Mumbai, Oct 17, 2009 (mumbaihmar.com): Sikpui Sports 2009 chu tluongtakin a fe pei a. Voisun hin Bandra Supari Talou ground, Bandra (W) a nipui ni hmang ning a tih.
Final a thrang dingin Baroda tienga member hai khom Zirtawpni khan Amchi Mumbai an hung tlung tah. Outdoor games futbol, volleybol, tlan inel, hrui inkei le inelna chi dang dang um a tih.
Indoor games Carrom, Zatsom, Chess le Scrabble hai Sinlung House, Kalina ah zofel an nih. Mipui an hlimin inhawi an ti tawl hle. An pastor Pu Lalsiesang khom Indoor games a popo a thrang vonga, nisienlakhom pakhata khom hratna a la chang naw thu ei dawng. Outdoor games a hai khom thrang vong a tum thu ei dawng bok.
**HCFM inkhomna hmun an siemthra ding leiin inkhomna ding hmun dang hotuhaiin an zawng mek. Inkhomna ding hmun an hmu vatna dingin trongtraina’n thrangpui ei tiu. Inkhomna ding hmun hrie dam ei um chun HCFM Chairman Pu Darthangluoi Sinate le Secretary Pu Lalrothang Tusing hai kuoma inhriettir dingin ei inngen.
Post a Comment
Comments not related to the news or article may be deleted.