak ‘inthâwi’ ti trongkam hi rin deuin ka hmang zui a. A hnung peiah, hieng ang trongkam indik lo ei hmang hin a hmangtuhai nunah, an hriet loin kakhawk trium tak a nei hlak thu le chu chu ei kristien nuna ngei khom hmu ding a tamzie ka hung hriet suok pei chun Pathien tak le inzoma ‘inthawi’ ti trongkam hmang chu thieng loa ngaina ka hung nei nghet a. Chuleiin, tuta ennon sin thaw mêka hin ‘inthâwi’ ti hi Pathien le inzom thil a ni chun ‘hlànbiek’ tia thlak vong a ni ta a, an kawl vela chêng Kanan mihai le hnam dang dangin an milim pathien an biekna le inzom chauin ‘inthâwi’ ti trongkam hi hmang a ni tah.

Trong sukhmasawn le sukphuisui thua enton tlak nia ka hriet chu kum 1898 laia an indin tah Royal Institute of Thailand (RIT) hi a nih. Thai trong indik taka an ngai, an lal sungkaw trong vong hring le suklàr dam, trongkam thar an hung ser suokhai hmang dan ding dam, grammar le diksawnari siem phuisui pei le sut dam chu an mawphurna a ni a. Khawvel hmasawnnain thil thar le trong thar a hung phŭ suok le thruoi pei hai chu a tlukpui ding Thai trongin an ser pei a, chu chu Tv, radio, chanchinbu, inchukna sikul le university po po le sorkar ofis tinah hmang dingin an sem dar a, thla tawite sungin an tronga an lo nei reng tah angin an hmang a, Thai trongin nei naw an nei nawh ti ding khopin an intodel a, television-a an thil puong dam hi ngaithla inla, Saptrong leh an chekpol nuoi ve nawh. Eini rawi chu trûl loa khom Saptrong leh chokpol ei tum trawk trawk. Chuonga ei thaw chun a chokpol nawhai nĕka mawl changkang hreta inngaina ei nei..I hriet!

Tlangkawmna

Ei thu bula bok kir nawk inla. Joba lekhabu hi khawvela classic literature ropui laia thrang sa ngei ngei, lekhabu hmingthang hmasa Homer ziek Iliad & Odyssey anga hla zieranga ziek, zirtir nei, Saptronga didactic poem an ti chi a ni a, thu var le inril hmanga insêlna buonzawla an inbeina a nih. A ziektu hriet a ni nawa chu mi naran kutsuok a ni nawh ti a chieng. Khâng hun laia hieng khopa thu le hlaa mihai an lo insang el tah hi ei ngaituo chun, eini rawi, kum za vêl chauh ziek le tiem khawvel la paw hman chauin an kutsuokhai tiem tlaka ei hang inlet thei hman hi chu, thil mak a tling ve ti naw thei a ni nawh. Ei thupui inthlungna, a hmaa ei tar lang tah Joba 16:12-13 chu tuta ennona hin hieng hin inlet a ni a. Duthusam a tling naw dea chuh, a ziektu khom hung tho nawkin, ei trong thiemin hang tiem sien, a lû a suk bek bek tho ka ring. Ei trong le thu le hlain hma a sawn takzie inkhi nuomhai chun BSI & BFW sut leh tiem kop dingin ka fiel bok.

Joba 16:12-14

12 Hadam taka ka um laiin,

Aman a mi sop ziel a,

Ka rîngah a mi rĕk a,

A mi pot nâwi neng a.

Tumtărah[1] a mi sie a,

13 A thal kaptuhan an mi’n huol a,

Indoina hrim mi nei loin,

Ka kalah a mi kăp tlang a,

Hnuoiah ka mît a bun dok a.

14 Voi tam a mi chĭl sop a,

Râlpui beiin a mi bei a nih.

(August 18, 2012 Delhi)


[1] 16:12 ‘Tumtăr’ chu Saptronga ‘target’ an ti, inthemthiemnaa kap, per, deng le khaw fuk dinga inchikna an tăr hi a nih. Thil tum, tlung ngei dinga ruot tina khom a nih.

*The writer is a former Indian foreign diplomat and well-known author- Editor

Prof. Lal Dena, M.U.Campus, Imphal.

Mi romantic tak ka ni leiin, a bu hming ringawt khawm hin ka thla ngui le chau tak khawm a sukhar nghal. Taksa inlaichina tieng chu a ziektupa Prof Lalruoivel Pangamte hi ka u naunu pasal a nih a, makpa naran khawm ni lo, makpa bul ngat a nih. Lamka khawpuia ka hung chang in hi ka fak le dawn zawngna le ka riekna a ni hlak. Amiruokchu hienghin fel lawngin ka ti hlak, “Ka makpa inah hung ka ni nawh a, ka Pute ina hung ka ni lem”. Pu Ruoivel pa hi ka tarpinu (Tuosungnu) tapa a nih a. Tulai huna Sodom khawpui vanglai ang el a ’iengkim ching le zawr’ rama khawm hin, an farhai samal sadar la pe hlak, tuletehai hrefu le hmangai em em sungkuo an nih a. Pu Ruoivel chu ka lungdumtu (kan nupuinu) pute a ni leia, inphalam der lova a ina tlu lut ngam ka nih. Hmar thuphunga “Puhai inah lei chawina a um thei nawh”an lo ti hlak kha ka hrietzing bawk a.

Pute Ruoivel hi keia nek daiha lekhathiem lem a nih a. Kei chun pasietna kara hring inhrovin pawlsawm khawm a mawngkhawna ka pasi tawk a. PUC anthawk M.A.chen lem chu sawrkar sin thawpum le nau inkawt puma private-a inchuk thei tawk, ruol el zo ka ni nawh . Pute Ruoivel ruok chu First Divisioner ruok, B.A.Distinction, Assam ram pumpuia a pasarina tling phak a lo nih a. Insung le nau enkawl, Pathien thuawina tienga ka tluklo mihriem, ka ta dinga iengkima “Role Model” tling phak a nih. Hmar tawng le Sap tawng ziek tak taka hin ka tluk nawzie ka hriet zuol hlak.

A lekhabu hi 17 August, 2012 tuk khan ka lo hmuh a, ka tiem zo nghal a. A lekha zieka inthawk hin tawng a dittuizie a chieng a; AW le O inang nawna, T aia Tr hmang thei a ni nawziehai hi, ei hriet tasa khawm nisien a hung thailang chieng nawk zuol a. Tawng thua a thahnemngaina tak tak khawm hi entawn tlak a nih. A hrim hrim thua, Pathien thu khawm hi puotieng mawina el ni lova, a taka nuna hmangtu tak tak a lo ni zie, hi lekhabua inthawk hin ka hrietchieng nawk zuol. An nupaa an insung enkawl dan, an nauhai an inchuktir dan le tribal scholarship khawm la ve lova, an thla hlaw lieu lieva an nauhai an chawm dam hi ngaisang um tak an nih.

Pathien kuomah a tawngtaina tak tak hin chona lien tak a mi pek a, “Lalpa, harsatna mi pe rawh. Chuong naw chun mamaw naw’ng ka ti che a. I lampuia inthawkin peng hla rawi ka tih”{phek 69). Kei chu hieng hin chu ka la tawngtai ngam nawh. Tu tieng tieng hin “Lusun nau ka nih” ti ka hung inhrietchieng hnung le ka khawvel zantieng ka hmang tan mek lai hin, iengkhawm thaw thei ka nei nawzie ka hrietchieng hnung hin hi hla hla hi dit thar ka thaw a:

Dam sung mi tuok ta po,

I tir ni sien;

An hawih le rinum khawm

Hi lawm ka tih.

A hi ka hung hni che,

Dam sung ka tuokhai chun;

I tirko tha angin,

Nang min hnai sien.

Beidawng tawp khawka Pathien bel el le, a sie a tha ka chunga thil tlunghai Pathien tieng mi hip hnaitu din a hni el hi hadamna a ni lemin ka hriet tah. Ka hni naw khawmin, pieng tira inthawka pasietna le nau inphir anga pieng hmun khat kan ni leiin, Pute Ruoivel angin Lalpa kuoma a hrana harsatna mi pe ding chun ka hni ngam lul nawh. Hi khawm hi ka tluk nawna a nih. Hmar thuvar bawkin “lamsak sul le puhai chu hne ban thei an ni nawh” a ti reng kha tie.

Hi lekhabu hi a ziektupa autobigraphy ang reng a nina lai a um a. A dam lai khuolzinnaa a thil tuok le thilthawhai, a thuhril le tawnhriethai, kohran a hmu dan, Pathien thu puotieng nun chauhva ei fepui dan dam, kohran rorelnaa tisa taka thlei bik neia ro ei rel dan damhai tlang takin a ziek a. Kohran le khawtlang hlimthla, takna ei nei nawzie fie takin a mi tarlang pek a. A ziektupa beiseina “Thawlawm hrilrik nawna Kohran, Pathien thilthawtheinaa inghat Kohran hi a hung pieng vak tah ka ring” a ti hi hung pieng vak mawl sien nuom a um. Chu pha chun, thawlawm thienghlim khawm tam lem tang a tih.

Hi lekhabu ziektu hi chu khawvela mi pieng vangnei tawp a nih. A chana a lung a awi a. A lunglai hluozotuhai a hmatiemin a hmu pei a, a la hmu naw a lan tlar hai khawm Lalpa Pathien a ring zo em leiin la hmu pei ti ka beiseipui tlat. Taksa thil taka, ka naunu, a lunglai hluozotuhai laia pakhat a ni tlat leiin, a mak naw ding a nih ti ka hrietchieng. Mi tu khawmin, a bikin rawngbawltuhai lem chun tiem ngei inla, a va ziek tha de ti el lovin, mani nuna, mani insunga a takin hmang tan inla nuom a um. Hi lekhabu hi a china a tawia chu a thufunhai hi rotling, khawtlanga le ringna nuna keithuoitu ropui tak an tling a nih. Tiem manhla um tak a nih.

Vawisun, August 15, 2012, sun dar 2:00pm khan Vangai Centre, Nehru Marg Churachandpur-ah SIPHRO le Vangai, Tuiruongdung Village Authority (VA) le Lal hai Oil le Gas Exploration chungchang a thil um dan hriltlangna le hmalak dan ding chipchier deuin an hriltlang a. Vangai le Tuiruong dung a hin Oil le Gas Exploration chu an tan hmasatakna hmun ani lai zingin tuta “Public Hearing” a ding khawm hin iengkhawm inhriettirna, fielna an dawng naw thu VA le Lal haiin an hril. Jubilant Oil and Gas Pvt Ltd hai le Asian Oil Fields haiin hi lai biela VA le Lal hai chu inthi thaina chi hrang hrang hmangin an lo sirde hlak. Mandatory process, hieng – “free, prior, and informed consent of the affected people” ti lem chu van a ra a nih. “Institutional injustice” chu nasatakin hmalatu haiin an chelek a nih.
Tuta exploration hi Ministry of Petroleum and Natural Gas , Government of India haiin Jubilant Oil and Gas Private Limited (JOGPL) hai chu “exploration and drilling works” sin thaw dingin license an lo pek a nih. JOGPL hai hi India a Noida (UP) a office nei an ni el baka, Nehru Place (New Delhi) a khawm office an nei. An headquarters ruok chu Netherlands a innghat a nih. Anni hi London Stock Exchange (LSE) a chen in register an nih. Exploration le drilling sin hi Jiribam (Imphal East), Tamenglong le Churachandpur a thaw ding a license nei an nih. India sawrkar leh “Production Sharing Contract” (PSC) chu July 19, 2010 khan an inrem siem a; Manipur sawrkar le ruok chu “Petroleum Exploration Licence” (PEL) November 15, 2010 khan an lo ziek ve thung. Exploration le drilling le inzawm hin Manipur-ah 2950 sq kms them a tih.
Nikum 2011 a inthawk khan satellite le aerial survey an lo thawna le inzawmin Manipur a hin 5000 Billion Cubic Feet (BCF) petroleum um dinga an hmu ta sa a nih. A hming mawina dingin “exploration” chu an inbuk ve chauh a nih. Hi sin, exploration le drilling, le inzawm hin tuta company haiin an sum seng ding zat a an riruong chu 240 Million USD a nih. Manipur a hin oil well 30 an tinzawn phawt a, oil well pakhat peia USD 8 Million an invest pei ding a nih. Hmarbiel (Vangai, Tuiruongdung le Hmarbiel) a hin oil well 13 um dinga riruong a nih.
Chu lai chun, “free, prior and informed consent”, mandatory process ding ni ve bawk chu zui ani thak nawh. August 8 khan Parbung a Public Hearing a um a chu Vangai le Tuiruong dung hai chu inhriettirna iengkhawm an pek nawh. Public Hearing um ding khawmin programme a um naw bawk. Parbung a public hearing a khawm khan SIPHRO Hmarram Cell thuoitu, Pu Lalchunghnung chun, tuta sin an thaw naa ava thang ve leiin “Ui ang chauhin an mi sawisak a nih” ti chu Public Hearing-ah a hril. Sin rum intang le risk involve hrim hrim chu Hmar hai an inthawtir vawng. Vai kut sinthawhai le khawm an hlaw an ang thei nawh. Sin harsa po po an thaw lai zingin, CCPur DC chun Public Hearing an nei naa SIPHRO hai hi ti in um ngei, sawrkar hmalakna po po in dodal vawnga a ti nghe nghe. SIPHRO Chairman (Manipur) Pu Buonga chun, “Kan rights sirde a a um phat kan tawng suok chauh ani lem” ati pek.
Manipur sawrkar le Company hai MoU a chun a ram hlu tu hai phalna thang thak loin an ram del, an thing-le-ruo, an huon le an in hai an phalna thang loin suksiet lo ding le pawi themlo ding an ti lai zingin huon, lo, thing-le-ruo chu nasatakin an suksiet der tah. Complain an siem phat leh sipai (Assam rifles) hai le thang khawmin VA le khaw mipui hai chu an inthi thai hlak.
Insirdena karah Lal a ei lo zawn haiin an chan ding nasa takin an zawng zing. “Compensation” ringawt khawm ei chan ding um lo khawpin an mi hnawde zing. Ei thangruola ei ram humhalin ei rights ei chawisang phawt naw chun “development” chu ei ta ding a ninaw ding a nih, ti chu a chieng hle. Tuta, company haiin “Benefits to local people” tia an ziek thlar thei po hai chu hieng hai hi a nih:
* Improvement in roads conditions
* Some temporary direct employment
* Other indirect opportunities through:
- Contract workmen for construction,material handling, etc
- Selling and trading of goods for daily needs
- Fooding and transportation for local workforce
- Vehicle workshops,tyre repair
- Mobile SIMS, telephone booths
* Community activities
* Future opportunities for support/ ancillary industries
Vawisun hin ei ram, ei hnamin thutlukna det deu leh thang ei khaw ta naw chun Centenary dar ei lo vuok ta kha ei bo na dar vuok ding ani el thei an tah. “Development” hmaikawr hi ngainep el ding chi an ta nawh.
Thawro ngaituo tlang ei tiu, an hnu hma hin.

By Dr. Rochunga Pudaite, President, Bibles for the World

Kom-hai hi Hmar an ni ngei ti ei  hriet chieng tawl leiin lawmum ka ti ngot el.  Hmar ni lo anga an hung inlangna hmasatak chu, Tangkhul-hai Missionary, William Pettigrew khan, Baptist anni a nuom leiin. “Hmar khom in ni nawh, an trong khom inhriet naw a, in trong khom an hriet nawh,’  tiin a lo thlêm a. ‘Kan kuoma tieng in hung chun,  Thrangpuina le sin in trûl angang pêng ka ti cheu,’ a lo ti bok a.  Chuleichun Baptist tieng tamtak an lût a. ‘ Amiruokchu, Naga laia mi tlawmte um an ni leiin, an lung a lawm taktak thei naw amanih, Aw!’  ti dingin a um a.  Mary Kom-in tuta hamaa Boxing-a hlawtlingna a neihai a  khom khan,Tangkhul le Naga danghai le Meimeihai khan chuong lawm chun an inpâka le lawmpuina an nei ei hriet tlawm hle!

Chun Rev. Pettigrew-in Baptist Mission zom dinga Independent Church  a mi zawr  lai khan,  Coleman-in Pu Tlangval sin ân chupui a, an buoi nasa hle lai kha a ni a.  Pettigrew vêkin  eini Manipur simtieng a mihai kuomah Mr. Teba Kilong Senvon-ah a zuk tir a, “Manipur pumpui hi Baptist-hai rongbawlna dinga pêk a  ni a. Chuleichun buoina um lo dingin, Ukhrul-a hunga Baptist Mission zom  dingin a zu fiel a.  Mr. Thangngur, Mr.  Chawnga Puadite, Mr. Lienrum, Mr. Thangler,  Mr.  Kunga, Mr.  Mamma-pa (a hnunga Tinsuonag inthoka  Phulpuia hung inpêm, a hming ka zuk theinghil) le mi dang sawm lai an hang fe a.  Ka pa  hril dân chun, “Pettigrew chun, Manipur pumpui hi Baptist rongbawl dinga pêk suok ta sa a ni a.  Watkin Roberts hi intruder a nih.  Chuleichun la buoi la buoi in tih.  Chuleichun Baptist hung zom in la, thra deuvin sin thaw tlâng ei ta, sum tieng khom Watkin Roberts le Coleman haiin an pêk nêka tam pêng ka ti  cheu,” a ti a. “Kan hang hril tlânga, kan lungril chun Mission buoina hnuoia um nêkin a thra lem el awm de aw!” kan ti a. “ Pettigrew vêk chun, kan kuoma a hril dinghai a hril zo vong hma chun bufâk tlângna a siem a.  Thlaithlêng ka kîl tlâng a.

Bufâk zo chun Pettigrew chun room lien fût a hin a mi thruoi tawl a. “ Kan kuom tienga  in hung hi in ta dingin, thil thra a ni  leiin, hlasak tlângna le inpawlhlimna  la nei ei ta, inhoi deuvin voizân hin hun  hmang ei ta, zînga chu Kohran pawl khat ei ni ding an tah,,” a ti a.  “In hla dit hung hril ro le,” a ti a. Thangngur-in Liangkhaia hla phuor thar  hlim, chuonglaia kan sak nuom êmêm, ‘Thisen hlu, Thisen hlu, Thing Kross Chunga Luong Khân,’ ti kha a hei thlang a.  Pettigrew chun, “Thisen tieng chu la to san ei tih.  Fellowship-na ding hla thra dang hung thlang ro,” a ti nawk a.  Chuonglaia kan hla dit êmêm dang  pakhat chu,  ‘Imanuela Thi Zâman,’  Pastor Chhuahkhamin ân let hlim,  hla  inlâr deu chu kan thlang nawka.  Pettigrew bok chun, ‘Nangni hi a thisen tieng naw chu hriet  in nei naw a ni maw?”  a ti zo char chun, Ka pa Chawnga chun, , “Enge Sual Tifai Thei Ang, Isua Thisen Chauhvin,” ti Pu Buonga le Rev. Savidge-in Sap hla an inlet,  kan dit êmêm kha ka hei thlang nawk a.”

“Chuzet chun chu Pettigrew chu a ngîra  ‘Nang ni hi, Lutanmi in nina a la sawt naw leiin, thisen chau in hriet a nih,’ a ti ta a.  Thangngurin ‘Isu thisen hlutzie khom I la hriet naw ni awm a na!  Chuong a ni chun insuikhawm theina lampui a um naw a ni chuh. Isu thisena intlan le sawpfai ni naw in la chu  Hrem Hmun fe cho kan hmabâk a ni a.  Isu mi hmangaina ropuizie a chu Vân ram ropui mâksanin,  ei ta ding a kross chunga  ama thisen ngeia a mîn tlanna kha a ni a.  Isu thisen înzapui a ni chun inpawlkhawmna (fellowship) ei nei thei naw a nih chuh,’ a ti, kan suok ta vong a.  A zîngah inhma deuvin, khuo a lân thim lai, Pettigrew le khom inhmu nawk ta lovin, in tieng kan hung pan el a nih.  Hlimtaka hla sak peiin, in kan hung tlung nawk a nih!  Chuleichun a nih voisûn  chena,  Tangkhul Kristien-hai leh inpawna  ei nei thrat nawna hih,” a ti hiel a nih.

Iengkhom nisien la, hi lekha ka hang ziek tran khan, Kom le Hmar hnam khat ei ni thu a ni a.  Politic le Sakhuo hin mi hi a  sukdarin, sukthre sien khom, Krista thisena in sawpfaia, insuikhawmhai  hi chu an inzawmna a ngheta, Chatuan chenin a hlu deudeu ding a nih, ti hi ka ring tlat a.  Indo-Burma Pioneer Mission-a hotu nina Pathienin ka kuta a hung inhlân thut a, tlin le tlin lovin, hma ka  hang lâk  tran lai khan, Kom-hai hotu tamtak khan an  mi hung hnai tranin, mi hung zom an nuoma.  Chulai tak chun ei Kohran sûngah Setan a hung inrol a, a mi hnai nuomtuhai ta ding khom a, hnai tlâk le bêl tlâk ei hung ni ta nawh.  Tuhin hienga Krista Kohranhai ei hung inhnaia, Krista chun a  thisenin ei innêlna dingin  kot a hung hong  nawk mêk ta lei hin, unau Kom-hai khom inkoppui le Lalpa sinthawtu ni tlâng theina lampui a hung um tran nawk ding niin ka hmu  a.  Krista thisena inluontuo ei hung ni vak khom ring a um.

Mary Kom, tuta hmaa Meitei-hai le Nagahaiin  an  hriet fûk nuom naw, Delhi-a HSA  le Hmar unaudanghaiin in lo chawimawi a, in lo  ngaisak hi lawmum ka ti tak zet el. Pathienin mi thruoi khawm ngei dingin ka trongtrai.  Tienlaia ei  Upahai chun, “Nga-in an tam an thi pui a,  Mihriemin ei tam ei dam pui,” an ti hi hung tlung ngei dingin, EFCI le  Kristien pawl dang Krista thisena insawpfai hnunghai hi   insuikhawm ei tiu. “Hmar lai hin Kristien nuoi khat (100,000) bêk lungruol tak,  Pawl khata um ni in la chuh, ei Lalpa Thupêk Ropui, “Khawvêl popoah fe un la, hnam tin kuomah Chanchin Thra hril ro,” a ti kha tuta nêka a let zaa tam  khom ei thaw thei ka ring,” ka ti hlak kha,  hung hnai thuok ei tih. Chuchu a tlungna dingin ringna mitin ka thlîr zing a nih.  Thupêk zawm hi athra si a.

HSA-Freshers-2012-BannerFRESHERS’ MEET 2012 PROGRAM

Organized by: Hmar Students’ Association, Bangalore Branch

A hmun : Shri Lakshmi Party Hall, Kmanahalli

A hun : 18th August, 2012, 1:00 PM

Comperes : Pu. Lalhuolhim Tusing & Nk. Jane Lalenkim

Music & Sound : Tv. Abraham Selate, Asst. Secy, HAS, Tv. Barnaba Infimate, G&S Cult. Secy., HAS, Tv. Joseph Zote

Ushers : Nk Mercy Puruolte, Nk Lalhlupuii, Tv. Lalnunhlim, Tv. Laltinkhum

Artistes : Nk. Loisy Tusing, Nk. Rose Sakum, Tv. Samuel Keivom, Nk. Nancy Ralsun, Tv HK Lalhlunnei

 

Tanna Hla : Kan Tlangram Mawi

Opening Prayer : Pu. Nelson Doungel, Chairman, BHCF

Welcome Speech : Tv. Randolph Amaw, President, HSA

Group Song : Office Bearers, HSA

HSA Activity Report : Tv. William Pudaite, Secretary, HSA

Freshers Introduction : Comperes

Infuina Thucha : Pu Jonathan Kungate, Advisor

Short Speech & Prayer For freshers : Pastor Robert Vanlallien

Directory Tlangzarna : I/C

Certificate Inhlanna : Tv Laltinkhum Thiek, Education Secretary

Election : Pu Jonathan Kungate, Advisor le Pu Robert L. Sungte, Advisor

Mr/Miss Fresher Pounglangna : Compares

OB Thar Oathtaking &Tawngtaipekna : Pastor Robert Vanlallien

Finance Report : Tv. Laltlangsuok Khawbung, Financy Secretary

Vote of Thanks : Tv. William Pudaite, Secretary, HSA

Closing Prayer : Pu. Nelson Songate

Refreshment * Refreshment

**Program hi a tul le pawimaw ang dungzuia thleng danglam thei ning a tih**


By Pu L.Keivom, Inpui.com Columnist

Dam leh tlang khatah, Thih leh ruam khatah.-Mizo Thufing

               Ka la theihnghilh theih loh chu March 2, 1966 tûk kha a ni.  Gauhati University-a M.A  (History) ka zir zawh dawn kum a ni a. University Canteen-ah ka thrianpa Lalhmingthanga (Kamenga tiha hriat lăr zawk), Aizawl-Kulikawn mi, MA (Pol.Sc) zir lai nen zing thingpui kan in a. Assam Tribune a lo thleng a, a phêk hma zawng deuhthaw chu Mizo National Front (MNF) sawrkar intihten March 1, 1966-a India atranga indanna thu an puan avanga Mizo District-a buaina rapthlak lo chhuak chanchinin a khat a.  MA Political Science leh History zir zo trêp ve ve, thil chinchang engmaw chen hre ve pha tawh, trah leh ha thrialnain kan ram a bual mêk avanga kan mipuite mangang rûm thawm pawh chhungril benga hre ve pha tawh Kamenga nen chuan engmah sawi loin kan inen a, thu a tawp a, sawiin awmzia a neih bawk hek lo.

               Hemi thil hi kum engemaw zat lo inmung chhoh tawh a nih avangin hetiang hun khirh kan tawn buak hi thilmaka sawi tur phei zawng a ni lem lo. India indan dawn ruaia Zofate mumang tihbuaia awm chu mang zawm leh duhna a lian hle a. Zoram chhak leh thlang zawng zawng chu hlawm khata kan Rih Dil rama chantir a, hnam dang tu mah khawih buai loa kan pi leh pute hun lai anga zalen taka khawsak zawm leh kan duh hi kan pianvo a ni a, chumi duhna chu zalenna thuthlung lo chhuahna hnârpui ber pawh a ni. Kan khawvel hlui, British hoin mi rawn chhuhsak chu anni an trìn veleh neih let leh kan duh hi kan tih tur reng a ni. Chuvangin, India indan dawna kan thil ngiat pawh kum sawm chhunga kan duhthlanna hmanga India emaw Burma rama bet hlen emaw leh chumi atranga indan a ni. Chu chu kan hnam mumang, kan beisei rûk, mahse beiseina thlawn chang ta rih chu a ni. Chumi khawvel, kan Eden hlui chu chhuh let leh tuma chemtum nena kan thawh ât hmaa kan harh chhuah hman hrâm kha thil dawn thui mite beisei a ni a, mahse kum sawmhnih pawh a ral hmain kan innang ching ta a ni. A sawp pawh a nasa tehreng mai.

               Ram leh hnam tranna dawidim turûa chiah thawh inzirtirna hmanga inhrai ruih hi thil awm theih mai ni loin thil awm thrin rêng a ni a.  Mahse, pawlitiks zu tho thra lo emaw, sakhaw zirtirna dik lo emawa rui hi a thawh dan na tak leh hlauhawm tak a ni a, rui ât buai lai ber hi huai lai ber leh fing intih lai ber a ni duh hle a, harh chhuah mai theih a ni lo.  Hitlera Germany pawh khan Judaho chungah tawrawt a chhuah nasat poh leh a chaw bar a lian mai a ni.  Ram leh hnam tâna thih huamna leh ngamna hi khawi khawtlangah pawh mite ngaihsàn leh thih hnu pawha chawimawi leh hriat reng hlawhna a nih avangin, mi rilru hmin thiam leh dawi ât thiam hruaitu an chhuah hun apiangah mi tam tak mit an tivai a, hleuh tumin chhum leivak pawh an bawh mai thrin.  Martar anga kan sawi tam tak hi ‘bumtar’ an ni duh mah zawk.

Mihring duhsam: Zalenna
               Mihring hi chhang chauhin a nung lo. Ramsa anga ei leh in ringawta lungawi tura siam a ni ve lo.  Sekibuhchhuak eng anga thra pawh hûm se, a zalen si loh chuan, a lung a awi tak tak ngai lo ang.  Eden huana cheng hmasa berte kha ei leh in ringawta lungawi chu ni se, thil dang ban loin an awm hlè hlé ang a, buaina a chhuak lo ang.  Mahse, khuahkhirhtu awm lo, zalen taka duh duha engkim ti thei, Pathian anga awm an duh tlat. Chu chu Pathianin ama anpuia a siam mihring awm dan tur taka a duan pawh a lo ni mahna.  Mahse, thuneihna leh thiltihtheihna fawng vuan tur chuan thu awih dan leh mawhphurhna hlen dan zir phawt chu mihringin a tih tur hmasa ber a ni bawk si.  Thuneihna leh mawhphurhna hi thil inkungkaih tlat a ni. Mawphurhna tel lo thuneihna chu thil hlauhawm a nih ang bawkin, thuneihna tel lo mawhphurhna chu eng tihna mah a ni lo.

               Chumi thil pahnih chu inbûk tawka an hmanna apiangah zalenna dik a awm theih chauh a ni.  Hemi thil pahnih hi Saptrawnga ‘rights & duties, power & responsibilities’ an tih hi a ni.  Kan pianvo chauh hria a, kan tih tur chanpual mawhphurhna hlen chhuah lamah kan duai si chuan kan thran dan a siksawi tihna a ni. Mihring hi thu ringawta nung a ni lo. Zalen ringawt kan duh a, ei tur mamawh kan neih si loh chuan pang khing zeng ang a ni a, zalen mah ila, kan zalenna khan awmzia a nei lo. President Abraham Lincoln-a chuan January 1, 1863 khan USA-a midum nuai 40 chuang bawih ata an chhuahna thu a puang a, an hlim hle.  Lawmin kawtthlêr an fang a, ni lêngin an lâm a, an au dur dur a. Tlai a lo ni a,  an ril a rawn trâm a, lawina tur in leh lo leh ei tur chaw an neih si loh avangin tam tak chu an pute inah bawk an lawi lut leh a ni.  Engmah ni si loa intih thawven rikngawt hi khauphar thawven tiin kan sawi thrin.

               Ka ngaihtuah a. Kum 1966 khan kan duh ang takin March 1 atrangin India sawrkarin min dantir ta thut se, eng chen nge keimahni ringawt kan inenkawl thei ang? Tuirial changêl ringawt emaw, kan hruaituten chilthli far dian diana min fah thu derthawng tak tak te emaw kha ringin eng chen nge kan khawsa thei ang?  India an huat vang ringawtin khang laia East Pakistan khan engemaw chen chu ei tur min pe mai thei.  Mahse, a man a to hle ang. Rei lo teah serhtan hnamah min siam ang a, tunah chuan Aizawl tlângah, kelchal khabe hmul aia sei khabe hmul zuah vein, chhipvir lukhum khumin, ‘Allah ho Akhbar’ tiha awrawl tawp chhuaha chhamin, mi tam tak chu kan bungbu tliar tliar tawh mai thei asin.  Osama bin Laden leh a hoten bihrukna remchang leh Arab mi hausa hoin bawhhla chhamna tlangah mi rawn hmang ang a, kan chi pawh an pawlh dalh hneh tawh hle ang tih a rinawm.  Histawri her sual hi hlauhawm deuh mai a ni. Khawvel histawriah hian hmun leh hun hrang hrangah hruaitu fingin ram leh hnam kal sual leh tlu chhe tawh an tundin laiin, chawngkawr mit pu hruaitu threnkhat erawh chuan khuarkhurûmah an luhpui ve thung tih chhiar tur a tam êm êm a ni.

               Hemi atrang hian enge zir tur kan hmuh? Zalenna kan tih hian ei leh barah mahni kan intodelh si loh emaw leh pawn atranga mi rawn rûntu lakah kan inhumhalh theih si loh emaw a nih chuan awmzia a keng tlem khawp mai.  Kan pi leh pute tihuaisentu ber pakhat chu mahni thawh chhuah eia nung, mahni intodelh an nihna, “I thawh chhuah eia nung ka ni lo” an tih ngamna kha a ni awm e. Chawmhlawma awm chuan chu chu a ti ngam lo. Mahni kea ding thei a nih tlat loh avangin huaisen theih a ni lo.  Chawmhlawm ni chunga intih huaisen vak, a chawmtu nu leh pa vauh thûr thûr ngamte hi an huaisen vang ni loin sualnain an nun a khalh tawt tawh vang zawk a ni. Hemi thlirna tukverh atrang hian India hmarchhaka chengte kechheh dan leh nationalism hi kan bih nawn leh ngaiin ka hria.

Eng nationalism nge?
               ‘Nationalism’ tih hi êng (light) ang deuha mi zawng zawngin a awmzia an hriat, mahse a èn khalh thil nen inzawma rawng chi hrang hranga lâr chhuak, sawi fiah har deuh mai a ni a.  Ram leh hnam hmangaihna, tranna, chumi atana thrahnemngaihna leh nun pawh chàn huamna hi nationalism awmzia ni tura kan hriat dan leh pawm dan tlangpui chu a ni awm e.  Mahse, chutiang maia thil tluangtlam chu a ni awzawng lo. Purun ang maia kâwr thuah tam tak nei, kâwr tin han kheh ila, mit ti thîp thei vek, a thren phei chu inhal tak tak a ni. A chak zawkin a chak loh zawk hum tum anga insawiin, pro-nationalist takin a hup bet tlat a, a pakhat zawk tăl chhuah tumin nasa takin a trang thung a, zalenna sualtu khan anti-nationalist tih a hlawh phah a. Chuvangin, khawlh leh khikhâwk tak a ni.  Nationalist zawng zawng hi eng hunah emaw chuan anti-nationalist an ni a, anti-nationalist pawh nationalist an ni bawk.
 
A nih leh, Zo Nationalism kan tih ber hi enge ni ta ang? Eng ang chi nge ni a, khawi atranga rawn intran nge ni? Thuah eng zat nge awm ang? Chutiang thuah hrang hrangte chu an invuah rem em? A chhanna hmasa ber chu hetiang hian zeldin ila a thra awm e. China ram atranga zawi zawia kan lo thlang tlak lai khan, min hŭitu thlang lam kawlrawn kohna lam chu pan zelin, tlang thawvenga zalen taka tu khuahkhirhna hnuaiah mah awm loa kan khawsak theihna, zalenna ram chu ûm zelin, boruak nuam, ram chhengchhia, sathârte tuallenna ram, tu mah thîk leh tihbuai phak lohnaah awmhmun kan khuar a.  Chumi avanga dam khawchhuak chu kan ni ber. Chuvangin, zalen tak leh thawveng taka khawsak kan duhna thlarau chu Zo nationalism hringtu hmasa ber a ni kan ti thei ang.  Chu chu keimahni ang bawka tlang thawveng bawha khawsa, phaizawl china an hmêlma Kanaan mite hual vela awm, Israela thlahte tawnhriat pawh a ni ve tho.

Religious nationalism
Chumi hnuah chuan, British hoin an huan daiah mi hman an duh vangin min rawn awp bet a, an sakhua leh kalchar mi rawn barh bawk a. Anniho chu Pathian ang thawthanga be duh pawl kan awm avangin, chungho chuan zah nachang hre loin, kan ram pawh ‘Lalpa zawn chhuah ram’ min tihsak ta zêl a ni.  Engkim siamtu le hretu zawn chhuah ngai hial khawpa ram pilrila awma indah duhna rilru hi rilru piangsual a ni.  Chu chuan Pathian nihna a pawngsual a, British sipaiho dinhmunah lek a thrum hniam a, a huat zawng tak pawh a nih ngei ka ring.  Hemi rilru hian Zo hnahthlakte religious nationalism hi thui tak a siam a, a hruai bawk a.  ‘Religious nationalism’ awmzia hrilh fiahna tawi ber chu mahni sakhua chauh trana at chilh leh hnama neih ti ila, kan sawi sual tampui lo ang. Chu chuan MNF auh hla, “Pathian leh Kan Ram Tan” tihte hi a hring chhuak zel a ni, kan ti thei ang.
             
               Hemi sakhaw phènah hian Zo nationalism hi thranlentir kan tum em ni ang? Hemi sakhaw dawidim hian eng chen nge min chiah hneh tawh? Zofate ro hlu eng zat nge a chim pil tawh? Hemi sakhaw thanga kan tàn hnu hian, kan hnam rothil eng zat nge hluihlawnin, a rawn paipawntute chu Pathian ang thawthanga enin, an kalchar pawleu emaw pawnlang ûmin, lemchang leh lemderna nunah Zofate hi eng chena thui nge min hnuk lut tawh?  Kristian sakhua hian eng chen nge min phuar khawmin, hmasawnna kawngah min hruai thleng tawh?  Kan ram leh hnam kal zel tur innghahna tlâkah kan ngai em? Nge, sakhaw thil leh hnam thil chawhpawlh hi thil hrisel loha kan ruat? Tunah Zo hnahthlak tam zawk chuan, kan sakhua a him chuan kan hnam pawh him turah kan ring a ni. Chu chu MNF auh hla kan sawi tak kha a ni.
             
               Mahse, hemi auh hla hi auh hla him a ni em?  Hemi auh hla hi hnam thuthlunga kan kalpui chuan sakhaw dang zuitu zawng zawng chu kan hnam hmelma, kan ram leh hnam tana hlauhawm, min tichhe theituah kan pawm hmiah tihna a ni ang.  Chutiang a nih chuan kan unaute ngei pawh kristian loh zawng chuan Zo zia leh rilru pu ve lo turah kan dah hmiah tihna a ni bawk ang.  Chu chu lo ni se, Zo nationalism kan tih ber inthlunna chu kan chi-zam (ethnic root) ni loin kan sakhaw biakah a ni zawk dawn a ni.

                Religious nationalism hrin chhuah tlangpui chu religious fanaticism a ni duh zel a, chu chu Talibanism nen a danglamna a awm loh avang leh secular nationalism (tlangkhua thurin hlutna leh tranna) nen a inpersan daih avangin Zo nationalism tehfung bera hman chu a him tawk lo ang. Kum 1997-a kohhran nawrna avanga Mizorama zu khap burhna (total prohibition) an puan leh a lema tun thlenga an la kengkawh rengte hi sakhuaa turŭna (religious fanaticism) hrin chhuah liau liau a ni. Chumi rilru chuan thil thar lo chhuak rêng rèng a do tlângpui a, hmasawnna kalkawng tihnufumtu a ni duh hle. Mihring pianvo pawh a tehfung nen a inmil loh chuan zah nachang a hre lo. Mizorama pawl threnkhat, entirnan YMA thiltih thrin zahthlak tak tak, hnam le sakhaw hminga zawlbuk inthununna kengkawh tumna te hi religious fanaticism leh cultural imperialism hrin chhuah a ni.

Linguistic nationalism
               Kristianna tluk deuh hiala mi tam takin Zo nationalism tehfunga kan hman chu khami hmaa Duhlian trawng, a hnua Lusei trawng, tuna Mizo trawng kan tih tak hi a ni. “Mizo ni si, engah nge Mizo trawnga i trawng loh?” tih zawhna hi a ri fo mai.  Mizo intitu chuan Lusei trawng a hmang ngei tura ngaihna a awm.  Lehlam zawnga sawi chuan, Lusei trawng hmangho chauh Mizo-ah kan chhiar tihna a ni. Mahse, Zo hnahthlak hmun thuma threna hmun khat deuh chauh hi Lusei trawng hmang kan awm a, a dang zawngin kan Zo trawng threuh kan hmang thung.  Churachandpur khawpui chhungah hian Zo hnahthlak trawng hrang hrang pakua aia tlem lo kan hmang a, kan inhre tawn vek. Chung zinga lâr ber chu Mizo-Lusei trawng a ni.  Mahse, Lusei trawng hmanghoin Zo nationalism tehfunga an ngaih Linguistic nationalism/imperialism hi Zo hnahthlak tam zawkin tehfungah an hmang ve lo. Lusei trawng hi min hŭi khawmtu ber trawng a ni tih hi hnial rual a ni. Mahse, barh luih kan tum hun apiangah min vaw darhtu hemfungah a chang mai ang. Tunah pawh a ni hman dêr tawh a ni.

               Hei hi han sawi zau hret ila a thra ang.  Zofate kan vannei êm êm chhan zinga pakhat chu Duhlian-Lusei trawng denchhena hmanga zawi zawia Zotrong lo piang chhoh mek hi a ni.  Chumi Zotrong luipui chawmtu hnâr pawimawh ber chu Zo hnahthlak trawng hrang hrang an ni a, chumi hnârte chu an chak poh leh Zotrong hi a thrang chak ang a, an chak loh chuan a thran a thru ang a, a hnâr a kang chah chuan a tawpah Zo Luipui pawh a kang chat ve mai dawn a ni.  Hnam dang trawng, entirnan English emaw Hindi emawa chawm len a nih chuan zawi zawiin kan trawng hi mono-syllabic atrangin polysyllabic-ah a inlet ang a,  chîmralin a awm ang a, Zo trawng ni lo, trawng dang daih a piang ang a, a hmangtute pawhin Zo hmêl an pu thertè tawh lo ang.

               Chuvangin, Zotrong hi hrisel, chak leh hausa taka a thran len kan duh chuan a chawmtu hnâr hrang hrangte hi chimraltir aia tihchak zual sauh sauh a ngai. Hei hi Lusei trawng hmangtute thlir dan letling chiah a ni.  Mahse, Zotrong leh Zo hnahthlakte dam khawchhuahna kawng him leh dik sial kan tum si chuan, kan khawhawi kan tihzau a ngai. Aizawl hi amahin a zawl ngawt lo; zawl nuam leh chenna tlaka siamtu chu a mihring chengte kan ni.  Kan Zo nationalism pawh awmze neiha siamtu leh din chhuaktu tur chu keimahni kan ni. Chu chu kan ni tin kraws put tur, kan hmaa lum reng chu a ni.

Khawi lamah nge?
               Zofatena zalenna kawng kan sial dan chanchin ziahna lehkhabu, Saptrong leh Zo trawngin, a chhuak tam ta hle. Chung zinga Holy Bible tluk deuh hiala chhah, R. Zamawia buatsaih ZALENNA ZINKAWNGAH (2007) tih sub-title ah chuan “Zalênna Mei a Mit Tûr a Ni Lo” tih a hmang a.  Hei hian ngaihtuahna a fah a, a bu hming ringawt pawh hian thu a sawi thŭi hlein ka hria. Zalenna ram ûmin, zalenna meichher chhiin Zofate hi kan zin a, chumi ram kan thlen hma chuan zalen kan duhna rilru hi kan chawi nung zêl tur a ni tih thu hi a lehkhabu kan chhiar hma pawhin a ziaktu hian min chah nghal a ni.

               Eng hri nge kan vei bik ka hre lo, India hmarchhak leh a chheh vela chengte hian zalen loh riaua inhriatna kan neih tlat a, a chhan erawh a inang vek lo ang.  Kan kilkhawr lutuk vang leh pawn lam nena kan inchiahpiah loh lutuk vang chu a ni hmasa ber ang.  Keimahni ang rual phei chu, British India khua leh tuia piang, kan duh thu pawh thlu loa India khua leh tuia luang lut kan nih bakah pawn lam, Vai thil hrim hrim chu kan sakhua nena inhal, chumi avanga tiltip tlat tum leh mingoho, abikin misawnariho thiltih hrim hrim chu dik lo theih loh tluka ngaia dah sâng kha kan ni a.  Chutiang khawpa kan rilru min lo bawih hneh tak tlat si chuan intih-India chu intih-Hindùna leh Vaina, Hindi zir pawh intih-Indianna ni tura dahna a awm tlat a.  Mingo ngaihsanna chi min tuh rualin Vai hrim hrim hmuhsitna chi an tuh telh bawk a ni.  Chuvangin, keini thrang chhoh vel kha chuan ‘India rama awm kan ni a, mahse Indian kan ni lo’ tih kha kan auh hla ber a ni a, an trawng zir pawh ban sawm biak tlukah kan ngai tlangpui a ni.  Chumi boruaka chengho tan chuan indanna thuchah hrim hrim chu Aigupta bawih emaw Babulon sal emaw ata chhuahna dar ri angin kan bengah a ri tlat a, bum pawh kan awlsam.

               Tun thlenga zalenna kan sual dan chanchin chhuitu leh ziaktute sam zin ber pakhat chu min awptu British sawrkar khan kan duh thu thlu loa an duh dan dana min dai darh avanga ram hrang hranga cheng ta kan nih thu a ni awm e. Kan dinhmun an tih fel hma, Crown Colony hnuaiah dah loha min chhuahsan kha kan harsatna bula ngai pawl kan awm.  Kan histawri kal liam tawh kha kan beisei dan anga her kir a, siam thrat kan duh a ni.  Thlir dan erawh a inpersan nasa hlein ka ring. Ziaktu pakhat phei chuan British rampera kan awm atranga India indan dawn thleng, 1895-1946 inkar, kan zalenna min chhuhsak chhung zawng kha kan ‘Golden History of Lushai Hills:Zoram-Chin-Lushai-Kuki Country’ tiin lehkhabu hial a ziak ngam asin! Ziaktu dang pakhat pawhin lalnu pakhat an man, lung ina an khung hlum chanchin a ziak a, Tlawm ve lo Lalnu Ropuiliani tih hming a pe a, hla pawh kan phuah kŭr nguai a ni.

               Kan pawlitisian zinga lâr tak Ch. Saprawnga erawh chuan, kan lal tlawmte chanchin a ziaknaah, “Lal pawimawh zual deuhte chu Kulkhut (Calcutta)-ah an zinpui a, an lo tlawm haw em em zel mai a ni. Mizote han tlawm vek chu, an tlawm ngawih ngawih mai a. Saphovin an hrual nasat poh leh an tlawm nasa mai a. An Independent laite kha ngaih let lehna emaw, neih let leh tumna emaw an nei leh tawh ngai reng reng lo” tiin a ziak ve thung a ni (Ka Zin Kawng p.33-34). Keihawla “Golden History” kha vantlang tukverh atranga thlirtute chuan an lo hmu tui-êk hle a, kan lalte kha ‘sappui tawnah’ an lo tlawm ngawih ngawih zawk a lo ni.

               Chuvangin,  Mizo Union hruaitu hmasaten a tira Zofate insuihkhawmna an khukpui vak kha bansana hruaitu tharten lal ban lam an khukpui vak zawk kha thil tih awm rêng a nihna lai a awm ve a ni. ‘Kan hloh hlêpah kan chhiar’ tih ang maia kan zalenna min chhuhsak hun, kan tlawm lai hun ber ni si, a letlinga vut tui thlawr bel tih ang maia kan histawri-a hun chhuanawm ber, kan hun rangkachaka (golden period) ngai pawl kan awm tlat kha chuan, mipui huat kan hlawh palh a nih pawhin, kan phû ve rêngah ngai ila, thudik a zawl zawk mai thei.  Chutianga mingoten kan thluak min sûksakte Zo nationalism chu min bawihtu mingote ngaihsanna ripa tan leh anniho biak (worship) a ni.

               Zofate zalenna mei alh, British sawrkarin duh duha min huh behsak tawh hnu rawn chhem nung lehtu hmasa ber chu 1946-a piang Mizo Union kha a ni a. Lal thuneihna paih a, vantlang rorelna khawl bun a, zalen taka mipui rorelna hnuaia awm kha kan thupui ber a ni.  Khami hmaa Zofate ngaihtuahna rûk ber khamtu, mahse a taka khawvel hriata kan la sawi chhuah ngam si loh chu Zo hnahthlakte insuihkhawm a, Greater Mizoram din a, Zoram Sawrkar siam a ni a. Chu chu bawhzui turin November 21-23, 1946 khan Lakhipur, Cachar-ah H.K.Bawichhuaka Chairman-na hnuaiah Cachar, Manipur, Mizoram leh hmun hrang hranga Zofate aiawh an inkhawm a, Zofate zawng zawng rorelna khawl pakhat hnuaiah awm a, Mizo Sawrkar din turin thutlukna an siam a, Memorandum an theh lut bawk a.  Hei hi khawvel hriata ziak ngeia Zo nationalism, Zofate lungkham rûk kan puan chhuahna hmasa ber a nih ka ring. Pholeng pawimawh tak a ni.  Chumi vang bera H.K.Bawichhuaka kha lung in bang an zûttir a lo nih chuan Zo nationalism vanga tâng hmasa ber a ni kan ti thei bawk ang.

            Rorelna fawng an vawn hnuin Mizo Union chuan Zofate insuihkhawmna lam kha zawi zawia an hlamchhiah tak avangin, eptu pawl United Mizo Freedom Organsation (UMFO), ZALEN PAWL tiha hriat hlawh zawk chu insuihkhawmna chi thehtu a rawn ni a, a chi theh chuan zung a kaih zel a, thrang khat liam hnuah Mizo National Front a rawn hring chhuak ta a ni. Hemi pawl hi riltramna chi hnih, taksa ril tramna leh zalen duhna avanga riltramna hrin chhuah a ni bawk a, dul pan raih khawpin Zofate kua a zut fân a, kan chiau rawng rawng a, lehkhabu hmingah pawh thlan tur dang a vang a ni chawk ang, ZORAM A TRAP (C.Zama) kan tih mai loh nakah! Kan hla phuah thiam V.Thangzaman,
            Tho la, ding ta che, i hliam a dam e,
            I tha thrumte a kiang e;
            Hnutiang hawi loin, ram kal siam ta che,
            Khuavel i la chhîng ngei ang
a ti tak na a, ‘UT Thra Mi’ emaw, State puitling emaw pawhin kan hliamna hi a tidam tak tak meuh em? tih zawhna hi kan chhan duh dan a khuangrual loh hle mai thei.  Kan riltram avangin kan sawrkar lakah kan nuar a, kum sawmhnih chuang thisen leh mittuiin min bual a. Mahse, riltrâm beidawnga kan nawrh lai ai mahin State puitling min voh hnuin intodelh lamah hnung lam kan ŭm emaw tih mai turin intodelh lam aiin leiba kan ngah tual tual a, kan kimki deuh deuh a, a ni têlin kan huai nêp tulh tulh bawk a ni.  Ram kalsiam kan rêl dan hian a fuh loh vang nge, khawvel kan chhinna tur hi kan hlat tual tual a ang hle.

               Khawi lam nge kan pan zel dawn?  Zalen tak tak kan duh chuan mahni intodelh ram leh hnama kan indin chhuah leh a ngai.  Chawmhlawma nung mihring chu mahni kea ding thei lo, a chawmtu zahngaina ringa khawsa a nih avangin a zalen tak tak theih loh.  Vehbur khawn tura kan thlan lalte hi Delhi tlangah lo zah viau tura kan beisei chuan ei leh barah kan ram kan intodelh hmasak phawt a ngai.  Hnam zahawm nih kan duh chuan chawmhlawm hnam kan ni tur a ni lo.  Chuvangin, zalenna mei mit loa chhem nun reng kan duh chuan ei leh bara intodelh nun, economic nationalism & self-reliance hi kan chang thlan ber a ni tur a ni.  Dul thêp hi zalenna thli ringawta hnawh puarin awmzia a pai rei lo. Hetiang hi a nih zel dawn chuan, Zofate Jerusalema kan ruat Aizawl hi hmun dangah a la insawn daih mai ang.

Tlangkawmna
               Zofate hi khawvel hmun hrang hrangah hmuh tur kan awm ve tawh a, kan Zoram khawvel hi a zau tual tual a, a zau zual deuh deuh turah ngai ila. India, Myanmar leh Bangladesh-ah kan awm darh ber a.  Kan awmna ram hi ram chhengchhia a nih thu kan thu bulah kan sawi lang tawh a. Hnam ropuia kan indin chhuah dawn chuan, Israela thlahten ram hnianghnar Aiguptaa awmhmun an khuar ang khan, keini pawh kan Aigupta hmun hrang hrangah, an thiamna leh finna te, an hausakna leh hmasawnna thuruk te zir a, chungte chu kan ram leh hnam din chhuahna tura hman hlawk dan kawng kan dap a ngai.  Chumi kalkawng chu kawng hrang hrangah kan zawh chhoh mek a, USA-ah ringawt pawh kum 1990 laia 80 vel bawr lek kha tunah chuan a sang zawnga chhiar tham thlang tla kan awm tawh a ni.

               Israela thlahte chu Aigupta ramah kum 430 an awm hnuin, mi 70 vel lek kha mahni hnam leh nihnaa la bet reng, mahni trawng hmang maktaduai hnih chuang, hruai chhuah tur an la awm a ni. Keiniho hi kum zali hnuah hruai chhuah tur kan la awm ang em? Kan ram luahte hi eng anga chhengchhia pawh ni se, kan kutah a la awm reng ang em?  Tuna mi rama kan ngaihte hi chumi hunah chuan ka ram luah lai bakah kan kutah a lut tawh ang em?  Hengte hi zawhna pawimawh tak a ni a, a chhanna pawh keimahni kuta awm a ni.  Kan ram hi kan kut hmangin kan zauh theih a, kan kut atrang bawkin kan hloh vek thei. Khawvel map hi map hlun a awm lo a, a rama chengte duh dan angin ramri hi a insawn mai zawk a ni. Chumi atan chuan hmathlir thui tak nei a, inralring a, inbuatsaih lawk a ngai.

               Khawvel kalhmang leh inlumlet dan kan thlir chuan, Thuhriltu 3-a a sawi angin, engkim hian hun bi ruat, remchan hun bîk a nei threuh a. Thli hrang hrang a tleh châng leh tui pawh a fawn châng a awm. Pawlitiks thli a tleh châng te, thlaraua harhna a thlen châng te, thu leh hlaa malsawm ruah a tlâk châng te, thilsiam leh sumdawnna lamah hmasawnna a thlen châng te, remna leh muanna, indona leh chhiatna a lèn chang te leh nguai muchuknain  ram a tuam lai te a a awm.  Lirnghingin leilung hmel a tihdanglam vek theih ang hian, pawlitiks lirnghingin ramri a sawi danglam vek thei.  Chumi a thlen hunah chuan, hmathlir neiha lo inbuatsaih lawkte chuan ram thar an siam mai thrin.  Mahni unau, chhul khat kualte nena ram khata cheng hi hnam tin duhsam a ni duh zel.  Zofate mumang leh beisei ram kan din mekte pawh chumi huangah chuan a tla vek ang. Van ramah thleng, Zofate chuan mingo leh vai venga awm ai chuan Zo venga awm chu kan thlang zawk vek bawk ang.

               Bethesda dil a fawn huna lo inbuatsaih lawk hmasa apiangin damna an hmuh ang khan, keini pawh hnam dam khawchhuahna tur chuan kan inbuatsaih lawk a ngai. Sakhua (religious nationalism) emaw leh pawlitiks (political nationalism) emaw hi min hui khawmtu atan a pawimawh laiin, engemaw chenah min thren darhtu pawh a ni thei. Fimkhur taka hman a ngai. Hnam thil, thu le hla (cultural nationalism) erawh chuan min hui khawm reng.  Thu leh hla phuah thiam te, ziak mi te, zaithiam te, rimawi tum thiam te, chanchinbu mi te, dawnril te, lehkhabu chhuahtu te hi kan kalchar vawng nungtu leh tihmasawntu an nih bakah kan pindan ril thlenga min rûntu leh zai khata min luantirtu, trawng tihmasawntu leh min zirtirtu an ni a, insuikhawmna hmanrua atana trangkai ber an ni. Tun lai, IT-Age-ah phei chuan internet hmangin khawi hmuna awm pawh dawhkan khat kîlin kan titi tlang thei tawh a, hei hian kan beisei phak piaha nasain Zoram khawvela chengte hi min hip hnai a ni. MZP ten Zofest an huaihawt thrinte hi a tak ngeia Cultural nationalism chawi larna a ni a, ram tina awm Zofate min phuar khawm zualtu a ni.  Zo hnahthlak zawng zawng huapa Cultural Mapping tih dan tur ruangam kan duang mek a, hmun threnkhatah mahni sum sengin preliminary survey kan ti tran mek a ni. Hemi thil hi hmun hrang hranga Zofa chengte min phuar khawmtu leh pawlitiks thli a tleh huna huang khata min lawitirtu hmanrua pawimawh tak a la ni dawn a ni.

               Kan histawri kal zel tur hi keimahni duh dan ang takin kan ziak tur a ni. Miten min ziahsak kan beisei chuan, an histawri ziakah hmun thra kan chang ngai lo ang. Hei hi eng lai pawha thudik ding reng chu a ni. Zofate beisei ram leh auh hla chu lungrual taka Zoram khawvela engkim intodelha kan len hun tur chu ni rawh se.
               Lenrual duhte u tho r’u,
               Ral tiang i kai ve ang.

By Pu Timothy Z. Zote

Art And Culture Umzie : Hel lovin hei hril chawt el inla, Art and Culture hi ram le khawtlang nuna vawnghimna sin thawtu le inchiktu a ni a. Hnamzie, tienlai chanchin, le hnam nunphung mumal deuva humhal theina suklangtu le pholang theitu haiin an sawr tangkai thiem lei chaua thaw thei an nih. Social Scientist hrilfie dan khawm an ang naw a, amiruokchu, pawm dan tlangpui a um a, chuonghai chu suklang le tarlang ei tum ding a nih.

Art And Culture Umzie: Hi thu hi thumal pahni inkawp le inmat a ni a, amiruokchu thumal pakhat khatin hrilfie ta ang inla “ Art” sap tawng chun Noun a ni a, thil hming inbukna a nih. A umzie tlangpui chu, lemziek,painting,milem ker thiem ( engraving), Music,lim,puk, le lungpui cheina ( statues, Cave and rock painting),thu le hla phuok ( composition of Hymns and poetry ) , hlasak thiemna le art ( themthiemna ) chi hrang hrang hai hi a huom sa vawng a. Tienlai a hmang hlak thuomhnaw ( artefact) , tienlai thuziek le tulai thil ziek tha tak tak hai khawm hi , art hin a huom sa bawk a.

Culture : Culture khawm hi English thumal le thilhming ( Noun) pakhat a ni ve a. A umzie chu hnam nunphung le hnamzie, hnamdan

(Custom) , hnam nina,(ethnic identity), tawng,

hnam lam,hnam hla, hlado le lemchang nun suklangna le humhalna le chawikangna po po hi Art and Culture in a huom vawng ti thei dingin a um.

Art And Culture Pawimawna: Art and Culture hma dawmna le inzawmin , tienlaia pi pu

thilhlui tha tak tak, chanchin, lalram ropui tak tak le tienlai thu le hla inchiktlak hriet theiin a um. Chu bakah, hnam nunphhung, hnamzie le hnam inchikna thil hrang hrang hai khawm hi Art and culture fethlengin humhalna le tlangzar thei chau a nih. Khawvel a Civilization ( khawtlang nun inrelbawlna le inthanglenna) inchikna tlak tak tak hai : Indus Valley civilisation, chinese civilization , Mesopotamian civilization le Egyptian civilization hai chanchin hi Art and Culture hmalakna chi hrang hranga inthawka suisuok le hriet thei chau a ni a.. Hieng a ni lei hin, inchiktlak, inhma . tulai le hun la hung um ding mihring hai chanchin le nunphung khaikhawmtu vawnghimtu tha tak chu Art and Culture hi a ni a. Entirna’n , Aigupta ram hi khawvel a ram upa tak laia mi a ni a. Inchikna chi hrang hrang lemziek, temple banga thuziek , pyramid in ropui tak tak hai lung le lungpui chei le inchikna chi hrang hrang hmangin Aigupta lalram chanchin sui hi a awlsam pha em em a nih. Chung ang peiin, Indus valley civilization , Chinese civilization le Mesopotamian civilization hai khawm hin inchukna bik an nei tawl a. Chu chun, an chanchin sui kha a sukawlsam pha hle a nih. Hi hin an entir chu civilization ei suklang tah hai pawimaw zie a suklang bawk a nih. Chun, tienlai huna art and culture sinthaw dan sui ding khawm, tu huna art and culture hi inthuom that a tul em em a nih.

Tienlai nun chanchin suina, hnam zie le nunphung vawnghimtu le themthiemna chi hrang hrang humhaltu le pholangtu tak chu Art and culture hi a ni a. United Nations le khawvel huopa pawl hranghrang khawmin hnam zie hi an ngaipawimaw tak pakhat a ni a. Chuleiin , sawrkar khawmin department pakhat ah a si hrim a nih. A san pakhat chu, art and culture sinthaw hin ram dang mi inzin veivak ( foreign tourists) a hip tak a.Chu chu sumhnar tha tak a lo nih. Khawvel ram hrang hranga inthawk mi tam takin Israel ram an va sir rawp hlak a, asan khawm hi art and culture fethlenga thil hlui le Baibul-a hmun pawimaw inlang ve chin-hai an vawng that lei a nih. Chun, Art and culture hi hnam zie le themthiemna chi hrang hrang vawng thatna le tlangzarna dingin a pawimaw bakah, khawvela remna le muongna a um theina dinga hmangruo pawimaw tak a ni ve tlat.

Nitla seng lo Kumpinu rorelna tia ei lo hriet United Kingdom hin Art and Culture a lo siethat em leiin, research thil-a mamawtu le belchieng dawl tak tak a thil hei sui chiengna dingin British Meuseum, Bristish Record le British thil inchikna hrang hrang tuchen hin a la um zing a. Hienglai zing hin, Afghanistan –a Taliban sawrkar chun Buddha Statue kha Bomb hmangin an suksiet a. Hi hin Art and Culture pawimawna an la man phak naw mani aw ti dingin a um.

India danpui ( Indian Constitution) –a khawm art and culture hin hmun pawimaw tak el a hluo a, a sukchiengtu chu District Council intantirtu a nina hi a nih a. Hi naw khawm Sixth Sheduled intanna khawm hi a ni bawk. India danpui hi siem lai hin ngaituotu hai chun ngun takin an ngaituo a, chi le hnam tamna ram a ni lei hin thiem harsa hle sienkhawm that tlangna dan ruokchu zam a ni tlat hi, ei vangneina thuruok chu a nih. India danpui siem ding hin constituent Assembly -in kum hni le thla 11 le ni 18 a hmang a. Chun, danpui a hin, Constituent Article 447, part 22 a um a. (Sub- part pali (4) leh 26 ) schedule 12 a um a. ( Sun Zawm pei ding)

Powered by Blogger.