Tuithaphai, Jan 3: Hmar tawnga lekhabu hun iemanichen a suok taknaw hnungin famtah Pu L K Fimate in a iziek Hmar Mihrang Threnkhat Hai Chanchin chu mipui tiemthei ding January tarik 6 hin tlangzar ning atih.Hmar mihrang famlochangtahai chanchin hi tiemnuomum tak ani ding thu chanchin dawng anih.
Hi lekhabu tlangzarna hun chu Sielmat Community Hall, Tuithaphai ah, hmang tum ania; Rev. Darsanglien in hawngna nei atih.
Lekhabu Thuhmahruoi
A ziek tupa Khuplal Lalkhawthang Infimate hi Parbung khuoa pieng le seilien a ni a. A hming hi a pu Khuplal Songate-in a hming chawia a phuok a nih. Khuplal hi Manipur-a chauh ni loin, India Hmar sak chena khawm mi hrat khawkhenga inthang a nih. A hrat zie hril ding tam tak a um. Lalkhawthang hin taksa hratna tieng a pu sun naw sienkhawm, huoisenna tieng ruok chu a pu a sun em em. Thudik tan ngam, indika a hriet ta chu ieng po tuok ding khawma thang khaw hlak mi a nih.
Pahnam tienga inlaichinna baka, Saidan khuoa inpem lut thar ve ve kan ni a. Manipur University-ah Section Officer-a a hung thawk hnung lem chun University campus-a quarter kan hmu hmain in hluo hmunkhatin, kum hni lai a thlum a al intawmin kan um hlak.
Ama hi a harin a thothang khawm a tha em em a. Pawl sawm a zo hnungin Assam Regiment-ah a lut a. Sipaia a thang lai khawm hin lekha an chuk zing a; St.Edmund College-a inthawkin B.A. khawm a pasi nghe nghe. Chuong lai khawm chun inchuklaihai thilthawna hrim hrima hmalatu pakhat tlawmngai thei em em a nih. Sipaia a thang zing lai hin Commissioned Officer dingin thlang suok a ni a; amiruokchu, training a zo tawm tepin, ama ngeiin a mi hril dan chun, hotu tienga inhrietthiem nawna le infawm bawkin technical thil hotea sukthlakin a lo um tah a nih.
Sipaia inthawka a bang hnung hin Saidan M.E. School-ah kum iemani chen headmaster sin a thaw a. Chu hnungah chun Loktak Project-ah UDC sin University-a a hung lut hma chenin a thaw ta a nih.
Ama hi pawlitiksi, khawtlang thil, hnam le kohran tienga inhmang mi tak a ni a. A ro a hrat a, ro hi a thiem bawk. Sawma pakhat chu a naya pawisa chenin indik thlapin pek naw lai a nei nawh. Pawlitiksi tieng chu Hmar People’s Federation (HPF)-ah khan General Secretary-a thangin India hmar saka Hmar nauhai chengna popo a kan suok vawng a, hnam ro le chanchin suinaa khawm nasatakin hma a lak a. Chulaia a thilthaw inchik zing tlak chu tuta a lekhubu ziek hi a nih. Mihrang chanchin a suinaah hin kei ngei khawm tum iemani zat ka thang ve a. In hluo hmunkhata kan um laiin chanchin a lak khawmhai hi a min tiiem tir hlak a, tha ka ti em em a, an rang thei anga lekhabua insuo vat dingin ka nawr hlak a. Ama khawm a phur a, “Ei sut pha chu nangin thuhma i ziek ngei ding a nih” a ti hlak.
Chuonga sut dan ding kan ngaituo lai zing chun natna khir tak cancer natnain a lo tlak buok ta zing a. Nasataka inenkawlin Bombay chen chena hai dam daktawr panin a lo um tah a. Theitawpa nei popo senga enkawlin lo um sienkhawm Pathien ruot ei ti el lem ta dim, a hringna chu chel ruol loin kum 2000 June 29 khan chatuon ramah a mi lo inlawi san ta a nih.
Lalkhawthang hi University service-a a lut hnungin M.A Political Science Second Class-a a pasi bawk a, thiemna tieng khawm insit um lo tak a nih. Ama hi thil chik taka ngaituo nek nek le sui mi a lo ni a. High Sikula a kai lai chena inthawka Hmar mihranghai a hmu phak chin chu hmel ngeia inhmupuia an chanchin a lakkhawm a ni a. A hmu phak naw hai ruok chu an sunghai inhmupuiin an chinchinhai hi akhelneng akhawlnawnga indawnin sum le tha tamtak sengin a lo lakkhawm a nih. Inpak a um em em.
Tulai hun thara ei hung chuong kai pei a. Ei hnam chanchin hi eini chauh ni loin mi dang khawmin an hung ziek tan ve tah a. A bikin Manipur simthlang tieng lem hin chu uong thu loa, chanchintha mansapui inbangna ei inti rawp hlak a. Chu chanchintha lei chauh chun ei mi hmasaha’n ziek le tiem an hung thiem pha a. Mani tawng ngeia Bible tiem le inpakna hlahai phuok nuomna an hung nei a. A hmaa Dulien tawng ngawta hla lo phuok hlakhai khan mani tawng ngeiin hla an hung phuok tan a. Pastor Thangngur ngei khawmin mani tawng ngeia Pathien biek le inpak thei a ni ti a hung hriet chun;
Sandamtu hi ka hriet hma chun,
Mi dang Pathien ka lo sawna
A chanchintha ka hang tiem a,
Ka pa kan hmang san kha a nih
a lo ti thei tah a nih.
Kristienna hi khawlai khawm a lutna taphawt a, a lutna ram hnam nunphungah zung a lak tan hlak. Hmun ruok ringawta chanchintha hi an khai ngai nawh. Tuihnuoilawng angin hnam nunphungah a hung lut a, zung a hung kei tan hlak a nih. Africa rama mi dumhai lem chun, “Kan Isu chu a dum a nih (Our Jesus is black) an ti chu! Chu umzie chu an hnam nunphung ruongama inthawkin Kristien an ni an tina a nih. Chanchintha inghatna bul thut chu hnam nunphung a nih. Isu Krista mihriem anga Bethlehem-a a hung pieng khan Judahai hnam nunphnung a hung tawm el a nih. Amiruokchu chanchintha indarna taphawta Juda hnam nunphung sawm pei ding tina ruok chu a ni nawh.
Ei ramah chanchintha a hung lut hnungin mihrang lo fe hmasaha’n inpakna hlahai an hung phuok tan a. Ei hla thlukhai hi vana inthawka hung tla an ni nawh a; Sapram thuomhnaw ei haw fawm khawm a ni nawh. Ei hnamzie hrula, ei nunphung ngeia inthawkin ei hla thlukhai hi an hung to suok el a nih. Ei hla tuoltohai hi Dr Lalnghawrlien lem chun “Hmar nun fe thlenga Pathien hung inlarna ka ti ringawt el a” a ti chu! A hril indik kher el. Ama bawkin hieng ang hin a hril pei a, “A thlukhai hi hang bi chieng la, a ngui dep dawp ngawt el. A thluk hi chi tam a um nawh a, a hnuo hrulah hin a mi hung dawm a, rawl teleka sak ding a vang hle, zankhawvar sak inla khawm rawl thamna ding a um meu nawh. Sikpui hlahai leh a thluk hi an zulkhat vawng a nih”.Chuleiin, Kristienna le hnam nunphung hi intingmit le inzawm tlat an nih.
Lal Dena
Canchipur, Imphal, Manipur.
A ziek tupa Khuplal Lalkhawthang Infimate hi Parbung khuoa pieng le seilien a ni a. A hming hi a pu Khuplal Songate-in a hming chawia a phuok a nih. Khuplal hi Manipur-a chauh ni loin, India Hmar sak chena khawm mi hrat khawkhenga inthang a nih. A hrat zie hril ding tam tak a um. Lalkhawthang hin taksa hratna tieng a pu sun naw sienkhawm, huoisenna tieng ruok chu a pu a sun em em. Thudik tan ngam, indika a hriet ta chu ieng po tuok ding khawma thang khaw hlak mi a nih.
Pahnam tienga inlaichinna baka, Saidan khuoa inpem lut thar ve ve kan ni a. Manipur University-ah Section Officer-a a hung thawk hnung lem chun University campus-a quarter kan hmu hmain in hluo hmunkhatin, kum hni lai a thlum a al intawmin kan um hlak.
Ama hi a harin a thothang khawm a tha em em a. Pawl sawm a zo hnungin Assam Regiment-ah a lut a. Sipaia a thang lai khawm hin lekha an chuk zing a; St.Edmund College-a inthawkin B.A. khawm a pasi nghe nghe. Chuong lai khawm chun inchuklaihai thilthawna hrim hrima hmalatu pakhat tlawmngai thei em em a nih. Sipaia a thang zing lai hin Commissioned Officer dingin thlang suok a ni a; amiruokchu, training a zo tawm tepin, ama ngeiin a mi hril dan chun, hotu tienga inhrietthiem nawna le infawm bawkin technical thil hotea sukthlakin a lo um tah a nih.
Sipaia inthawka a bang hnung hin Saidan M.E. School-ah kum iemani chen headmaster sin a thaw a. Chu hnungah chun Loktak Project-ah UDC sin University-a a hung lut hma chenin a thaw ta a nih.
Ama hi pawlitiksi, khawtlang thil, hnam le kohran tienga inhmang mi tak a ni a. A ro a hrat a, ro hi a thiem bawk. Sawma pakhat chu a naya pawisa chenin indik thlapin pek naw lai a nei nawh. Pawlitiksi tieng chu Hmar People’s Federation (HPF)-ah khan General Secretary-a thangin India hmar saka Hmar nauhai chengna popo a kan suok vawng a, hnam ro le chanchin suinaa khawm nasatakin hma a lak a. Chulaia a thilthaw inchik zing tlak chu tuta a lekhubu ziek hi a nih. Mihrang chanchin a suinaah hin kei ngei khawm tum iemani zat ka thang ve a. In hluo hmunkhata kan um laiin chanchin a lak khawmhai hi a min tiiem tir hlak a, tha ka ti em em a, an rang thei anga lekhabua insuo vat dingin ka nawr hlak a. Ama khawm a phur a, “Ei sut pha chu nangin thuhma i ziek ngei ding a nih” a ti hlak.
Chuonga sut dan ding kan ngaituo lai zing chun natna khir tak cancer natnain a lo tlak buok ta zing a. Nasataka inenkawlin Bombay chen chena hai dam daktawr panin a lo um tah a. Theitawpa nei popo senga enkawlin lo um sienkhawm Pathien ruot ei ti el lem ta dim, a hringna chu chel ruol loin kum 2000 June 29 khan chatuon ramah a mi lo inlawi san ta a nih.
Lalkhawthang hi University service-a a lut hnungin M.A Political Science Second Class-a a pasi bawk a, thiemna tieng khawm insit um lo tak a nih. Ama hi thil chik taka ngaituo nek nek le sui mi a lo ni a. High Sikula a kai lai chena inthawka Hmar mihranghai a hmu phak chin chu hmel ngeia inhmupuia an chanchin a lakkhawm a ni a. A hmu phak naw hai ruok chu an sunghai inhmupuiin an chinchinhai hi akhelneng akhawlnawnga indawnin sum le tha tamtak sengin a lo lakkhawm a nih. Inpak a um em em.
Tulai hun thara ei hung chuong kai pei a. Ei hnam chanchin hi eini chauh ni loin mi dang khawmin an hung ziek tan ve tah a. A bikin Manipur simthlang tieng lem hin chu uong thu loa, chanchintha mansapui inbangna ei inti rawp hlak a. Chu chanchintha lei chauh chun ei mi hmasaha’n ziek le tiem an hung thiem pha a. Mani tawng ngeia Bible tiem le inpakna hlahai phuok nuomna an hung nei a. A hmaa Dulien tawng ngawta hla lo phuok hlakhai khan mani tawng ngeiin hla an hung phuok tan a. Pastor Thangngur ngei khawmin mani tawng ngeia Pathien biek le inpak thei a ni ti a hung hriet chun;
Sandamtu hi ka hriet hma chun,
Mi dang Pathien ka lo sawna
A chanchintha ka hang tiem a,
Ka pa kan hmang san kha a nih
a lo ti thei tah a nih.
Kristienna hi khawlai khawm a lutna taphawt a, a lutna ram hnam nunphungah zung a lak tan hlak. Hmun ruok ringawta chanchintha hi an khai ngai nawh. Tuihnuoilawng angin hnam nunphungah a hung lut a, zung a hung kei tan hlak a nih. Africa rama mi dumhai lem chun, “Kan Isu chu a dum a nih (Our Jesus is black) an ti chu! Chu umzie chu an hnam nunphung ruongama inthawkin Kristien an ni an tina a nih. Chanchintha inghatna bul thut chu hnam nunphung a nih. Isu Krista mihriem anga Bethlehem-a a hung pieng khan Judahai hnam nunphnung a hung tawm el a nih. Amiruokchu chanchintha indarna taphawta Juda hnam nunphung sawm pei ding tina ruok chu a ni nawh.
Ei ramah chanchintha a hung lut hnungin mihrang lo fe hmasaha’n inpakna hlahai an hung phuok tan a. Ei hla thlukhai hi vana inthawka hung tla an ni nawh a; Sapram thuomhnaw ei haw fawm khawm a ni nawh. Ei hnamzie hrula, ei nunphung ngeia inthawkin ei hla thlukhai hi an hung to suok el a nih. Ei hla tuoltohai hi Dr Lalnghawrlien lem chun “Hmar nun fe thlenga Pathien hung inlarna ka ti ringawt el a” a ti chu! A hril indik kher el. Ama bawkin hieng ang hin a hril pei a, “A thlukhai hi hang bi chieng la, a ngui dep dawp ngawt el. A thluk hi chi tam a um nawh a, a hnuo hrulah hin a mi hung dawm a, rawl teleka sak ding a vang hle, zankhawvar sak inla khawm rawl thamna ding a um meu nawh. Sikpui hlahai leh a thluk hi an zulkhat vawng a nih”.Chuleiin, Kristienna le hnam nunphung hi intingmit le inzawm tlat an nih.
Lal Dena
Canchipur, Imphal, Manipur.
Post a Comment
Comments not related to the news or article may be deleted.