Diphu Sikpuiruoi 2016

Press Release

Karbi Anglong Hmar Assn. (KAHA)(HI) le Hmar Youth Assn (HYA) hai huoihawtna hnuoia tukum 'Sikpuiruoi' 5th Dec. 2016 hin Hnam huopa hmang tum a nih. Hi 'Sikpuiruoi 2016' a hin management commitee region tina mi 'Joint Sikpuiruoi Central Commitee' dingin mi 30 hai chu KAHA chun a ruot a, an hming hai chu nakie post danga tarlang ni'ngatih.

KAHA chun 'Sikpuiruoi' hi Karbi Anglong, Assam a dist. council restricted holiday date 03 Dec 1994 khan Sorkarin ami lo pek ta a. Khawvela 'Sikpuiruoi' restricted holiday a sorkar in a puongna hmasatakna ani na le, Hmar Inpui in Khawvel a Hmar popo in hi ni Date 5th Dec. hin 'Sikpuiruoi' inser seng tading tia a puong na lawmna malam a buotsai a nih tiin a puong a. Chun, Karbi Anglong le NC Hills ah, Hmar subject a lak theina (Mil) BA chena Sawrkarin ami pawm pek na hi lawm sa nghal a ni bawk ding a nih.

Hi "Sikpuiruoi 2016" hin a tum (aims & objective) ve pakhat chu ei unau Sakhichep, Biete le Hrangkhawl hai huoilut inla ti a ni a, ei fecilities dawnghai hi hungtlan ve phak hai sien ti anih. Hmar hnam hi beltlak alo nizie hai an hriet nading tiin, an hnam thuoitu hai le an cultural truope hai khawm fiel sa vawng an nih. Programme ruongam dan chun Hmar hlasakthiem hai popo fiel khawma 5th zan hin "Hlaruoi" hmangtum ani a, chu ding chun (HAA) hotuhai le indawr mek a ni bawk a. Chun, date 4th Dec. ni hin 'Pathienthu le Hnam' ti thupui hmanga seminar cum fellowship huoithawt tum ani bawk a nih. Hi huna Chief Guest dingin Assam Chief Minister nisien ti ani a, tuhin 'Joint Sikpuiruoi Central Commitee' member ei suong em em Pu Bula Hmar le Pu. Vanlallien haiin an inbiekpui meka, an hung hlawtling ngei beisei a nih. A fund tieng hi Council ah cheng 1080000/- budget siemin application peklut ani a, table a tlung nading ding a tlung ta a, Council in Central anthawka sum (budget) an la hmunaw leiin hmuding zat chie (actual figure) hrilthei alan nawh. Chun, 'Joint Sikpuiruoi Central commitee' hin lottery fund rising na dingin a buotsai bawka..
1st prize-Tata nano,
2ndprize- Honda Nevi.
3rd prize- Tv LED 34" (Panasonic)
5nos consolation prize- Smart phone LYF (Reliance).
Mi tinin ei thrang ve thei nadingin loin chaw diet diet dingin ei hungin fiel nghal ani. Hmar kannawm ti taphawt chu thang ngei dingin "Joint Sikpuiruoi Commitee 2016" chun mi tuel khawm a fiel anih.
Sept 16th 2016 hin first commitee 'Joint Sikpuiruoi Central Commitee' in an nei ding a ni a, mitinin ei tawngti na ah hai lo hrie seng eitiu.

Sd/-
President,
Pu. L Hrangchal

Sd/-
Secy.
Rokunglien Songate.
Karbi Anglong Hmar Assn. (KAHA) (HI)