August 25, 2011 khin SHDC biel sunga Sakawrdai, Suongpuilawn le Saiphai khuo haia Peace Rally nei a ni ding
Sakawrdai: Pu Thangliensung, President, HPC le Pu Laldinliana, Block President, Congress (I) hai thahnemngaina zarin Sinlung Hill Development Council (SHDC) biel huop sunga All party Leader’s Committee indin a ni ta a, hi All Party Leader’s Committee thuoituhai chu, Lalneithang, Chairman (Sakawrdai HPC), Lalduhawma Ralte, Vice Chairman (Lungsum MNF), Darsanglova Lusei, Treasurer (Sakawrdai, ZNP), H. Zoliana, General Secretary (Zohmun Congress-I) le Zosiemlien, Finance Secretary (Sakawrdai MPC) hai an ni a, Committee Members dingin Party tina Block President-hai ruot an ni a, Pathien kuoma ei tawngtaina haia hrie seng ei tiu tiin Pu H. Zosangbera, General Secretary, HPC(D), Sinlung Hqrts. a inthawka ei thu dawngna chun a hril.
Kum 17 zet liemtah a HPC le Mizoram sawrkar han Memorandum of Understanding (MoU) an lo ziek tah besana Development Council ngirhmun chun mipui bei a sukdawng tak em lei le HPC(D) le Mizoram sawrkar inbiekna fe tluong pei a, inremna tluontling a hung um theina dingin August 25, 2011 khin SHDC biel huop sunga HPC Headquarters Sakawrdai, Suongpuilawn le Saiphai khuo haia ropui takin All Party Leader’s Committee le Peace Rally Organising Committee hai hmalaknain Peace Rally ropui taka nei ning a tih tiin Pu H. Zosangbera, General Secretary, HPC(D), Sinlung Headquarter-a inthawka ei thu dawngna chun a hril.
Source: HT, 24th August, 2011
Post a Comment
Comments not related to the news or article may be deleted.