HNA slams HPC(D) leaders for expelling Lalhmingthang Sanate

 

PRESS STATEMENT

Hnam chikhat tawng in ang ngeihai khawm, umna rambung/ state/ district an ang naw chun mizie le chetdan an ang thei ngai nawh. Chu umzie chu a ram sawrkar inkeihruoi dan in ang naw lei le a ram sunga an chengpuihai mizie le nundan in ang naw lei a nih.

Chuleiin Manipura Hmarhai ta ding chun mani khata District nawr nekin Kuki neitu bika ei ngai le inngai bik deuhai Thado ramhnuoimi laia changtlung tak, KNO in Kuki State a demand chu thawpuia Union Teritory bek hmu ani chun Hmar chu District chau nei lovin state capital Tuithaphaia hin MLA 4/5 bek a nei ngei ding a nih.

Mizoram Hmarhai ta ding ruok chun Kuki sunday / holiday nihaia motor pakahta picnic fe khop lekhai chu hnama tiem tham anni nawh.

Barak Valley a Hmarhai ta ding chun Ruongmei, Jaintia, Bru/ Tuikuk hai le inkop thiem lo chun Tuta an council khu ala hlamzui el khom hriet an nawh.

NC Hills a Hmarhai ta ding chun abikin Jemei le Kuki hai intloppui thiem naw chun zero ni ding. Meghalaya Hmar/ Biete ta ding chun Jaintia hai laka lungvar neitaka political inhumhimna zawngnaw chun zankhat thilthua boral ripthei ngirhmna ngir a nil.

Tripura a Hmar/ Baro-Halam hai ta ding chun BK Hrangkhawl huoisenna leia Tripura Tribal hai hin safeguard neipha ei nih tia nuompawnga inti boss a mani chanvo inkhawm el thei an nawh. A thawdan thiemnaw chun Bengali hai do nekin a letlingin dohrawnin ei um el ding ani aw. Hieng popo lai hin Manipur hi a khirkhan pawl ti thei a nih.

Manipura schedule tribe sawrkar thlungpui recognise chu Naga, Kuki le Hmar hai chau hi eini ang a nih(constitutional rights ngen tham chu). Amiruokchu Naga hai tribal state ngen hi hei tlawp ta ang inla District milo pe ta anghai sienkhom, hnam nun zie inhlat el khelah population intam hlei na lei dama inchimral na lakah invenghne a harsa hle ding a nih. Chuleiin hiengang hun ler le hun remchang lai khoma unau karah thangkhawmna chang ei la hrietnaw chun ei hmabak chu boralna ani ngei ding a nih.
HPC (D) thilthaw chungchanga hin an President khom nisien a thawpui a hnawtdoktuhai khom nisien, umzie nei lem lova hnam sukmuolphotuah HNA chun a ngai a nih.

 

Asanchu, Manipurah Demand nei chuong silo chun KNO thil Demand an opose naw hi a hun tawk der. Thilthaw suola an ingaipa khom khang khera sukmuolpho kha mani monghlimna mei mei a ni el khelah an luchunga meiling sie ang an nih. Thuoitu chu Pathien ruot naw tukhom an um nawh thuoitu sawisel chu Pathien sawisel a nih, ti ziek angin, an thuoitupa/ an houtupa tlinnawna hmutu le hretu chun a tlinnawnahai laka inthawka sansuok dan khom a hriet ngei ding a nih.

 

Chu ni lova muolpho taka sawisak a nina hi, Isu thi ni a khawvel an thimmup ang khan Hmarram khawvel chu inzak le hmaimawk inthumkhupin a um a nih. Chuleiin khang ang intlungttiruhai chun, Noa naupa apa zalsuol nuisantu Ham le lal David la'm lai nuisantuhai ngirhmuna khan an ngir nawna dingin Pathien le Hmar mipui inzak ngawi ngawia a isiemhai chungah ngaidam inhnina chang hre sien chu, lal David uire le tuolthat a ninaa inthawka ngaidamtu Hmar hnam Pathien chun a ngaidam ve tawl ngei ring le beisei a nih.

Secy
I & P
HNA