Hmar E-Bible HSA, B'lore, in Siem An Tum

Bangalore, March 2: Hmar Students Association, Bangalore Branch committee March tarik 1, 2009, resolution dungzuiin Bangalore Hmarhai chun March 1st 2009 a inthawkin E-Bible Project nei tan dingin an lo rawt thluk tah.

E-Bible ei ti hi 'electronic version of Hmar Bible' a ni ding a nih. Computer a install a, nuom hun hun a tiem el thei dinga riruong a ni bawk atih. Siempuitling thei a ni chun Hmar nauhai lai a ding chun a hmasatakna a ni ding anih.

HSA committe chun Hmar Bible Version dang dang suttuhai contact ding le a tul anga information la khawm dingin Office Bearerhai kuta inghat a ni a, Version buotsaituhai phalna la in Bible softcopy hi ngen dingin thuthlukna an siem bawk.

"Ei hlawtling theina ding chun member computer nei po po ei thang tlang a tul ding a nih, a software siem hi chu ei software engineer haiin hma lang an ta, data entry tiengpang ruok hi chu member taphawt thaw thei dinga riruong a ni bawk," ti'n HSA thuoitu hai chun thu an insuo.

HSA committee chun an memberhai nasa nawk zuola thangtlang dingin fielna an nei bawk.

"Ei hnam chawimawina cho ni lovin, Siemtu Pathien khawm a lawm ngei ei beisei bawk a nih," ti chu an ngaidan a ni bawk.

With Inputs from www.Hmararasi.Com