Ziektu: Lala Khobung, Aizawl, Mizoram.
Lal :-Thanglientling,I hril nuom chuh hei hril tran ta le, ka khawnbawl hai leh lo ngai thla’ng kan tih.
Thanglientling :-Saikungvung det dut hih ni rek naw ni’m (SKV chuh a lo in nui tut a, TLT chun lungsen deu hin SKV chuh a en a) in nui trei trui naw rawh. Kei, hmeithai ka khat chau a um ka ni lei in a mi hmusit a. Voizan khan ka inah a hunga, mi hung rim a tum rek a. Ka kotkhar dam te’n a hung hong duk duk a, amiruokchuh kei mi imuthu ti takah ka la thranghar noh a. Truonga chun dam te’n a hung a, an thim em lei in a hung in mai phei duou duou a, truong lai a thrungpha bong ka sie khah a hung in pal rikhut a. Kei ruok chuh ka imu an hnik em lei in ka la thranghar ta naw rop a. Damte’n ka khumah a hung lawn a,a ngha vel vut vut a. Kati ta angkhan ka imu an hnik em lei in ka la hriet tanaw rop a. A dierkei a hlip a,ka khumlu tlangban ah a bang a, damte’n ka puonri a hung hawk a, chu khom chun ka la thranghar noh. Chuong chun ka puonbil a hung hlim a, chu zo chun a nghavel vut vut a, chu khom chuh ka la hriet tanaw rop, ka imu hlak chuh anhnik khop el a. Ami hung bawh a, chuphingleh kan ching phuta ka thranghar ta a.Chuphingleh inhmaw deuvin a tlansuok a.
Lal : Chu, SKV,TLT thuhril chuh an dik a ni?
SKV :-Khawlai, khawlai, mi khelhlip nu, a thuhril khah khel vong a nih. A truongah thungpha bong a um naw reng reng, a thrungpha hai chuh tapsak bangah a rem thra vong. Kan pal chuh a tapphel tlang a nih.Ka ke pui ka la sui thi nawk nghal. A inah ka va fe naw reng reng.
TLT :- Hma’n chuh ie…. A hung taluo, hi, a dumbel le a thingpui fe fun khom a theinghil (Dumbel le thingpui fe fun chuh a hung keidok a).
SKV :- Khai; khai, khai, kha khah ka dumbel an noh, ka pu dumbel ka haw a nih. Ka theinghil na chen hlak ka hriet tanoh, ka pu’n a zong a zong a nih, kei hlak chun ka hril dok ngam ta si noh a, khaw hung la roh, ka pu a lung a sen vieu an tah. Thingpui fe fun kha chuh ka ni hai ta ding a ka chawi pek a nih. Hi hmeithai nu inah hin kava fe naw reng reng.
.
TLT :- Hman chuh ie, a hung taluo, khel ka hril noh. A hung naw takah vana thla le nisa hai sal in kan kham.
SKV :-Chuong an leh kei vana arasi hai popo.
TLT:- Chuong a arasi hai popo a nei bik vong chuh ka phal bik noh.
Lal :-SKL,chuong a arasi hai popo hei nei vong bik chuh a du-am thlak talaw deu an nawm, chawngmawi le siruk hai khi chuh I thesuok el thei nawmaw ?.
SKL:- Chuonga Lal in I ti tlat chun ni el naw ni’m. Inro chuh kan ro kher el.
Lal :- Awleh, tu hin chuh ka hriet tah, in thubuoi chuh hieng ang hin rem ei tih. Nisa, thla, chawngmawi le siruk hai po khih SKV in chang sien. Sikeisen khih ama hmeithai a ni bok lei in TLT in chang sa sien. Chun SKV in hi ei hril bak, vana arasi hai popo khih chang sien.
Khawnbawl Upa:- Anleh, Thlasik lam khih tunam chang a ta ?
Lal :- Ekhai, kalo theinghil ani chu tie, khawnbawl Upa ngei ngei thil iengkim I lo ngaituo a lawm a um. Thlasik lam hai khi chuh hei en veng veng a voitieng pang po khih SKV in chang sien, chang tieng pang po khih TLT in chang el sien, thra in ti tlang am?
Khawnbawl hai :- Ei lalpa tidan chuh a thra.
SKV :- Keikhom thra ka tih in ka pom hmak.
Lal :- Anleh nang TLT iengtinam i ngai ?
TLT :- Keikhom ka pom. Ei lalpa ngei ngei rorel a thiem. Kei Hmeithai daikilkara mi in hieng ang top ka hei chang el hi chuh ka lawm taluo, lungriem in a mi thlak hiel el (a lawm lei in an sum zo ta noh a, a mit thli a tla).
Lal :- Tu hin ei rorel chuh ei zo tah. Ei lawm in ei hlim tlang bok a, a lawm na ding in hmeithai TLT vok hih that ei ta, hlim le lawm tak in fa tlang ei tih.
TLT :- Ka lawm taluo, ka vok chuh that ngei ei tih.
(Chuongchun an in chibai tawl a, hlim le lawm tlang tak in an trin ta a)
Mr.Thanga :- Ruolpa, tulai i nuhmei in a la vuok hlak che ?.
Mr.Liena :- Ami vuok ta ngai noh.
Mr.Thanga : Lawm ava um ngei de, a lawmna ding in thingpui khilai ka ti che, a hme ding khom i nuomnuom order roh. Ieng lei a vaw ta ngailo che ?
Mr.Liena :- A thi tah.
Post a Comment
Comments not related to the news or article may be deleted.