Hmarram Kristien Thalai Pawl (HKTP), kohran pawlbik um lo thalai inzawmkhawm, October, kum 2006 a NEREFS director Pi Lalremsiem inrawina a indin chun, hungtlung ding June thla kum 2009 hin "Hmarram Lelte" zawng suok tumin prokram an siem tan mek.Ahmun le tarik chu siemfel vat a ni ta ding n'in chanchin dawng a nih."Hmarram sungah hlasakthiem tak tak el ei nei a, amiruokchu an talent hai showcase na ding platform an nei naw leiin hla an phak thei ngainaw niin ka hrieta... Chuleiin, HKTP chun "Hmarram Lelte" hmangin ei nunghak-tlangval hlasakthiem hai chawikang a tum anih," ti’n Pi Lalremsiem chun Hmars&Inpui a hril.
"Hmarram Lelte" a thang ding hai chu Hmarram sunga um an ni ngei ding a nih. Mani sung le kuo Hmarram sunga in-le-lo nei hai lo inhriettir thei ning a tih.
"Lawmman khawm tha tawk tak siem tum a ni a, December 10, 2009, HKTP Inpkawmpui Pherzawl ah sem nghal ei tum a nih," ti'n Pi Lalremsiem chun a hril.
Chanchin chienglem hre nuom/ hming pe lut nuom hai chun hieng hai hih contact thei ning an tih:
1. Pi Lalremsiem, New Delhi. Phone No: 09810373964
2. Pastor Laltlansang- Lungthulien. Phone No. 09863574874
3. Pastor Varsanglur- Damdiei
4. Pastor Thangrolien- Pherzawl.
Hmar Ram Kristien Thralaipawl (HKTP) conference hi kumtin hmang hlak a nia. Khaw tin in hlapawl inelna an nei hlak. HKTP thiltum pakhat laia poimaw em em chu "ei ram le kohran in pumkhatna" hi anih, ti'n Pi Lalremsiem chun a hril.
Hmars&Inpui khawm chanchin inpeksawna tieng pangah 'Partner' a nih)
Post a Comment