Manmasi National Kristian Army: Bul tan dan

[From Pu Timothy Z.Zote]

Tulaia Hmarbiel le Tuithaphai laia hril tan mek Manmasi National Christian Army chungchanga hmalatu laia pawimaw tak a chanchin hi hmaisana inbiekpuina le a upa Vawmkapthuom of Lungthulienin ziek ngeia lekha a siemna a inthawka thu hriet dan a tlangpui hei tar lang ei nuom a.Chun hi pawl hin thlir bik le thlei bik a nei nawh a. Hi pawl hin a thangpui nuomtu le lunglutna neihai chu lawmlut zing a nih tiin hriet a ni a.A pawl hmalak dan le kal pen mekna chungchang kimchanga hre nuomtuhai chun Pastor John Zohminglien, Bethesda Church, Rengkai Road kuomah ngaiven thei ni bawk dingin thu dawng a ni bawk.

Chun, Lungthulienah April 2009 thla bula kan inhmu tuma ka thu hriet le tu chena a chanchin lawrkhawm le zieka umhai a keitawiin hei thai lang ei tih.

Mr. Lalhmathuoi hi Mr. Khuong Nau hai laia Naupang tak a ni a,Vawisun ni chena Lalpa'n a thuoi dan tlangpui thei ang angin hang tarlang ei tih.Lalpa'n rem a mi ruot pek pei chun hung tar lang pei beisei a ni bawk.

Mr.Lalhmathuoi hi 1973, October hi Lungthulien a pieng a,harsatna tam tak tak fe thlengin 1992 khan Class x chu a lo phak ve hram a.Hi kum hin EFCI Presbyterian Tuolbung khuoa chun, thlaraua siemtharna changin Pathienin an hriet tir ang peiin ti le inthinpumin a thil hmu le hriet hai chu khawlai dunga hai khek suokpuiin,chuong anga thlarau a chang chu a sungkuo unau hai khawmin an keng naw deu chu a niin hriet a ni a. 1993 kum khan a hringna siemtu le sukfamkimtu chun a chanchin tha hril dingin Tripura rama fe dingin kona a dawng nawk a, chu taka fe ding chun an buotsai zing laiin, nu le pa hringtu tienga inthawkin thlona rawl hung suokin chu thlona chu thlang lemin a lo um ta a. Hi taka inthawk hin a hring nun chu Damlai hrenhmun a lo inchang ta niin an lang a. Chulai khawm chun EFCI Naupang Hotu a thangzingin Nuhmei a rukin a hei nei zui nawka harsartna chu a hung pung pei nawk ta a.

15/3/96 khan a pa Khuonga chun a lo thisan ta a.Chuonga hnuoi beiseina po po inhninga khawvel hring nun a hmang lai chun 2/1/97 Zan dar 2 velkhan Mr. Peniel le Lungthulien tlanga Lalpa buona tawngtaina thei tawpa an nei lai chun maktakin mihriem nakawra hriettheiin Lalpa Thlarauvin a hung biek taa.Jeremi Bung 1 na thu hin a hung biek a.Amaa thil tlung hai a hang puongsuok hin mi hriem mihriemna chun pang an thli deu a.

Tulai Kohran le Unauhai chun an keng naw deu thet chu a ni tak a,nisienlakhawm hma tieng fe peiin Thlarau bohmang lain at na chuna sip liem zinga fak la dawn hai khawm ngaisak lo khawp hielin a um a . Pathien chun Thupui a pek peia. Lucifer do hi a nih a thupui pek chu.Pathienin ama angpuia mihriem siem hlema tu hne thei lo le tu sut thei lo dinga thina hruia khuop detu Thlarau suol sinthaw hi dovin (setan) kha a khing tawp el a nih. Hieng ang hin hun a hung hmang lai zingin Krista chu a lo en zo ta naw deu a ni awm a.

1998 khan Nuhmei a hung nei nawk a, EFCI dan a tling charin Kohran dana la lut nawkin Naupang hotu a bawk a thang nawk a, hieng ang hin hun le ni hai chu hmang peiin 2003 khan Salvation Army hai lai thang ve nawkin a uma (E.T.) Evangelist Teacher sinthawin chu lai chun a nau dittakin vanram tieng a lo inlawisan a,chun anuhmei dittakin ruol phak zo lovin a hring hun a hung hmang zui nawk ta peia, bei dawngna le lungzingna chun hrilruol lovin a chim mup mup zing ta a.2009 kumthar chu a hung inhersuok ta a. A nghatna tieng tieng lungzingna le bei dawngnain a hung sip liem ta zinglai chun Naupa Tlanhmang ang khan khawm tho ka ta ti angin,a hringna siemtu le sukfamkimtu tieng chu enin, amaksan Isu Krista tieng chu panin Lalpa chu buona a um chun Lalpan thupui a pek mitin ta dinga chanchinthalawmum bek bek ti le suol do ti a ni tak a.

Chuongchun Lalpa'n a chanchintha hril dinga inhrierttirna a dawng nawk chun hril dingin 20/1/2009 zan hin Khawbawn rama Mandir an tina hmuna Thlarau suol Pathien a biea, ringtu hai sunga nasa taka sin thawtu hi Jeremi Bung 1:10 hmangin a tir a.A upa Vawmkapthuom Pulamte chun "Pathien thu hai hrilin theitawpin ka hril hlak a" a ti a .In sung a enin a bei a dawnga chuonga a hril khawm chun fe dinga an hriettirna chu fe ngei a tum tlat a.Pathein kuoma la tawngtai ei ta Pathien remruot la nghak ei tih, iengkhawm harsatna le buoina a um naw chun Pathien remruota ngai ei tih a tih ta a/Lalpa chu theitawp in zana chun a upa Vawmkapthuom chun a lo buon ta a. Khuo a hung var chun a hung nghala a unau hail eh an hril nawk nghala kei le ama a chun setan sinthaw tam tak um thei lak a khawm daltua a um nawh a.Chun ama chun fe naw thei ding kan nawh Lalpa thu pek zui nawthei ding kan nawh tiin a u pa khawm chu a dawn ta a.

21/1/2009 nisa hung suok chun khawbawn tieng pan ding chu a lo fe suok ta a,a upa Vawmkapthuom chun a tum ram le Lalpa malsawmna dawmg ngei a um theina dingin theitawp suoin Lalpa chu buonin hun a lo hmang zing ta a.

31.1.2009 chun a fe tuma ram tha tak a fe hnungin Lungthulien chu a hug tlung nawk ta a. Pathien kuoma lawmthu hai hrila neiin Report ngainuom um takin a hang pek taa.An fe dan tlangpui ruok chu :21.1.2009 a suok kha 22/1/09 khan Hmarkhawlien a tlung a.Mandir umna hmun hril ding ruol an um naw leiin Ankhasuo mi an lo kawkhmu leiin a tungin hung kir nawk a 23/1/2009 zantieng dar 2 velin an suok dawk ta a Khawbawn ram chu an sir tan ta a, zan chu khawbawn a chun an riek ta a,24/1/2009 zingkhuo a hung var chun hma tieng pan peiin an fe nawk ta a, Lalpa thupek a hung tlunga Krista Hnena Kross le Hmarram a pek chu an langsarna ta phawta ziek dingin thu a pek a, chu chu lungbul thingbula hai chun an ziek ta pei a. Pentui hai I dai ding chi ni ta lo dinga in lang nisienkhawm (Mark pen) pentui chun kangzai reng a rel ta naw leiin Lalpa thilthaw theina chu hrilruol lovin an lang pei a ni ti a fie chieng hle a. 25.1.2009 zantieng dar 3 velim (Tespur )an tlunga an (Headman)-in ah an tlunga thilum dan an hang hrila an hang indawnaa Sadhulien Akhakhmulsei Suntus Sadhu Kum 70 vela upa in chu an khik hmua, Mandir ruok chu1/2 vela hla a la ni a.Bu an fak khawp chun Sadhu umna tieng chu an pan ta a. An hei inhmu tan ta a, Sadu pa chun Kristien ini maw, ieng thaw dinga hung am I ni a? a lo ti nghal a.A fena san hai chu a hril a, "Pathien tak ni lo bietu lai, iengkim thawthei Pathien hring.Thlarausuol Setan hne lo a ni zie hril dinga hung ka nih" a ti chun Sadhu pa chu an puong nghal a, changngam ta lovin a um a.Mr.Lalhmathuoi chun Sadhu pa bawka chun Kross lim chun Markpenin a ziek ta a,a kut ngeiin a bawka chun thisenin seal a nam pek bawk a.26/1/2009 zingkhuovar hlimin sadhu pa varanda a chun tawngtai dinga tirna rawl chu a hung tlung nawk a, tawngtaina a nei zo chun Hnena Kross a lim le (Almighty God) ti le Jesus Christ ti thu chu a lut hai phawt tiem thei dingin hmun langsara hai chun ziek a lo ni a.Chu zo chun Sadhu pa chun vawisun iem I thawding ti an dawn a.Mandir-a Hnena Kross le hnena Flag kan tar ding a nih tiin a dawnna.Sadhu pa chun tha deuvin an thla ta a.

Bu an fakkhawp chun a ruolhai Lalzamlien le Lalhminglien le chun hnena kross le hnena flag tar ding chun Mandir an pan ta a.Mandir hmuna chun a hung suok nghal a. Chun Lalpa kuoma tawngtaina hun an hmang nghal a,chu zo chun sadhu lien khakhmulseipa bawka chun kross le hnena a ziek ang vawk khan.Sadu pa bawk a chun kross le seal a nam nawk a.Chuongchun Mandir chung kross le flag tar ding chun, mistiry hai chu an lakkhawmtir a, hmangruo an lakhawm zo chun hnenna flag le hne na kross chu tar a lo ni tah a.Chun mandhir sunga milim pathiena an biek 7 hai hmabul le an langsarna hmun hmuna hai chun hnenna kross an ziek vawng ta a.Lalpa chun hnenna chu a chang ngei a nih ti naw ruol an nawh.Lalpa'n ropuina chang sienla.Mandir nghaktu hi bihari BA chen inchuk zo a ni a.

Hi khawbawn rama hin eini mi angbawka Lalpa'n an tlansa an tlanna hre lova thi ding mi tam tak an um a, chuhai sansuoktu dingin lalpan'n nang le kei a mi ko zing a nih. 10.3.2009 hin rawngbawlnaa tul dan ang pei a nei dingin an suok nawka Khawbawn Setan saltanghai Lalpa'n an suo ngei thei na dingin theitawpin lo tawngtaipuiin, lo san seng ei tiu aw.Khawbawn Tlang hi Vawithum fe tain tuhin Vawilina dingin hma an lak mek a.

A hming dingin Manmasi nau hai New Kanaan (Kanaan Thar) an phuok hiel a nih.A sanchu a ram hi a tha, thlai, thing le ruo a tha, Bawng ne ne le Khuozu luongna ram ang ela ram tha le hnuoi thatna, lum taluo lo le ram inhawi a ni leiin an phuok el anih..Biekin Bawl zo a ni ta a.Hmar tawng inchuktirna sin thawin rawngbawltu pakhat an nei a. A ram mi Tuikuk le Khasi hai lai Hmartawng inchuktir mek an ni bawk a.