By Evan. Phirlienmawi (Mainpuri, UP)
A rong ei bawl pêk Isu Krista hmingin chibai ka bûk cheu. Mainpuri-a ring tharhai leh 2010 Krismas theitawpa hmang dinga kan insingsat lai zing khingtieng pangah mi hung sukbuoi tumin Hindu pachalhaiin an mi hung inthi a. Tum angin Krismas ei hmang thei da’l awm de aw kan ti lai, Pathienin ei tongtainahai a don a, Krismas chu sukbuoitu um thak lovin mi 50 vêlin hlim taka hmang a nih.
Mi lo tongtaipuitu kohran hai kuomah kan lawmthu kan hung hril a nih.
Churachandpura intieng ka hang suok huna khom kohran dang dang hai mi ditsakna zârin thuhrilna le ei rongbawlna ripawt ka hang nei hlak a.
Mi hung tongtaipek zuitu khom an um ka beisei. Ni kum Pathien mi thuoina ka ngaituoin hlu le ropui ka tih. Tu kum rongbawlna ding hai (Year Planner) ka hung târlang a, chuonghai chu Lalpa’n mi’n hlawtling tira ei phursuok theina dingin in tongtaina hlu tak hai ka hung ngen cheu a nih.
*A rammi ruolthaa siem rawn a, chuonghai chu kohran ban poimaw ni dinga inchuktir le Bible Basic Course traininga tira siem puitling.
*Ring thar panga bek Discipleship Traininga tirsuok.
*Ring tharhai Pathien thutaka enkol, kohran inthuoi dan inchuktir, thawlawm le sawma-pakhat pek poimawzie inchuktir, le ramthim rongbawl inhniktir.
*Mainpuri khawpui sunga school, college, institute le training centre hai kana Gospel thedar.
*Kar khat sunga sungkuo pahnih bek sira Gospel inhriettir.
*Kar khat sunga sungkuo 5 bek tongtaipek.
*Baibul tract 1000, Holy Bible 20 le Thuthlung Thar Baibul 200 bek sem dok.
*Thlarau bohmang sungkuo 5 le mimal 20 bek Isu Krista ke bulah thuoilut.
*Mainpuri worship service bulthut det taka rem.
Courtesy: Hrepuitu Journal
Ana Catholic hai khom an um an a. Protestant hai khom an um a Mainpuri-ah Worship Service a la um naw a ni? Mani hnam chanpui lai rongbawl lem taru.
ReplyDelete