Baibul Hmanga Rongbawlna

From Pu L Keivom
New Delhi, Jan 17: Mani ngeia ei mihai chengna Manipur Tuiruong dung, Cachar phai, North Cachar Hills, Tripura le Meghalaya rama hai fe suok hman nawhai khoma Baibul thilpek hmanga sun le zana misawnari sin poimaw thaw nuomhai le chuong ang rongbawlna hlawk tak chu thaw dinga phurna lungril Lalpan a pekhai chun ni kum October/November 2008-a Hmar Biela ei thaw ang bok khan thaw theina ding hun remchang January-February 2009 hin a hung inhong nawk ta a.

Hi rongbawlnaa thrang nuomhai chun an hming le address Pu H.K.Kawllienthang (mobile 9868521771/98993948 89) Pu Lalchungsiem Thlawngate (9971388364) le Pu Timothy Shakum (mobile 9999646352) kuomah hung pe dingin ei fiel a nih.

Hieng ei mihai chengna ramhai hi fang dingin January 17, 2009 hin thla khat sung vel thang dingin ka suok ding a ni a. Baibul hi hmun hrang hrangah lak el thei dinga sie vong a ni leiin a thaw nuomhai chun bu khatah cheng zanga pein February thla ral hma chena hi rongbawlna sin hi thaw thei a nih. A man chu thla thum sunga pek ding a nih. Tuta ei dit tak chu hming le address le thaw zat a nih. Thilpek dongtuhai le a petuhai inkara trongtraina leiklak daw ei nuom leia hming le address hi ei hni kher a nih. Chun, kan zin sunga phone-a hung hril nuomhai chun ka mobile 9868213252 a hung hril zing thei a nih. Petuhai po po Lalpan a van malawmna a let tamin vur cheu raw se.