This observation dated June 22, 2016, was written by (L) Pu Lalthangsang Intoate, Founder of Hmar National Army/Assembly, before his death on July 5, 2016. Part II will follow. - Admin, Inpui.com
(“Inthlak danglam a hun tah, Indin thar nawk dingin” ti thupui hi hmanga, Prof. Dr. Laldena Intoate thuzieka inthawka sungril ngaituona luongliem)
"Kei hi Alfa le Omega a bul le a tawp ka nih" ti ziek ang elin, Hmarram/Tipaimukh hi khawvela ram rethei tak a ni theina lai a um a. Chuongang bawkin khawvel rambung laia changkang tak chu, United State of America (USA) hi a nih. South East Asia rama hin B.C. 250 hun laia hnamkhat tawngkhat hmang, Sinlung suok ‘Tibeto-Burman’ tia kohai hi politics taka sui chun, tobulah, hnamah le ram hmasawnna kawnga khawm nisien, chieng lo le buorchuor tawpkhawk eini laizing, Hmar a khawm Hmar tawng ‘IE-MA-NA’ hmanghai hin MLA biel him pakhat chie ei nei a; chuchu Tipaimukh biel/Hmarram hi a nih a. Hi biel/ram/Hmar chungchang le Tuipuiral hnam Mingo/Sap hnam chungchang hi ngunthluk taka sui chun, Pathien tawngkam, a bula zieklang khin ei thupui khi a thursuok naw theinaw a nih.
Hmarram/Tipaimukh biel hi Manipur MLA biel 60 um laia hnufuol tak le, Manipur khawpui tak Imphala inthawka kar hla tak nisienkhawm, hi biel sung le Tuipuiral inkungkeina hin mihriem ngaituona chu a sukvet takzet a; chungtieng ngaituona intrawmpui theitu ta ding ruok chun, beiseina thahrui mihriema inthawka nei theilo chu an neitir thei a nih.
1. Senvon khuoa pienga Phulpui khuoa seilienin khawvel pumpui huop pawl, Zohnathlak sung el cho ni lo, Sinlung suok Tibeto-Burman laia inthawk ngeia khawm la um lo, Asia rambunga khawm vangkhatte 'Bible For the World' ti chu, Pu Rochung Pudaite chun indinin, khawvel rambung changkang tak, USA ngei chu hmunpui /headquarters-a ahei hmang elna dam.
2. Kohran chawm le enkawl nuom loa Pathien rawngbawl dinga inpe chu, nunghak pakhat, Emily Davies ti hmingput chun, ama mimal tulnaa hmang dinga pound 5 a thawn tawt tawt khawm chu hmang nuom loa, Chanchinthabumal inchawknaa hmanga, Aizawl le a sevela khawtin lalhai chu thawn dartu, khawvel hnam laia changkang pawl tak, Welsh tlangval Watkin R Robert chu Senvon khua a lut el dan kher kher dam.
3. Aizawl le asevelah khang zozai lal um zing si laia, Senvon khaw lal, Pu Kamkhawlun choin, “Pu, kan kuomah hung la, hi lekhabu chanchin hi nang ngeiin mi hung hril rawh” tia, a lekhabu ngei kawma chun zieka a thawntupa tlangval Watkin R Robert ngei chu a hei thawnkir nawk kher kher elhai dama inthawk hin, Tipaimukh biel hi Pathienin umzie neia an din a ni zie le, tuta ngirhmun hnuoihnung tawpkhawka a ngirnaah hin an ngirtir zing naw ding a nih, tia sungril inthûk taka beiseina nei theitu chu, mi vangnei le hamthra a ni ngei ding a nih.
Hmar hnam revolutionary movement kum 27 a tlingna kum le, Hmar hnam revolutionary party in state sorkar pakhat le political accord a ziekna kum 22 an voi kuma ngei hin, Hmar /Sinlung politics chu hmintruo taktein a hmintruo ta a; ram le hnam chungthu invawinawtu tak le piengphunga ruol ban lo hai khawma, Sura Pielte lo tum ang elin, umhmunkungah an nahai sita, an mithai inlena, an bau kaa an lo daw ringawt khawma, a ri mawi zie van angel rawl ang, a hmelhmang mawi zie Eden huon sie-le-tha hrietna theira ang, a thlum dan le a hâng dan hlak, Kanan ram khuoizu le bawngnenetui ang elhai chu hrein, hmuin fain an dawn ve thei ta ding ani leiin, nghatna tieng tieng Hmar/Sinlung politics chu a hminin a hmin têrtûor el tah a nih.
Chuleiin, kum 2016 June 22 ni kher khera, Hmar tawng, "IE-MA-NA" hmangtulaia Doctorate degree (Ph. D) la hmasatak, Pu Dr. Laldena Intoate ngeiin, Tipaimukh biel chungthu anvawi zie a khêksuokpui thuziek ka tiem ve hlau el chu, en liem el ka hei tum dea chuh an thei ngang naw leiin, "Ka hmangai tak, ka ngai kha in lo hmu chun Hmangainain ka na a nih ti lo hril ro" ti hla angin, Hmar le a ram chu hmangainaa na a; an hmangainathu inzawt el dittawk loa mani hringna hiel inhlantuhai purdo chu, bang zai reng rel ta ngai lo dinghai lairil piengken, pangngai hrim aw ta lo ding chu tlâwmte bek damin a hnem elrawi mawh, tiin ei tulai politics boruok rilmu phawrsuok malamin, ‘HMARRAM VS AMERICA’ ti thupui hmang hin ka hun chu ka lo khawral ve ta a nih.
"Kei hi Alfa le Omega a bul le a tawp ka nih" ti ziek ang elin, Hmarram/Tipaimukh hi khawvela ram rethei tak a ni theina lai a um a. Chuongang bawkin khawvel rambung laia changkang tak chu, United State of America (USA) hi a nih. South East Asia rama hin B.C. 250 hun laia hnamkhat tawngkhat hmang, Sinlung suok ‘Tibeto-Burman’ tia kohai hi politics taka sui chun, tobulah, hnamah le ram hmasawnna kawnga khawm nisien, chieng lo le buorchuor tawpkhawk eini laizing, Hmar a khawm Hmar tawng ‘IE-MA-NA’ hmanghai hin MLA biel him pakhat chie ei nei a; chuchu Tipaimukh biel/Hmarram hi a nih a. Hi biel/ram/Hmar chungchang le Tuipuiral hnam Mingo/Sap hnam chungchang hi ngunthluk taka sui chun, Pathien tawngkam, a bula zieklang khin ei thupui khi a thursuok naw theinaw a nih.
Hmarram/Tipaimukh biel hi Manipur MLA biel 60 um laia hnufuol tak le, Manipur khawpui tak Imphala inthawka kar hla tak nisienkhawm, hi biel sung le Tuipuiral inkungkeina hin mihriem ngaituona chu a sukvet takzet a; chungtieng ngaituona intrawmpui theitu ta ding ruok chun, beiseina thahrui mihriema inthawka nei theilo chu an neitir thei a nih.
Remruotna danglam:
1. Senvon khuoa pienga Phulpui khuoa seilienin khawvel pumpui huop pawl, Zohnathlak sung el cho ni lo, Sinlung suok Tibeto-Burman laia inthawk ngeia khawm la um lo, Asia rambunga khawm vangkhatte 'Bible For the World' ti chu, Pu Rochung Pudaite chun indinin, khawvel rambung changkang tak, USA ngei chu hmunpui /headquarters-a ahei hmang elna dam.
2. Kohran chawm le enkawl nuom loa Pathien rawngbawl dinga inpe chu, nunghak pakhat, Emily Davies ti hmingput chun, ama mimal tulnaa hmang dinga pound 5 a thawn tawt tawt khawm chu hmang nuom loa, Chanchinthabumal inchawknaa hmanga, Aizawl le a sevela khawtin lalhai chu thawn dartu, khawvel hnam laia changkang pawl tak, Welsh tlangval Watkin R Robert chu Senvon khua a lut el dan kher kher dam.
3. Aizawl le asevelah khang zozai lal um zing si laia, Senvon khaw lal, Pu Kamkhawlun choin, “Pu, kan kuomah hung la, hi lekhabu chanchin hi nang ngeiin mi hung hril rawh” tia, a lekhabu ngei kawma chun zieka a thawntupa tlangval Watkin R Robert ngei chu a hei thawnkir nawk kher kher elhai dama inthawk hin, Tipaimukh biel hi Pathienin umzie neia an din a ni zie le, tuta ngirhmun hnuoihnung tawpkhawka a ngirnaah hin an ngirtir zing naw ding a nih, tia sungril inthûk taka beiseina nei theitu chu, mi vangnei le hamthra a ni ngei ding a nih.
Hmar hnam revolutionary movement kum 27 a tlingna kum le, Hmar hnam revolutionary party in state sorkar pakhat le political accord a ziekna kum 22 an voi kuma ngei hin, Hmar /Sinlung politics chu hmintruo taktein a hmintruo ta a; ram le hnam chungthu invawinawtu tak le piengphunga ruol ban lo hai khawma, Sura Pielte lo tum ang elin, umhmunkungah an nahai sita, an mithai inlena, an bau kaa an lo daw ringawt khawma, a ri mawi zie van angel rawl ang, a hmelhmang mawi zie Eden huon sie-le-tha hrietna theira ang, a thlum dan le a hâng dan hlak, Kanan ram khuoizu le bawngnenetui ang elhai chu hrein, hmuin fain an dawn ve thei ta ding ani leiin, nghatna tieng tieng Hmar/Sinlung politics chu a hminin a hmin têrtûor el tah a nih.
Chuleiin, kum 2016 June 22 ni kher khera, Hmar tawng, "IE-MA-NA" hmangtulaia Doctorate degree (Ph. D) la hmasatak, Pu Dr. Laldena Intoate ngeiin, Tipaimukh biel chungthu anvawi zie a khêksuokpui thuziek ka tiem ve hlau el chu, en liem el ka hei tum dea chuh an thei ngang naw leiin, "Ka hmangai tak, ka ngai kha in lo hmu chun Hmangainain ka na a nih ti lo hril ro" ti hla angin, Hmar le a ram chu hmangainaa na a; an hmangainathu inzawt el dittawk loa mani hringna hiel inhlantuhai purdo chu, bang zai reng rel ta ngai lo dinghai lairil piengken, pangngai hrim aw ta lo ding chu tlâwmte bek damin a hnem elrawi mawh, tiin ei tulai politics boruok rilmu phawrsuok malamin, ‘HMARRAM VS AMERICA’ ti thupui hmang hin ka hun chu ka lo khawral ve ta a nih.
Post a Comment
Comments not related to the news or article may be deleted.