Lalremlien Neitham
New Delhi, November 16, 2013: Kum 2007 anthoka kumtina Delhi khawpuia North East thalai hai lai football tienga inruolsiekna huoihot hlak "North East Tamchon Football Trophy" voi 7-na ding chu voisun chawhnung dar 4:30 hin Dr. Ambedkar Stadium, New Delhi-ah opening ceremony nei ning a tih.
Hongna hun nei zo-ah inaugural match in zom nghal a ta, inaugural match a hin nikum a champion Zeliangrong FC in SSPP FC (Paite) hai chu inpetpui a tih.
Tukum khom Delhi-a North East mi hnam dang dang haia inthokin team 16 an suok a, ni 15 sung hrat tak nina an inchu nawk ding a nih. Final match chu November 30, 2013-ah nei ning a tih.
Champion in running trophy, medal le certificate hai bakah Rs. 5 lakhs hawn a ta, 1st runners in Rs. 3 lakhs, 2nd runners-up in Rs. 1 lakh a hawn ding a nih.
Hi tournament a hin Hmar Students’ Association (HSA), Jt. Hqrs., Delhi khom HMAR FC ti team hming putin a thrang ve a. Kum dang angin Delhi a Hmar nau football pet thiem hai bakah, ei ram tienghai a inthok khomin football pet thiem incha an nih.
HSA FC chun championship la la naw sienkhawm team thrang hai laia la thawtha pawl tak a ni a. Vawi 3 lai final khel ta in, semi-final vawi 1 le league stage chen vawi 2 a kai ta bok nih. Tukum hin championship an lak ta ngei ei nuompui.
North East Tamchon Football Trophy hi Tangkhul Naga Society Delhi (TNSD) in famtah RN Tamchon (ACP, Delhi Police) hrietzingna dinga a huoihot a nih.
HMAR FC pet ni/hun dinghai:
19th Nov. 2013 (Tuesday); 10:30am: HMAR FC vrs FC ZOGENE
21st Nov. 2013 (Thursday); 10:30am: HMAR FC vrs United Rhino FC
24th Nov. 2013 (Sunday); 12:30pm: HMAR FC vrs Sikkim Gambos FC
Post a Comment
Comments not related to the news or article may be deleted.