eNorth East Award , 2013 finalist-ah Mizonews.Net

Mizonews.Net Logo

Bangalore: Zoram khawvel huopa Google in English news website a hrietpui hmasatak Mizonews.net chu “The 4th eNorth East Award 2013” finalist a hlangkai a nih.

November 1, 2013 khan North East Award Jury hai chun New Delhi hmuna inthungkhawmin Information Technology and Communication hmanga NE Region hmel sukmawitu nia an hriet project tam tak (Sorkar le private venture) hai laia mi 32 an thlangsuok a, chu hai lai chun Mizonews.Net hi a ṭhang ve a nih. Hi le inruol hin “The Voice of Sikkim” le “North East Jobs” hai chu ‘eNews and Media category’ ah finalist dinga thlangsuok ve an ni bawk.

Mizonews.Net hi Pu Robert L Sungte le a nuhmei Pi Lily han March, 2012 a an thaw ṭan, thla thum hnunga google News section-a hung inlang phak niin Zoram khawvela dingin Google News section-a website inchuon hmasatak a ni nghe nghe tiin ei thu dawngna chun a hril.

North East Development Foundation le Department of IT, Government of Arunachal Pradesh huoihawtnain eNorth East Award Final chu December 12,2013 khin Itanagar, Arunachal Pradesh-ah um a ta, hi huna Mizonews.Net buoipuitu hai khawm fiel ve an nih.

Mizonews.Net buoipuitu hai chun, “Mizo-ah hnam dang dang ei um a, website khawm ei nei nuol tawla, amiruokchu English hmanga ei chanchin hai sungkhawmna (Common news platform) ei neinaw leiin ei khawvel in Mizo hnam el niloin Mizoram an hriet lar ding angin an hriet theinaw a, chuleiin Mizonews.Net hmangin hma lak mek a nih tiin an hril.

MP ni lai mek Maneka Gandhi khawmin Mizonews.Net hi Mizoram chanchin a lakna tak tiin a hril.

Source: Hmasawnna Thar