By Pu Timothy Z. Zote
Khawvel thang chak zia leh hmasawn chak zia thlirin keini Manmasi Mizo te pawh kan lo thang duang tha chho zel chu a ni berin ka hria. Mizote khawpui ber Aizawl ah chuan Lelte Weekly magazine lar tak leh Mizo zinga chanchinbu kaltlanga Musik rimawi leh a kaihnawih uar tak leh detail taka chhuahna Magzine chuan 14th April khan YMA Hall Chanmari ah ropui takin a lo hmang zo ta a. Ka lung a chhe tlat “ Pu R.C Khuma te leh mi hlui tam tak hmuh tur an awm ta lo chua
n ka lung an ti leng” Kha mi zana Aizawl mipui a mimirin an polite zia leh an fel zia ka hmuh khan ka rilru a khawih hle mai. Ka rilru minkhawihna thenkhat: Music hot tak leh zai hot takleh bengchheng an awm lo, a thu ah an cheng niberin ka hria. Music lamah sang viau e ti lo chuan an thawm a dai tlat.
Achhan ni awma ka rin chu mi tana hnawksak leh tibuaitu nih an tum lo vang leh self control an neih that vang niin ka hria. Zaimi te pawh an phur thiama, eng part pawh titu te kha an part an hnehsaw hlawmin ka hmu bawk. Kha mi hunah khan EFCI Choir, Aizawl te pawh ka rinloh leh ka lo beisai phak loh, thiam ka tih em em te chuan Pathian fakna hla an han sa mei kha chu ka thinlung a khawih hle a, thiam ka tiin an hlasak “ Hmangaihna a Pawh a tawpkhawk ngei” tih hla an han sa thup thup kha chu music leh an zaiaw tih loh chu rihriattur a awm meuh lo a ni ber mai, chu chuan mipui Halla awm te rilru a khawih bakah thiam an ti a ni mahna, chu loah pawh an engmaw chu a khawih a ni mahna.
Aizawl boruak : Aizawl ka han thleng chiah chu ka thinlung pakhata lo lang zawk chu Pu Lalzuia Colney, Padma Shree, Pu K.C. Vanlalruata, Ziaktu “ Mizo Hla kungpui Hmar Mirilte”,Ramhluna Hnamte, Rosiamliana Ralte, Mapuia Ralte, Pu R. Lalrawna Lehkhabu tam tak min presentu, Lala Khobung, C.T. Vawra Zote, Dy. Manager, Cooperative, Govt. of Mizoram, leh ka Zote pui Proffessor, Laltluangliana Khiangte, leh Ka Zotepui leh ka ngaihsan em em Pu K.L. Liana, Additional Dist. Session Judge te chu hmuh dan ka ngaihtuah nghal a, mahse hun ka neih tlem vangin an ni hi hmu vek hman ta lo a ni ber e. An ni zingah hian Pu K.L. Liana chu Court period ah hun tlem min siam sak vangin ka hmu hman zawk thei a, hun tlem min pek vangin lawmthu ka sawi tel nghal bawk. Tin, amah Pu K.L.Liana hi kan thenawm a nu pakhat pi Beni kum 58 mi vel tur chuan Lelte leh Chanchinbu dang dangah ama lekhaziak a tel chuan ka hmeiphal lo a ti hial a chhiarchhuak vek thin a, ka ngaisang em em a, chu vangin min rawn biak dawn nia tia min chahna chu theihnghil phal loin ka hmu zawk duh pah bawk vang a ni.
Ni khat chu taxi in chaltlang ah Pu Vanlalnghaka Zote, Deputy Director, Social Welfare, Govt. of Mizoram office-ah len tumin ka kal a, kawngah chuan taxi driver leh car khalh upa deu tawh chu an insu tep a, ka chuanna taxi chu a rawn su thuak chu a ni ber a,mahse ka taxi chuanna driver chuan a hmel a han en a, a upa zawk a ni tih a hria a, a ngawi hle hle a, car khaltu upa zawk chuan ka thiam loh a nih kha tiin Hmar tawng thluk nem tak maiin a rawn ti a, ka Taxi Driver naupang zawk chuan , ka pu kei zawk a lawm, ka rawn tlan chak deu a nih kha, min hrethiam dawn nia aw, tia Hmar tawng aw thluk deu riaua a han chhan chuan buaina leh harsatna, Police te rawih ngai lovin an inrem vat a, mahse Imphal vel nise zawng an aw ava sang dawn em,an insual mai lo pawn an thawm chu a na viau ang.
Heng ang thil rimawi chauh lo pawh rimawi dang pakhat leh chu ,Office hmun ka hriat chian loh avangin putar deu pakhat ka zawt a, amah chuan a hmun thleng tepin ka hriat theih dan tur leh ka hmuh ngei theihna turin a hmun min hrilh hriat a, Imphal ni se zawng ka va buairei awm e, ka senhnem phah bawk ang a. Ka kal tumna leh ka zawn hi Mizo te khawpui Aizawl hmun a lo nih chu ka vannei a ni berin ka hria. Mizoram nundanmawi leh chetdan mawi vulzel rawh se.
Ka kal tumna ber ka han thleng ta a, Pu Vanlalnghaka Zote chuan Tv. Lalzarlien Zote zaithiam cassette “Ka lal Lenna” tih hla Hmar hla mawi tak a sak chu min chah bawk avangin ka han pe a, min lo sawngbawl danah ka phulo ka in ti a, ka inthlahrunga, chaweiah teh min lo sawm bawk a, Minister thenkhat te hmutur leh inkawmpui tura min sawmin kei Lelte weekly Programme rawn kal ka nih vangin ka hman dawn lo a ni tiin a ka hnar ta zawk mai a ni. He kan inkawmna hunah hian Minority Concentrated areas Mizoramin a neih te Mamit,Longtlai district te an nih thu te sawiin social welfare-in hma a lak dan tlangpui min hrilh bawk a, hna an thawk tha a, Mizoram pawn an hlawk phah hle tih ka hmuin ka hlim hle bawk.
Ka mi hmuhduh te: T.C. Zonunsanga, Pu Crossthanga Lunglei leh Ramhluna Hnamte te chu hun ka neih tlem avangin ka hmu thei ta lo a ni e. Ka chan ropui hle mai.Henglai reng hian Pu Ramhluna Hnamte chu sawrkar dinglaiin Champhai lama College Principal tura an tihna a vangin an lo Transfer niin sawi a ni a, he mi vangin ka hmuh duhber pakhat chu ka hmu thei ta lo bawk a ni e.
Ni 15April khan Pu R. Lalrawna hnathawkna Gilzom Offset Printer,Electrict Veng, Aizawl hmunah lengin he tah hian vanneihthlak takin ka mi hmuh duh pathum ka hmu thei ta hlauh mai. Chungte chu K.C. Vanlalruata, Pu Lalzuia Colney, Pu R. Lalrawna te an ni.
He mi hunah hian reife inkawmin thu tam tak kan sawi duna, Mizo History siamthat a tulna tam tak leh inpumkhatna a tan engthil nge tihtur? Thil dang dang kan sawihnu chuan Pu Lalzuia Colney nen chuan Electric Veng atangin Zarkawt thleng-in kein kan kal chho dun ta a, zarkawtah chuan kan inthen ta a, ka mithlaah a cham reng a, ka en zui vang vang a, ka ngaitlat chu maw le….. hla PHUAH THIAM TE CHUAN an phuah thiam ka ring….
Ni 16 April tuk chuan Pu C. Dinthanga nen chuan zingkarin Bazar ah kan kala, chawhmeh tui tak tak kan lei a, a va nuam em, minhniam rawh tih thawm a vang hle mai. Duh chu an lei a, an duh lo chu an lei lo, an duh chu an la tawp a, aman an innep chiam lo, a changkan thlak em. Tih chi a ni hle mai. Innep vel hian hun a ti hek tlat. Churachandpur phairuamah practice thei a ni ang em?
Pu C. Dinthanga hi a lo mak hle mai, amakna chhan chu zialzu lo, Kuva ei lo, thawh hreh nei lo, mi taima, zing tho hma leh mi invawngfel tak a nihna hi a mak em emna pakhat a ni awm e. Tin sakhuanah Kohhran thiltih ngaipawimawh leh a theih chen chena Kohhran programme zui tang tang mi a ni bawk. Date 16April tuk hian Pu Banny Khongsai, S. Pauginmuan, Thangcha Khongsai pathum te chu chaweiah a sawm a, an ei zawh chuan Presbyterian bial khawmpui a awm a, programme a nan lo hlauin hman hmawh taka min han nawrh chuan Pathian Biakin programme a zah zia min hriatchiantirin ka hria. A Motor chuan Sumo Counter thleng min rawn thlah bawk a, a fel hle mai tih chu thiante tawngkam chhuak zing ber a ni awm e.
Manipur zan 2.00Am velin kan thleng a, Sinzawlah kan riaka Hotel riah man chu Rs. 20/-per head a ni. An fel hle a. Zing dar 7:45 am vel chuan Songtal kan thleng a, kan unau Zomi Revolutionary Army (ZRA) Mount Sinei Camp -a leader pakhat Leut. Josia thupekna leh hriatpuinain Manipur atanga Lelte Awardee kei ni group-a rawnkal te chu Parthi lo awrhtirin duhsakna an lo entir a, an sawina atang chuan keini Zo hnahthlak te ti hmingthatu leh chawimawitu in nih zia tih ten lawmthu leh thuchah Lelte Palai an hrilh nghe nghe a ni. Heng parthi an lo awrhtir te chu S. Pauginmuan, Murphy Vaiphei,Thangcha Khongsai te an ni a. An ni hi Manipur Correspondent Lelte Weekly Pu Timothy Z. Zote leh Pu Banny Khongsai-in an ho a ni.
Kir leh zawk ilang: Heng anga thiltha Lelte weekly-in a buatsaih lai hian Mizoram sawrkar hian eng angin nge hna a thawk bihchian a tul a ni. Mizoram sawrkar hian tawngin inpumkhatna leh inlungrualna hi sawi ringawt se a tak le bawhzui tul a bawhzui si lo chuan eng tak ni ang maw? Aizawl ka chamchhunga thilthenkhat an sawi te chu ka beng a verh hle bawk. Hmun then khat CensusVaireng teah te Hmar tia inziak 100 pawh tling lo anga sawi rik a awm a, chu chu kan sawi tum a ni lova, Paite an in tih chuan ziah mai tur.Ralte an tih chuan ziah maitur , Hmar an in tih chuan ziah mai tur a ni. Sensus-a inziah bo kan tum tak tak a nih chuan sawrkr pawn a tih thei chu tam tak a awm ang, mahse, Census chu hming ziah mai mai a ni a.
Thisen hi a pawi maw em em niin ka hre zawk.Mizo ti mawitu chu kan chi te leh kan Culture mawi tak tak te leh kan tawng mawi tak tak te hi a ni lo maw? Henglai reng hian kan han chhut tak tak chuan tuna ka ziahna tawng ngei pawh hi Hmar Tawng Part II ka ti tawp mai a, ka fa te leh ka chhungkhat laina te chu Hmar in nih chuan Hmar Tawng Part II (ie Mizo Tawng), Compulsary in thiam ngei tur a ni ka ti thin. Hmar inti ten Hmar tawng an tih Mizoram Sakawrdai area( Sinlung Hill Development Council) a an hman hi Hmar Tawng Part I ah ka vuah thin bawk a ni. A chhan ber chu a Part I &II hi a thumal leh a nihna ka chhut vang vang a, tawng upa zawk leh inzul em em, thumal 85% chung lam hialin in anna a neih vang leh hhui tham a awmin a awm bawk a ni.
Tun kum a Mizoram Boar HSLC exam-na a Fourth Position lo la pha ka unaupa Mr. Benjamin Zonunsang S/o Zosanglien Zote, Aizawl result ka hriat chuan Mizoram ah ka mikhual lo leh zual a, kan hawi zau deu a Champhai Zote Khua a awm thu te kan hre leh zel a, ka in ti neiu tel telh mai a, mahse Zote khua lungdawh-a a inziak danah zote khua dintan dan an ziah chu a dikhlelh deuh –in ka ring, la chhuichian tum a ni.Khuangphah ah Luruhpuk a awm a, Khuangphah,Champhai hi kan unau Gangte ho khawsat niin a thenin an sawi a, athenin Hmarho lo awmna leh Luruh puk an tih te pawh hi Hmar ho dah leh ral lu an lakte an lo dah thatna hmun ah an sawi bawk.A puk hming hi sawi dawt tur a awm loh vangin a then chuan Timothy Z. Zote-in a pukah hian Rs. 10/- a daha chuvangin “Timothy Z. Zote chengsawm dahna puk’ tiin an sawi bawk.
Chawngtlaiah lungdawh maktak a lo awm a, chu pawh chu an VCP member te nen kan en a , thlate kan la a, Hmarhoin lung milem an ziahna a ni tiin an lo veng a, an lo preserved a, Khawchhung atanga km 2 a hla ami chu khaw mipuiin ni engemaw zat buaipuiin khawchhungah an lo tung tawh bawk a, an fakawm hle a ni. History dik tak chu Mizoramah hian a rawn lang chhuak tep chu a nih tawh hi.
Tin, Mizoram ah Lusei leh Hmar indo anga sawi te pawh kha a lo dik lo deu in a chhut thei awm e. Champhai luh tanna pakhat Zote khuah te khi han bih chiang ta ila, Hmar ral vanga an chhuah san ni se, an sira Hmar chi ve tho Zotlang khua te khi hman atanga Hmar inti Lawitlang hnam an tam em em a, Hmar hming a thi ngam tam tak an la awm reng a. An ni khi an tlan chhe lo hrim hrim hrim a, chuvangin Chi leh chi indona hi a dik chiah thei ang em? Chungai chuan khua leh khua inrun te kha chi leh chiah kan ziah lan duh vang mei mei a lo ni zawk? Ziaktu leh Historian te hian in unauna ti chhe thei zawnga chanchin kan ziah vak aiin unau kan lo ni ngei a ni tih leh in unauna tha zawk a awm theihna tura hmanrawh pawimawh tak a chhuah theih dan hi thlirin chhuithiam zawk ila a that a rin awm hle.
Zote khuah khian Sikpui Lung leh Mura puk pasarih a la awm a, sawrkarin a enkawl tha tawk lo a, nakinah chuan kan inchhir dawn a ni. Chhuitu pakhat chuan “lungdawh leh chhinchhiahna awmna hrim hrim khua hi khawfel leh Lal fel awmna leh mi rin leh chak an ni thin a.Tunthleng hian lungdawh leh chhinchhiahna lung awmnna chu a khawchhunga mi, a awmte fel vang leh khawpawimawh vang a ni thin” a ti.
Thenkhatin Hmar ho hi Mizoram atangin Hmar an inti ti chauh, an ti a, hei hi chu thudik a ni theih a rinawm loh. Champhaia awm mi hlun tak tak leh mi fel tak kawmna ka lo nei tawh thina , Hmar chi an nih hi an theihnghil lo a, an chi an theihnghilh pawn Hmar chi an nihna hi chu an hai ngai lo. Champhai atanga Hmar lam pan ho Hmar an nih chuan Hmar ho chu Ralte leh Paite etc an inti vek ang. Hmar chu Manipur velah a lang phachau mai thei a ni. Mahse he ngaihdan hi a dik lo tih a finfiah theih dan chu Champhairuam(Chawnsim) a awm te khi tumahin Hmar chi in ni e tiin Missionary angina an han hriattirin an han sawifiah tumahan awm kan hre lo, Hmar chi kan ni an lo inti tawp mai. Hmar chhuahna ber hi chu kan la chhui mek a. Mizo History fiahfai kan neih lo chuan kan inthen darh tel tel a rinawm tlat.
Heng thil te hi tuntum Lelte Award 20th na ka rilrua lo lang ka han thai ve chu a ni. A thupui atangin ziakmi Pu T. C. Zonunsang leh ka Zote pui Pu K. L. Liana ten han thai se zawng a ngaihnawm hle ka ring. Longtlai,Mara lam thlirin Mizo ringawt hian min huam zo vek ta lo em mi ? Sinlung Hills Development Council chungchangah thawm a lo rit hle angina a lang bawk. Mizoram Sawrkarin HPC (D) a biak rem pui vat lo chuan buaina lian a thlen mai an ring bawk a. Mipui te pawn buaina lian chhuah hi an hlau hlein an sawi ri bawk.Mizoram inlungrualna’n chuan an ni tihlungawi pawh hi thil tha a nih a rinawm a.Thuam neih an ni bawk nen, tin an chipui thuam kenga ri nei lo tam tak Mizoram chhunga awm, Azawl leh Mizoram district hrang hranga cheng te pawn an lo tan rilru pawh a lo ni thei a. Unau leh unau inthat rikngawt te le ramsa anga silaia impel vel zawng a tha kan ti lo tlang a. Heng ang thil thleng theih lak ah pawh hian ram hruaitu te pawn fimkhur taka a rang lama ro an rel chu mipui duhdan niin a lang.Aboruak thenkhatah chuan a thisenin tan an la anga HPC hmasa 1994 agreement an ziah lai hun kha chu a lo nep viau mai theih bawk a, tunah chuan ralthuamte hi an neih that tawh hmel bawk si ngaihven thuai nise tiin mi bik leh thlir thui deuh te ngaihdan chu niin a lang.
Lelte Weekly-in Chibil Award a siam hi mi tamtak tan chuan a hlu hle a. Manipur a Unau/Zo fa te chuan tih chi leh tihawm tak a ti ah an ngai. Tawp mai loin tip chho zel ni se a tha an tih thu sawi rik a tam hle a ni. Lelte Weekly vul zel rawh seh .
Khawvel thang chak zia leh hmasawn chak zia thlirin keini Manmasi Mizo te pawh kan lo thang duang tha chho zel chu a ni berin ka hria. Mizote khawpui ber Aizawl ah chuan Lelte Weekly magazine lar tak leh Mizo zinga chanchinbu kaltlanga Musik rimawi leh a kaihnawih uar tak leh detail taka chhuahna Magzine chuan 14th April khan YMA Hall Chanmari ah ropui takin a lo hmang zo ta a. Ka lung a chhe tlat “ Pu R.C Khuma te leh mi hlui tam tak hmuh tur an awm ta lo chua
n ka lung an ti leng” Kha mi zana Aizawl mipui a mimirin an polite zia leh an fel zia ka hmuh khan ka rilru a khawih hle mai. Ka rilru minkhawihna thenkhat: Music hot tak leh zai hot takleh bengchheng an awm lo, a thu ah an cheng niberin ka hria. Music lamah sang viau e ti lo chuan an thawm a dai tlat.Achhan ni awma ka rin chu mi tana hnawksak leh tibuaitu nih an tum lo vang leh self control an neih that vang niin ka hria. Zaimi te pawh an phur thiama, eng part pawh titu te kha an part an hnehsaw hlawmin ka hmu bawk. Kha mi hunah khan EFCI Choir, Aizawl te pawh ka rinloh leh ka lo beisai phak loh, thiam ka tih em em te chuan Pathian fakna hla an han sa mei kha chu ka thinlung a khawih hle a, thiam ka tiin an hlasak “ Hmangaihna a Pawh a tawpkhawk ngei” tih hla an han sa thup thup kha chu music leh an zaiaw tih loh chu rihriattur a awm meuh lo a ni ber mai, chu chuan mipui Halla awm te rilru a khawih bakah thiam an ti a ni mahna, chu loah pawh an engmaw chu a khawih a ni mahna.
Aizawl boruak : Aizawl ka han thleng chiah chu ka thinlung pakhata lo lang zawk chu Pu Lalzuia Colney, Padma Shree, Pu K.C. Vanlalruata, Ziaktu “ Mizo Hla kungpui Hmar Mirilte”,Ramhluna Hnamte, Rosiamliana Ralte, Mapuia Ralte, Pu R. Lalrawna Lehkhabu tam tak min presentu, Lala Khobung, C.T. Vawra Zote, Dy. Manager, Cooperative, Govt. of Mizoram, leh ka Zote pui Proffessor, Laltluangliana Khiangte, leh Ka Zotepui leh ka ngaihsan em em Pu K.L. Liana, Additional Dist. Session Judge te chu hmuh dan ka ngaihtuah nghal a, mahse hun ka neih tlem vangin an ni hi hmu vek hman ta lo a ni ber e. An ni zingah hian Pu K.L. Liana chu Court period ah hun tlem min siam sak vangin ka hmu hman zawk thei a, hun tlem min pek vangin lawmthu ka sawi tel nghal bawk. Tin, amah Pu K.L.Liana hi kan thenawm a nu pakhat pi Beni kum 58 mi vel tur chuan Lelte leh Chanchinbu dang dangah ama lekhaziak a tel chuan ka hmeiphal lo a ti hial a chhiarchhuak vek thin a, ka ngaisang em em a, chu vangin min rawn biak dawn nia tia min chahna chu theihnghil phal loin ka hmu zawk duh pah bawk vang a ni.
Ni khat chu taxi in chaltlang ah Pu Vanlalnghaka Zote, Deputy Director, Social Welfare, Govt. of Mizoram office-ah len tumin ka kal a, kawngah chuan taxi driver leh car khalh upa deu tawh chu an insu tep a, ka chuanna taxi chu a rawn su thuak chu a ni ber a,mahse ka taxi chuanna driver chuan a hmel a han en a, a upa zawk a ni tih a hria a, a ngawi hle hle a, car khaltu upa zawk chuan ka thiam loh a nih kha tiin Hmar tawng thluk nem tak maiin a rawn ti a, ka Taxi Driver naupang zawk chuan , ka pu kei zawk a lawm, ka rawn tlan chak deu a nih kha, min hrethiam dawn nia aw, tia Hmar tawng aw thluk deu riaua a han chhan chuan buaina leh harsatna, Police te rawih ngai lovin an inrem vat a, mahse Imphal vel nise zawng an aw ava sang dawn em,an insual mai lo pawn an thawm chu a na viau ang.
Heng ang thil rimawi chauh lo pawh rimawi dang pakhat leh chu ,Office hmun ka hriat chian loh avangin putar deu pakhat ka zawt a, amah chuan a hmun thleng tepin ka hriat theih dan tur leh ka hmuh ngei theihna turin a hmun min hrilh hriat a, Imphal ni se zawng ka va buairei awm e, ka senhnem phah bawk ang a. Ka kal tumna leh ka zawn hi Mizo te khawpui Aizawl hmun a lo nih chu ka vannei a ni berin ka hria. Mizoram nundanmawi leh chetdan mawi vulzel rawh se.
Ka kal tumna ber ka han thleng ta a, Pu Vanlalnghaka Zote chuan Tv. Lalzarlien Zote zaithiam cassette “Ka lal Lenna” tih hla Hmar hla mawi tak a sak chu min chah bawk avangin ka han pe a, min lo sawngbawl danah ka phulo ka in ti a, ka inthlahrunga, chaweiah teh min lo sawm bawk a, Minister thenkhat te hmutur leh inkawmpui tura min sawmin kei Lelte weekly Programme rawn kal ka nih vangin ka hman dawn lo a ni tiin a ka hnar ta zawk mai a ni. He kan inkawmna hunah hian Minority Concentrated areas Mizoramin a neih te Mamit,Longtlai district te an nih thu te sawiin social welfare-in hma a lak dan tlangpui min hrilh bawk a, hna an thawk tha a, Mizoram pawn an hlawk phah hle tih ka hmuin ka hlim hle bawk.
Ka mi hmuhduh te: T.C. Zonunsanga, Pu Crossthanga Lunglei leh Ramhluna Hnamte te chu hun ka neih tlem avangin ka hmu thei ta lo a ni e. Ka chan ropui hle mai.Henglai reng hian Pu Ramhluna Hnamte chu sawrkar dinglaiin Champhai lama College Principal tura an tihna a vangin an lo Transfer niin sawi a ni a, he mi vangin ka hmuh duhber pakhat chu ka hmu thei ta lo bawk a ni e.
Ni 15April khan Pu R. Lalrawna hnathawkna Gilzom Offset Printer,Electrict Veng, Aizawl hmunah lengin he tah hian vanneihthlak takin ka mi hmuh duh pathum ka hmu thei ta hlauh mai. Chungte chu K.C. Vanlalruata, Pu Lalzuia Colney, Pu R. Lalrawna te an ni.
He mi hunah hian reife inkawmin thu tam tak kan sawi duna, Mizo History siamthat a tulna tam tak leh inpumkhatna a tan engthil nge tihtur? Thil dang dang kan sawihnu chuan Pu Lalzuia Colney nen chuan Electric Veng atangin Zarkawt thleng-in kein kan kal chho dun ta a, zarkawtah chuan kan inthen ta a, ka mithlaah a cham reng a, ka en zui vang vang a, ka ngaitlat chu maw le….. hla PHUAH THIAM TE CHUAN an phuah thiam ka ring….
“Theih chang se in kianga awm ka nuam e,tiin thu te ka sam ta chiam mai a ni e.
Mahse lenna tlang dangin,
Tuanna mual zuan a tul leh si,
Rei lo hun tawite inhmuh zawng ,
Khamlotea inthen zawng,
Thinlai tina an chang,
Zo mi leng zawng ten
Lungrualtea chenna Zotlang nuamah
Luaithli nen thian duh damlai Lungrim mittui nen
Mang tha tih mai pawh,
Bengah awri cham,
Zo ram hramthiam varual ten
Thinlung mu tawh kaitho leh e,
Chun leh zua hraileng te zuana kal lai rem e,
Mualtin tlangtin zuanin an sawi Damna tuitha lui
Dung panna lamtluangah thianngaih lungzun a va na em,
Hnem thiam tutak awm maw!
Ka sawm vel e, a mi za leng,
Thian kar hla zun ngai hnem an”
Ni 16 April tuk chuan Pu C. Dinthanga nen chuan zingkarin Bazar ah kan kala, chawhmeh tui tak tak kan lei a, a va nuam em, minhniam rawh tih thawm a vang hle mai. Duh chu an lei a, an duh lo chu an lei lo, an duh chu an la tawp a, aman an innep chiam lo, a changkan thlak em. Tih chi a ni hle mai. Innep vel hian hun a ti hek tlat. Churachandpur phairuamah practice thei a ni ang em?
Pu C. Dinthanga hi a lo mak hle mai, amakna chhan chu zialzu lo, Kuva ei lo, thawh hreh nei lo, mi taima, zing tho hma leh mi invawngfel tak a nihna hi a mak em emna pakhat a ni awm e. Tin sakhuanah Kohhran thiltih ngaipawimawh leh a theih chen chena Kohhran programme zui tang tang mi a ni bawk. Date 16April tuk hian Pu Banny Khongsai, S. Pauginmuan, Thangcha Khongsai pathum te chu chaweiah a sawm a, an ei zawh chuan Presbyterian bial khawmpui a awm a, programme a nan lo hlauin hman hmawh taka min han nawrh chuan Pathian Biakin programme a zah zia min hriatchiantirin ka hria. A Motor chuan Sumo Counter thleng min rawn thlah bawk a, a fel hle mai tih chu thiante tawngkam chhuak zing ber a ni awm e.
Manipur zan 2.00Am velin kan thleng a, Sinzawlah kan riaka Hotel riah man chu Rs. 20/-per head a ni. An fel hle a. Zing dar 7:45 am vel chuan Songtal kan thleng a, kan unau Zomi Revolutionary Army (ZRA) Mount Sinei Camp -a leader pakhat Leut. Josia thupekna leh hriatpuinain Manipur atanga Lelte Awardee kei ni group-a rawnkal te chu Parthi lo awrhtirin duhsakna an lo entir a, an sawina atang chuan keini Zo hnahthlak te ti hmingthatu leh chawimawitu in nih zia tih ten lawmthu leh thuchah Lelte Palai an hrilh nghe nghe a ni. Heng parthi an lo awrhtir te chu S. Pauginmuan, Murphy Vaiphei,Thangcha Khongsai te an ni a. An ni hi Manipur Correspondent Lelte Weekly Pu Timothy Z. Zote leh Pu Banny Khongsai-in an ho a ni.
Kir leh zawk ilang: Heng anga thiltha Lelte weekly-in a buatsaih lai hian Mizoram sawrkar hian eng angin nge hna a thawk bihchian a tul a ni. Mizoram sawrkar hian tawngin inpumkhatna leh inlungrualna hi sawi ringawt se a tak le bawhzui tul a bawhzui si lo chuan eng tak ni ang maw? Aizawl ka chamchhunga thilthenkhat an sawi te chu ka beng a verh hle bawk. Hmun then khat CensusVaireng teah te Hmar tia inziak 100 pawh tling lo anga sawi rik a awm a, chu chu kan sawi tum a ni lova, Paite an in tih chuan ziah mai tur.Ralte an tih chuan ziah maitur , Hmar an in tih chuan ziah mai tur a ni. Sensus-a inziah bo kan tum tak tak a nih chuan sawrkr pawn a tih thei chu tam tak a awm ang, mahse, Census chu hming ziah mai mai a ni a.
Thisen hi a pawi maw em em niin ka hre zawk.Mizo ti mawitu chu kan chi te leh kan Culture mawi tak tak te leh kan tawng mawi tak tak te hi a ni lo maw? Henglai reng hian kan han chhut tak tak chuan tuna ka ziahna tawng ngei pawh hi Hmar Tawng Part II ka ti tawp mai a, ka fa te leh ka chhungkhat laina te chu Hmar in nih chuan Hmar Tawng Part II (ie Mizo Tawng), Compulsary in thiam ngei tur a ni ka ti thin. Hmar inti ten Hmar tawng an tih Mizoram Sakawrdai area( Sinlung Hill Development Council) a an hman hi Hmar Tawng Part I ah ka vuah thin bawk a ni. A chhan ber chu a Part I &II hi a thumal leh a nihna ka chhut vang vang a, tawng upa zawk leh inzul em em, thumal 85% chung lam hialin in anna a neih vang leh hhui tham a awmin a awm bawk a ni.
Tun kum a Mizoram Boar HSLC exam-na a Fourth Position lo la pha ka unaupa Mr. Benjamin Zonunsang S/o Zosanglien Zote, Aizawl result ka hriat chuan Mizoram ah ka mikhual lo leh zual a, kan hawi zau deu a Champhai Zote Khua a awm thu te kan hre leh zel a, ka in ti neiu tel telh mai a, mahse Zote khua lungdawh-a a inziak danah zote khua dintan dan an ziah chu a dikhlelh deuh –in ka ring, la chhuichian tum a ni.Khuangphah ah Luruhpuk a awm a, Khuangphah,Champhai hi kan unau Gangte ho khawsat niin a thenin an sawi a, athenin Hmarho lo awmna leh Luruh puk an tih te pawh hi Hmar ho dah leh ral lu an lakte an lo dah thatna hmun ah an sawi bawk.A puk hming hi sawi dawt tur a awm loh vangin a then chuan Timothy Z. Zote-in a pukah hian Rs. 10/- a daha chuvangin “Timothy Z. Zote chengsawm dahna puk’ tiin an sawi bawk.
Chawngtlaiah lungdawh maktak a lo awm a, chu pawh chu an VCP member te nen kan en a , thlate kan la a, Hmarhoin lung milem an ziahna a ni tiin an lo veng a, an lo preserved a, Khawchhung atanga km 2 a hla ami chu khaw mipuiin ni engemaw zat buaipuiin khawchhungah an lo tung tawh bawk a, an fakawm hle a ni. History dik tak chu Mizoramah hian a rawn lang chhuak tep chu a nih tawh hi.
Tin, Mizoram ah Lusei leh Hmar indo anga sawi te pawh kha a lo dik lo deu in a chhut thei awm e. Champhai luh tanna pakhat Zote khuah te khi han bih chiang ta ila, Hmar ral vanga an chhuah san ni se, an sira Hmar chi ve tho Zotlang khua te khi hman atanga Hmar inti Lawitlang hnam an tam em em a, Hmar hming a thi ngam tam tak an la awm reng a. An ni khi an tlan chhe lo hrim hrim hrim a, chuvangin Chi leh chi indona hi a dik chiah thei ang em? Chungai chuan khua leh khua inrun te kha chi leh chiah kan ziah lan duh vang mei mei a lo ni zawk? Ziaktu leh Historian te hian in unauna ti chhe thei zawnga chanchin kan ziah vak aiin unau kan lo ni ngei a ni tih leh in unauna tha zawk a awm theihna tura hmanrawh pawimawh tak a chhuah theih dan hi thlirin chhuithiam zawk ila a that a rin awm hle.
Zote khuah khian Sikpui Lung leh Mura puk pasarih a la awm a, sawrkarin a enkawl tha tawk lo a, nakinah chuan kan inchhir dawn a ni. Chhuitu pakhat chuan “lungdawh leh chhinchhiahna awmna hrim hrim khua hi khawfel leh Lal fel awmna leh mi rin leh chak an ni thin a.Tunthleng hian lungdawh leh chhinchhiahna lung awmnna chu a khawchhunga mi, a awmte fel vang leh khawpawimawh vang a ni thin” a ti.
Thenkhatin Hmar ho hi Mizoram atangin Hmar an inti ti chauh, an ti a, hei hi chu thudik a ni theih a rinawm loh. Champhaia awm mi hlun tak tak leh mi fel tak kawmna ka lo nei tawh thina , Hmar chi an nih hi an theihnghil lo a, an chi an theihnghilh pawn Hmar chi an nihna hi chu an hai ngai lo. Champhai atanga Hmar lam pan ho Hmar an nih chuan Hmar ho chu Ralte leh Paite etc an inti vek ang. Hmar chu Manipur velah a lang phachau mai thei a ni. Mahse he ngaihdan hi a dik lo tih a finfiah theih dan chu Champhairuam(Chawnsim) a awm te khi tumahin Hmar chi in ni e tiin Missionary angina an han hriattirin an han sawifiah tumahan awm kan hre lo, Hmar chi kan ni an lo inti tawp mai. Hmar chhuahna ber hi chu kan la chhui mek a. Mizo History fiahfai kan neih lo chuan kan inthen darh tel tel a rinawm tlat.
Heng thil te hi tuntum Lelte Award 20th na ka rilrua lo lang ka han thai ve chu a ni. A thupui atangin ziakmi Pu T. C. Zonunsang leh ka Zote pui Pu K. L. Liana ten han thai se zawng a ngaihnawm hle ka ring. Longtlai,Mara lam thlirin Mizo ringawt hian min huam zo vek ta lo em mi ? Sinlung Hills Development Council chungchangah thawm a lo rit hle angina a lang bawk. Mizoram Sawrkarin HPC (D) a biak rem pui vat lo chuan buaina lian a thlen mai an ring bawk a. Mipui te pawn buaina lian chhuah hi an hlau hlein an sawi ri bawk.Mizoram inlungrualna’n chuan an ni tihlungawi pawh hi thil tha a nih a rinawm a.Thuam neih an ni bawk nen, tin an chipui thuam kenga ri nei lo tam tak Mizoram chhunga awm, Azawl leh Mizoram district hrang hranga cheng te pawn an lo tan rilru pawh a lo ni thei a. Unau leh unau inthat rikngawt te le ramsa anga silaia impel vel zawng a tha kan ti lo tlang a. Heng ang thil thleng theih lak ah pawh hian ram hruaitu te pawn fimkhur taka a rang lama ro an rel chu mipui duhdan niin a lang.Aboruak thenkhatah chuan a thisenin tan an la anga HPC hmasa 1994 agreement an ziah lai hun kha chu a lo nep viau mai theih bawk a, tunah chuan ralthuamte hi an neih that tawh hmel bawk si ngaihven thuai nise tiin mi bik leh thlir thui deuh te ngaihdan chu niin a lang.
Lelte Weekly-in Chibil Award a siam hi mi tamtak tan chuan a hlu hle a. Manipur a Unau/Zo fa te chuan tih chi leh tihawm tak a ti ah an ngai. Tawp mai loin tip chho zel ni se a tha an tih thu sawi rik a tam hle a ni. Lelte Weekly vul zel rawh seh .
Post a Comment
Comments not related to the news or article may be deleted.