Kan Tlangram Hi Par Tinreng An Vulna

A boruok an nem si
A tlangpui a’n hoi bok si
Zo kai thlifim damten a hrang vel a;
Par rimtui lengin, fiertui a luong a,
Kan tlangram, hring le hriem tinreng lawmna.

Pu T Khuma, in kum 1950 vela Pherzawl tlanga a phuok a nih.


Phuoktu: T.Khuma
Thiemtaka saktu: Nienglawmkim

1. Kan tlangram hi par tinreng an vulna,
A va mawi ngei dar ang kan lengna;
Hnam tinreng khuoi ang kan kaina ram hi,
Furkhaw thienga thlir changin a mawi zuol.

A boruok an nem si
A tlangpui a’n hoi bok si
Zo kai thlifim damten a hrang vel a;
Par rimtui lengin, fiertui a luong a,
Kan tlangram, hring le hriem tinreng lawmna.

2. A lungpui a lungte le a leilung,
A tui, a thing, a par inkimin;
Chung Pathien malsawna, kan tlangram hi,
Aw a mawi, a’n hoi si, a tlang tluonin.

3. Tlang thing zar hi khuoivate an kaina,
Tukram thing, hrangsa tin an kaina;
Tukram hring mawi hram thiemhaiin an awi,
Aw a mawi, a’n hoi si, a tlang tluonin.

4. Pi le puhaiin lasi le khuovang,
Lungmawla an saina ram lo nih;
Thangtharhan khuovang lasihai nekin
Kawrvaipui dar ang kan sai- New Delhi.