Nunghak Lekhathiem, Hmeltha Le Titina

Ram le hnam hmasawnna ding ti a ei journal phekhai ei in hluobit tirna kha a sawt ta khawpela, chuleiin vawisuna inchuklai zinga ei ram suk hmasawntu ding le thuoitu ding anni leiin a thiem filawr hai chanchin hi ziek uor ei nuom anih. Nu le pa chau nilovin an ruol hai le anni tading khawma inchukna kawnga thahrui petu, chona le intlansiekna tha sieltu thatak ani beisei anih.

Hi le inzawm in nunghak lekhathiem le hmeltha Nk Rothangmawi Victoria Hmar, North Eastern Hill University (NEHU) hnuoia M.Sc (Bio-Technology) Gold Medalist (2008) le Pu Ramthienghlim Varte hai titina Inpui ah insuo anih.

(R.Th.- Ramthienghlim; RV-Rothangmawi Victoria)

R.Th: I result suok a First class 1st i hmu ti i hriet char khan iengtinan i um.
R.V.- Pathien kluoma lawmthu ka hrila, hiengang malsawmna ka dawng hi ka lawm taluo.It was like a dream come true. Ka pa le nu an lawm hle leiin ami suk lawm zuol.

R.Th.- Hiengang result tha nei thei dingin I nulepa in iengtinam an thangpui che.
R.V. - Ka pa le nu in full support an mi peka, pawisa tieng harsa hle sienkhawm ka lekhabu,fees le sengna ding tul an mi thaw peka harsatna a um nawh.Study na ding khawm ka dit angtawka thaw thei dingin hun an mipeka, ka class tin ka hung inlawi hnu thei emem a, an mihung tuok hlak.Zan ani hlak leiin.

R.Th.- I nulepa baka midang inchukna support tu che an um am.
R.V.- Um e, Pa Ramthienghlim Varte le ka rang Hmangzalien an mithangpui a, ka senior hai le ka ruolhai in an mi thangpui bawka. Lekhabu hai iengtinam kan prepare ding idea an mi pek hlak.

R.Th.- Inchuk sunga harsatna ituok hai mi hril thei iti.
R.V.- Harsatna tamtak ka tuok. Kan umna Laitkor a inthawk NEHU hi a hla em leiin lama darkar 3 neka tam nitin ka hmang hlak. Main road a inthaw ka umna hi Km 1 neka hla tung ngawt ania ke in ka kai zie hlaka, ka sawl emem anih. Nidang angin study khawm ka thei nawh, time ka kei tlawm leiin. Ana chu Christien kani leiin nidang nekin varna ka pa (Pathien) in ami peka hlawtling ka ni. 3rd le 4th semester ka buoi hle a,research project work ka nei leiin ka sawl thei emem, Computer khawm ka neinaw si. Project ding Practicals le Athesis a ding typing khawm department a ka zo tawla,zan dar 7-8 vel damin ka lawi chau hlak.

R.Th.- Inchukna sunzawm pei I tum chuh iengtieng pang am or khawlai university am.
R.V. – Aw, kala sunzawm pei ding.Pathien in rem ati chun Ph.D ka thaw tum a, Molecular Biology a research thaw ka nuom. Chennai le Hyderabad a ka apply.

R.Th.- Competition exam dam hi teh .
R.V. - Ka U Rohminglien Buhril IFS in amin fui angina competition exam pek ka tum.

R.Th. –Hmar nunghak ei suonvawr ina, i nunghak chanpui hai kuoma thucha nuom i nei am.
R.V. - Ka nei. Aim i nei chun tumru takin intla lovin thaw rawh.Lampui hung in hawng dingin nghak naw, fe charchar la lampui hung in hawng el a tih.Pathien khawmin thangpui a che. Don,t spend ur days waiting for the ideal path to appear in front of u…,Don,t forget that paths are made by walking not by waiting.

R.Th.– Hmar nunghakhai inchukna a an hnufuolna le thangmawbawk nia I hriet iem.
R.V. – Hmar nunghakhai an hnufuol biknaw a,inchukna tieng an tlawm chuong bawk nawh. Ka hmu danin lekha ei tiem rawnnaw nin ka hriet. Asanchu, insung harsatna le inhnik tawknaw na lei ni deu takin ka hriet.

R.Th.- Hmarhai hmasawnna ding a i ring iem ani ve rengreng.
R.V.- ST eini leiin previledge tamtak einei.Theitawka hmangve tum ding.Ei hnam hming suklar tum ding, chuleiin kei khawm ka hming Hmar ka bel ani.Sawrkarin advantage ami pek hai hmang tangkai tum ding. Ei mi le sa tlawma lo changkang hai inditsak inla, in dawmkang na chang hreseng bawk inla Hmar lekhathiem khawm hiengneka tam la suok ngei ei tih.

R.Th.- Hmar nunghak lekhathiem, hmeltha bawk, I pasal ngainat zawng iengang am anni rengreng.
R.V. – Lungril lien le pathien tienga in hmang mi dam le nuhmei inza (respect) thiem bawk, chun personality tha nei.

(Hiengang nunghak fel le inza um takel Molecular Biology a research thaw tum mek, hnam tading chau nilovin India sawrkar khawm a a hmang tangkai thei ding khawpa mipuitling le belchieng dawl Hmar nunghak einei lawmum tak anih.A thiltum puitling ngei dingin Inpui chun ei ditsak anih)

BIO-DATA

Hming: Nk Rothangmawi Victoria Hmar
Pa hming: Pu Lalnghaklien Buhril
Nu hming: Marion Buhril
Kum: 23 yrs. (DOB- 14th November 1985)
Piengna khuo : Ngurte, Churachandpur, Manipur
Chengna: Doordarshan Kendra, Laitkor, Shillong.
Inchukna:
*Nursery to Class I - Children Training H/S, Churachandpur
*Class II to Class V – Pliti Syiem Memorial, H/S, Laitkor, Shillong.
*Class V to Class X- Holy Child H/S, Shillong. (Class X- Passed in Ist Div.with 76.18%.Letter marks in Maths, Science and Health Education).
*Class XI-XII- St Mary’s College, Shillong. Passed in Ist Div.with 77%. Letter marks in Physics and Biology.
*B.Sc. – St. Anthony’s College, Shillong. Major subject –Biotechnology. First Class with 77.69%.
*M.Sc – North Eastern Hill University (NEHU), Shillong. First class 1st position with 79%.

Academic Achievements.
1. Class XII/Sc Highest mark in Alternative English under
Meghalaya Board of Scool Education (MBOSE).
2. B.Sc. First Class 6th Position under NEHU, Shillong.
3. M.Sc. First Class 1st position Gold medalist. under NEHU
4. JRF - Under CSIR- NET.
5. JRF - Under the Department of Biotechnology