::By Pu MALSAWMTHANG KEIVOM*::Ngairuotna:
Pawisa ei ti hi ngairuotna mei mei a nih. Ei ngairuotna-a thil pakhat a hlutzie ei inkhina a nih. Bufai a tam pha chu a man a tlawm a, favang pha a man a tam hlak. Thil chu a tlawm le a tamin a pawisa hlutna a siem hlak. A pawimawna zir khawmin a hlutna a tamin a tlawm thei bawk.
A chawi a awlsam:
Pawisa hi a chawi a awlsam. Bawngchal lien tawk tak i chawi nek chun a man zat pawisa i chawi khan a awlsam lem. Pawisa neka awlsam lem chu credit card a nih. Credit card neka awlsam lem chu internet banking a nih.
Pawisa tak neka a hlutna pung hrat lem chu:
Pawisa chu hlutna inkhina a ni ang bawkin a hlutna hi ama rengah ni loin, thildang hmangin ei sukpung hlak. Rangkachak hlutna chu pawisa reng hlutna nekin a pung hrat lema, chu lei chun pawisa nekin rangkachak ei sietha hlak a nih. Pawisa le thildang hlutna ei khaikhin a, in-hmun hlutna a kaisang hrat leiin in-hmun ei inchawk hlak. In-hmun rau rau a khawm Delhi/Mumbai/Bangalore le khawpui danga in-hmun chu Tuithaphai-a in-hmun nekin a hlu lema, a man khawm a kaisang hrat lem. Senvon-a in-hmun nekin Tuithaphai-a in-hmun man a kaisang hrat lem. Tuithaphai-a in-hmun man a to lem nasan chu Senvon tlungna dingin lamlien tha a um nawh a, damdawi-in a um nawh a, sikul tha a um nawh a, mihriem khawsakna ding tha a um naw lei a nih.
Pawisa hi vate angin a vuong thei:
Pawisa hi thla nei angin a vuong thei a nih. Sum hlawk zawngtuhaiin sum hlawk hmuna ding tieng an pan hlak. Hun iemani chena inthawk kha India ram khawm sum hlawk zawngna ding hmun tha a lo ni ve tah leiin fawrein tienga inthawk sum hlawk zawngtuhaiin an sum an hung invest ut ut a nih. America-a inthawkin $ chu thla nei angin a hung vuong a, India ramah bu a hung sep a nih. Bu a sep chau ni loin, rangkachak tui (golden eggs) a nei teu a, a pung tuol tuol el. Sum hlawk zawngna ding hmun siem ei nuom chun a environment ei siem a tul. Hmarram khawm chuongang bawka siem thei a nih. Ei siemtha ta laklaw chun Vairampur hai nekin a tha lem dai ding a nih.
Pawisa hi inhnelna a nih:
Pawisa ei ti hi number game a nih. Namber gem anga pawisa enkawl thei hai chau hi a nih pawisa suoka intang ngai lohai chu. Pawisa hi iengkima iengkim anga ngaituhai ta dingin ‘Pawisa sum ngainatna hi suol tinreng bul a nih.’
Pawisa hi nuhmei anga zam ve thei a nih:
Pawisa hi nuhmei insek tak ang a nih. Nuhmei insek khawm duot taka i enkawl naw chun a zam hlak. Nuhmei zam chu ko kir thei a n’a, pawisa ruok chu a zam tah chun ko kir ngaina a um ta nawh. Pawisa hi ama venghimtheitu kuoma chau a um nuom hlak. Sum hlawk zawngna-a risk la ngam lohai kuomah a um pei nawh. Pasalin nuhmei a hmang anga a hmang dan indik tak hrehai kuoma chauh pawisa hi a um pei hlak.
Pawisa hi magnet (thirhipna) ang a nih:
Pawisa hi a um phawt naw chun a dang a um thei nawh. Pawisa annawleh a tlukpui thil-hlu dang a um tah chun a dang khawm a hung um belsa pei hlak. A suok tah laklaw chun a umsa khawm a fehmang zung zung hlak. Pawisa hi tam taka inthawk intan a nuom nawh a, tlawmte tea inthawk intanin, tam taka inbum khawm a nuom hlak. Chu lampui hraw thiemhai kuomah pawisa hi a tlanbum hlak. Ka chin laia mi pakhat tawngbau tu chena ka lungrila la cham zing a uma. Ama chu ‘Muvanlai Bus’ neitu, Lamka le Ngurte khuo inkara tlan hlak a nih. ‘Pawisa hi ka hnawt nawh a, pawisa’n a mi hnawt a nih’, a tih.
Pawisa ei ti hi ngairuotna mei mei a nih. Ei ngairuotna-a thil pakhat a hlutzie ei inkhina a nih. Bufai a tam pha chu a man a tlawm a, favang pha a man a tam hlak. Thil chu a tlawm le a tamin a pawisa hlutna a siem hlak. A pawimawna zir khawmin a hlutna a tamin a tlawm thei bawk.
A chawi a awlsam:
Pawisa hi a chawi a awlsam. Bawngchal lien tawk tak i chawi nek chun a man zat pawisa i chawi khan a awlsam lem. Pawisa neka awlsam lem chu credit card a nih. Credit card neka awlsam lem chu internet banking a nih.
Pawisa tak neka a hlutna pung hrat lem chu:
Pawisa chu hlutna inkhina a ni ang bawkin a hlutna hi ama rengah ni loin, thildang hmangin ei sukpung hlak. Rangkachak hlutna chu pawisa reng hlutna nekin a pung hrat lema, chu lei chun pawisa nekin rangkachak ei sietha hlak a nih. Pawisa le thildang hlutna ei khaikhin a, in-hmun hlutna a kaisang hrat leiin in-hmun ei inchawk hlak. In-hmun rau rau a khawm Delhi/Mumbai/Bangalore le khawpui danga in-hmun chu Tuithaphai-a in-hmun nekin a hlu lema, a man khawm a kaisang hrat lem. Senvon-a in-hmun nekin Tuithaphai-a in-hmun man a kaisang hrat lem. Tuithaphai-a in-hmun man a to lem nasan chu Senvon tlungna dingin lamlien tha a um nawh a, damdawi-in a um nawh a, sikul tha a um nawh a, mihriem khawsakna ding tha a um naw lei a nih.
Pawisa hi vate angin a vuong thei:
Pawisa hi thla nei angin a vuong thei a nih. Sum hlawk zawngtuhaiin sum hlawk hmuna ding tieng an pan hlak. Hun iemani chena inthawk kha India ram khawm sum hlawk zawngna ding hmun tha a lo ni ve tah leiin fawrein tienga inthawk sum hlawk zawngtuhaiin an sum an hung invest ut ut a nih. America-a inthawkin $ chu thla nei angin a hung vuong a, India ramah bu a hung sep a nih. Bu a sep chau ni loin, rangkachak tui (golden eggs) a nei teu a, a pung tuol tuol el. Sum hlawk zawngna ding hmun siem ei nuom chun a environment ei siem a tul. Hmarram khawm chuongang bawka siem thei a nih. Ei siemtha ta laklaw chun Vairampur hai nekin a tha lem dai ding a nih.
Pawisa hi inhnelna a nih:
Pawisa ei ti hi number game a nih. Namber gem anga pawisa enkawl thei hai chau hi a nih pawisa suoka intang ngai lohai chu. Pawisa hi iengkima iengkim anga ngaituhai ta dingin ‘Pawisa sum ngainatna hi suol tinreng bul a nih.’
Pawisa hi nuhmei anga zam ve thei a nih:
Pawisa hi nuhmei insek tak ang a nih. Nuhmei insek khawm duot taka i enkawl naw chun a zam hlak. Nuhmei zam chu ko kir thei a n’a, pawisa ruok chu a zam tah chun ko kir ngaina a um ta nawh. Pawisa hi ama venghimtheitu kuoma chau a um nuom hlak. Sum hlawk zawngna-a risk la ngam lohai kuomah a um pei nawh. Pasalin nuhmei a hmang anga a hmang dan indik tak hrehai kuoma chauh pawisa hi a um pei hlak.
Pawisa hi magnet (thirhipna) ang a nih:
Pawisa hi a um phawt naw chun a dang a um thei nawh. Pawisa annawleh a tlukpui thil-hlu dang a um tah chun a dang khawm a hung um belsa pei hlak. A suok tah laklaw chun a umsa khawm a fehmang zung zung hlak. Pawisa hi tam taka inthawk intan a nuom nawh a, tlawmte tea inthawk intanin, tam taka inbum khawm a nuom hlak. Chu lampui hraw thiemhai kuomah pawisa hi a tlanbum hlak. Ka chin laia mi pakhat tawngbau tu chena ka lungrila la cham zing a uma. Ama chu ‘Muvanlai Bus’ neitu, Lamka le Ngurte khuo inkara tlan hlak a nih. ‘Pawisa hi ka hnawt nawh a, pawisa’n a mi hnawt a nih’, a tih.
[*Editor's Note: Pu Malsawmthang Keivom, an Indian foreign official, currently stationed at the High Commission of India in Botswana is a native of Manipur. He has two daughters with wife Pi Chinghoihkim Keivom. INPUI news&info will now be featuring exclusive articles of this straight-forward man who minces no words when it comes to speaking his mind, if he thinks it is for the betterment of the Hmar tribe. His column will be called 'MK-To the Point'. Pu Malsawmthang's opinions published in INPUI are his own and do not necessarily reflect the views or policies of the organisation is associated with.]
Pu Malsawmthang chu ring nekin artikul ziek a lo thiem ngei. Tawite in felfakin a hung ziek. Internet a hin chu tawi si fel deudeu a ziek pei ding chi a lo ni hi.
ReplyDeleteAmirukchu,poisa bovin ieng khom a umtheinaw ti hi chu a taluo deu in ti ve naw maw? Mihriem umphot chun poisa chu umel dinagh ka lo ngai hlak kha ana.
SLR
SLR-in ka artikul zieka 'Pawisa a um phawt naw chun a dang a um thei nawh' ti chang a hung kawmen zau hi a hril indik a nih. Kei a suksuok a nih. 'Pawisa a um phawt naw chun pawisa dang a um thei nawh' ka ti tumna a nih. -MK
ReplyDeleteKa fie ta :). Ka lawm. Hieng ku ni hlak inla.Midang hai khawmin mani artikul hai andiknaw le hrilfie trulhai hrifie zung zung pei hlak hai sien chu hrilsei ngai lo ding bah.
ReplyDeleteKa lawm che Pu Mk.
SLR