Tuithaphai: Hmar Youth Association Tuithaphai Jt. Hqrs chun March 26 - 27 sung khan ropui takin annual Meet Saikawt khuaah an hmang.
Business session bakah Football Tournament ropui tak buatsei a ni a. Final ah 5- 4 in Saikawt youth Club han Tuiring Youth club chu an hne. Renga hrattak nina chu Saikawt khuo in an lak bawk.
Hi ni hin Cultural dance chi hrang hrang suklang a ni a. Chandel District a intawkin Anal Cultural Troup an hung bawka, an hnam lam chi hran hran an in entir bawk.
Pu Prof. L. Fimate Chief Guest niin, Jacintha Lazuras DC, Churahcnadpur chu Functional President in a thang a. Chun Group YMA Manipur aiaw in Pu Roberts in thuhrilna a nei bawk. Chu el bakah Central YMA Vice president Pu Popuia sunna urhsun taka hman ani bawk.
Dr. H.L.Liensang,Dr. G.F. Tuollai, Pu Lalthavawng leh David L. Faiheng le Tv. Khumdinglien (National Wushu Championship) hai chawimawina thilpek inhlan an nih.
Zanah 'Praise and Worship' hun hmang ani a. Pi Lal Remsiem, Executive , Director,NEREFs (Ltd) chu Main Speaker in a thang a. Mipui an hlim hle. Hmar hnam sunga kohran thuoitu hai laia inthuruolna a um thei chu pawi a ti hle thu hrilin thalai hai khoma an lo amen ve em em. HYA Tuithaphai Jt. Hqrs thuoitu han Pi Lal Remsiem khom chawimawina puon mawi tak an battir ni'n report dawng a nih.
Post a Comment
Comments not related to the news or article may be deleted.