By Pu David Ralsun*
Eini tlangmihai abiktakin Kristienhai hi inrem taka Krista zara um tlang diel diel ding ei ni vei leh, ei tawng le ei hnamhai leiin nasatakin a mi the dang tawl chu a ni hi.
Hnam tinin ei hnam ei ditsak senga, ei hnam seng hi suk vula hnamdanghai neka chunghnung ei nuom a. Abiktakin eini Hmarhai lem chu hnam ta dinga thi ngam khawm ei tam hlen ka hriet. Ei fena ei umna taphawta ei hnam seng eiin khal khawma. Eini lai hnamdang hungin zel nekin ei hawl hmang zova. Chanchintha mansapui bangna ei in ti lai zingin, a rukten eiin lak binga, hnamdanghai entawn tlak ni nekin an mi tinsan zova. Midanghai neka thalem, chunghnung bik lema inngaina ei nei bawka.
Hnamdanghai tawng ei thiem tum nawa, inremna zawng nekin ei hnawla. Chuongang ngirhmuna ei ngirlai zing chun, chanchintha mansapui bangna ei lan ti zing a. Kum tamtak liem ta a, ei pi le puhaiin an hringna chan khawm poisa lova chanchintha hrila an hringnun an hmang kha tuhin chu a letlingin chanchintha ni lem lovin HMAR hnam thipui ngamin ei hringnun ei hmang lem ta a hoi.
Hmar le Israelhai ei in angna!
Israelhai kha Pathienin a hnam dinga a tlang bik nasan kha, anni cho a ditsak lei an nawa, anni zara hnamtin chitinin Pathien tak an hung hriet thei na ding dam, hnam danghai entawn ding dam a ni lem. Amiruokchu Israelhai khan iem an thawsuola? Pathienin hnam danghai entawn dinga a ti lai zingin an niin hnam danghai an entawn lema, chu chu pathien lungsenna em em a ni kha. Israelhai kha lal (king) nei loin kha chen kha an uma, asanchu, Pathienin aumpuia Pathien kha iengkima an iengkim, Lal hai Lal, iengtiklai khawma thangpuitu a ni leiin. Nisienlakhawm, Israelhai khan Pathien kuomah iem an hni a? Hnam danghai angin lal (king) mi pe ve rawh tiin an hnia, Israelhai chungah Pathien a lungsen a ni kha. A san chu a ma Pathien, an Lal ropui an hnawla, lal dang an hni leiin. Anhni ang ngeiin lal Saula a pek ngeia, nisienlakhawm Pathienin a hun tawp tieng a hnawla, lal thar Ama ang lungril put mi lal David a ruota. Chu hungin thla sawngpei chun Isu Krista a hung pienga, Israel sertanhai cho ni ta loin, ama Isu zar choin Israel thar (ringna leia Pathien hnam tlanghai) nang le kei ei pieng pha ta a ni hi.
Hmarhai hi chanchintha mansapui bangna ei in ti ang hrimin, ei kawla hnam danghai po poin inza takin kumza gospel centenary khawm ei hmang hman an hmang ti ei hriet nawh. Ei ni teh hnam danghai eiin za ve am le? Chulaizingchun Chanchinthain mihriem nun a sawi danglam dan buoipui nekin, a histori’n ei buoi ta lem nisien a hoina chin a um bawk. Ei thuziek tamtak hai hlak chu, insiemthat tum tieng ni lovin, ei hrietnahai eiin khi tuoa, mi hringnunah siemtharna intlun nekin ei thuziek tamtakhai leiin ei ni lai ngei inhnamna, inditsakna, lekha zieka indona chen eiin tlungtir bawk. Ei kohranhai hlak chu Sap pakhat an cha dawk leh a dang incha dawk ve ngei ngei tumin thang ei laka! Inremna chu hmu ding a vang ta ngei maw!
Bible in a lo hril angin, a chang chu Pathien buoipui lem lovin a thil siema ei buoi ta lem nisien a hoi hlak. Pathienin lal Saula a hnawl angin Hmarhai hi Pathienin hnawl naw nih ti thei an nawh. Pathienin Israelhai angin Hmar hnam hi chanchintha dawng hmasatu’n a mi siem chu a ni ngeia. Asanchu, hmarhai ta ding cho ni loin, eini zara hnam tamtakin chanchintha an dawngve thei na ding a ni lem. Chanchintha hi ei ta bik a ni nawa, hnam popo hai ta a nih. Lovin ti neitu bik em em ding a ni nawh.
An naw chun Judahai ang ni pal roi ei tih.
Judahai kha Pathien tak nei an ni leiin an in ti theia, Pathien hnai bik rieua an in ngaia, midanghai neka thalema an in ngai bawka, hlak chu Isu’n a hnawl pawng an ni kha. Eini Hmarha’n ei theinghil lo ding chu, ei neka hnam chin lemhai, Pathienin ei chungah hlangkai naw nih ei ti thei nawh. Ropui deua, changkang rieua eiin ngai lai zing hin, hnam danghai mit hmua tirdakum, entawn tlaklo khawm ei lo ni lem el thei an tah! Hnamdanghai entawn ding ei ni lai zingin nakie chu ei ni in hnam danghai ei la entawn lem ding khawm a hoi! Ama, Pathien beltu le hnaituhai Pathienin a choisang ding a nih. Asanchu Pathien an chawimawi leiin.
Filipino hai le eiin angna.
Dr. Bicker in Filipinohai chanchin a ziekna a hin ei hnamhai khawm tekhi thei dinga ka hriet leiin hung tarlang zok ka tih. Filipino hai hi eini hai ang thoa culture dang dang nei, tawng tamtak nei an nia. An ramin an thawhla pakhat chu, hnamtinin an hnam seng choisang an nuoma, an hnama mi seng hotua siem an tum bawka, an sira hnamdanghai chu ienga ngai loin an hnawla, chu cho chu ni loin ral ang hiel in an en bawka. Hi hin a rasuok chu an ram pumpui inremna a suk sieta, a suk chau pha bawka, chun, a mi le mi kara inremna suksein indona hiel an tlun bawk a nih. Chulaia poi em em chu Chanchintha an dar hrat thei nawa, an hringnun popova Pathien nekin hnam a hring lema, Pathien a ropui thei ta nawh. Ei ni lai ngei khawm hi hi thil indik a nih. Hnamah ei hmin taluo lei kuhin ral khawm ei hau tawl bek bek a ni hi. Hieng thilhai lei hin chanchintha an dar ding angin an dar thei ta naw bawka, Pathien a ropui thei ta nawh.
Pathien am I Hnam? Hmar am Isu Krista? Hnam invoi taluo hi Pathien theinghilna awlsam tak pakhat chu a nih. Judaihaiin an ni cho kha Pathien hnai biekah an in ngaia, midanghai kha iengah an ngai nawa. Juda sakhuo zui ding chun sertan kher an tia, amiruokchu Isu’n chuong popo chu a hung thieka. Turuok hin chu inthena um ta loin Isu thisen zarin angkhat vawng ei ni tah. Chuong ang bawkin, Hmar, Paite, Lushai, Kuki tia chunghnung lem inchu zing hin chu Pathien a ropui thei ta naw chu a ni hi. Ei Kristien nuna khawm Krista hmel an lang thei ta nawa, Krista hmel inlang ta nekin Kristienhai rama ngei, tuolthatna, helprukna, uiretna, nawchizawrna, inruitheina han hmun an chang zo tah a nih. Chu cho chu an nawh kohrana hlak an hringnuna Pathien hmu ding um bar si lovin, khawtlanga nina dam, hnamah nina dam, mi poimaw dam an ni lei ela kohran thuoitu dinga hang hlang kai pawng ei chieng bawk! Kohran upa hlak chu kohran tinin a sawmtel ei nei. Kohranhai hlak chu inkhawm ei tlawm deu deu, chu umzie chu ei hnamin Pathien ei hla deu deu tina a ni chu.
Hnam chu ei theinghil thei nawh. Kei a ziektupa meu khawm hnama hmin ka nih. Amiruokchu ei hnam hi Pathien chunga sie pal ei tih ti hi inlau a um. Thangthar tamtakhai lem hi chu hnam ta dinga thi ngam ei tam lawm a um. Amiruokchu Pathien ta dinga thi ngam ruok chu ei vang hmel! Pathien ta dinga thi ngam ti hin missionary kher a ni nawa, Pathien hminga hnam theinghila inremna zawnga hnamtinhai le Pathien hmangainaa inpawl tlang diel diela, kei nang in ti biek lova hringnun hmang ngam hai hi an nih tulai contexta Isu hminga hringna chen chan ngam hai chu. Chu chu khawvel mihaiin hre thiem ngai naw ni hai. Asanchu an hringnunah Pathien nekin hnam a lien lem tlat leiin! Hnam leia Pathien I hnawl nek chun, Pathien leiin I hnam chanpuihaiin hnawl lem rawhai se che. Chu chu ringthar tamtak eiin chuktir ngei han an thaw ngam Isu Krista an ring leiin. Hnam chu nepte an insung ngeia inthawka hnawtsuoka fena ding, zal na ding, fakna ding khawm nei lova Isu ring leia iengkim channgama thi chen in huoma zuitu an ni leiin. Anleh hienga ringthar ei siemhai hin ei hringnunhai hi mi hung hmuhai sienla iengtinam mi ngai an ta?
Thukharna
Ka Hmar chanpuihai Pathienthu hi inchuktirtu ding cho am ei nih? Annawleh ei ni khawma ei hmang ve ding? Hnam in lak bing taluo hin Pathien ropuina in langna ding a danga, Krista zara ei unau chanpuihai le inremna nekin indona ei chawksuok bawk. Hiengang inlak bingna a inthawka suok dawka, hnamtin laia inremna thu hril ding le sukremtu ni dingin a nih Hmarhai hi Pathienin a chanchintha a mi loin dawngtir hmasa chu! Chu mawphurna chu hlen nuom lova, Hmar tawng cho, hmarhai cho ei ti pei chun ei tawpna ding chu khi va ni loin khu va ni lem a tih. Hnam eiin lak bing taluo hin Biblea ringnawtuhai mizie a hril popo hai hi ei mizie an chang hlak. Chuhai chu; theidana dam, inhalna dam, mani hmasielna dam, insuktumna dam, thikthusietna dam. Hienghai hi ringnawtuhai mizie a nia, hiengang thilthawtuhai chu Pathien ram hluo naw nihai ti a nih (Galati 5:19-21). Ringtuhai ruok chu; inremna dam, hmangaina dam, hlimna dam, dawtheina dam, insumtheina dam a ni lem. Isu nei lovin, Isu hrefu lovin, hnam hmangai taluo leiin hringna chan pal ei tih ti hi khawvela thil ti um tak a nih. Hieng ang mi ei ni chun; khawvela mi vangduoi lai popova vangduoi biek, hnuoia chu hming in lar hieu sie vana ruok chu hming in ziek ve lo; Pathien hmabula ei chantawk ding chu, innui hieua hremhmun tieng khal tlak vang vang, direct ticket thatak ni ngei bawk a tih. Hnam hi a poimawtak a ni nawa, Isu hi a poimawtak chu a ni lem. Hnamin Isu thuoi naw sienla, Isu’n ei hnam hi thuoi lem rawse. Amen.
Eini tlangmihai abiktakin Kristienhai hi inrem taka Krista zara um tlang diel diel ding ei ni vei leh, ei tawng le ei hnamhai leiin nasatakin a mi the dang tawl chu a ni hi. Hnam tinin ei hnam ei ditsak senga, ei hnam seng hi suk vula hnamdanghai neka chunghnung ei nuom a. Abiktakin eini Hmarhai lem chu hnam ta dinga thi ngam khawm ei tam hlen ka hriet. Ei fena ei umna taphawta ei hnam seng eiin khal khawma. Eini lai hnamdang hungin zel nekin ei hawl hmang zova. Chanchintha mansapui bangna ei in ti lai zingin, a rukten eiin lak binga, hnamdanghai entawn tlak ni nekin an mi tinsan zova. Midanghai neka thalem, chunghnung bik lema inngaina ei nei bawka.
Hnamdanghai tawng ei thiem tum nawa, inremna zawng nekin ei hnawla. Chuongang ngirhmuna ei ngirlai zing chun, chanchintha mansapui bangna ei lan ti zing a. Kum tamtak liem ta a, ei pi le puhaiin an hringna chan khawm poisa lova chanchintha hrila an hringnun an hmang kha tuhin chu a letlingin chanchintha ni lem lovin HMAR hnam thipui ngamin ei hringnun ei hmang lem ta a hoi.
Hmar le Israelhai ei in angna!
Israelhai kha Pathienin a hnam dinga a tlang bik nasan kha, anni cho a ditsak lei an nawa, anni zara hnamtin chitinin Pathien tak an hung hriet thei na ding dam, hnam danghai entawn ding dam a ni lem. Amiruokchu Israelhai khan iem an thawsuola? Pathienin hnam danghai entawn dinga a ti lai zingin an niin hnam danghai an entawn lema, chu chu pathien lungsenna em em a ni kha. Israelhai kha lal (king) nei loin kha chen kha an uma, asanchu, Pathienin aumpuia Pathien kha iengkima an iengkim, Lal hai Lal, iengtiklai khawma thangpuitu a ni leiin. Nisienlakhawm, Israelhai khan Pathien kuomah iem an hni a? Hnam danghai angin lal (king) mi pe ve rawh tiin an hnia, Israelhai chungah Pathien a lungsen a ni kha. A san chu a ma Pathien, an Lal ropui an hnawla, lal dang an hni leiin. Anhni ang ngeiin lal Saula a pek ngeia, nisienlakhawm Pathienin a hun tawp tieng a hnawla, lal thar Ama ang lungril put mi lal David a ruota. Chu hungin thla sawngpei chun Isu Krista a hung pienga, Israel sertanhai cho ni ta loin, ama Isu zar choin Israel thar (ringna leia Pathien hnam tlanghai) nang le kei ei pieng pha ta a ni hi.
Hmarhai hi chanchintha mansapui bangna ei in ti ang hrimin, ei kawla hnam danghai po poin inza takin kumza gospel centenary khawm ei hmang hman an hmang ti ei hriet nawh. Ei ni teh hnam danghai eiin za ve am le? Chulaizingchun Chanchinthain mihriem nun a sawi danglam dan buoipui nekin, a histori’n ei buoi ta lem nisien a hoina chin a um bawk. Ei thuziek tamtak hai hlak chu, insiemthat tum tieng ni lovin, ei hrietnahai eiin khi tuoa, mi hringnunah siemtharna intlun nekin ei thuziek tamtakhai leiin ei ni lai ngei inhnamna, inditsakna, lekha zieka indona chen eiin tlungtir bawk. Ei kohranhai hlak chu Sap pakhat an cha dawk leh a dang incha dawk ve ngei ngei tumin thang ei laka! Inremna chu hmu ding a vang ta ngei maw!
Bible in a lo hril angin, a chang chu Pathien buoipui lem lovin a thil siema ei buoi ta lem nisien a hoi hlak. Pathienin lal Saula a hnawl angin Hmarhai hi Pathienin hnawl naw nih ti thei an nawh. Pathienin Israelhai angin Hmar hnam hi chanchintha dawng hmasatu’n a mi siem chu a ni ngeia. Asanchu, hmarhai ta ding cho ni loin, eini zara hnam tamtakin chanchintha an dawngve thei na ding a ni lem. Chanchintha hi ei ta bik a ni nawa, hnam popo hai ta a nih. Lovin ti neitu bik em em ding a ni nawh.
An naw chun Judahai ang ni pal roi ei tih.
Judahai kha Pathien tak nei an ni leiin an in ti theia, Pathien hnai bik rieua an in ngaia, midanghai neka thalema an in ngai bawka, hlak chu Isu’n a hnawl pawng an ni kha. Eini Hmarha’n ei theinghil lo ding chu, ei neka hnam chin lemhai, Pathienin ei chungah hlangkai naw nih ei ti thei nawh. Ropui deua, changkang rieua eiin ngai lai zing hin, hnam danghai mit hmua tirdakum, entawn tlaklo khawm ei lo ni lem el thei an tah! Hnamdanghai entawn ding ei ni lai zingin nakie chu ei ni in hnam danghai ei la entawn lem ding khawm a hoi! Ama, Pathien beltu le hnaituhai Pathienin a choisang ding a nih. Asanchu Pathien an chawimawi leiin.
Filipino hai le eiin angna.
Dr. Bicker in Filipinohai chanchin a ziekna a hin ei hnamhai khawm tekhi thei dinga ka hriet leiin hung tarlang zok ka tih. Filipino hai hi eini hai ang thoa culture dang dang nei, tawng tamtak nei an nia. An ramin an thawhla pakhat chu, hnamtinin an hnam seng choisang an nuoma, an hnama mi seng hotua siem an tum bawka, an sira hnamdanghai chu ienga ngai loin an hnawla, chu cho chu ni loin ral ang hiel in an en bawka. Hi hin a rasuok chu an ram pumpui inremna a suk sieta, a suk chau pha bawka, chun, a mi le mi kara inremna suksein indona hiel an tlun bawk a nih. Chulaia poi em em chu Chanchintha an dar hrat thei nawa, an hringnun popova Pathien nekin hnam a hring lema, Pathien a ropui thei ta nawh. Ei ni lai ngei khawm hi hi thil indik a nih. Hnamah ei hmin taluo lei kuhin ral khawm ei hau tawl bek bek a ni hi. Hieng thilhai lei hin chanchintha an dar ding angin an dar thei ta naw bawka, Pathien a ropui thei ta nawh.
Pathien am I Hnam? Hmar am Isu Krista? Hnam invoi taluo hi Pathien theinghilna awlsam tak pakhat chu a nih. Judaihaiin an ni cho kha Pathien hnai biekah an in ngaia, midanghai kha iengah an ngai nawa. Juda sakhuo zui ding chun sertan kher an tia, amiruokchu Isu’n chuong popo chu a hung thieka. Turuok hin chu inthena um ta loin Isu thisen zarin angkhat vawng ei ni tah. Chuong ang bawkin, Hmar, Paite, Lushai, Kuki tia chunghnung lem inchu zing hin chu Pathien a ropui thei ta naw chu a ni hi. Ei Kristien nuna khawm Krista hmel an lang thei ta nawa, Krista hmel inlang ta nekin Kristienhai rama ngei, tuolthatna, helprukna, uiretna, nawchizawrna, inruitheina han hmun an chang zo tah a nih. Chu cho chu an nawh kohrana hlak an hringnuna Pathien hmu ding um bar si lovin, khawtlanga nina dam, hnamah nina dam, mi poimaw dam an ni lei ela kohran thuoitu dinga hang hlang kai pawng ei chieng bawk! Kohran upa hlak chu kohran tinin a sawmtel ei nei. Kohranhai hlak chu inkhawm ei tlawm deu deu, chu umzie chu ei hnamin Pathien ei hla deu deu tina a ni chu.
Hnam chu ei theinghil thei nawh. Kei a ziektupa meu khawm hnama hmin ka nih. Amiruokchu ei hnam hi Pathien chunga sie pal ei tih ti hi inlau a um. Thangthar tamtakhai lem hi chu hnam ta dinga thi ngam ei tam lawm a um. Amiruokchu Pathien ta dinga thi ngam ruok chu ei vang hmel! Pathien ta dinga thi ngam ti hin missionary kher a ni nawa, Pathien hminga hnam theinghila inremna zawnga hnamtinhai le Pathien hmangainaa inpawl tlang diel diela, kei nang in ti biek lova hringnun hmang ngam hai hi an nih tulai contexta Isu hminga hringna chen chan ngam hai chu. Chu chu khawvel mihaiin hre thiem ngai naw ni hai. Asanchu an hringnunah Pathien nekin hnam a lien lem tlat leiin! Hnam leia Pathien I hnawl nek chun, Pathien leiin I hnam chanpuihaiin hnawl lem rawhai se che. Chu chu ringthar tamtak eiin chuktir ngei han an thaw ngam Isu Krista an ring leiin. Hnam chu nepte an insung ngeia inthawka hnawtsuoka fena ding, zal na ding, fakna ding khawm nei lova Isu ring leia iengkim channgama thi chen in huoma zuitu an ni leiin. Anleh hienga ringthar ei siemhai hin ei hringnunhai hi mi hung hmuhai sienla iengtinam mi ngai an ta?
Thukharna
Ka Hmar chanpuihai Pathienthu hi inchuktirtu ding cho am ei nih? Annawleh ei ni khawma ei hmang ve ding? Hnam in lak bing taluo hin Pathien ropuina in langna ding a danga, Krista zara ei unau chanpuihai le inremna nekin indona ei chawksuok bawk. Hiengang inlak bingna a inthawka suok dawka, hnamtin laia inremna thu hril ding le sukremtu ni dingin a nih Hmarhai hi Pathienin a chanchintha a mi loin dawngtir hmasa chu! Chu mawphurna chu hlen nuom lova, Hmar tawng cho, hmarhai cho ei ti pei chun ei tawpna ding chu khi va ni loin khu va ni lem a tih. Hnam eiin lak bing taluo hin Biblea ringnawtuhai mizie a hril popo hai hi ei mizie an chang hlak. Chuhai chu; theidana dam, inhalna dam, mani hmasielna dam, insuktumna dam, thikthusietna dam. Hienghai hi ringnawtuhai mizie a nia, hiengang thilthawtuhai chu Pathien ram hluo naw nihai ti a nih (Galati 5:19-21). Ringtuhai ruok chu; inremna dam, hmangaina dam, hlimna dam, dawtheina dam, insumtheina dam a ni lem. Isu nei lovin, Isu hrefu lovin, hnam hmangai taluo leiin hringna chan pal ei tih ti hi khawvela thil ti um tak a nih. Hieng ang mi ei ni chun; khawvela mi vangduoi lai popova vangduoi biek, hnuoia chu hming in lar hieu sie vana ruok chu hming in ziek ve lo; Pathien hmabula ei chantawk ding chu, innui hieua hremhmun tieng khal tlak vang vang, direct ticket thatak ni ngei bawk a tih. Hnam hi a poimawtak a ni nawa, Isu hi a poimawtak chu a ni lem. Hnamin Isu thuoi naw sienla, Isu’n ei hnam hi thuoi lem rawse. Amen.
*The writer is a Bible student in Manila. This write-up is dated 15/04/11, Manila.
Ziek thra khop el. Anachu, Hnam ei hril zata Israelhai le ei in tekhi zie hi nghawk a um khop el.
ReplyDeleteDavid, i thuziek hi a tha khawp el, i Hmar tawng ziek khawm a tiem an hawi. Hung ziek nawk pei rawh.
ReplyDeleteKa ngaidan mawl tak angin i thuziek hi hei tuihni met ka tih. Hnam tadinga sinthaw le hnam hmangai hi Pathien ngaisak lo a, ei sira hnam dang hai neka chunghnung lem ni tumna ringawt a kawk naw a. Pathien thu ang taka thil tha thaw a hnam rawng bawltu chu Pathien rawngbawl a ni naw khawma a lawm zawng chu ni hrim hrim a tih. Ei Pathien thu hi hnam rawng ei bawlna a hin hmang inla vawisuna ei ngirhmun hi ei maksanna sawt ta hleng a tih. Pathien rawngbawl chu a pawimawtak ngei, ei hnam rawng khawm bawl a tul annawm. Ei hnam hi politics le educationah hi nek hin changkang lem inla chu hi nek hin ei rawngbawlna khawm lien lem a tih ti chu ka ring ve dan a nih.
Chun, ei hnam in Isu hi a thuoi naw a. Ei rawngbawltu hai rawngbawlna leiin ei hnam hi inthuruol thei lovin ei um a. Kohran chite te ei inngir fir fer hin ei Pathien thu fe puiin inthuruolnawna chi a the a suk chieng hi i hmu ve tho ka ring. Pathien thu ei zawm dan an dik naw leia mi le inrem lo a um ei ni ti khawm hi andik ve tho naw maw? Hnam hmangaina lei mi le eiin remnawna nekin Pathien thu ei zawm naw leia mi le eiin remnawna hi a tam lem ring a um.
Ei hnam a changkang chun ei Pathien rama ei rawngbawlna khawm a lien pei ding a ni ti hi ka ring tlat.
i ziek thra khawp el,hnam lei hin ani ngei,krista zara ei unau ding hai le khawm ei buoi rawp hlak anih.....mak ngei maw....kristien trawng hi um el sien i ti naw????
ReplyDeleteI thil hung ziek hai khi ka zuk tiem a, i ziek indikin a tha khawpel; an diknawna tak chu Hmar hai chau hih Hnamah ei hring naw a, hieng thil hih 'Hnam ka nei annawm' ti a mihriem inthuok thei taphawt hai lungrila um anih. A kar leh Hmar hnam le kohran hai i hung ti vak, a kar leh Hnam dang dang hai i hung ti sa ang reng bawk; tu hai tak amanih i hung dem hriet a harsa khawpel. Chun Hmar hnam besan a thil i hung hril hai khi an dikna um sienkhawm a tam lem chu hunin a lo phursuok ta leh an kal. Hmar hai hih Hnamah eiin hnik taluot leia hienga buoi hih ei ni naw a; Pathienthu eiin hnik taluo a, ei zawm indik zo thei si naw leia hienga chi ai tawl ei ni lem annaw amanih? Paite amanih annawleh thadou amanih hai ei hmusit leiin le anni neka eiin siesang taluot leiin ei lan do pui bawk nawh. chu nek hman in hnam dang hai nunrawng leiin hmar haiin ei tuor lem zie. Hnam puoma houpa tuorna amanih harsatna tamtak ei lo tuok tah ani chun, hnamah ei hring taluot lei ni lovin Kohranah ei hring taluot lei niin ka hriet lem chu tie?? I ngaidan ani ve dim?
ReplyDeleteHmar hnam sung nana na chuh Kohran hih a laili a ei sie ani a; thil ei thawna kawng tin reng le ei nitin khawsak chenin Kohran besana chang ei nih. Chuleiin, hnam i dem nuom ani chun Kohran thuoitu hai dem rawh, chuong naw chun i sa kap kap thel rawp i tih. Bawng gari in bawng a kei ngai naw a; bawng in a gari a kei lem annawm.
Atha ka ti ve khawpel ie keikhawm. A ieng takam ani chu mai thel ei nei ve ta hrim hrim chu ani hi. A hnam ei inhnik pui luot lei nek hmanin Social Gospel ti hi ei hmu fuk ve tanaw ve hrim hrim leia ei kalpen hai kuhi an dik tanaw niin ka hriet hlak chu tie. Hnam khawm kuhi ei hlawkna ding a umnaw chun eiin hnik ta nawh. A ieng ieng khawm, a tu tu khawm hi Sumdawngna vawng a hawi ta ka tih.
ReplyDelete