By Lalmalsawm Sungte
February tarik 28, 2009, Hmarkhawlien, Assam-a, Hmar Students Association (HSA) General Headquarters Executive Council inthung chun Bibles for the World president Pu Dr Rochunga Pudaite in Hmar kohranhai inpumkhat nawk dinga kona a siem chu “a tha” ti'n thu a puong.
“HSA Executive Council chun Dr Rochunga Pudaite in kohran po pohai inpumkhat nawk ding kona a siem chu tha a a ti thu a puong,” ti’n HSA General president Pu Dr John Pulamte in Hmars&Inpui a hril.
Tuhin HSA Joint Headquarters le Branch hai po po kawlah Pu Rochunga lekhabute siem ‘Hmar Kohran Inpumkhat Dinga Kona’ chu thonsuok a ni a, mipui ngaidan an dawl khawm mek a nih.
Voisun chena chanchin ei dawng danin Pu Rochung thu insuo le inzawmin Hmar kohran thuoitu haiin tawngkam iengkhawm an la nei nawh.
Mi thenkhat hrildan chun ‘Doctrine in angnaw hai khawm Hmar kohran pakhat sungah hin a huopsa ding a ni?’ ti zawna a um tan mek. Chuelbakah, Hmar kohran pawl po po ti hin kohran lien pahni hai chau ani? ti a indawn pawl khawm an um.
Hmar kohran pawl po pohai inthuruola, hmunkhata an luong nawk thei ding le ding naw chu hun chau in hril thei a tih.
Post a Comment
Comments not related to the news or article may be deleted.