3rd HSA Exe Council Resolutions

HMAR STUDENT’S ASSOCIATION EXEUTIVE COUNCIL VAWITHUMNA
Hmarkhawlien, the 28th February, 2009

Speaker : Chawnghmunlur Varte, Deputy Speaker, HSA Gen. Headquarters
Secretary : Vanlallien Pulamte, Deputy Secretary HSA Gen. Headquarters


Pu Lalthuthlung, President HSA Barak Valley Jt. Hqrs in Pathien kuoma tongtaina a nei zovin hieng a hnuoia hai hi lungruol taka rel thluk a nih.

Resolution No. 1
HSA Jt. Hqrs demarcation chungchang hi HSA CEC/OB haiin lo ennawnin HSA Gen. Assembly huna rel dingin hma lo la hai sien tha kan tih. Chun HSA hrat nawk zuola a fe theina dingin Jt. Hqrs hnuoia unit hai hi indinthar le in tuoitharna nei vat nisien tha kan ti bok.

Churachandpur Jt. Hqrs hai hung rawtna angin Gen. Hqrs in Jt. Hqrs tin le Branch tin hai sukhratna dingin kanna nei sien kan ti bok.

Resolution No. 2
Hmar Leader Conclave (Mizoram Chapter 2008) nei kha ngun taka ennawnna le hriltlang a ni hnungin Hmar hnam inpumkhatna le hratna tieng ratha an suo el khelah, hnam inpumkhatna hmangruo thatak niin kan hriet bok. Hieng ang Conclave inhmunkhawmna hi Gen. Hqrs le Mizoram Jt. Hqrs haiin a tul ang peia hma lazawm pei sien tha kan tih.

Resolution No. 3
Hmarbiel (Manipur) Education chungchang nguntaka ngaituo a ni hnungin Gen. Hqrs in an hmatienga Hmarbiela Education Monitoring Board le Education Rebuilding Program (ERP), RPC NEI meeting nei puia hma lak nisien tha kan tih.

Resolution No. 4
Assam rama MIL teacher hai hlaw la pek theilo bat hai hi a rulna dingin Cachar biel sunga Hmar MIL la students hai kuoma fee dawl nisien tha kan tia; N.C. Hills a Hmar MIL la hai po chu dawl anni ta leiin dawl nitanaw hai sien kan tih bok.

Assam pumpuia Hmar hai lai MIL Monitoring Committee hung ngirsuok dan, MIL inchuk theia nawr dawk ani dan le tu chen inchuklai hai le Hmar hnam in ei sawr dan uor taka zieka thedar le sum dawl nisien tha kan tih.

Longterm a dingin HSA Gen. Hqrs, HSA Jt. Hqrs (NCH & KA le Barak Valley), Education Rebuilding Program (ERP), le Hmar MIL Monitoring Committee haiin Joint Meeting nei nisien kan tih. A tul ani chun Joint Committee indina an hma thei ang taka hma la dingin kan rel.

Resolution No. 5
HSA Gen. Assembly 2009 hi Jt. Hqrs a la nuom an um chun March 15, 2009 sung ngeia Gen. Hqrs in hriettir nisien kan tia, a hun le hmun ding chu Gen. Hqrs in March thla sung ngeia inhriettirna hung siem dingin tha kan tih.

Hieng a chunga resolution hai baka hin Council chun Endorsement dingin a hnuoia hai hi a siem bok :-
1. Hmar kohran Inpumkhatna dinga hmalakna hi ngun taka Council chun a ngaituo hnungin tha a ti pui.
2. Hmar Gospel Centenary chungchanga Hmar Church Leaders’ Forum hai hmalakna chu HSA Council chun tha a ti pui.
3. N.C Hills hming thlak danglam tumna thu le inzawmna HSA, N.C. Hills & Karbi Anglong Jt. Hqrs in Indigenous Peoples’ Forum (IPF) hai hmalakna a thlawp hi Council chun tha a ti puia, a tul anga Gen. Hqrs le Jt. Hqrs dang hai le inhrietpawna siem hi tha an ti bok.

Hieng a chunga hai po rel le sukfel a ni hnungin Pu Zothanglur Sanate, Assembly Speaker, HSA Gen. Assembly in Palai fekhawm hai kawla lawmthu hrila tongtaina a nei zovin HSA Executive Council-vawithumna chu suk tawp a nih.



Sd/
(CHAWNGHMUNLUR VARTE)
Deputy Speaker

(VANLALLIEN PULAMTE)
Deputy Secretary
HSA, Gen. Headquarters HSA, Gen. Headquarters