Zan dei hnuoi taka ka ruol pa le khawsawt inlenga fe dinga kan hei suok chu. Ka ruol pa fon chu a hung in ri a. Tum aw ti a a hang pickup chun, mi damnaw inriktak, thisen pek ngai an um anih an hung ti a. Thisen A+ve group ami an pawimaw thu an hung hrila. Chuongchun ka ruol pa leh chun Damdawi in tieng pan in kan thlan nghal a. An ti ang blood group an hmuzonaw leiin an lo buoi hle a! A tawp a chun ka blood group leh a lo in mil bawk leiin, keiin peng ka tih ka hang ti thuoi el a..!! Thisen hi mi la pe ngailo ka ni leiin iengtin am aw a um ding ti in kei le kei kha ka lo buoi em em a( vawikhat pekna hin chu a awm bawk anih)!! Chuongchun unit khat chu kan hang tlit dawk pawp el ta a, hi hi ka vawikhat thisen pekna anih.
Awle ei hang hrilnuom tak el chu eini HYA members hai hin Pi pu tlawmngaina kha vawng tlat in, thangpui ngai hai thang pui hlak ding anih! Chu chu ei pathien thu leh khawm an kal naw hle! Chu nek hman chun Pathien in ami lawm lem dai ding anih..!!
Chun mani thisen mi pek leia natna thanaw, hriselnawna le thil ti um hung tlhung thei dinga ei ngai hlak hi, ngaidan in diklo le ei hrietchiengnaw lei cho anih!!
THIESEN MI PEK THEI DING CHUN HIENG HAI HI A TRUL…
1.Kum sawmpariet(18yrs) anthwk kum sawmruk(60yrs).
2.Hrisel pangai chun ei pek thei vawng.
3.Hb. 12.5gm/dl neka tlawmlo ding.
4.Blood pressure(BP) normal a ngai.
5. Rikdan(weight) 45 kg above.
6.Nuhmei naupai le Thlatin dan(menstruation) nei hai chun pek lo ding.
7. Pek zo anthawk 24 hrs sungah damdawi fak a tha nawh. Zu (alchoholic) lem chu 48 hrs sung intem lo ding.
8. Pasal chun thla thum zo pei ah ei pek nawk thei. Nuhmei chun thla li zo ah.
HYA in ti ta phawt chun thisen pek hi rin ngai naw ei tiu.. Thangpui ngai hai ei va thangpui khan Pathien in a let tam in a mi thungrul ding anih!
THILTHATHAW, NUNDAN MAWI, TLAWMNGAINA
Post a Comment
Comments not related to the news or article may be deleted.