Independent Memorial

Rev. Thangngur

Lal Immanuel i ram hi
Dotu tamtak tuok sienlakhawm
Dotu huoiin hrathai sienkhawm
Dotu lienin hranghai sienkhawm
Aw a tawpah hnetu nang i lo ni hlak
Tuipui Sen i suktanna
Jeriko kul i sukchimna
Daniel, Mordekai, i human ban kan lo hmu in
Lawmthu hril kan bat che
Indona ka ta anga
Indona ka ta anga
Phurin lungngaia kan tapin
Intuortirtuhai iengtin am tawngtai an ta?
Tuortuha’n an lunginrimna
I kuomah iengtin am hung hril an ta?
Goshen in nghil thei nawh tu chen hin
Tuhin chu ram le hnam it a lo ni ta rawhai seh
Ropuina le chawimawina chu midangin inchu ta nawhai sienla
Nang chau hi i nih a chang tlak chu
Ropuina an inkhumtirna hmunah
Malsawmna, malsawmna um naw thei an nawh
Chun indona ka ta a lo nih
Vansanga hung tumin
Kalvariah rul lu ka sukthi tling
Indona ka ta a nih
Indona ka ta a nih
Setan a Jornel ropuihai
Pharaoh, Kaldai, Persia lal ka hne zo tah
Nero lal sakeibaknei khawm kha ka suk tlawm tah
Ka hmaa dotuhai tiem seng lo an tlan tah
Ka kutin, ka kutin naupang khawmin ral an ngam thei
In Lalpa’n in hma ka thuoia
In Lalpa’n in hnung ka dal a
Ieng a dim lungngai in ta?
Zion sipaihai, har unla in hla thar hung rem ro
Indona chu, indona chu
Indona chu ka kutah innghat unla
Hne ngei dingin thaw hram hram ro
Ei Lalpa’n a tuora, ei Lalpa’n a hne zo
Ei Lal Krista hmingin eini’n iem hneng ei ta?
Suol indona hmunah (suol indona hmunah)
Suol hratna hmun a khawm (suol hratna hmun a khawm)
Van le khawvel indona hmunah
Zion sipai van hmun a thang hnetu khek rawl ri chu ngai ro
Pathien ei kuom tieng a thang chun tu’nam mi do thei an ta?
Amen