Hmar People’s Convention-Democratic chun man a um mi pahni hai chu an mi le sa an ni nawh ti’n a puong

PRESS RELEASE

28^th October, 2013

Dated 24.10.2013(Ningani) a HPC(D) hminga tihluihnaa pawisa khawn Mizoram Police ten dt. 26.10.2013(Inrinni)-a an man Mizoram chanchinbu hrang hrang a chhuak mi pahnih Jacob Joute (alias Sangzuol of Mamit, Mizoram) leh Lalhlawhtlinga te hi HPC(D) mi leh sa an ni lo.

Jacob Joute hi HPC(D) atanga ban tak, President hlui Lalhmingthang Sanate, HPC(D) President anga la inchhal ve reng hnungzuitu, extortion titu atana a hman ber a ni a, 2012 kum bul lama ralthuam nen extortion case bawka Khawmawi (Churachandpur ) khua-ah Indian Army in an man, tun thla (October) bul lama bail-a chhuak, Lalhmingthang Sanate in Aizawl atanga Mizoram election-a Congress party-in an hman tangkai tur atana a chah chhuk a ni a, an tum loh lamah hetiang hian thil a thleng ta hlauh a ni.

Tin, Lalhlawhtlinga hian HPC(D) a inhnamhnawihna a la nei lo hrim hrim a, Self-style HPC Party President Lalrosiem nau (pianpui) a ni a, mi awm tha duhlo Pastor kalsual  a ni. Lalhmingthang Sanate hnungzuiin tun election-a Congress sawrkarin hmanruaa hman an tum mek lai bawk a ni a, Mizoram Police ten an man tirh khan Mizoram sawrkar hotu lawk ten lo hre hman se chuan mipui hriat hmaa chhuah leh mai tur an ni a, mahse, hrechiang lova an lo man palh avang leh mipuiin an lo hriat hman si avangin HPC(D) mi leh sa, tihluihnaa pawisa khawn angin chanchinbuah a lo chhuak ta a ni.

Chuvangin, HPC(D) chuan heng mi pahnihte hi Mizoram sawrkarin an phu tawk hremna a pek ngei kan phut a ni. Tin, tunah hian an pu ber Lalhmingthang Sanate, HPC(D) President anga la inchhal reng hi Aizawl-ah a awm mek a, tun inthlanah HPC(D) Demand Area-a HPC(D) tih hmingchhiat dan tur leh Congress tana tangkai taka chetdan tur chungchangah Congress sawrkar nen an in dawr mek a, HPC(D) President anga la inchhal Aizawl-a awm reng si Mizoram sawkarin an man lo pawh hi thil mak a ni lo tih Mizoram mipui hriatah kan puang a ni.

 

Sd/-

(JOHN F. HMAR)

Secretary, Info. & Publicity

Hmar People’s Convention-Democratic (HPC-D)

General Headquarters