 |
| DC Office pan a mipui lam hraw lai. |
By: Alan Famhoite
CCpur: 30.11.13 (Saturday) Tarik 26.11.13 (Tuesday) tûka Rengkai, Edenthara Vai Gas zawr pakhatin Hmar nuhmei suollui a tum le inzawma dodalna/ditnaw zie suklang nain vawisun khan Churachanpur-ah Hmar Women Association, General Headquarters le HWA Rengkai Unit hai hmalak nain "Peaceful Rally" nei a nih.
Hi huna hin Churachanpur sunga nuhmei pawl ṭhuoitu chi tum tum hieng Imma Leima (Meira Paibi), Zomi Mothers Association, Kuki Union Women Association le Kuki Student Organisation, Ccpur Jt Hqrs hai khawm lungril taka mi thlawpin hi Rally a hin an hung ṭhang ve.
DC nu Jacintha Lazarus, IAS kuoma Memorandum pek ani a, David Buhril, General Secy, Hmar Inpui in Memorandum tiemna a nei zo hnungin Hmar Women Association haiin an pek. DC nu'n " hi incident le inzawmin ka theitawpin hma hung lang kata, misuolpa chunga action lak ning ati a, chun a tuortu kuoma hin zângna dawmna khawm hung ngaituo bawk ka tih" tiin a hril. "Chun, mipui kuoma request ka nei nuom cheu chu Mipui lungsen zata Police Station hang attack vet hi ei chienga, hihi thaw talo dingin ka ngen cheu a Police Station hi ei renga ei ta ani leiin va sukbuoi ngai tanawng ei tiu" tiin a hril sa bawk.
A hnuoia hai hi vawisuna thlalak hai chu an nih:
