Minu, Hmeichhia

 

By Lala Khobung, Khatla, Aizawl.

 

Di neilo Pawla’n a sai an ti,fam mah I la min sai bil tawh hlei law’nge ka nemrang puan tial ka di zawn na”……………………..…… -Hmanlai hla.

 

“Sum eng emaw zat sen tawh hnu a,rem leh rem lova keuh thluk tawh hnu a,tisa chakna chu sawilova lum,kum la han in zawh hnuhnawh techu a…..”

“Your Honour,mahni nupui te an nih ngawt loh chuan in thlemmut zan hi chu thil theih loh a ni e”………… …………………..-R.Thangkanglova,Advocate.

 

“Dan tlawhchhana Hmeichhe dinhmun leh an right kan sawi fo chuan kan thenawm state te ang in an hnuaiah min la dah ve ngei ang”………..- K.L.Liana.

 

“MINU” ka tih leh mi then khat in “HMEICHHIA” tih tur ani an ti a,MHIP member thenkhat lah in “Nangni pawh PACHHIA tih in duh bik em ni ? min ti bok si.A dik ber pawh ka hre bik talo.

 

Kan pi leh pute kristian an nih hma a an lo ngaih dan chuan,mithi te chu mithi khaw lamah an kal thin a,Rihdil awm na lai vel khi a ni awm e.Champhai vel a Liamkawn khi an pal tlangah an ngai.Pawla chuan kawng chhak a tang chuan ngun tak in a lo thlir a,mipa hmeichhia(minu) ngai (pawl) tawh leh thangchhuah/khuangchawi tawh an nih loh chuan a sairawkherh lianpui leh khauh tawk,a saihlum pawh artui tiat zet,chuan lainatna leh khawngaihna tel miah lovin dimlo bak sak in a lo perh pop mai thin a,a perh nat zia nat zia chu…..kum thum ngot a ngawt thin an ti.

 

Hetiang anih avangin tlangval tawh phawt chuan Pawla sai hlauh vang in (tisa chakna vang te pawh) hmeichhia pakhat tal chu ngaih(pawl) ngei ngei an tum theuh thin.Nupui la nei lo te chuan nupui neih hma a thih hlauvin an rilru ah ngaih tur an dap ruk reng a rinhlelh om awm love.Mi nupui pawmlai ngai thei ngat phei chu an in gaisang leh zual an ti.He ngaidan (myth) hian mi tam tak chu dawt a sawi tir in ka hria.Putar ho hi han zawt I la,an tlangval lai a nula ngai lo an van viau rual in Pitar ho lah chu nulat lai a mipa ngai an awm lo thung si a.Thil mak tak zawng a ni e,a tu zawk thusawi hi dik zawk mawh ?.

 

AN TI ALAWM :-A Court hming leh hmun chu sawi lo mai I la.Pu R.Thangkanglova,Advocate pawngsual (rape) case ah an ruai a.Section 376 IPC ah chuan,a hmeichhia in a lo duh reng pawh ni se kum 16 a la tlin loh chuan PAWNGSUAL a ni tho.Tin nupui te pawh nise kum 15 an la tlin loh chuan chu ti bok. Prosecution lam chuan a hmeichhia kha kum 16 a la thinglo an ti bok si .An Ukil rawih chuan a chung a thu khi a ruai tu defend nan a a sawi a ni.A pakhat leh khi chu,prosecution lamin duh tawk an sawi hnu ah Judge chuan a hmeichhe (victim) hnen ah – “ A nang a pawh chuh I lo tang ve eih lawm maw ni le ?” tih a a zawh lai in Ukil chuan a lo chhan khalh a, “Hmeichhe tan dan pang ngai awm tawk chuan tang e ti rawh” ti in a lo tawng khalh a.Judge chuan ‘Thangkanglo nang ka zawt lo cheh” a ti a.Ukil chuan-“Your oHonour,mahni nupuite an nih ngot loh chuan in thlemmut zan hi chu thil theih loh a ni e”a ti. Pu Kanglova hi chu mi rilru zau,hriat thiamna ngah,thiantha leh ngamtlak a nih vang in a phalna pawh la hmasa lem lo in a hming ka lam ta mai a,huat thilah a la lem lo ang chu maw ?.Ani bawk hian “Vairam leh Sap ramah te chuan,five star hotel chhawng sarihna VIP suit ah min pawngsual(rape) tih te an ni a,kei ni ram ve ah te hi chuan-thingphurhna ah,chakai khawrh na ah,BPL inhlawhfak na ah min pawngsual tih te a ni a,Ukil tan fee han lak tam ngaihna a awm thlawt lo” a ti. Tumkhat chu a vai ram zin haw tu ten emaw an lo check dawn a,a ni chuan aw nem,thuhnuairawlh leh polite tak in “Mi’n check in tum chuan leh ka hnial phak zawng in ni hauh lo,check erawh ka dawl lo viau ang” a han tih meuh chuan check lo tum tu te kha an in thlahrung ta mah zawk a,an check ta lo an ti.Ani hi chu Ukil a nih hma Gram Savak a nih lai pawh khan rilru nei tak a ni.Kolosib a a awm lai khan Silchara kal a duha,an BDO la tharlam deuh hnenah leave a dil a,a pe duh si lo.A kal lui ta tho a.Silcharah an BDO nen an in hmu thut mai a.BDO chuan “Thangkanglo,leave ka pe si lo che a,enga ti nge ?” a ti a.Ani chuan zah leh hawihhawm tak mai in “Kapu,tu nge I nih a,…….ka unaupa Thangkanglova nen hian kan in ang viau emaw ni mi hian min hai teh chawk a sin” a han tih chuan

 

BDO kha a in thlahrung in a zak zawk mah an ti.Tum khat leh chu tu te emawh awmk hawna kawtah an hmu hlauh mai a,mak ti deuh in “Ehe…..Pu Kanglo,enge he ta I tih ?” an han tih chuan “Ka thianpa Pu……..ka nghak a lawm maw le,a lo chhuak har ta ngei mai” a ti then mai.Ka rooma a rawn len chang a a fiamthu then khat- (1). “Hmania kohhran upa inkhawm vongtu a tawngtai lai a thi kha eng tin nge I ngaih ?” mi rawn ti a.Kei chuan ngai dan ka neih loh thu ka sawi rual in a ngaih dan ka zawt a.Ani chuan “A thlarau a ngaihtuah awm ngei mai,tlawn mawlh mawlh lai a rawn hmet hlum tu chuan a haw hle tih na a ni a,eng pawi ber nge maw ni a lo khawih” a ti daih mai.(2).In khawih thluk thlarau chan lai khan “Kei pawh khawihthluk theih na thilpek hi chuh ka duhve khop mai,a bawhzui na hmanrua lah chu ka nei tha” (3).”Doctor thiam ten AIDS hi in chibai hian a kai theih loh an ti a,chu vang in KS te nen a rawngbawlna puitling neih lai pawh in chibai mawlh mawlh tur” (4) “Pu……kha chu Zu a duh bawk a,a in inhlum an ti a,kei chuan vannei kati khop mai,a duhber a thihpui ani a.Chti ang bawkin O.D. a thi te pawh hi na tuar miah lovin an nuamhlum a ni ber mai”.

 

Ka nau leh thiantha K.L.Liana pawh hi a phalna la hmasa lovin ngam tlakah,a hming ka ziak tel ve ringawt.A haw lem loving chu maw.Ani pui te reuh hian Dan hi a ma siam a ni lo tih hi a hre chiang ve a,Lal Isua’n “Tih ziak a ni” a tih khah a vawng viau in ka hria.A chunga a tawng kauchheh ka ziah ang hian Dan hi chuan kan Hmeichhia(minu)te hi chu a lo hum nasa mai.Tun lai a sawrkarin an tan election a seat reservation a rawn tih hi hman a rawn ni ang a,reservation bakah general seat te pawh an chuh thei bawk ang.Sorkar office leh dawr ah te lah a tam zawk an ni sa.Tunlai India ramah President,Lok Sabha Speaker leh Rulling party a Chair person pawh Hmeichhia an ni.Nakin lawkah chuan “Hmeichhia leh palchhia” tih vel hi chu “Kaha se”a rawn ni mai ang.Constitution of India chu sawi loh,sections 125,54,437,174 of Cr.PC leh Sections 375,361,509 etc of IPC a hmeichhia(minu) te thlavang hauhna te hi chu ka la sawilo mai ang e,nupui,farnu,fanu nei ka ni si a,an huangtau lutuk palh ang e.Mahse section 497 of IPC hi chu ka han ziak hram ang e.He section a kan hmuh dan in,mi tu pawh mi nupui(pawmlai)a ni tih hre reng chung a lo mutpui (sexual intercourse) chu Uire (adultery) a ni a,kum nga thleng lungin tan bakah chawitir(fine) theih an ni,fine chu roreltu in awm a tih zat a ni mai.A hmeichhia(minu) tan erawh engmah hremna a awm ve lo,a rawt hmasa tu leh sawmtu pawh ni se.Ka U L.Keivom-a tih dan takah,mipa,nupuite vin thur thur leh an laka inhrosa vak vak te hi THAIHBAWIH an ni duh chawk.Sakei pawh hian a ngam loh te lo chu a ngur khum ngai lo.A ngamzawng sa a seh dawn chuan ngawi reng in a bawh chat thin.

 

An ti leh chhawng a lawm,Nupa englai pawh a inhnial leh in hau reng ringawt mai hi an awma.Engemaw chin hnu ah chuan an in ngeih in an in hau ta ngai miah lo mai a.An pa thianpa chuan mak a ti in a pasal hnenah “Thianpa,tunlai hian in nupa hi in in ngeih in in in hnial ta ngai miah lo mai a,in hlim dun ta viau mai a,eng nge a chhan min hrilh thei ang em ?,ti a a zawh chuan,a thianpa chuan “Teh reng mai,kan lo ti tlai a lawm,tun hma hma a lo tih daih tawh tur.Kan nupa karah mawhphurhna (portfolio) kan in sem fela,minor portfolio zawng ka nupui chanah kan dah a,major portfolio zawng ka kutah kan dah.Minor portfolio a kan dah te chu –kan family budget,inhmun lo ram lei leh hralh,in sak dan tur leh engineer & archetech te rawn leh expenditure ,kan fate school,college,university kal na tur leh sen so,kan fa te nupui pasal neih tur leh an man leh mual,an man ei tu tur te leh a zat tur,fanu te thil chhawm tur,kan fa te hnen a ro sem dan tur leh an chan tur zat,kan chhung khat lainate leh midang tanpui dan tur leh a zat,kohhrana thawhlawm thawh zat tur,car lei tur leh driver appointment,kan sumdawn na leh kan mi rawih tur te, a tawi zawngin-khawvela kan awm chhung a kan inchhung mamawh leh senso tur engkim leh etc etc” a ti a.A thianpa chuan “A nihleh nang a portfolio te chu ?” a han tih chuan “Kei chu pa deuh ka nia,.major portfolio ah kan dah te chu turu tak an ni.Thla leh sikeisenah te khian kan family hian hmun kan hauh ve dawn leh dawn loh,USA leh Russia te hian an foreign policy ah kan family hi mi rawn rawn se eng thurawn nge kan pek ang,an ni hi lo in do ta se a tu zawk hi nge moral support kan pek ang,British Lalnu Queen Elizabeth khu a pasal nen lo in ti tau in palai turin kan chhungkua hi mi rawn rawn se eng thurawn nge kan pek ang,UNO headquarter hi Aizawlah rawn sawn in kan in a ruak zawk hi luah hawh ah mi rawn dil se kan remti an gem ?,tih vel hi ani” ati.Chuvangin nupa inngeih leh hlim tak a awm duh te chuan portfolio fel tak a in sem a,(A + B)all thing square = I LOVE YOU tih hi a ni mai awm e.Ka hre bik ta lo,I ngaih dan lo hmang ve tawh mai rawh.