Delhi Hmar Sikpui Ruoi 2009

NEW DELHI, DEC 6,2009(Delhi Thurawn): Delhi Hmar Sikpuiruoi 2009 chu zani khan S R Auditorium KV No. 2 Delhi Cantt. New Delhi hmuna hlawtling takin zo fel a lo ni tah, Mipui fe khawm an tam a programme hi an hawiin a hlawtling hle, programme hi a hun taka tan thei ni naw sienkhawm hun khatna hin Nk. Chingbawi Buhril le Tv. Zacharia Varte in hnesawtakin an hung thuoia, hlasak thiem tak tak hai a inthawkin hla mawi tak tak hai ngaitlak na nei a ni a, mipui na a tlai hle. Sikpui Sport 2009 lawman semna Tv.David Lalkhawnvar in a nei zo in, kum 2009-2011 sunga DHWA thuoitu dinghai tlangna nei a nih bawk.

Hun the thumna a ‘The Hmar Civilization’ ti musical drama ATM Group han hnesaw tak le hmu nuom um em em an hung suklang. Hmar nauhai hi acting tieng khawm ei lo tlawm bieknaw zie hril rawm a ngai naw hle. Hi zo a hin Hmar ei hriet lar em em Hai Re Hai 3
‘Job card hlaw lak phat le’ ti video album release na hun Pu Darsiemlien Ruolngul (Chairman DHWA) in hmang ani bawk.

Thuhrilna hun Rev. Hrilrokhum Thiek (Sikpui Pa), Pu Thangso Biate (Chief Guest), Pu Herbert Lalsanglur (Guest of Honour) haia inthawkin thu tha tak tak ngai thlak ani bawk. Hi zoa hin HSA Cultural Troupe haiin fahrel tawk lâm mawi takel in entirna nei anih.

Kum 2009-2011 sunga DHWA thouitu dinga tlangthar hai puonglang na le oath taking nei ani zoin Pastor Lalditsak Inbuon in roui inhlanna anei zawm nghal a, Ruoi hi mi 700 neka tamin fak ani a. Bu le hme sawl tak le inhnik taka suongtu tucha hai hi inpak an um takzet.

Ruoi the zohin hun the li (4) na Tv. Henry Haulienkung le Nk.Ramtanmawi haiin an hung thuoia, zan huna Chief Guest Pu Darzakhum Songate a inthawkin advice tha tak takhai ngaitlâk na nei anih. Musical Extravaganza ti ang rengin hlasak thiem tak tak han mipui
na an suk tlai hle. Sinleng Ruolcham hai lem chu tin zai reng an rel thei naw. Dit khawp lo tak pumin Pastor Lalsiesang Joute in hunkar tawngtai na a nei zoin Delhi Hmar SIKPUIRUOI 2009 chu khar alo ni tah.

DELHI HMAR SIKPUI 2009 PHOTO ALBUM