INPUI: Hmar News & Info

The Independent Church of India (ICI) has defended its pastor Rev Ramchuoilo Varte, also Field Superintendent of Bethesda Social Service Centre, New Delhi, in a scathing reply to the Delhi Hmar Welfare Association's (DHWA) notice to him to explain why action should not be initiated against him for "disturbing the cordial relationship among the Hmar people in New Delhi". ICI has come under sever criticism for trying to organise a separate church service which the Hmar leadership in the national capital believed will foster another "great divide" within the Hmar society.

Below is the statement of the ICI leaders which was sent to the Hmar daily "Hmasawnna Thar" in Churachandpur District of Manipur.   

DHWA LEKHA INSUO: ‘THIEM­NAW INCHANGNA’

DAWNNA LEKHA

I Chanch­inbu ‘Hma­sawnna Thar,’ Phek 2 na Feb­ru­ary 22, 2013 ni a DHWA hotuhai in ‘THIEM­NAW INCHANGNA’ ti lekha an hung insuo le inzawm khan a hnuoia ang hin dawnna le hril­fiena kan hung siem.

ICI Gen­eral Assem­bly Vawi 63na, thurel Res. No 5na dungzuia, ‘Hun rem­chang hmasa takah BSSC a ei Biekin ah ICI Kohran hminga inkhawm tan ni ta sien kan tih,’ tiin a lo rel a. Hi thurel le inzawm hin Kohran pawl indin lo dinga thusuok DHWA hming hin a vel a vel el in I Chanch­inbu inzaum tak feth­leng khawm in lo insuo ani ta a. Kohran in hang dawn let el chu rem­chang in kan hriet naw a. Amiruokchu, khi a chunga ‘THIEM­NAW INCHANGNA’ thu a, kan rawng­bawltu suongum le ditum tak, Rev. V. Ram­chuoilo Varte hming mal man bika an hung insuo ruok hi chu hotuhai inrawn khawmin, to san bik zing rem­changin kan hriet ta naw leiin dawnna hi kan hung siem a nih. An lekha insuo point 1-​9na a an zieklang po po a, Rev. V. Ram­chuoilo Varte, a hming a siet thei patawp le a muolpho thei patawp a an hung zieklang hai hi thudik ah pakhat khawm hi kan pawm thei nawh.

Rev. V. Ram­chuoilo Varte, kan Res­i­dent Super­in­ten­dent, BSSC le Field Super­in­ten­dent, North India Mis­sion Field hin DHWA hai ngaitha na le hmusitna a nei nawh. Ama khatin iengkhawm thut­lukna a siem naw a, keini hotuhai le inrawn tlanga iengkim a thaw a nih. Rev. V. Ram­chuoilo Varte kuomah, DHWA haiin Feb­ru­ary 3, 2013 in lekha an hung siema chun, Feb­ru­ary 7, 2013 zan dar 8:00 PM ah Mr. Hrangth­angvung In, R. K. Puram, New Delhi a inbiekpui din­gin an hung fiela. Keini hotuhai mi hung rawnin; keini in tulai ngirhmun taka New Delhi hmuna ICI Gen­eral Assem­bly Vawi 63na, Res. No. 5na le inzawm thu bawk kha an hohlimpuina ding che thu ani awm leiin va fe nekin, apol­ogy lekha thataka siem lem din­gin thu­rawn kan pek a nih. Hi thu le inzawm hin Rev. V. Ram­chuoilo Varte hin thataka ziekin, DHWA hotuhai kuomah, Feb­ru­ary4, 2013 khan apol­ogy lekha siemin, “ Hotu nei kani leiin, ka chunga thuneitu ka hotuhai (ICI hotuhai) ka hang hrila. Kan thu lo chun tukhawm lo inhmupui naw la” an mi hung ti leiin kei a thu el chun in mi kona ka hung sukpuitling theinaw ding a nih ti ka hung inhri­et­tir cheu a.” “Gen­eral Assem­bly thu pass hrim hrim chu inrang taka imple­ment pei hlak nisien­lakhawm vaw­isun ni chen a imple­ment el lova à la um na a hin in mi ngenna chu ka ngaith­laka, Kei a tienga inthawk chu nawrna a um nawh ti in mi hri­et­pui ka nuom.” tiin apol­ogy lekha thataka a siem a pek a.

Hienga keini ICI hotuhai thu­rawn dungzuia apol­ogy lekha thataka a pek hnung hin, Feb­ru­ary 9, 2013 khan, Chair­man le Sec­re­tary, DHWA in lekha dang an pek nawka. Hi an lekha a hin, “DHWA kona che I ngaitha hin khawt­lang inthu­ruolna le inthunna I hmusit zie le inzana I mi neinaw zie a tar­lang. Hieng thil I thawna lei hin DHWA-​in I Chunga I thilthaw le inphu a kut a thlak nawna san ding iem a um ti hi lekha I hmua inthawk kar khat sunga ziek ngeia hung hril­fie dinga inhri­et­tir I nih.” tiin lekha khau tak an pek nawk a. Keini ICI hotuhai chu kan inrawn khawma, hienga Delhi a ei rep­re­sen­ta­tive mal­man bika ei thu­rawn dungzuia hma a lak hi a ma mimal in dawnna a pek nekin tiin, keini a hnuoia hming ziekhai hin DHWA Chairman/​Sec­re­tary hai e-​mail in Feb­ru­ary 13, 2013 khan thil um dan feltakin hieng ang hin kan zuk thawna. “Nangni DHWA hotuhai hmusitna le ngaitha lei cheu nilo in ICI Rep­re­sen­ta­tive, New Delhi a um ani leiin kan thu­rawn anga thataka apol­ogy lekha siem lem dinga ti ani anga a hung siem ani in mi lo hri­et­thiem­pui din­gin kan hung ngenin kan inhri­et­tir cheu.“February 9, 2013 a “INHRI­ET­TIRNA” in hung pek nawk, ‘DHWA –in I chunga I thilthaw le inphua kut thlak nawna san ding iem a um’ ti hiela lekha in hung pek nawk hi chu na le pawi kan ti em em.” … Feb­ru­ary 9, 2013 a ama kuoma lekha in hung siem a dawnna ai a kan hung dawnna a mi lo pawm pek din­gin kan ngenin kan hung inhri­et­tir cheu.” tiin DHWA hotuhai kuomah thatak in kan zuk thawna.

Kan lekha hi an hri­et­thiem in thu a fel vawng ta a kan ngai a. Lekha thataka Kohran hotuhai in ngenna kan zuk siem khawm dawndai derlo a, hienga “THIEM­NAW INCHANGNA” thu mipui hriet lar dinga an la hung insuo le vawr dar nawk hi hri­et­thiem harsa kan ti hle a nih. Rev. V. Ram­chuoilo Varte, hi keini ICI kohran a zik­suok tak le mit tlung em em a kan rawng­bawltu ditum a na, hienga ‘THIEM­NAW INCHANGNA’ hiel insuo khum ani hi na le pawi kan tih. A thiem­nawna iengkhawm a um naw a, keini ICI hotuhai thu­rawn a sukpuitlingna lei a mal­man a thei­dana le hmingsietna a tuok hi na kan tiin pawi kan ti a nih. Ama in tukhawm a theida in a hmusit naw a; thaw­suol a nei naw bawk. Keini ICI hotuhai thu­rawn anga thil a thaw lem ani leiin a tul angin keini ICI hotuhai in a maw kan phur vawng a nih ti DHWA hotuhai khawma lo hrie thar nawk ngei hai sien kan nuom. Hi lekha inthawn tuo vel dan chieng lemhai hi ICI Web Site: www​.ici​.net​.in a en thei vawng a nih.

Tuta hnun­gah, ICI Kohran a kan rawng­bawl­tuhai hming thangna thil le inza­wma thu thedar le insuo ding­hai hrim hrim, keini hotuhai hri­et­puina lo chun mipui hriet a tlangzar le thu insuo hi rem­chang in kan hriet nawh. Chun, mani kuong lo ding nawr rak khawm hi thil pangzat um hle a nih ti hriet khawm tha kan ti bawk. Chubaka chun, hma­tieng pei thila khawm Kohran le Pawl dang dang khawma kan rawng­bawl­tuhai hming thangna thi­lah in mal­man bik a thu vilik rak hi thaw nawk hlak ni ta naw hrim hrim sien kan nuom bawk. Hi ‘THIEM­NAW INCHANGNA’ thu hi thawktu le mimal thil ani naw a, Kohran telpui ro thusuok le inzawm thil lieu lieu ani leiin rawng­bawltu mal­man bik thei ni naw nih. Keini Kohran hotuhai hin Kohran thusuok le ro thi­lah a hming that le hming siet chu kan maw­phurna a na, maw kan phur thleng ngam bawk a nih ti mipui lo hriet din­gin a dawnna hi kan hung siemin kan hung insuo a nih.

Ringum in,

(Rev. Darsan­glien Ruolngul)

Mod­er­a­tor

(Rev. Dr. J. L. Songate)

Gen­eral Secretary

Inde­pen­dent Church of India, Gen­eral Assembly

Siel­mat: Dated: Feb­ru­ary 25, 2013

Ziektu: Pu Ramthienghlim Varte, Senior Anthropologist 

Hmar tawnga lekhabu suokthar kum 2011-12 sunghin iemani zatzet a um a, Chuonghai laia kalo hmu lekhabu pasarihai Mizo ( Lushai) tawnga ziek ‘MIZO KAN NI’ ti Pa H. Thangluai a ziek thangsain ka hei bi thek-thuok deu vawng a. A bengvar thlakin tiem an manhla hle. Hieng lekhabu pasarihai hih thlirlet (review) ka tum naw a. Lekhabu buotsai ding chun invetchilpui a ngai hlak a. Chu ding chun a san thatakel a um a tul nawk pei. Tawng  thiem le hausa,  lekha ziek le remkhawm thiem hrim hrim  leia lekha hi ziekel thei an nawh a, lekhabu lem chuh an naw nawkzuol leiin lekhabu buotsai harsat zie chuh a buoipuituhai bawkin ei hriet.

  Chuleiin, Ziektuhai sin inrimna ra sawrtu kalo ni hih vangnei kan tia, hieng lekhabuhai lo tiemnaw tu khawma a hlutzie an hriet theina dinga suklang ka nuom a, lekhabu ruongam le a bebawm tlawmte te hei tuihni ka tum lem a nih.

1. HMAR BUNGPUI PASTOR THANGNGUR:

            Hi lekhabu hih a buotsaitu chuh Dr John Pulamte a nih. Thuhmai hawngna Pu L.Keivomin a ziek a Bung nga a the, Phek  178-a sei, kum 2011 insuo, CPW, 85-PDA Complex, Lamphelpat, Imphal a sut a nih.

Hi lekhabu buotsaitu’n inthlahrung taka thu le hla septhiemna le inhmenaw zie hrezing puma hung inchawmsuokin hi lekhabu ‘n khawvel var a hmu thei chau a nih ti chiengtaka an lang leiin a ropui ka ti ngei el.  Pastor Thangngur chanchin le inzawma thlalak pawimaw haiin a suk tawp a. Pastor Thangngur hih Hmarhai chauh nilovin a chanchin le hlaphuokin vawisun chenin Pathien rama rawngbawlna a  ralthuom pawimaw tak a nih.

 Ziektu’n ei hnam sungah mi thienghlim (Saint) tittle inhlan ding  zawng inla ama ang hih an um naw el thei ti khawpa a ngaisang, Hmar Bungpui ti hiela ei ko ana; Hmar tawng hmanghai hih rambung rorelna pakhat hnuoi a um ni ta ang inla chuh Pastor Thangngur hi ‘Hnam pa’  tiin ei paisa a khawm a lim a chuong el thei ti khawpin a ngai ropuizie a ziek a. A lekhabu hih  a kawm design a ngar a,  asa deu bawk lei amani ding thenkhatin Dairy Book a ang an ti a, kei ruok chun kati phalh nawh.

Thuhmai hawngtu Pu L.Keivomin a chanchin ziek tumin alo sai alo sai tah ani bawk leiin ama le inkawpin hiengneka phuisui le kimchangin, a hlaphuokhai po po thangsa’n hung buotsai tha hai sien nuom a um kher el. Chun, a lekhabu  rawnhai hih a sung thu  le en hmein  Reference nilovin Bibliography tilem ding nisien a hawiin ka hriet a, sutnawk pha a ding tiin thurawn ka hei zepsa zawk a nih.

2. HMANGAINA PARBAWR:  

            Ziektu  Pu Thangsawihmang. Hi lekhabu buotsai  kum hih suklangnaw  sienkhawm ziektu thuhma a tarlang angin 2011-a Smart Tech Printers, Nehru Marg, Rengkai, Churachandpur, Manipur a sut a nih. Thuhmatawng Pu S.N.Ngurte’n a ziek a; Bung thum the, Phek 217-a sa a nih.

Ei hnam nunphung le khawtlang zie besana Nunghak-Tlangval inhmangaina  chanchin ziekna lekhabu “Hmangaina Parbawr“ ti a na. Hmangaina par chuh bawr thumin a the a;  bawr khatna- Azekie Lucknow, bawr hnina- Parbung Puolrang, bawr thumna- Thani Mangtha ti a nih. Chuleiin,  Parbawr annawleh, Zikhlum Bazaar a an zawrhai ang mei mei nilo, lekhabu umzie inthuk neia buotsai  a nih. Chawkbuoitu umderlova zan re depdawp, electrict eng hnuoi ah zalpuma tiem chi a nih.

Ziektu hih hmangaina leiin vawi iemanizat lo thlusil tah, chu tur natzie intem phak, hmangaina leia khawtlang zanthim a leng, chu tuipuia beidawng taka lo inhlieu tah nisien a hawi. Chuong ninaw sien hniek phawi derlovin “Hi lekhabu (Love story) hih thudik besan a ziek  a nih”  iengtinam ti thei ata ?. Titanic lawnglien Antlantic lipuia pil vung vung  chanchin lung inno tak le ngainuomum taka an ziekhai ang elin Hmangaina Parbawr ziektu khawm hih hmangaina lipui a chun a pilve chiengin an lang a. Chuleiin a nih, hi lekhabu khawmin khawvel var hmuvein tienami ngai nuomum an chang talemna chuh.

Nunghak-tlangval hmangaina’n chinlem a nei nawzie le inthukzie chuh Lal Solomon meu khawma a suisuok zolo ani tlat leiin a thu izirin Baibul ramri  pel vang vanga  ziekchang um sienkhawm a pawina a umin ka hriet nawh. Hi lekhabu hin thlarau a nei a, ieng thlarau am ka hriet nawh. Ei hei bi tan le inruolin chu thlarau chun ami man de a, pangna themthumin a mi ai-kei a, a tawp ei tlunghma chuh suokdawk el thei an ta ngai nawh. Mak deu a nih.

3. CHANTAWK:

            Hi lekhabu hih a ziektu chuh Pu V.L.Renga Hriler  ana,  Sinlengin a publish, Hp Dzine, New Delhi a sut,  bung 23-a the, phek 167 a sa, English Novel ang deuva buotsai a nih.

            Kum 1993 hnungtienga India ramah ramdang indawrna nidang neka zalenna   kawt a hung inhawng hnung le communication network changkangna khawvel nuna ei hung khawsak hnungin  sawrkar sin chauh nilovin private company a sinthawna kawt lientak hawngin a um a. Mi tamtak khawpui liena sin zawngin ei tlanlut dup dup a, tam takin ei tangkaipui em em a, thenkhat tading ruok chun sietna intluntu a nive bawk. Chuh besan a  thalaihai ngirhmun  tlangpui suklangna lekhabu pawimaw tak a nih.  Khuo hming le thiltlung  ziekhai hih thudik ana, a changtu hminghai ruok chuh puokfawm lieu lieu a nih tiin a ziek a.

            Delhi khawpui ei thalaihai nungchang besan a ziek, khawpui nun zalen taka an khawsak dan tlangpui  pholangin,  thuhmaihup derlova ei nunghakhai hnamdanghai le an inkawp nasa lei a,  hnam hming an suksietna le khawtlang nun chawkbuoitu anni a tarlang a. Khawpui a um nunghak-tlangvalhai tiem ngei ngei dingin dit a um khawpel.

            Delhi khawpui a nunghak-tlangval nun zalen tak karah a changtunu Nunghak Zami ruok chuh a nu le sanghai harsat zie hre zingin theitawpin thang a lak a, Pathienin a hma a thuoi pei a, a nunghak thienghlimna mi ngaihlu thei dingin tawngdan le umdanin a suklang leiin mi ngaisang  le ditsak a hlaw a. Insung harsatna leia Delhi khawpui a kumhni neka tam a um sunga kul-a-tai a an tlawppui Tv. Zira a hmangai em em nisienkhawm sunghai karah inhrietthiemnawna neu neu leiin a nu duthusam ang tak pasal nei dinga alo beiseitu Tv. Chunga le damsunga thenaw biethu tiem dingin inhuollawkna THIRDAM sie’n hmabak um ruiin a suk tawp a nih.

             Sawrkar  sin pawimaw chellai  hiengang lekhabu buotsai thei hi a ropui khawpel. Chun, Hmar tawng ziekdan ah Hmar tawng ziekthiem ei tam em leiin ngaidan an kal them thum a, a khelneng a khelnawnga sawisel nuom hlak bo lo, chu tukver a tlir chun a fihlim bik ka ring naw a, siemthat tul neu neu um mei a tih. Tuhin Chawntawk-II a suok nawk tah ti kalo hrietin a ropui kati takzet a, a copy hungthlung vat vat sien ka nuom.

4-5. MIZO KAN NI Vol. I & II:

            Mizo kan ni ti hih Vol. I &II Pa Thangluaiin Mizo (Lushei ) tawnga a ziek , Mizoram Publication Board, Art & Culture Deptt-in,  an suo (publish) a nih. Thuhma Pu Ngurbiaka, President, Mizoram Publication Board-in a ziek,  kum 2012 a suok, Lois Bet, Print and Publication, Chandmari, Aizawl a a sut ani a; Vol. Ina chuh bung 5 (nga) a the phek 372 a sei ana, Vol.IIna  chuh bung 5(nga) a the phek 302 a sei a nive thung.

            Mizo (Lushai) tawnga ziek, Mizo chanchin suina lekhabu pawimaw tak a nih. Vol. I ah hmun hrang hrang a Mizohai del ram le intanna, Mizo nunphung, khawsakna, sakhuo thila ei nundan tlangpui le inthlasawng danhai chipchier deuva suiin Mizo ti hih a neitu bik ei umnaw a, Duhlian tawng hmanghai chauh Mizo an ninaw a, Mizo bulthut siemtu chuh Hmarhai anlo nilem zie hi lekhabu hin chieng takin a ziek a. Mizo hnam kaupenghai  hei bi chiengla,  iringnaw naw hai khawm Mizo Hmar Sub-Tribe ah anlo um vawng. Chuleiin, Mizoram neitu khawm Hmarhai anni a, Hmarhai thanglova Mizo inpumkhatna hih um theilo a nizie a le Duhlian tawng hmanghai chauh Mizo an ninaw zie uor takin a ziek a. “Insuikhawm leh zai I rel ang u” ti hla’n a suktawp.

Vol. IIna chuh Mizohai hih hla ngaina mi tak eilo ni leiin Sinlung  China ram a inthawk hung thlangtla peiin Shan Burma( Mynmmar) ram a umlai hun le India ram tuta ei delna a bikin Mizoram chen a ei khawsakna chuh hla thua inthawk hrietthei tamtak a um a. Chuleiin, Mizo chanchin suina dinga hmangruo pawimaw chuh hla hih a nih ti chiengtakin hi lekhabu hin a suklang.

Zoram lut hnunga hlahai, Kristien ei hung ni hnunga hlahai, ei khawtlang nunphung le inzawla ramngai hla, hla lenglawnghai le lengzem hlahai a phuoktuhai leh hla pawimaw zuolhai a chuong bawk.

Lengzem hla a lem chuh Pu L.Keivom le Pu Edward T.C.Hrangte hlaphuokhaiin hmun a hluo rawn khawpel. Edward T.C.Hrangate hlaphuok “ Ka ngai nunhlui zamuol liemhnung” ti Mizo tawngin “Nun hlui tahna”  ti a Pu Samuel.Z.Hrangte’n an let Pi Lalhungchhungin AIR( All India Radio) Aizawl Station a record,  Zoram khawdung-khawvai a inlar em em, kum 2010 AIR Aizawlin “ HLA HLUI DARH ZAU BER” thlangna ah pakhatna a ni leiin Certificate, Trophy le Cash Award Rs 5,000.00 a dawng thu le hi hla bawk Pi Lalhungchhungin Aizawl Doordarshan ah record-in 2010 le 2011 top ten Count down a thangphak zing tihai chen a hung zieklang a lawm a um khawpel. Chun, kum 2012 khan Aizawl Doordarshan ah Top-ten Count down ah pakhatna a hung a hau phaknawk tah  a nih.

6. IMPRESSIONS ON KEIVOM:

            Editors- Pu David Buhril le Tv. Lalremlien Neitham. Sinlung  Indigenous Peoples Human Right Organisation (SIPHRO)-in an suo ( publish), kum 2011 a  Zoom Grafix, Delhi sut a,  Part –I : Hmar Section, Part –II : Mizo Section le Part-III : English Section a the, phek 309 a sei a nih. Preface Pu David Buhril-in a ziek a, Part –I ‘Hril hawngna’ (Pherzawl to Delhi) tihih Pu David Buhril le Tv. Lalremlien Neitham Editorhai  ziek a nih.

            Hi lekhabu hi ‘Impressions on Keivom’ ti a ni bawk leiin, ama Pu LK chungchang bik lieu lieuva, a ngaisangtu haiin an ngaihlutna le inpakna thu ziekna, a naupang nun a inthawk vawisun chen a hnung le hma chipchier deuva hriettheina lekhabu a nih.

            India sawrkar a ofisar lien, ram dang dang a lo um tah hlak, Lekhaziekmi a lekha ziekin Zoram khawvel a fangvel a, Hmar Baibul, Delhi Hmar Baibul Traslation Committee’n a buotsai khawm ama kutsuok,  hlaphuokthiem, thawnthu ziekthiem, pa tumru le taima a nih ti hi lekhabu a hin chiengnawkzuolin an hriet thei. Editor haiin hieng lawm lawm a LK chanchin anlo hrietchieng leiin lekhabu sukphuisuitu a nih.

7. KA LUNGLAI HLUOZOTU :

            Ziektu chuh Pu L. Ruoivel Pangamte, hotunu (Annu) Pi Lalzairem Pangamte’n an suo (publish), Smart Tech Offset, Churachandpur, Manipur-in Kum 2012 a sut, Chapter 17 a the, phek 112 a sei  a nih.

            Senvawn-Tuithaphai inkar a kum 60 taltawp an zinna khawvel nun ziekna lekhabu  a ni leiin harsatna lam suk-le-tung chau hlawp hlawpa a hrawna chanchin, a damlai tuipui ah pil vang vangin, suorsietna hmun ah kampet a thang a lakna chanchin le beidawngna tlangsip a buoina sumpuiin a chimbuoi mupmup haiin lawmna thuruk anlo pai ruk ve kar a nih, ti thuruk hmu thei khawp a mi timru le taima a nih ti a suklang.

            Naupang chite a inthawk Kohran a inhmang hlak a ni a, sakhuo mi nilovin Krista neitu a nih ti a zieklang a. Ka Zawlpa hi ka hrietchieng fut ka sawn a chuh tawnghrietlohai chen hmang a Pathien le a inpawlna thu a zieklang tlat leiin ropui ka ti. Chun, ama hih mi indik, thiemna ngaisangmi tak ani lei a insunga nuhmei le nau hai a enkawl dan le an chunga a thilthawdanhai hih entawn ding tam tak a um.

            Lekhabu thupui “Ka lunglai hluozotu” ti ruok hi a tam em em a. Ziektu’n ati angin, a  lunglai hluozotu chu iem ning ati, ti ngaituo zing pumin tiem lem la, i tem zo pha, “A lunglai hluozotu ka ringnaw tak a ni chu tie” tiel i tih. Tuhin “Ka Lunglai hluozotu-II” ti khawm insuo ani mek a, a copy hmu vat vat nuom a um.           

Thukharna 

A chunga lekhabu Hmar tawng a ziek thuhma/Thucha ziektu thenkhatin Thuhmai hawngna, Hril hawngna,Thu hmatawng tia in anglo neinuoi nekin  eilo pawlnel sa ani leiin THUHMA/THUCHA ti seng el ta hlak inla a tha awm ngei.

            Mizohai ang deuvin Hmarhai khawm HLS huoihawtna hnuoi ah Letters of Academy neiin “BOOK OF THE YEAR” zawng ding  ni ta ang inla chuh, a chunga lekhabuhai thlangsuok dinga thang (nominate) thei pahni a um.  Chuh, “Hmangaina Parbawr “ti le “Ka lunglai hluozotu” a nih. A dang po chuh an lekhabu a tiem an hawi a, a changkangin, a that thei lawm lawm vei leh Hmar tawng ziekdan ah HLS dai ner a dan puoa um an ni tlat leiin.

October 27,2012, Shillong.

Ziektu: Pu L.Keivom, Inpui.com Columnist 

            Hnam tinin kan thil hlutte zinga mi chu kan Kût hrang hrangte hi a ni awm e. Kan kûtte hi kan hnam nun atranga zawi zawia lo tro chhuak, kan chanchin leh nihna hriltu a ni. Kût threnkhat chu sakhua nena inkungkaih an nih avangin a serhin kan serh a. Judaho kût zawng zawng deuthawh leh India rama kût pawimawh, sorkarin chawlh a puan hial tam zawk hi sakhaw thil nena inzawm a ni. Zofaten Kristian sakhua kan vawn hnua kan ni serh te hi kût hming puttir loh mah ila kût ziarang pu vek a ni a, kan saphunna sakhua nena inzawm deuh vek a ni bawk.

Zofaten kût kan hmante hi kan khawsakna leh eizawnna nena inzawm a ni tlangpui. ‘Hmanlai Mizo Nun’ (1999) tih ziaktu C.Lianthanga chuan, “Mizote hian kût chi thum kan nei a, chungte chu Chapchar kût, Mim kût leh Pawl kût te a ni a, heng zingah hian Chapchar kût hi kût ropui ber a ni” (p. 109) tiin a ziak a. James Dokhuma pawhin chutiang chiah chuan a ziak ve a (Hmanlai Mizo Kalphung, 1992 p.76) Mi dang pawh chutianga sawi chu an tam mai. Mahse, hei hi Revisionist-ho mit pua thlir nawn leh bih chian a ngai.

Revisionist-ho chu tute nge?  Revisionist-ho chuan histawri an chhiarin thu dik nia an ziak kha a dik chiah em? tih an chhui a, dik loh emaw, dik hlelh deuh emaw a awm chuan siam thrat trulin an hria. Histawri hi dannaranin hnehna changtute emaw, thuneihna fawng vuantuten tranghma ngai tak leh an lung tluk zawnga an ziahtir a ni tlangpui a, chumi  avang chuan thu dik hliamin a awm thrin a ni. Entirnan, zawlbuk hmang ta ila. Mizote nunah zawlbuk a pawimawhzia leh inthununna hmun ber leh tlawmngaihna hnâr, “a tel loin Mizo nun a kim thei lo” tih hiala kan sawi thrin a ni. Mahse, chu chu a dik chiah em? Chu chu Revisionist-ho thil zawh thrin chu a ni.

Tun china kan hriat dan chuan, kum 1350 vel atrang tawh khan Chin Hills atrangin Zo hnahthlak threnkhat chu kan lo thlangtla tawh a, Tripura leh Chittagong Hill Tracts velah kan tla thla a, Kawrvai (Bengali) ten ‘Kuki’ tiin min lo ko a. Kum zathum hnuah, 1700 AD vel khan Luseiho chu Mizoram-ah an lo thlang tla ve a. Phuba la tura Pawih ral lo hrâng thla tura an rin chu a ruala do rawn dan tur ngaihtuahin Kawlha khua Selesih-ah Sailo lal pasarih/pariat an inchhun khawm a, veng tinah tlangvalho riah khawmna in an sa a, chu chu zawlbuk rawn awm tran dan nia kan sawi dan tlangpui chu a ni. Zawlbuk chu ral laka inven nana (defence system) an duan chhuah a ni. Khawtlang inrelbawlnan leh inthunun nan hmun pawimawh tak a nih avangin, “Mizo nun ze mawi tak tlawmngaihna chhawm nungtu pawimawh a ni a, titi trangkai leh pipu chanchin inhlan chhawnna hmun a ni bawk” (B.Lalthangliana, Zoram Encyclopaedia, p.765)

Chik zawka kan histawri kan thlir chuan, Selesih atranga darh ta Luseiho leh a hnua Fanai Pawihho lalna khaw-ah deuh chauh zawlbuk a awm a, Zo hnathlak hnam dang tumahin zawlbuk  an neih ngai lo. A neih palh an awm chuan Luseiho tih dan an lo kawpi a ni mai thei. Chuvangin, zawlbuk chanchin leh a nihna kan sawi leh ziah changa tlawmngaihna hnâr, a telh loa Zofate nun kim thei lo anga kan tar lan hian thil pawi tam tak a khawih theih tih kan hriat a thra. Hetianga thil sawi hi ‘Exclusive Approach’ a ni. A chhan chu zawlbuk neih ho chauh Mizo-ah kan chhiar a, Zo hnahthlak dang 75% vel chu pawnah kan dah tihna a ni. Zawlbuk hi tlawmngaihna hnâr leh Mizo nun ze mawi chhawm nungtu anga kan sawi pawh hian Zo hnahthlak 75 % vel chu tlawmngaihna hnâr neih loh, tlawmngaihna nun kengkawh ve loh angah kan dah tihna a ni a, chutianga thu dengkhawng leh zahpuiawm chu a awm chuang dawn em ni? Haupzau pawlisi hmangin Zoram khawvel hi i din chhoh zel zawk ang u.

Hetiang thil kan sawi hian zawlbuk a pawimawh loh tihna lam a ni lo. Zawlbuk pawimawhzia hi sawiin a siak lo; kan saphunna khawvelah pawh ‘zawlbuk theology’ thleng kan sawi kai ve phak tawh. Chu tah pawh chuan, ‘Tlawmngaihna theology’ nen tangka hmai hnih angin kan sawi tlangpui. A dikna chin a awm mai thei. Mahse, zawlbuk theology avanga tlawmngaihna theology lo piang chhuak ni tura kan sawi hunah kan thu leh hla a lai tran a, thu  dik kan hliam tih tih hre miah loin, thil pawi kan khawih thrin a ni. Mizorama khawtlang pawl lian berin a khat tawka irhfiak a vei thrin chhan hi kan bih chian chuan, Mizoram histawri lo ziaktute agenda anga zawlbuk tlawmngaihna leh inthununna kengkawh tuma mawlmang taka tran a lak vang a ni thui hle.

Kum 1947 August 15 daih tawh khan kan ram hi zalenin, Danpui duanin, mipui rorelna (Parliamentary democracy) hnuaiah kan lut tawh tih leh British sorkarin kum sawmnga aia tam min awp beh chhunga kan dinhmun let tam taka nasain hma kan sawn tawh tih kan hria a. Mahse, kan zalen loh lai, kan lalte hemfunga hmanga ran ang chiaha min enkawl hun, kan tlawm lai ber hun kha uicho-a an hman threnkhat chuan, Israel miten Aigupta rama sa bêl bula an thrut lai, puar taka chaw an ei lai hunte an ngai vawng vawng ang khan an ngai ve a, pa pakhat phei chuan lungsi takin khang hun lai kha a lehkhabu hmingah ‘Golden History of Lushai Hills’ a vuah hial a ni! Ch. Saprawnga’n Mizo tlawm tawh vek chu kan tlawm ngawih ngawih mai a ni (Ka Zin Kawng) a lo tih kha lungloha lak chi pawh a ni awm lo e. A enga pawh chu ni se, keimahni kan inhmuh dan leh kan histawri kan en dan, abikin Mizo nihna kan ngaihdan le pawm dan hi kan inbih nawn a ngai.

Chapchar kût lamah lut tawh ila. Chapchar kût rawn intran hun chiah hi tuman an sawi thei lo. Suaipui khaw lalin a khaw tlangvalte ramchhuak, zak taka hlawhchhama lo hawte tihhlim nana ruai a threh atrang rawn intran niin threnkhat chuan an sawi a. Chu chu kum tin an chhunzawm zel a, Chapchar Kût hi lo chhuak ta nia sawi a ni bawk. Tin, kum khat chhunga Mizote Kût pawimawh pathum- Chapchar Kut, Mim Kut & Pawl Kut- zinga lar ber leh hlimawm ber, ni ruk chhung zu leh sa chena hlim an chenna hun niin sawi a ni bawk.  Hei hi dik thluam angin lang mah se, belh chian a dawl lo mai thei. Mizorama cheng, Luseiho tih dan, Zofate zawng zawng tih dan anga kan sawi lut ni zawkin a lang. Zofate zinga hnam hrang hrang histawri kan bih chuan hnam hrang hrangin kût hrang hrang an neih a, kût thuhmun pawh ni se, khaw hrang hranga an hman dan a thuhmun vek lo. Hmar hnahthlakte tana kût pawimawh ber chu Sikpui Kût a ni a, chu chu North-Cachar Hills District (Dima Hasao) leh Manipur (Churachandpur) ah chuan sorkar gazetted holiday a ni. Chapchar Kût hmang thrin hi Zoram khawvelah zawng la, tun hnaia thawhthar an nih ngawt loh chuan, Mizorama Luseiho leh an vela cheng, an tih dan kawpi-a lo ti ve te deuh chauh an ni mai thei.

‘The Origin of Chapchar Kut’ (2005) tih ziaktu R.L.Thanzawna chuan ni ruk chhunga Kût an hman dan hetiang hian a dah a:  Ni 1: Lusei Vawktalh. Ni 2: Ralte Vawktalh.  Ni 3: Tlaivarin nula-tlangvalho an lam. Ni 4: Zupui Ni. Ni 5: Zu thing chawi ni. Day 6: Eipuar awm ni. Ngaihtuah thui vak pawh ngai loa miten zawhna an zawh tur chu: Ni khatna leh ni hnihna Luseiho le Ralteho vawk talh ni a nih chuan, Chapchar Kût hi anni hnam hnih tan chauha duan em ni ang?  Hei hi a ni, khami hmaa ‘Exclusive Approach’ tiha ka sawi tawh kha. Chapchar Kût chanchin leh a behbawm kan ziak tam tak hian belhchian a dawl lo; Zofate insuikhawmna kalkawng tihnawktu a ni thei.

Kum 2009-2010 chhung khan Manipur phai leh Tripura cheng Zo hnahthlak, hnam dangte cheh rala awm tawh leh awm mekte chu an dinhmun chian tumin kan zin kual a. An mi hluite leh thil chinchang hre deuhte chu kan kawm a. Hei hi kum tam tak kal ta atranga ka ngaihtuahna khamtu a ni. Kum 1900-a Grierson-a hoa Linguistic Survey an tih hnu khan tih leh turin vawi tam India sorkarin ruahmanna siam thrin mah se, an bawhzui dan atrangin an tui tak tak lo tih a chiang a. Hnam hrang chanchin leh an tawnhriat, trawng, thu leh hla hlui, an hnam lam chi hrang hrang, kût an hman leh serh chi hrang hrang khawn khawm chu kan thil tum a ni a. Chu chu a hmingah Cultural Mapping ka vuah a.  Mapping tih dan tur hmang hriat loh chuan sorkara tranpuina sum dil dan tur hriat a har avangin, mahni sum sengin Preliminary Survey kan tran tawp mai a ni. Hemi kan zin chhung hian hnam ro kan chàn hnem tawhzia hmu chiang zualin ka inhria a. Heng zawng zawng hi kan lak khawm hunah Baibul tiata chhah a tlêm berah Volume 12-15 vel a lo ni ang a, chu chu Zoram khawvel foundation chhenfakawm a ni ngei ang tih ka ring. Chutianga tih loh a, Aizawl tlang atranga duh duha kan kalchar pumbilh kan tum chuan, Lost Tribe dinhmun chuh duh pawlte beiseina tihpuitlinsakin, kan hnam ruhro nen he lei ram hi kan chhuahsan ni a lo la thleng ngei ang. 

Chapchar Kût ka hman hnuhnun ber chu Delhi-ah March 31, 2007 khan a ni. Khuallianaah ka trang a. Hemi buatsaihtute hi Kawlram atranga lo kal, Delhi tlanga rifiuzi-a awmte an ni. Janakpuri-ah hian dannaranin mi sang chuang an awm reng a, ka hman hun apiangah ka va tlawh thrin. Hetiang dinhmuna khawsaten Chapchar Kut an buatsaih mai hian rilru a khawih hle a, thu ril tam tak a sawi a ni. Chumi truma ka thu sawi chu ka lehkha ziak lai hian ka hre chhuak a, tlêm ka han zeh telh a ni:

“Kût kan buatsaih hian hnam dam khawchhuahna kawng kan zawh tihna a ni. Hnam hian hrawkhrui pawimawh êm êm pahnih a nei a, chumi hrawkhrui chu a engpawh a chah chuan kha hnam kha hnamah a dam khawchhuak thei lo.

Hnam hrawkhrui pakhat chu kan nunphung leh ziarang, kalchar kan tih hi a ni. Chu chu hnam dangten hnam hrang kan nihzia min hmuh theihna darthlalang a ni. Chumi darthlalang atrang chuan vai chu vai, zo chu zo tih kan hre thei. Chapchar Kût kan hman hian kan hnam kalchar kan la kengkawh zêl tih kan entir mai ni loin khawvel hriatah kan chian a ni.

Hnam hrawkhrui pahnihna chu trawng a ni. Trawng kan hloh chuan hnam kan hloh tihna tluk a ni. Bawng hi bu loin khuang ta se mak kan ti hle ang. Bawng a khuan chuan taksaah bawng la ni reng mah se âr mizia a pu daih tawh tihna a ni. Trawng hloh chu mizia hlohna a ni. Trawng kan hloh rualin kan thu leh hla kan hloh nghal tihna a ni bawk. Zofate pawh hnama dam khawchhuah tuma hma kan lak zelnaah kan trawng hi kan ngai pawimawh tur a ni. Hnam naupang kan la nih avangin, Zo hnahthlak trawng hrang hrang atrangin kan zavaia hman tur, trawng tualleng zawi zawiin a piang chho mek a, chu chu tihhmasawn leh chawi nun zel hi kan mawhphurhna a ni.

Heng kan sawi, hnam hrawkhrui pahnih hi a chah chuan hnamah kan dam khawchhuak thei lo. Hnam damna tura kan mamawh nia kan sawi fo ram te, sakhua te, hmasawnna chi hrang hrangte hi hnama kan la dam avanga kan mamawh chauh an ni zawk. Hnam hrawkhrui a chah tawh hnu chuan hengte hi eng tihna mah a ni lo. Sakhuain hnam a chhandam lo a, hnam a dam avangin sakhua pawh a dam ve chauh a ni zawk. Hemi thuruk hi kan hriat fiah a pawimawh hle a ni.

Khawvela hnam fei ber chu Israelte hi an nih ka ring. Khawi hmunah pawh awm se, an hnam suihkhawmtu hmanrua pawimawh ber chu an Kût chi hrang hrang niin a lang. Kût hman nachang an hriat loh hun chu an tlâk hniam lai a ni thrin a, an tharthawh hun chu tuai tharna kawng zawh nachang an rawn hriat chhuah leh hun a ni zêl. Kawng danga sawi chuan, an hnam hrawkhrui chawmtu ber chu an kût a ni. An kûtte hi an hnam damna hnàrpui a ni. Zofate nunah pawh hemi thuruk hi a dik kumkhua ang tih ka ring. Vawiina Chapchar Kût kan hman hian chumi hnam damna kawng chu kan zawh ve a ni tih hriain, hlawk tak leh hlim takin i hmang ang u.”

Chapchar Kût pawimawh bikna chu ei leh in ringawt ni loin, hnam thuam leh lam chi hrang hrang inentir siakna remchanga kan hman hi a ni. Kan aidentiti leh van laia tla hnam kan nih lohzia tichiangtu a ni a, kan incheina silhfente hi kan kut thiamzia hriltu a ni. Keiniho kût hrang hranga kal telh ve changa cultural show an zawh hnua Zofa hnam hrang hrang trawngka ka hriat thrin chu, “Chungho chuan kan hnam puan an hmang, kan Hmar-am an veng, kan ngotekher an feng…” tih a ni thrin.  Hei hian min tilawm thrin. Kan inhnaihzia, chhul khat kual kan nihzia hriltu a ni. Hnam dang nen rothil kan inchuh ka hre ngai lo. Vaiho saree hi neihtu nihna kan chuh ngai lo ang bawkin kan puanchei pawh hi Vaihoin min chuhpui dawn lo kumkhua. Unau Maraho lam, ‘Sawlakia’ pawh hmun dangah ‘Sarlamkai’ an lo ti a nih pawhin, Isuan a zirtir Simon Barjona hnenah, “Nang hi Peter (Kifa) i ni tih ka hrilh bawk a che” tih ang kha a ni. 

Eng pawh ni se, Zofate zinga inpumkhatna leh insuihkhawm duhna rilru hi hrisel tak leh duhawm taka a thran len chhoh zel kan duh a, chumi kalkawng dal theihtu leh tihnufum theihtu thil reng reng chu kan thian fai a ngai. Kan lehkhabu tam tak hi Revisionist tukverh atranga thlir chuan siam thrat ngai a tam mai. ‘Exclusive approach” hi bansanin, ‘inclusive approach” lam i uar ang u. Chu tah chuan hnam dam khawchhuahna pawh a awm.  (Delhi, February 19, 2013, 2240 hrs.)

*Pu Keivom is a retired Indian foreign diplomat and a well-known writer among the Mizo tribes. 

Ziektu: Darsanglieng Khawbung

Ei thupui en chun, kei hrietna tienga insit umtak le mani khawm inhre fumfe lo ta ding chun, a ropui taluo deu chu ka ti. Nisienlakhawm, ka lungril a kan vawi em em hlak, hei hrilsuok lo a ipbo el ding chun a pamhmai ka ti em leiin, inzak-inphak khawm dawn loin ka hung phulsuok bawr bawr el tum a nih. Ei officer lien hai le mi ropui lem min fui theitu hai ziek ding a ṭhatak a ni lai zingin ei tumtak ziekfû naw inla khawm lo ngaituo fûk tum hram hram el ro. Mi chupa khapa ngaidan ti le an ṭawng kauchek laksawng khawm ka tum nawh. Kei hin ngaidan le ziek nuom dan ka nei ve nih. Mi dang khawm a an ngaidan an ziek ve tho si a le!

Hun iemanichen liem ta a mi ti ti na chun, Hmar hai chun chenkhat an nei chun zu dawnna dingin an hmang an mi ti hlak a. Chanchinṭha meiser in a mi hung kâng hnung lem khan chuh, rawngbawlna tieng nasatakin hma ei lak a, khawvel mithiem le remhriehai in ro an mi rel khum a, ei nuomna tieng le nuom naw na tieng khawm hril thei lek loin an mi petleng an mi petleng a. Hmun tum tum a in zarpharin, ram le hmun bîk khawm nei thei lo khawpin semdarin ei um zing bawk a. Umna hmun le ram in a zir naw lei le chîngdan an angnaw lei amani ding ei hriet bik ta le, lungruolna zion tlanga leng diel diel khawm intak ei ti deu chu an tan naw ma ni ka ti deu. A rawng ei inbawl le ei phatsan ngailo Remruottu chun hun ieng tika mani chu mila suikhawm ngei ngei a tih, ti hih kei chu kan hnemna umsun chu a lo ni ta a ni(?)

Tuhin, beiseina thar nei thei dingin khawvel ke pen ruolin ke ei hung pen ṭan met met ta ni in an lang a. Chulaia, hmu thei le hrietthei hung inlang chuh, tulai sawrkar sin le kawmpani lien tamtak a hai hin eini Hmar hming ngei, a ṭawng khawm buoi ṭhak lova hmang thei nasatakin ei hung lutin ei hung pung ta pei a. Hnamdanghai mi er (el niloin) ei ni ta el hai dam hih, Lalpa malsawmna ei dawng inṭanna ding lampui chu a ni el ta naw ding maw? State Service le Central service a, nasatakin hma eisawn a. Kum hung liemin Civil service a hai khawm ṭhang hung la nawk pei hei tum nawk inla atam thei ang invawrlut nawk thei inla chuh, nuom a um nawk zuol awm. Tulaia, ṭhahnemngaitaka coaching ei thawna ra hai le midang ta dinga malsawmna hnâr ni dinga ṭhang ei hei lak hai hriet le hmu chang hin chuh, hmar ka ni hi, ka lo ni naw pal kan lau rum rum el!

Kum liem ta a, Manipur State Service le Assam State Service a eini mi tling le interview la hmabakhai hei hriet lem khan chuh, lawmna mittui a luong hiel thei chu tie. Hienglaizinga, thil dangṭhanglakna dinga ṭha a ka I hriet  chu, Mizoram hih hmun danga ei unau hai ang in Central le State a hai hma hung sawn in, hung in vawrlut sup sup ta hai sien la lem chu, ei ta ding hin Ram hi tiemsa a um puitlingna lampui hih, inzâmzut el tang a ti ka ring. Nang I hmuna kei ka hmuna ti in ei umna hmun senga inthawk nawr tungin, Ruonglevaisuo, hmun ngei a sawn ruoiṭhena bêlpui hei in khuk hlut hlut chu chak ava um ta de. Chu ding chun, nang le kei hi tuta ṭhang la thei ding le mawphurtu tak chu ei nih.

Chuleiin, inchukna mawl hi thlada loin, a neka nasa nawkzuolaṭhang eilak hi a ṭul takzet a, mithiem le mivar, inchuk suok ṭha tak tak nei ei hung pung pei chun, hma hung sawn eita, insawiselna le intum intuona khawm hung tlawm tiel tiel bawk a tih, ti hi ka ring dan nghet bur chu a ni ve tlat mai mai a. Lekha inchuk vartak hai chun, zaidaw theina le mi lungril hriet thiemna nasatak an nei khela, thilṭha thawdan ding lampui le mi infuidan thiemna, lungril varna an nei sa hlaka, asawiseltu ringawt nilova, a lampui dang kawkhmutu, mi puitling le rawntlak ni ngei dingin inchuklaihai hin ṭhang la thar nawk zuol ei tiu. Lekhathiem anga inlang, sinṭhatak nei, lungril le mani anthawka Hnam ta dinga, chenfakumtak ninaw hi thil inzak umtak lai a pakhat a ni si a. Min, lekhathiem hmangna bo an mi ti ve nawna dingin, in ngaituo nawn rawp bawk hi a ṭha. Mi tamtak inchuk sang si, hmang tlak lo  an um ve nuol a ni aw!!

       Nang chu pâwl (Kohran) kei chu pâwl ti lova Hnam anga ei ngirsuokna ding lampui mawl hi Pathienthu ti chau naw a chun, ei ngaituona hluo tu tak ni thei sien la nuom a um. Eini le eini eiin milnaw hin Hnamdanghai lawm ei siem lem a, ei hnung tieng an mi nuisaw rân ti hi hrethar inla nuom a um ta takzet bawk. Ṭhangruol chu hratna an ti angin, ei ṭhangruol phawt chun, ei neka ropui lem a mi el tu hnam hai lai hin um naw tawp an tih.

Sinlung rock star Laltuoklien at Guwahti Sikpui Ruoi 2012.

Singer Laltuoklien in Guwahati Hmar hai lai a a talent a show.

Tuithaphai:  February 15, 2013, Hmar Inpui (Hmar Supreme House) General Assembly, Muolvaiphei Club Hall a nei mek a chun palai fekhawm haiin kum 2013-15 sunga thuoitu thar ding thlangna an nei a, ahnuoia hai hi thlangtling an nih.

President: Dr. John H Pulamte

Vice President:

i) Hmangzalien
ii) Lalawilien

General Secretary: David Buhril 

Joint Secretary: F Doliensung

Joint Secretary, Region:
1. Dr. Immanuel Zarzosang
2. Thangsang Songate
3. Lalchawisang

Finance Secretary: Jousanghlei Joute

Treasurer: Rev. Ruolhlei Pakhuongte

Ziektu: Pu L.K. Varte, Guwahati

Hmar Kohran hi Krista tuolto kohran chanchintha chi a hung kak dawk chu a nih. Kum1910 khan Pathien tir mipakhatin Johan bumal hnuoi thatna hmun ah hung the lutin, Hmar nauhai sutpuiah van rangkachak Krista kohran chu Senvon khuoah a hung inder suok ta anih. Krista kohran, Pathien thlarau meichawkin a hung sun eng Hmar tuolto kohranhai chu ei ni hi ei nih. Ei mihriem invetna popohai chu the thlak peka umin, Pathien thlarau varna a inthuom le a neitu, a changtuhai chu ei hung ni ta a nih. Suol inhliem in um hlak inla khawm, inthla lova Krista cheltlattu kohran Hmar nauhai chu ei nih.

En hman ta u? Tuia le Thlaraua piengtharna, ei Lalpa Isun a ngai pawimaw bekbek, ngainatu, ngaisang hle kohran hi an tam bek le, ei ni chu Krista tuolto kohranhai sandamna ngainatu le chu changtuhai chu ei nih. Hi Krista tuolto kohranin a kang zapna chile`kuonghai hrim hrim sandamna, tuia le thlarauva piengtharna ngainatu, pawimawsaktu kohran an hung ni zat zat pei anih.

Vanhnuoi mihriemhai hi tu hnam khawm, tu chi khawm misuol turu taktak hnam vawng, siemtu insir vawng vawngna khawp suol thawthei vawng hnam ei nih. A suol seng seng laiah Israel hnamhai vangnei bikna chu Pathien hnam thlang, a nauhai anni lei a nih. Hmar nauhai vangnei bikna khawm Pathien-Krista zawngsuok hnam, a kohran phun le a kut suokhai a nauva inbuk hai chu ei nih. I lo sui hlak am? pasie, hausa, a thiem, a mawl thu hril lovin, hmar-nau lai ruol banlo, ruollaia hmusit um, mi hnuoi sie, apawk! ku khi van, ku hi hnuoi! ti khum el ding hi ei um am aw?. An lo um pal chun ama chu suol leia hliem tuor ning a ta, sukdamin um nawk a ta, a tho nawk ngei ding a nih. Var nauhai eini si a.

Isun, Nikodem a kuomah, i piengthar ding ka ti che hi mak ti naw rawh!, tiin a dawn a, mi a piengthar tlat chun, ieng am hril tang i ta?, hihi Thlarau Thienghlim sinthaw ana, Nikodem i hrietthiem le thiemnaw thua innghat an ta nawh. Chuongang bawkin, mi thlarauah a piengthara, Krista tuolto kohranah a piengthar bawk si chun theinghil dinga hang intu rak dan ding khawm a um chuong naw a, hotu Nikodem ang thovin buoi i tih. Krista hmangainaa inthawk chun tuin am mi theng ata ?, rinumnan amanih, lungngainan amanih, suknawmnatnan amanih, tamin amanih, saruoknan amanih, tiumin amanih, kawlhnamin amanih ami the ding am a nih?, hung ti thla zungzung an ta, Rom 8:39 ah ... mi the naw nih, tiin an suk tawp el ding a nih. Krista tuolto kohran haia piengthar ta chu iengkhawmin the naw nih; lu`bawng, ban`bawng, martar chen ngam deu vawng ei ni`el thei a nih; a khel chu vandumpawl ruoi kheltieng, vanram ni el tang a tih. Kristaa le kohran pawl bika piengthar hi Hmar nauhai insukchiengna ding tak chu a ni el nawm a nih, ei ni tlangpui ang hin.

Ei kohran bulpuihai, parent churches tukhawmin ei maksan theinaw ding an leiin, Krista zara mani kohranhai thlawpa, inhriepawa, inrawntlang diel diela Lalpa rama rawngbawl tlanga, khawpuihai ah ei renga eiin leng vawngna ding puonin zau lien hi Hmar Christian Fellowship haiin ei thaw ding tak chu ani el naw dim a nih?. Inkhuongruolna le Lalpa zanbu kil tlang pei theina ning a ti ie!. Kristan an din kohranhai sin hi suk le tung tamtak a um anih; tlaksietna, thatna dan, sietna dan chi dang dang, hliem tuorhai tuom damna sin, Lalram rawngbawlna sin hienghai popo hi Kristan an din ei tuolto kohran bulpui haiin indei le indeilova anphur suok hlak anih, ei nin ei them theilo ding tamtak khawm a um anih. Hieng lei hin, eini sawrkar sin le sin dang dang thawa, sumhnar neituhai le studenthai hin apar ei tlan chau nilovin, ei support a ngai a nih. Kristaa ei tuolto kohranhai popo khi ei ta vawng an nia, an hmalakna haiah thlawp ei tiu! Lal David anga, Lalpa hrieknalhai ei inza zing phawt chun Hmar Christian Fellowship ei i duot em em hi chuoi ngainaw ni a, vul zing lem a tih. Ngaidan ka hung thawlawm ve ani ie.

L.K. Varte,

Date: 09.02.2013

Pillangkatta, Guwahati-29

Email: lkvarte@yahoo.com

By Prof. Lal Dena 

            India ramah hin Protestant mission society tam takin rong an hung bawl a.  Anni inkarah inhrietthiemna thra lem a umna dingin inzatuona dan tlangpui (principle of the comity of Protestant missions working in India) an lo zam a. Chu dân dungzui chun India ram sŭng khaw lai hmuna khom mission pakhatin rong a lo bawl tah chun, rong lo bawl hmasatuhai le inbiek remna nei hmasa zet naw chun mission society dangin missionary thar dang tir lo ding ti a nih. Hi dân hi hmangin abikin India hmar sak ram chu hieng ang hin BIEL an lo insem a: Assam phaizawl, Garo Hills, Nagaland le Manipur chu American Baptist Mission (ABM) chan; Khasi Hills le Mizoram chu Welsh Presbyterian Mission (WPM) chan; Tripura chu New Zealand Baptist Mission (NZBM) chan.          

            Abikin eini Zohnathlakhai chengna Mizoram le Manipur tieng thlir bing inla. Rev.William Williams, Shella, Khasi Hills-a rongbawl lai mêkin kum 1890-khan Mizoram a hang sir a. Rev Williams rotna angin WPM chun kum 1892-a  Machynleth Inkhawmpui chun an mission field dingin an namdet nghal a. WPM chun Rev David Evan Jones (Zosaphlui) chu an missionary dingin an ruot a; a fe suok hmain D. E. Jones chun kum thum trening a la nei hri a. Kha hmaa Arthington Mission tirh J. H. Lorrain (Pu Buanga)  le F. W. Savidge (Sap Upa) hai ruolcham khan Mizoram chu WPM ramhuol a nih ti an hriet lawk ngei niin an lang. Aizawla umhmun khuora bangla an bawl thu kha hieng ang hin Lorrain-in W. Thomas, Liverpool, kuomah lekha a ziek a: “From the very beginning of building (the bangalow) we had in our mind the coming of your missionaries…”(J.H.Lorrain to W.Thomas, 1 October,1898). 

            Trening zovin D. E. Jones chu 31 August, 1897 khan Aizawl a hung chuong kai ve tah a. Thu khervei thaw nuom hai sien chu sulsutu le kum thum chuong hiel rongbawla lo um tah Lorrain-hai ruolcham khan hril ding an hau awm khop el. Kum thum tawp rong lo bawl tah an ni leiin Mizoram suoksan khom an rin hle. Mizorama um song theina ding a ni phot chun WPM-a inpêk khom an rin nawh. Amiruokchu, anni ruolcham kha Baptist kohrana mi an ni leiin, WPM-in a lâk nuom nawh.

            Hi lai thu hi Lorrain-in hieng ang hin a lo ziek a: “W. Savidge and I are very sorry to hear that your committee feel unable to accept us for your work in Lushai. We shall always follow the work of your agents in that land with the keenest interest and we trust that God’s richest blessing may rest upon their labours”(Lorrain to Thomas, ibid.). Thra taka inbein, mission le mission inkăra inzatuona dan ngir lai chu hre zingin, D.E.Jones kutah iengkim an inhlân vong a, thla ruk nêka tam an la umpui sungin an mawphurnaa ngaiin Lusei trong an inchuktir a, thil thaw pei dan ding le hma lak pei dan ding an hril a, D.E.Jones ta dingin zirtirtu, keihruoitu, thrangpuitu le sulsutu trangkai tak an lo ni ta lem a nih.

            Lorrain hai ruolcham chun Mizoram an suoksan a, Abor ram (Arunachal Pradesh), tu khomin rong an la bawl nawna rama chun an fe a. Kum thum an um sungin Abor trong an inchuk a, lekhabu khom an siem hman a nih. Pathien remtinain Mizoram sim tieng chu Baptist Mission chana inhlăn fel a hung ni phing leh, anni ruolcham bok kha Lusei trong thiem ta sa an ni bok leiin, Mizoram sim tieng biela rongbawl dingin an ko a, rongbawlna tran dinga  an suok khomin malsawmna’n D.E.Jones-in a’n thla a, malsawmna tam lem leh hlawk takin an hun tawp chenin Mizo rama bok rawng an bawl nawk ta lem a nih.

            Mission le mission inkâra inzatuona dan hi bawsiet a ni zen zen nawh. Amiruokchu, kum 1934 khan Mizoram chu WPM field a nih ti hre zingin Salvation Army chun hmun khuor ve tumin, a ram mi threnkhat le inthu kopin hma an lak a. WPM hotuhai lu an sukhai hman hle. Chuong laia misawnari um Rev Lewis Evans chun Borsap A.G.McCall kuomah a zuolkova, lekha sei tak el a ziek a.  Chutaka a ziek uor tak chu WPM ni lo, mission dang hrim hrim Mizorama lut phalna pek lo ding; pek an ni chun Mizo hnam lai inthrena le inkeibingna a ra suok ding a nih ti a nih. Amiruokchu, Mizo threnkhat le Salvation Army hotuhai lo inthuhmu tah le Calcutta inthoka an lo tran tah a ni leiin, WPM hotuhai chun an dang zo chuong ta nawh. Buoina tam tak nêr thlengin Salvation Army khomin Mizoramah hmun det a hung khuor ve ta tho a nih.

             Watkin Roberts khom khan mission society inkara inzatuona dan ngir lai chu a bawsiet tiin Manipur Biela A.B. Mission misawnari hmasa tak William Pettigrew chun a hêk nghé nghè a ni kha. “Manipur Simthlanga Chanchin hung lut dan le A.B.Mission lo dodal dan, 1910-1933” Thukna Ropui, 2010 –ah khan chieng takin ei tarlang ta a, chik nawkzuola sui nuom chun tiem dingin ka ditpui. Manipur sorkar khoma Watkin Roberts kha Manipur-a um a phal nawh a, a hnungin Mission Society-a inthok khoma muolpho taka hnotsuok a ni nghe nghe.

             Thil tlung tah (historical events) hai hi historian-haiin an sui hrim hrim chun, thil tlung kha ieng leia tlung am a na? Ieng leia khâng kher kher khan a tlung am a a na? Kha thil tlung khan a hnung peiah ieng am kakhawk a nei a? ti hai hi tukver hrang hranga inthoka thlirin, sir tina biin an chǐk hlak a nih. Histawri ziek dan kalhmang (trend of historical writing) khom hi a hung inthlâk pei a. Africa le Asia rama kha hmaa ram dang op dea umhai an hung suok zalena (decolonizing process) inthok lem khan chu ramper hlutsaktu pawl (colonial officials) le missionary-hai thilthaw dan chen khom fîp taka bi non (reassess) a hung ni tah a. Black theologian-hai lem chun, “Our Jesus is Black” an ti ta chu! Setan lim an ziek pha khom mingo hmêl an inputtir bok.

            A tu khom, Western missionary-hai khom ni hai sien, an thilthaw thrat le an thilthaw suolhai inhmai bik um lova a ni dan ang taka bi a, objective assessment thaw hi historian-hai sin a nih. Voisun chen hin mi tam takin Pathien ang thawthanga mingohai ngaina le biekna (colonized mentality) lungril ei la nei a, Saphai, abikin missionary-hai lem chu soisĕl thieng lo anga ngaina ei la nei a hoi. A poi khop el.  Hi ripa inthoka ei intăl suok a hun tah.

            Dr Fraser khan India rama Watkin Roberts hung thruoi phalna Liverpool-a WPM hotu lienhai kuomah a hni a. Hi lai thu hi original source hmangin ka tupa Jonathan Pudaite chun hieng hin a lo ziek a; “In reply to the letter, the secretary of the WCMFMS asked Fraser to inform Roberts to delay his travel and go out the usual way”, (Jonathan Pudaite; The Legacy of Watkin Roberts, 2009:14). Hotu lienhai thu awiin missionary intir pangngaiin, training zo thlapin Roberts kha WPM tira hung suok ni sien chu thil a danglam hle thei. Historian-hai chun thil tlung hrim hrim, a sie le a thra, hi hnung peia kakhawk an nei dan lung nona thrang loa objective assessment thaw hi an sin tak a nih.

(Canchipur, 8^th February, 2013).