[From Pu Timothy Z Zote]
June thla tarik 2, 2009 khan Lalhmathuoi Pulamte , Khawbawn Tlang (New Knaan) rama sadu laia rawngbawltu le a ruol hai mi 12 chu Ankhasuo ah sipai han an man. Chun, an ni hi Sadu haiin indik lo taka an hek leia man niin thu dawngna a nih.
Hmarkhawlien tieng pan pui an ni a. Pu T.Sangkhum, President, Hmar National Union, Cachar chun a lo bawzui nghal thu dawng a ni a. Hi khelah, Hmar Inpui le mi tlawmngai then khatin an ngaituo nghal.
Mana um hai chun, "Martyr ngama suok kan ni a. Pathienin mi thangpui a ta. Pathien ropuina a ni ngei" an ring thu an hril a. Sipai hai le motor a an hei chuong tlang chun "Van sipai le hnuoi sipai kan chuong tlang" a nih an tih.
Thu dawngna pakhat chun Saduhai umna laia Mandir amani puk pakhat a thawtu hrietlo a chima chu chu Lalhmathuoi le a ruolhai sukchim le thil tha lo tak tak a hekna um niin hriet a ni a.Tuhin thuchieng lem le thuthar nghak mek a nih. Hi le inzawmhin Tuithaphai le Mizoramah ri a nei tan a, Christian rawngbawltu hienga hartsatna an tuok hin sakhuo thuoituhai khawm um tawk tawk bik chi a ni naw thu puong lang a ni bawk.
Vawisun hin Lungthulien tieng anthawkin a thei thei fe dingin zani khan rel a ni a. Umhmuna inthawk tawngtaina lo san seng dingin a upa Lalropui, Lungthulien, Founder Manmasi National Christian Army chun mitin a ngen bawk.
Khawbawn tlanga rawngbawltu Lalhmathuoi hi Mizoram tieng khawm a rawngbawlna hi ngaiven a hlaw tan mek bawk. Christian Outlook anthawka insuo a ni na le inzawmin tukhawm hin ngaiven a hlaw hle a nih.
Hienghai rongbawl dan chanchin hi ka hrietna a sawt rei ta a, telefawna an chanchin mi hung hril khom an um zeuh zeuh. An thil tuok hi an tuok ding hrimah kei chun ka ngai a, a san chu an thil nor dan hi Saphaiin foolhardy (invet huoi) an ti ang kha niin ka hmu a. Sakhuo tienga khawvar inza naw khopa turuna hi tu sakhuo laia mi khom ni hai sien, kei chun mi trium-ah ka ngai vong. Taliban-hai leh an indanglamna ka hriet nawh. Chuleiin, hi thil hi a hnama ri suksietna chi a ni nawin kei chun ka ngai. A'n fuiportu kohranin buoipui raw se. Hieng ang thil hrim hrim hi eini lai encourage naw inla a thrain ka hriet bok. Hun la fe pei dinga ei lampui ei inkharpekna mei mei a nih.
ReplyDelete-LK
mak chu a mka deu khawp el maw an rawngbawl tum dan chu! silai leh man an nih ti nawk nghal, hril ding chu a vang khawp in ka hriet. Pathien thu ang taka suok an ni ruok chun, hril thei lem chu ka nei nawh Pathienin an hmakhuo ding chu veng ngeia ta, lampui buot sei pek ngei a tih. iengkhawm nisien ei tawngtainahaiah lo hre hlak seng ei tiu. hieng hun tak hi a nih ei ni ringtuhaiin that eiin suo hun ding chu.An thawsuol tam an thawsuol naw ta, ei that insuoa hmangaina insuo hun chu a nih. to san el chie chu a ni hmel nawh. tawngtaina'n san mawl ei tiu.
ReplyDeletewell, if the news was true about them, what in the hell are they doing with arms? i guess they are suppose to be enlighten the spiritual world in the dark world, whatever it could be, only God knows why they are in such condition of what they are and only God can answere for what they become in future.................
ReplyDelete