Lesson from 9/11

By: Edenthang, B. Huonveng.

Kum 2001 September 9 khan World Trade Centre bei a ni khan mi 3000 chuong an thia, terrorist haiin khang ang taka an beina kara khan thi ve ngei dinga ngai mi thenkhat chu an dam suok tlat a nih. An damsuok nasan chu an ang naw hle.

1. Company lien tak pakhata an hotu chu kha ni tak khan a naupa naupangte in K.G. (Kindergarten) an chuk tanni ding ani leiin office fe hma in a naupa a van thla hmasa a.

2. Mi pakhat chu office ah Cake a chawini ani leiin a buoi deua, a hun taka office a thlung hman nawa.

3. Nuhmei pakhat chu a hun taka Alarm anri naw  leiin office an hnua.

4. Pakhat nawk chu Auto accident leiin trafic a jam a, afe thleng thei vat nawa.

5. Anni laia pakhat chu a chuongna ding bus in a thlansan leiin a him.

6. Pakhat nawk chu a thuomhnaw ah thil asuk buok leiin an thleng sawnga.

7. Pakhat nawk chu a car a hring (start) thei nawa.

8. Pakhat chu in a suoksan hnungin phone an ri leiin phone chu pickup dingin a pei naw sa sa in a kira.

9. Pakhat ve nawk chu a naupa muong taluo leiin a huna a thlung hman nawa.

10. Pakhat chun Taxi chuongna ding a hmu el nawa.

Sienkhawm hieng an thil tuok hai hin an hringna a sanhim ta si a ni.

-trafic a jam a....
-elevator ah an milo chuong sana...
-buoina neu neuin ami chim vela...
-ka nghawka, ka lung asen raka...

Sienkhawm hieng hin hang ngaituo inla, hi hi Pathien in tuta ka um dan dinga a ruot a nih tiin.

Hieng anga thil infulo deu deu I tawng fuk hlak ka ring

-naupanghai chet muong taluo leiin
-car, bike chabi I hmu vat nawa.
-traffic jam laia I buoi lai tak dam
-incheina in fu hlei thei loa lungsen deua I um lai dam
-tu leiin amani I mood off em em lai tak khan

Lungsen in buoi naw rawh, Pathien in a thlir zing che a nih. Ei lung a sena, ei lung sukna ngawi ngawi tu hai hmangin Pathien in mal ami sawm zing lem hlak ani ti  hi hre seng ei tiu.