TUITHRAPHAI, Dec 2, 2009 (Hmasawnna Thar): December 1, 2009 kha 21st anniversary World AIDS Day ani a, hi le inzawm hin Organising Committee huoihawtna hnuoiah zani 7:00AM a inthawk khan YMA Hall, Hmuia Veng ah “Universal Access & Human Right” ti thupui hmangin district level a World AIDS Day hmang a nih.
World AIDS Day hmangna huna hin Ms Jacintha Lazarus, IAS, DC, CCPur chu khuollienin a \hang a, Pu L. Rohlun, President, HYA GHQ, Pu CV. Duhawma, President, YMA, Manipur
Group Hqrts le Pu Kap Banyan, V. President, Zomi Youth Assn. GHQ. hai chu khuol inzaumin an \hang a, Dr. Vumchinpau Tonsing, DACO/CCPur chu Functional
President in a \hang.
Upa Nengkhojam, Chairman, Organising Committee in hi huna Key Note address a hrilnaa chun, kum 2009 sung hin Churachandpur district ah HIV/AIDS registered chu 3,945 anni a, hienghai laia mi 1156 hai chu ART pek an ni a, HIV/AIDS registered a um hai lai hin naupang 300 an \hang bawk niin a hril.
Programme hmangna huna hin HIV/AIDS leia lo thi ta hai to\awka minute khat sung sunna hun hmang ani baka HIV Positive haia inthawk thuhril ngaithlak le Positive Couple’s Parade nei ani a, HIV Positive nupa tuok iemanizat zetin an nina thup le inzakna nei lovin huoisen takin mipui hmaa an inlang a. Hlasakthiem le Choir haia inthawk hla mawi tak tak ngaithlak ani bawk.
Khulliena \hang Ms Jacintha Lazarus, IAS, DC, CCPur chun, World AIDS Day hmangna huna khuollien dinga fiel anina chu lawmum a ti thu hrilin Positive Couples parade nei huna huoisen tak le mani nina inthup lova nupa tuok mipui hmaa an hung inlang ngamna chu ropui a ti thu a hril. HIV/AIDS dona dinga hmalatu NGOs tum tum hai hmalakna leia hiengang insiehranlona hi hung um thei le Positive han inzakna nei lova mipui hmaa an hung inlang ngam ani leiin NGOs tum tum hai hmalakna chu lawmum le inpak um a ti thu a hril bawk.
HIV/AIDS hai enhrangna um lo stigma free society ei ni ngei theina dingin tuta neka nasa lema awarness thaw a \ul thu le HIV/AIDS dona kawnga hin mitin \hang ruol dingin fielna a siem.
India rama chun HIV/AIDS invawi hi mihriem 2.5 million vel an uma riruong ani a, hienghai laia 100 ah 61% chu pasal anni a, 39% chu nuhmei an nih. Manipur, Nagaland,
Maharashtra, Tamil Nadu, Karnataka le Andhra Pradesh hai chu India rama HIV/AIDS invawi tamna a ngai an nih. a chun September, 2009 chena khan mi 3,38,203 hai thisen enfel ani a, hienghai lai hin nuhmei 8,701 \hangin HIV Positive 33,408 hmusuok niin World AIDS le inzawma Mannipur State AIDS Control Society report chun a zieklang.
Post a Comment
Comments not related to the news or article may be deleted.