Tawng hi Hnam a ni am?

By Hmar Putar

Hnam hi iem ana? ei ti chun iemanizat a criteria hril ding um a ti. Anachu ei thupui tak 'Tawng' a hin hung lut chawt el ka tih.

Tawng hi communication ei nei thei na ani leiin Hnam pakhat ve ding chun nei ve chu a tul a. Tawng angkhat hmang hai chu tawng dang hmang hai nekin inlainatna le inhmangaina khawm a um lem bawk. Anachu 'Tawng hi Hnam anih' ei ti tawp ani chun hrilding iemanizat chu a umin ka hriet. 'Tawng hi Hnam anih' eiti chun Tawng hmunkhat hmang hai hi 'Hnam hmunkhat' ei ti na ani el a...chutak chu ani ka zuk hril inhawk bek bek chu.....haha!

US a Negro umhai, dum tawk tak, hner sa tep tup hai sawn 'english' tawng hi an hmang zuk zuk hlaka, an neighbour hai, mingo taktak of european descent, Chinese, Vietnamese, le Arab mi le a dang dang hai khawmin 'saptawng' an hmang vawng a, ei hriet seng angin English tawng hi United Kingdom sunga England rama 'English Hnam' hai tawng ani a, 'Tawng hi Hnam anih' ei ti si chun English hnam hi anlo va raptlak ta awm char char de? US rama Negro pa khawm 'English' ani el....haha!

Irish, Scottish le Welsh hai khawm sawn 'english' hi an hmang tak ani leiin 'English' vawng anni el naw ding a?

Ivory Coast a mipui dum lel lul hai sawn French tawng an hmang a, French mi ei hriet hai le hin anin ang tanaw khawp el anih. Anachu 'Tawng hi hnam anih' ei ti si a, French hnam lo ni mei mei ta raw hai se!
Drogba dam hi French hnam alo nizing annawm ie! Huiha!

Spanish khawm hi S. America rambung lai chu an hmang deu vawng ani a. Spanish hai khawm hi chidang dang an tam nuom khawp el ie, English tawng hmang hai po English Hnam anni ei ti ang anni ve.

Brazil mipui hai khawm sawn Portuguese an hmang a, Portugal rama Portuguese tawng hmang hai le sawn chu anin ang naw nasa khawp el anih!

'Tawng hi hnam anih' eiti chun English, Spanish le French le Portuguese hnam ding awm ei zuk hril hai po chau a inthawk khawm khin, Nasa chu an nasa tawl ie maw? Haha!
Mizorama Khawbung pa chu Lusei tawng a hmang leiin Lusei Hnam ning ata, kei Manipur Khawbung pa hin Hmar tawng ka hmang leiin Hmar ka ni bawk. Nasa chu nasa tak ei nih! Mizorama Vaipa khawm Lusei tawng a hmang tlat leiin, Lusei hnam ani el. Mak ve tak chu anih....haha!

Lam siemtu, Pioneer hai, Vai dum deu deu hai le eini Hmar innei pawl hai nau, Vai ani ti hrietchieng ngawi ngawi hai khawm iemanizat ei um a, Hmar tawng hmang vawng annia, 'Vai anni a chu Hmar anni' ti a ngai nawk ta pei hmel ie...haha!

Chun Hming hi tawng a inthawka ei phuok ani a. Tawnga inthawka mi nilo Hming nei ei um am? haha! Hmar tawng chun ei hming hai hi a tawpa, -a annawle -i ei bel ngai naw a. Lusei hai ruok chun annei ve thung a. Hming tawpa -a le -i, bel hai chu Lusei vawng anni ti dingin a um nawk pei chu tie... Asan chu an hming put dan kha 'Lusei tawnga Hming put' anni si leiin.....Tawng zawnga Hmar hnam hi ei define ding ani chun Hmar mi chu ei tlawm hrat hmel khawp el. Ei milien le ropui hai khawm iemanizat chu annuom le nuomnaw thu thang lo in Lusei a ei sie a tul ding anih. Mipui naran lem chu hrilseng ni naw nih. Mizorama Hmar hai popo khawm saw Lusei vawng an hung ni pei ding chu ni awm tak anih. Hmar hai hi pung duok duok inla ei nuom lai zingin eiin sawr chin deu deu chu ani tak hih. Huihah!

Ka zuk hriet dawk phut chu tie...HYA fb a ei Admin hai khawm an Sap hming amani, an Hebrew Hming amani hai hi chu thudang nisien, a umzie ei hrietthiem thei, an hming put haia inthawk hin chu 'Lusei' vawng an lo nizing an nawm ie! haha!

Hnam hi 'Tawng' chaua define lo in, ei Admin Issac in a lo hril vet ta hlak angin, 'Sense of belonging' leh 'Thisena inzawmna' khawm hi a pawimaw fut naw maw?

A hrethiem nuom naw hai chun 'Hmar tawng ngaina lo le Hmar tawng iengmalo a ngai' inmi ti tho tho ding ana. Mi ti laklaw chuong naw el ro, Ka hrietsa tho anih. Anachu nanga ang tho a, Hmar tawng pawimaw ziet le Hmar tawng ngaina ka nih. 'Tawng' chau hin Hnam ei define zo naw ti hrilna thu chau anih. Haha!

'Mizo eini' ti ka hung hril nawk pei ding am?

Haha!