Gospel centenary declaration le inzawmin consultation meeting nei a nih

Picture and News:- Hmasawnna Thar

Tuithaphai, July 3:- Saikawt, Churachandpur, Manipur hmuna Hmar kohran pumpui huopa Gospel Centenery lawmna huna Declaration 5 siema um hai bawzuina “Consultation on Future Direction of the Hmar Churches” ti thupui hmangin zani 10:00AM a inthawk khan Hmar Christian Leaders’ Forum (HCLF) hmalaknain VET, Rengkai Muohlum hmuna Consultation meeting nei a nih.Hmar hnam sunga Kohran tum tuma \huoitulien hai an \hangkim vawng baka Prof. Dr L. Fimate, Pu Selkai Hrangchal,Pu Lalthlana Chhangte (DHWA representative) Hmar hnam sunga Pawl tum tum Hmar Inpui Gen. Hqrts, HWA, HSA \huoituhai an \hang tawl a, member fekhawm hi an rengin mi 59 an nih. Meeting a \hang hai chu group hran hran Table No. 7 chen siem a nih.

Hi Consultation meeting a hin Hmar hnam pum huopa Gospel Centenary Celebration neina huna Declaration 5 siema um hai- Hmar Hnam sunga Kohran hrang hrang inzawm khawma Federal Unity nei a ni theina ding; Nuhmei hai ngirhmun dawmsangna ding; Hmar hnam sunga inchukna suk hmasawn dan ding; Hmasawnna dinga Hmar hnam sunga organisation dang dang hai \hangtlang dan ding le India khawpui dan danga Hmar Christian Fellowship hai le Networking \hatak nei dan ding tihai thupuia hmangin Rev. Fimchawnthang, Rev. Tlanghmingthang, Rev. Edwin Darsanglur, Rev. Dr. J.L.Songate le Rev. Dr. J. Huoplien han concept paper tiemlangna an nei.

Hieng thupui tina paper iemlang a ni zo zat hin Table ina in\hung (group tin) hai riltlangna hun siem a ni a, hu zovin Table tin hai ta ingin a thupui le inzawma n ditdan puonglangna hun mang pei a nih. Consultation meeting a hin thutlukna lak la um hri naw sien khawm Hmar Kohran po po han tuta Puitling Sunday School subject inangkhat ei hmang ang bawk hin Naupang Sunday School subject khawm angkhat hmang thei ni sien; Nuhmei hai ngirhmun dawmsang na dingin HCLF a hin Women Wing indin nisien, annawleh Hmar hnam sunga pawl hran hran haia nuhmei representation chu 30 percent Or member 2 pei bek um thei hai sien; Tuta neka Education tienga hma ei sawn theina ding le hrat zuol theina dingin Social Front indin nisien; HCLF hin Regional Unit nei sien, India ram khawpui tum tuma Fellowship um hai chu HCLF in Para Church ang in pawm sien; Nuhmei hai ngirhmun dawmsangna ding thua hin By-law khawm siem\hat nisien; hiengang consultation meeting hi kum khata vawi 2 bek nei ni hlak sien ti le a dang dang hai hriltlang a ni a. Declaration le Ngaidan le ditdan hriltlanga um hai chu HCLF \huoitu hai hung bawzui dinga sie a nih.

Zantieng hlim taka ruoi kiltlang a nih