Hmar FC Tamchon Football Trophy quarter-finals ah

Lalremlien Neitham

New Delhi, November 21, 2013: North East Tamchon Football Trophy voi 7-na Dr. Ambedkar Stadium, New Delhi-a nei mek a chun HMAR FC a voihnih inkhelna voisun chawhma dar 10:30 khan United Rhino FC (Meitei) inkhingpuiin goal 3 pet lut pekin HMAR FC chu quarter-finals ah alo lut tah. 

Group tina team hai hi voi 3 seng inkhel ding nisienkhom point score le goal pet lut-ah team dang hai nekin tuchen-ah HMAR FC hi a lan sang tak a nih. 

HMAR FC league round tawpna match chu tarik 24 November, 2013 (Pathienni) sun dar 12:30 khin Sikkim Gambos FC leh inkhel nawk an tih. 

Quarter-finals a hin zinga inkhing ding SSPP FC annawleh Muvanlai Athletic hai a pakhat lem lem ning a tih. Anni team pahni hi points in ang char an na, a hratnaw lem lem HMAR FC in tarik 26 November, 2013 khin quarter-finals ah inkhingpui a tih.

Voisun a match pahni dang hai-ah Delhi Mizo FC in Arunachal FC chu 2-1 in a hne a, KLS FC le Wung United hai chun goal pakhat ve ve pet lutin an in draw.

 

HMAR FC Player List (7th NE Tamchon Trophy 2013)

1. E Ramngailien (Delhi/Muolvaiphei)
2. Daniel Hmar (Muolbem)
3. Lalramsang Tusing (Rengkai)
4. F Lalzarzo (Saikot)
5. Cleven Hmarramnghak (Saikot)
6. Robert Hmar (Jiribam)
7. Kenneth Malsawmthang (Rengkai Rd)
8. Saihmunlien (Hmarkhawlien)
9. Dhanjoy Joute (Imphal)
10. Samuel Tusing (Delhi/Rengkai)
11. Lala Buhril (Delhi/Muolvaiphei)
12. Arsad (Delhi/Imphal)
13. Lalmalsawm Mihriemate (Delhi/Hmarveng)
14. Paul Hellienthang (Delhi)
15. Lalramlien Tusing (Delhi/Thenmuol)
16. Immanuel Intoate (Sielmat)
17. Zawlthanglien (Muolvaiphei)
18. Bieksang (New Lamka)
19. Thomson (Guwahati)
20. Ronald Sungte (Imphal)
21. Ngurneilala Hmar (Bangalore)

Voisun a HMAR FC goal thuntuhai:
* E. Ramngailien
* F. Lalzarzo
* Cleven Hmarramnghak