Pu Selkai Hrangchal Election Campaign Programme

A hnuoia hi Tipaimukh Constituency, Manipur, a MLA lo ni tah, Pu Selkai Hrangchal a election campaign dan le hmalak dan ding ama ngeia a ziek a nih. – Editor, Inpui.com 

 

Ei hnam tlusie hnung, kei ngir tuma ei mithiem haiin ‘Hnam Inte­gra­tion Steer­ing Com­mit­tee’ an rawt dawk hi Gospel Cen­ternary hmang ta hai rawt suok awm hrim a nih. Hmar hnam hi Gospel hril dartu dinga thlang bik ei ni ti hi the­inghil naw ma niu. Ei mithiem ha’n inpumkhatna that tak an rawt suok hi, ei hnam, ei ram, khawt­lang, kohran insung fak le dawn pol­i­tics a ruol ei khumna dinga Pathien thilt­lawn­pek, ‘God Gift’ ah ngai ei tiu a, inzataka an thu ei ngai hle tul a tih. Tuta ei fe dan ringawt hin chu, mi hnung khawm ei hnawt phak ta naw a ni hih. Pathien in mi hnam hai nek in ram tha bika a min um tira, pi le pu hai kha an lo var ngawt el. Khawvel civ­i­liza­tion intanna khawm tuipang, vadung hnaia mi hai a inthawk a intan an lo ni kha. Hmar hai umna phawt hi vadung tha inhuol velna hmun a lo ni vawng, Israel hai kuoma Pathienin inhluo ding ram chu, tlang hai le ruom hai umna, ram inhawi a lo ti hi, ei ram ngei hi ni in an lang. Khawlai khawm Hmar hai delna phawt phawt hi vadung tha, tlang i huol vel ram vawng a ni hih. Hotuhai thu hi a ngiel a nganin zawm ei ta, Gospel Cen­te­nary hnunga Hmar hai ei ngir­suokna dinga lam­pui tha taw­p­khawk hraw thel der lo ding ni’n ka hriet. An nihai ngei khawm insukhrat zuol hai sienla, Abra­ham Lin­coln angin an thul­tum hai hi an sukpuitling ngei bei­sei ei tiu. Hi naw hi chu ngir­suokna ding thu le hla ei nei ta der nawh.

 

Pathienin rem a ti a thlang suok ka lo ni chun, a hnuoia point hai khu Pathien le hotu hai hri­etin, anni le inrawnin sukpuilt­ing ngei tum ka tih.

 

1. Kum nga sung hi iengkima hnam hotuhai le inrawnin um ka ta, hotu ha’n tul an ti phawt chun inban din­gin in ready zing ka tih.

2. Pathien hnam thlang Israel­hai ngei khawm, thi huoma an inpekna lei chaua ngir­suok an ni angin, kei khawm ei hnam ta din­gin a tul phawt chun Mar­tyr kan pei zing.

3. Hmar hai hi Gospel hril dartu dinga thlang bik ei leiin, ei um dar khawm hi a tha a ngai ei ta, ie umna phawta ringtu hmasa ei ni pei si a, chuleiin Mizo­ram, Chachar, NC Hills , Manipu­rah ei hnam ngir­suok ngeina din­gin ka theina po po suo’ng ka tih.

4. Kum 5 sung hotuhai le thang tlangin sawrkar sin 2000, ieng tin am thun thei nawng ka ta!

5. Hmarhai hi Mizo ind­intu ei ni leiin, ei kalchar hausakna hai hi vawng him tum tlat ka tih.

6. Ei tawn­gin hma a sawn peina din­gin, rem ei nei a tula, hi mawl hi sukpuilt­ing ngei din­gin hma lang ka tih.

7. Chu­rachand­pur phai hi hnam dang hai le ei inchu ani tak leiin, ei khaw del bakah, Rengkai le Ngurte inkar Phaizawl hi, ei hnam tadin­gin hum tum tlat ka tih.

8. Tipaimukh Dam thuah ei mithiemhai le hnam dit­dan thlawp pei ka tih.

9. Tipaimukh biela ei fak zawng­dan hi, mithiem hai le inrawn tlangin, a tha lem a hlawk lem hmusuok tum ka tih.

10. Manipur tlangrama, ei ram a hausa taka, thing le ruo hai khu hlawk nawk zuolin hmang dan ngaituong ka tih.

11. Hmar­cha le aithing hai hi ei mithiemhai le thang tlangin, hlawk lema zawr dan ngaituong ka tih.

12. Khawvel hmu nuom le ngai hlu, ramh­mang­pui ei nei hai khu, hum him tlat tum ka tih.

13. Tlanglo nei suk­tawp ngei ngei ding, a tha lem hmusuok ding.

14. Inchukna thalem siema sawrkar sikul le kohran sikul hai tha nawk zuola an fe pei dan ding ngaituo ding.

15. Ei rama thau­tui zawng meka um hi, hnam tadinga a hlawk­dan ngaituo ning a tih.

16. Ei rama Hos­pi­tal tha le reg­u­lar tak sarkar le NGO mimala a hawng thei ding kolut ning a tih.

17. Pherzawl ADC sukpuitlinga ei hnam ta bik a ni ngeina din­gin hma lang ka tih.

18. Hnam dan­g­hai le inremna tha lem intlun ding.

19. Lam­pui tha siema, Hmar­biel, Van­gai, Tuiruong dung infepawna tha nawk zuola, BRTF in siemtir ding, Mizo­ram le infe pawna Tuivai leilak an rang thei anga siem ding.

20. Kum 5 sung intinin a tlawm taka Rs.500000/- bek an inkhawl ngei dan ding ngaituo pek ngei ding.

21. Vant­lang hriselna ngaipaw­imaw zuol ning a ta, intinin ekin (Scep­tic Tank) an nei ngei ding.

22. Kum 5 sun­gin, in than aw tak khawm thin­gat in, a chung rangva in neitir vawng ding.

23. Rural Bank le Bank dang dang, a thei thei, sawrkar hri­et­pui ngei in hawng tir ding.

24. Tha­lai­hai sport tienga sukhrat zuola, khawvel huopa hlangkai ding.

25. Hmar hai sum­dawngna tieng hma ei sawn dan ding, ngaituo ngei ngei ding.

26. Look East Pol­icy hi, ei hnam in a hlawkpui ve ngei dan ding, ei mithiemhai le ngaituo tlang ding.

27. Hmar ha’n com­pany le agency ind­ina, sum­dawngna lien lem ei thaw dan ding mithiemhai le ngaituo tlang ding.

28. Tipaimukh biel, Van­gai tlang, Hmar­bielah an rang thei anga elec­tric Mizo­ram sup­ply tu khu zawm ngei ngei ding.

29. Ran­vaitu hai an hlawk lem dan ding ngaituo pek ding.

30. Hmar Lit­er­a­ture theitawpa sukhrat ding.

31. Kumtin IAS, IPS, IRS, Cen­tral Ser­vice a Hmar nau panga bek an lut thei dan ngaituo ding ei mithiem hai le inrawnin.

32. Bufai ei rama a tam taka Kg khata Rs.5/- a iengtik lai khawm hmu ding.

33. Tarhai tha nawk zuola enkawla, kum 60 a inthawk sin rinum thaw ta lo ding.

34. Tourism tieng hma nasa­taka lak ning a tih.

35. Ei mithiem hai le inrawnin Chris­t­ian Mon­u­ment a tam thei anga siem ding, Gospel intanna ei ni leiin.

a)    Sen­von Gospel intanna.

b)    Zohnath­lak hai laia Pathien hla phuok hmasa­tak Rev. Thangn­gur a hla phuokna hmun, Vawm­palung, Lungth­ulien khuo kawl.

c) Rev. Thangn­gur tawng­taina puk, Phulpui, Van­gai tlang.

d)    Arthatzawl, Sen­von khuo kawl, etc.

36. Tha­lai­hai lam­pui tha a thuoia, an sin ding ngaituo peka, thabona hi sukbo ngei ngei ding.

37. Ei rama inruithei thil hrim hrim sukbo vawng ding.

38. Tui naran dawn lova, tui thiengh­lim (min­eral water) ngei dawn vawng ding. Water sup­ply khawtina reg­u­lar taka um ding.39. Tha­lai hai an tal­ent hai zawng suok pek ding.

40. Lekha thiem bik hai thang­puina ding le for­eign chena an inchukna ngaituo pek ding.

41. Hmar lai inhman­gaina, inpumkhatna suk deta, media suk hrat ning a ta, Chu­rachand­pura Hmar in Cable nei ve ngei ding.

42. Hmar rama hnam dang sum­dawngmi lo thei lo a ni khawma inlut tir lo ding.

43. Hmar hnath­lakhai inpumkhatna sukdet tuma, ei kalchar thu a theitawpa hma latu ei mithiem Pu L.Keivom le a raw­i­hai hma lakna hi thlawp tlat ka tih.

44. Ei ram hi a tangkai thei ang taka mithiemhai rawna hma lak ding.

45. Ei ram rohlu raw­tuoi hai hi Hotel insang le vai ram, for­eign chena thawn­suok dan ngaituo ding.

46. Hand­i­craft fak hmuna khawpa hmang tangkai ding.

47. Ei rama cor­rup­tion sukbo hmak ding.48. Hmar Inpui thu le hotuhai thu inza hleng ka tih.

49. Inchukna tieng ngaipaw­imaw zuol ning a ta, AIDS that naw zie hi nasa deuva in hril hriet ning a tih.

50. Ei ram Tipaimukh biel hi a thei phawt chun for­est pek lo ding.

51. Hma­sawnna thurel (infra­struc­ture) ei rama a tam thei ang in umtir ding.

52. Ei rama mon­u­ment ni thei­hai zawng suoka, mithiemhai le theitawp suo ding.

53. Ei ram kohran ha’n sawrkar tha hratna sawra an um ve thei dan ngaituo ding.

54. Nau­pang hriselna ngaipaw­imaw ning a ta, nuh­mei nau­pai lai hai dout ni hleng an tih.

55. Ei rama thil hlu zawng­suoka, a hlutna ei hnamin sawr ngei ding.

a. Thau­tui zawng meka um

b. Lung­mei­hawl Tin­suong rama um, etc.

56. Thiltha thawtu hai chaw­imawi ngei ngei ding.

57. Cachar, Khaw­bawn rama hnam dang luthai hi, hnam hotu hai le ngaituo tlang ding.

58. Inremna le muongna ngai paw­imaw ning a tih.

59. Hnam lo htuoi hmasat­uhai in le lo ngaituo pek ning an tih.

60. Iengkima Hmar mithiemhai le inrawn tlangin hma lak hlak ning a tih.

61. India khaw­puia ei ni mi umhai le iengtik­lai khawm inza­wmna um zing a tih.

62. Hmar mi sawrkar offi­cer lien pen­sion hai hi, ei hnam ta dinga sawr tangkai tum ning an ta,

Zohnath­lak hai laia Gov­er­nor (Polit­i­cal Appoint­ment) ni hmasa­tak tum ding.

63. Tipaimukh hi suk vula, Manipur life­line hiel in ni tir ding.

64. National High­way 150 hi ani ang taka ni zing ding le Tipaimukh chen an rang thei anga lam­pui siem tlung vat ding.

65. Fishing/Fishery ngai paw­imaw ding.

66. Nga manna hai hi mi tam­tak tak fakza­wng theina din­gin ngaituoa, mithiemhai le hma lak ding.

67. Tipaimukh le Silchar inkar hi Motor Boat changkang lem in fe tira, Aizawl – Chu­rachand­pur hai chen thuomh­naw phur lut ding.

68. Chu­rachand­pura ei hmun le hmang, leilethai, Tid­dim Road a inhmun hai hnam dang kuta pek lo ding.

69. Chu­rachand­pura ei ni mi i enkawl sikul le col­lege hai hi, ei mi thiemhai le inrawna theitawpa thang­pui ding.

70. Hnam dan­g­hai elna lun­gril tha­lai haiin an put nawkzuolna dinga ei mithiemhai le hma lak ding.

 

Hnam inpumkhatna dittu,

Selkai Hrangchal,

Imphal