Halloween party ideas 2015

[By Pu L.Keivom* Inpui Columnist]

keivom-inpui Great literature is simply language charged with meaning to the utmost possible degree.

-Ezra Pound

Delhi, June 20, 2007, Nilaini. Voituk ka zîng thoa Baibul chàng Johan 15:2 inlet thua a Grik trong bul ‘airo, airei’ ti Saptronga ‘take away’ tia an lo inlet chu ‘take up, lift up’ tia inlet ding a ni lemzie thu mi thiemhai titina ka bì laiin, thil dang daih, thu mal pakhatin ka ngaituona a hung thruoi hmang a. Chu thu mal chu ‘CHANG’ ti hi a nih. Chu thu mal chun ei trong lam dàn le hmang dàn zira umzie hrang hrang a neizie thu le ei trong hung insiem dàn le ze hrang hrang a hung put pei dànhai chu ka ngaituo neu neu a.

Ei trong hi thu mal inang khom ei lam rìk dàn zira umzie hrang hrang nei (phonetic) a ni bàkah thu mal tin hi rihlawm (mono-syllabic) umzie nei vong a ni leiin, a kawk tum anga lam rîk indik le ziek zom le zom nawin thu a phur èm êm a. Hi hi hrein, Baibul (Delhi Version) ennon le endik kan zo phuor hnungin, tiem suol nawna dinga a trùlna zuol hmuna chauh thlûk sei sinsie ‘^’ kan sie kha Pu Kawllienthang leh kan thlìr non a. International phonetic sign inrik dàn anga ‘^’ hi lam chun thlûk sei kha a pheia fe el ni loin a ri lawn tung, a ri tawp tieng infuol thla ding ni awm tak a nih. Chuong anga thlûk sei sinsiena ‘v’ letling ‘^’ hi ei tiem chun, thu mal a thren chauh tiem indik thei a ni el bâkah Hmar trong lam rìk dàn po po deuthaw hi Lusei trong thlùkin a fen a, Rengkai-Zote trong thlùkin a suok deu vong el a nih. Inchieng nuom le peihai chun ei Baibul hmang laia thlûk sinsie an siena taphot hi a thlûk ding angin hang lam inla, nuizat a um el bàkah ei trong lam rìk dàn ei sukchingpen vong el a nih. Ei mawlcho leia thlûk sei sinsiena pakhat chauh hmanga ramtrang ei lo tum hrim hrim khom hi huoisenthlak deuh chu a lo nih. Mawlna hi a lo mawl turu khop el.

Thlûk sinsiena

Ei tronga hin dannaranin thlûk sei pathum ei hmang tak a, pali umna khom a um zeuh zeuh bok. Chuonghai chu risang, rihnuoi, rikuoi le rilawn ei tihai hi an nih. Chuong ang bokin thlûk tawi-risang, rihnuoi, rilaihawl le riphei- ei nei bok. Entirnan, chu chu hrilfiena dingin ‘thluk’ ti hi hang hmang vak inla. Hieng thutluon (sentence) hai hi hang tiem la, lam rîk dan inang lo vong a nih: A thlûk (risang) i hriet am? I thlúk (risang zuol) thiem am? A thlùk (rihnuoi) dàna inthokin a thlûk indik a hriet nawh ti ka hriet. A mi hnek thlùk a, ka hnârah thisen a far thluk thluk (lam tawi, a hmasa hi a tunga lam, a nuhnung hi a suka lam). Bawng thlukah (a tung khom ni lo, a suk khom ni lo) ka sât. A thlukvùm a thra. A thlukah a man a, suok mei mei ta naw nih. A tawpna taka ‘thluka man’ ti hi phrase a na, ‘chika man’ ti umzie leh thuhmun a nih. ‘Thluk’ chu tukkhum, abikin rîng chunga lu ko (occipital protuberance) hi a nih. An inhnikna zawng le hnè an olsamna taka mi hnè le thunun thei tina tieng a kawk.

Thlûk sinsiena pakhat chauh an lo hmang hi ei bi chieng chun, Lusei tronga an thaw dàn an lo kawpi a nih ti a chieng. Lusei trong chun, “Pathianin khawvel a hmangaih êm êm a” tia thlûk sei sinsiena inang an hmang hi a lam rìk dàn thuhmun a ni leiin indik a ta, Hmar tronga ruok chu, “Pathienin khawvel a hmangai êm êm a” tia thluk sei inang ei sie ve chun Hmar trong thlùk ni loa Lusei trong thlùka Hmar trong tiem a ngai a, ei trong thlùk dan a chokchawrawi dèr a nih. Hmar trong thlùk dàn anga ziek chun a hmasa ‘em’ hi lam suk, a nuhnung hi lam tung a ni leiin “èm ém” tia ziek ding ni lem mei a tih.

Hung Vs Hung

A suka lam le a tunga lam, ri inhnuoi le insang hi lam tawiah sinsiena ei nei si naw leiin a buoithlak khop el. Entirnan, ‘hung’ ti hi hang hmang inla, Ram Thar hlaa “A thlûkah vala i buai em ni?” ti ang khan, a thlûkah ei buoi a ni hi tie! ‘Bu hung fa rawh” tia ‘hung’ hi ka lam insang/tung chun mi ka ko kha bu fa dingin ka fiel tìna a nih. ‘Hung’ ti hi lam suk/hnuoi chun bu fa dinga ka fiel ni loin, khaw lai amanih bu hung fa dinga ka hrilna a nih. Hi hi, entirnan Rengkai, Muolvaiphei le Saikot vela seilienhai chun an hmang thiem naw leiin bu fa dinga an mi fiel an insawn kha bu fa saa hung dinga an mi hrilna, inbiek sisawna, ‘Nanga pa/nu hi bu fa sa lo chun hung vet ta naw rawh’ in tina ang a ni a, thusiea lak chun salam inchawitirna khop suol a nih. Chuonghai chu salam inchawitir pei ding ni inla, salam sa nghei tik um kher naw nih. Sienkhom, an thaw suol a nih ti an inhriet dèr nawh. Hrietnawna hi zakmaw deuh el a nih; a hretu a sukzak lem rop.

Thlûk sinsiena le apostrophe

Hmar trong sukkhìkhawktu laia a pikhawi chu ‘in’ ti hmazep le hnungzepa thu mal insiem hrim hrim lam kim loa bawkana thu ei kei tawi hi a nih. Entirnan, “Amân ân sil thei naw leiin keimân kân siltir a ngai” tia thluk sei ‘^’ ei sie hi thluk sei siena ding ni loin apostrophe “’” siena ding a ni lem vong. A san chu ‘in’ thrangna poa khan ‘i’ bànin a zuitu ‘n’ le a hmaa ‘vowel’ kha ei kei mat hlak lei a nih. Bawkân nei loa ei ziek chun “Amain a insil thei naw leiin keimain ka insiltir a ngai” ti ding a nih. Sienkhom, ei trong pha leh ei thabo leiin a rêngin ei lam pei naw a, ‘in’ le inzoma thu mal umna taphotah ‘i’ chawm kânin ‘n’ ah ei pakai a, ei kei kop pha a karah apostrophe sie nêkin thlûk sei sinsiena ‘^’ ei sie bok a, chu chu grammar dànah thil indik a ni thei nawh. Chuong ang chun ei Baibul hmang lai le Hmar Literature Society hnàr hnuoia inchuk dinga lekhabu an siem po poa hin an thaw vong a nih. Hienga thluk sei indik lo taka ei siena hlaka hin Delhi Version-a chu grammar dàn zuiin apostrophe sinsiena “’” sie a ni ta lem vong.

Hi hin ei tronga thlûkna um po po a siem rêl vong tìna a ni nawh. A hmasa takin, “aw” le “o” hmang dàn ding indik taka ei thlier hrang pha, thlûk sei ni ta sa “aw” umna taphotah thluk sei sinsiena sie a ngai ta naw leiin, thlûk sei thua harsatna le tiem suol theina lakah zaa 20-30% ei fihlim phot a. Chu zoah thlûk sei sinsiena lam suk (\), lam kûm (^), lam tluon/phei (¨) le lam tung ( /) sinsie ei sie nawk chun 50% vêl a lak hmang nawk a. Chuong anga ei sie chun vowel ‘a, e, i, u’ ei hmanghai sinsiena um dan ding chu hieng ang hi hung ning a tih: à, â, ä, á; è, ê, ë, é; ì, î, ï, í; ù, û, ü, ú. Amiruokchu, lam tawi sinsiena ei siem hma chun ei harsatna hi inkieng vong chuong naw nih. Chu lam tawi sinsiena siem chu thil hautak a ni ka ring. Amiruokchu, thrangthar lungvar neihaiin ei trong sukhring tuma hma an la hung làk tak tak a ni phot chun hung siem suok ngei an tih ti ka ring tlat. Invêtchilh khopa invoitu, trongchìk mi (linguist) ei um a ngai. Chu hun chu a la tlung ngei beiseiin Delhi Version hin hma lo pu hmasain bulthrut a lo rem tran a nih.

Hieng thil hi ei hung siem phuisui pei laia ei ngaituo le dap suok dinga ka dit chu, thluk sei hi vowel zuitu hawrop zirin ei sie ding am ei sie naw ding ti hi a nih. Hi thil hi a ngaituo sin khom ei la um naw el thei. Ei bi veng veng chun, entirnan, ei hawropa ‘e’ ria intran consonant ng, l, m le n tihai hin an phung hrimah thlûk sei an pai a, chu chu ‘e’ leh ei hmang kop pha eeng, eel, eem, een ri angin a fe naw thei naw leiin, hieng ang a umnaa hin thluk sei ei sie ding le ding naw ngaituo tham a nih. Hi hi a thuphung chauh ei hang phor lang a na, ngaituona ril hmanga sui chîk chi a nih. Tronga ri mal hrang hrang rem khawma thu inrìk dàn le umzie hrang hrang nei ei siem hi Saptrong chun phoneme an tih. Hieng thilhai hi inchûk a, a umzie le a poimawzie hre a, tuta inthoka kum sawmnga sûnga ei trong ziek dàn khom hi siem thrat nachâng hrie ei um chun ei trong hi sawt tak hring vêng a tih. Tuta ei chawlolna nungchang hi ei put zing ruok chun, ei trong hi a thi ta sa, vui liem chauh nghaka um a nih ti a chieng.

Chang, Chang, Chang

A thu hongnaa ka hril tah ang khan, hi thu mal ‘chang’ hi hawrop pangaa lam khata siem a na, sienkhom ei lam rìk dàn le ei hmang dàn zirin umzie tum tum a nei a. Chun, hi thu mal le kei kop hin thu mal dang tam tak siem thei a ni bok a. Pu Buanga Diksawnari ei zuk en chun chuonga umzie hrang hrang nei chu 86 zet a’n chuon a nih. Chuonghai laia a thren chauh chu thlûk sinsiena poimawzie tar langna dingin ei hmang tum a nih.

Thlûk sei:

Châng (trap, snares) :

Châng a kam. Chângah a awk. Hi thu mal ‘châng’ a inthok hin châng hrang hrang an kam hlak chun hming an put seng a, chuonghai laia a thren chu chângthlèng, tàmchâng, sàdàl châng, beai châng, chângkawl, sanghar, saku, sakhi, sazuk châng le châng dang dang. Sienkhom, sakei le savom del hlumna dinga thing tum phan khawma châng an kam ruok chu ‘châng’ ti loin ‘bil’ an ti a; ramsa chin le vate delna dinga châng an kam chu ‘mankhawng’; zawng le savom tlak hlumna dinga châng an kam chu ‘tlâk’ (zawngtlâk, vomtlâk); sai manna dinga khur an cho chu ‘tlâkkhur, tlâkpum’; mazu konga châng an kam chu ‘pheikei’ an tih. Silai, fei le thal hmanga châng an kam hrim hrim chu ‘kar’ an ti dai thung. Nga manna dinga châng an kam chu ‘ngawi’ an tih.

Châng (joint):

Rù le châng, taksaa ru hrang hrang inzomna; phung le châng, thisen inzompui le inhnaipui (near relatives, fellow clansmen); raw châng, mafu châng le châng nei hrim hrim chi (joints); Baibula châng (verses), thu-châng, thukhawchâng; thil tlung hun hrilna- hlim châng, innui châng, lungngai châng, trap châng, lum châng, dei châng etc (times, occasions, seasons, periods); a chângin, a châng chângin (sometimes, occasionally) le a dang dang. Kristien ei hung ni hnungin thu mal thar tam tak ei hung ser a, chuonghai laia threnkhat chu ‘chângvon’ le ‘châng thlang’ ti dâm hi a nih. ‘Châng dang a kân thei ta nawh’ ei ti chun thil dang ngaituo le inhnik thei lèk lo khopa mani thil inhnikna le ngaituo zawnga inbûr tlut tìna a nih.

Chàng, cháng, chechâng (to move, to act):

Chàng chàng/chàng cháng naw rawh (plural); i chàng pei taluo (taima); a chàng pei dèr nawh (thabo); a chalchàng (thi tawm hrangchat intàl lai); ha chàng, in chàng (nghet lo, inhnîng, insawi, inthawt); thingphèk chàng (trawl thra lo, la zûr le kiem thei, inher thei, kawi thei, inthawt thei le che thei); chàng suol (to commit a mistake/blunder, to meet an accident) etc. “Nunghak-tlangvalhai kha hang chàng (work) ro leh, ei chàng vat vat naw chun ei lawmman ding mi dangin mi chang khal rawi an tih” ka ti chun a hmasa taka ‘chàng’ hi sin pu dinga hrilna a na, a pahnina hi thaw rak dinga infuina a na, a pathumna hi an lawmman dong ding mi dangin an dong khalh inlâuna thu hrilna a nih. Chun, ‘An muongchàng’ ka ti chun muong takin, inhmaw loin an chàng thu ka hrilna a nih. ‘An chàng muong’ ti thei a ni bok. Ziek pha ruok chu ‘muongchâng’ ti hi thu mal hlawm khata hmang a ni tak leiin ziek kop ding a ni a, a nuhnung ruok hi chu verb (chàng) le adverb (muong) indota rem a ni leiin ziek kop ngai lo ding a nih.

Thlûk tawi:

Chang: thil ngar, hmin (hmin lo), puitling (puitling lo) etc. Kapathîr angin a lungril a chang (hard). Vaimim kawm chang (ripe, mature) chauh kha thlam ro. Ka bu suong a la chang (hmin lo), mei that naw rawh. A sa a la chang (hmin lo), la suong met ro. Kan mafu a chang (ripe, mature) ta a, thliek thei a ni tah. Kan làmkhuong a chang (mature) ta a, loa inuk thei a ni tah. Hi taka hin thlai suong tieng a ni chun ‘chang’ ti hin la hmin lo ti a kawk dai a nih. Thei threnkhat hrilnaah, entirnan kawlthei ra a ni chun ‘chang’ ti chu la hmin lo, la sel tina a ni bok. Thlai amanih thei threnkhata ruok chu ‘chang’ ti chu hmin (ripe) amanih puitling (mature) tah tina a ni dai. Hi hi hnam dangin ei trong inchuk thiem harsa an tina pakhat laia mi chu a nih. ‘Chengkha’ tia ei lam tah hi ‘changkha’ a ni lem a, chuong ang chun Lusei tronga chu an la hmang zing. ‘Theichang’ ei ti ruok hi chu ‘theipui’ an ti ve thung a, ‘theichang’ ti hi a awrizinal lem hmèl khop el.

Chang: Thil sem lo dong (to receive or get something distributed, divided or apportioned out etc). Entirnan, Mofam an sem lo chang ve; thlarau lo chang ve etc. ‘Chang lo’ a ni chun dong ve lo tina a ni a; ‘chang nawh’ ti a ni ruok chun thil dang iemaniin a hlàn leia tuorna amanih rinumna ei chunga tla ding theinghil hiel tina a kawk dai a nih. Entirnan, “Ekzama pakhatna a ni thu ka lo hrietin ka lawm taluo a, ka natna khom ka hriet chang nawh” ei ti hlak. Hi taka ‘hriet chang nawh’ ti chu ‘hriet fùk nawh’ ti leh thuhmun ang a nih. ‘Chang sàng’ ti ruok chu thlarau pawlna inril tak chang amanih, ngirhmun insang taka hlàng kai tina a nih. Chang sànga inngaihai hi a hlimhlopna tieng ngot hnota an petek pha ruok chu ‘hlimsâng’ ti an hlaw nawk dai thei. “Sakramen ka chang ve nawh” ka ti chun an mi sem kàn amanih, an naw leh an sakramen sem khan a dai naw leia ka kîl ve naw thu ka hrilna a ni thei. Baptismaa ‘chang’ ei hmangna san hi einia thil la um ngai lo sinsiena chu peka ei um lei a ni ring a um.

Chang: Mi um dàn insîr, inchang, lemchang (to act the role of somebody, to imitate, to impersonate, to pretend to become). Entirnan, “I lemchang chu i chang thiem khop el” ka ti chun acting a thiem ti ka hrilna a nih.

Chang: Vate meia a sei filor (the long feathers of a bird’s tail): vakul chang, ar chang. Pipu hla ‘Butu khuonglawmah’ khom “Phaia ar chang a ton pa, mi lo nghak rawh, aia e” ti a um kha. Vate an hlim lai chu an chang (mei) a par a, an hlim naw pha an chang (mei) an inkhup hi tekhinaa hmangin, “Ka chang a par” ti chu ei hlim thu le ei thatho thu ei hrilna a nih. “Tu lai chu i chang a va’n khup ngei de” ka ti a, “A ni rèng, buoina hrang hrangin a mi nang leiin tu lai chu ka chang a par thei naw a nih” tia a mi don chun a hlim naw thu le ngui thu a mi hrilna a nih. Chun, vabawng chi laia vate mawi, a mei sen hlar el, rawl inhmi rola inhrâm hlak hi a hmingah ‘changsen’ an tih.

Chang: Hnuoi pil hâng thratzie hrilna a ni bok: ram chang, chang tuol lei etc. Chang tuol lei chu bu chingna dinga hnuoi/pil hàng thratna hmun (rich or fertile soil favourable for rice cultivation) tina a nih. ‘Changpat/pan’ (moss) ti khom hi pil intling khawm a ni leia an ti a ni ring a um. Chun, ‘chang’ ti hi ‘fâng’ ti anga bu hrilnaa hmang a ni bok. Chu lei chu ni mei a tih, bu chil zoa chula bu pawla khawsa mazu hi ‘changpawl’ tia an ko chu. Bu a hung vui a, a kûr suou a, a hmawr a hung var hun hi Changer (October) thla an ti a, bu tui pai chu a hung kìng tran a, a thren an lak a, bêlah an zeu (er) a, sumah an sukphek a, chu chu chang-er an tih. Chun, buman (sticky rice) chi khat hi ‘changman’ an ti bok a, mai (pumpkin) hi, abikin hla trongah, ‘changmai’ ti a ni bok.

Chang: Hi thu mal le inkop hin trong hmangruo tam tak a pieng a. Ram mawt (wild plantain), ra ve tho, sienkhom mawt anga fàk tling lo chu ‘hnàchang’ ei ti a, chu chu a hming tlanglawn (common name) a nih. Hnachang chi hrang hrangin hming tum tum an nei nawk a, chuong laia a thren chu changpui, changkêl, changthîr le a dang dang an nih.

Hi thu mal hi khaw tieng (direction) hrilna a na, chang (right) tieng le voi (left) tieng, hma (front) tieng le hnung (back) tieng ei hril phaa hmang lo thei lo a nih. Chun, chang tienga thil chawi hin umzie inthuk tak a nei a, chuong laia pakhat chu ‘ditsak’ amanih ‘pompui’ ti inentirna a nih. Chu chu hmathea hmanga thil ei thaw hi ‘changchawi’ (to take advantage of, to use as an excuse or a reason for) ei tih. Thil danga ei hmang nawk chun ‘tlûn, ngîl’ tina a ni nawk daih. ‘Ngîr chang (tlûn) la, i chang tieng kut kha inchang atin phar rawh’ tia hin ‘chang’ ti hi tlûn le ngîl tina a nih. Nisa inding lai, a lampui chenve a phàk hun ka hril chun ‘sùn-chang’ ka ti bok a, nisa kha inchang taka ngir angin ka hril a nih. ‘A meng chang kher el’ ka ti ruok chun inrum takin a mi mel thu ka hrilna a nih. ‘Ka hachang a’n thak’ ka ti chun ka hazatzie le lungsena ka ha ka rawt el thu ka hrilna a nih. Thlûk tawi hmanga ‘A la meng cháng chàng’ ka ti chun a mit a la meng pei trawk trawk tina na, thlûk sei hmanga ‘A meng châng chàng’ ka ti ruok chun a in naw hun inkar, a meng hun sung ka hrilna a nih. ‘A chal chang (hard) deuh po thrung khawm ei tiu’ ka ti chun puitling, upa tieng ka hrilna a nih. Amiruokchu, ‘chalchàng’ ti hi ziek kop a, chang ti hi a suka ka thlûk chun thi tawm hrangchat intàl lai ka hrilna a ni dai thung a nih. Mi ‘changtlung’ (chang+tlung) ka hril chun mi burip, vangnei le neinung ka hrilna a nih. Nungchang (nung+chang) ka hril chun mihriem khawsaka khawsa a ni le ni naw thu ka hrilna a nih. Amiruokchu, ‘hmangchâng hriet’ amanih ‘nachang hriet’ a poimaw thu ka hril chun thluok hmanga thil thaw dàn hriet le thiem, lungvar nei a poimaw thu ka hril a nih. Hi thil pahni le ‘remchâng hriet’ ti hi thil inzom tlat a nih. Chun, ‘thiem+chang’ (to be justified) ei ti khom hi ei thu mal chai le inzoma trong hung suok a nih.

Chun, ‘chang’ ti hi voi thum a suk le tunga ka lam non a, ‘A chang chang chang raw se’ (Let him/her go to hell) ka ti chun a nuom ang angin khawsa sien, a chungthuah maw ka phur ta naw dingzie le kut ka sawp tah thu ka hrilna a nih.

Inzom lo neng nunga ei hang tar lang tah poa inthok khom hin ei trong hung insiem dàn le kalhmang, ei hmangna thu le inkop le ei lam indik le indik nawin thu a phurzie iemani chen ei hriet thei ka ring. Trong mal tin hin umzie hrang an nei seng a, chu umzie hung insiemna khawlpui chu ei khawsakna le ei khawvel chengna hmun a nih. Trong hi a hung insiemna trobul hriet lo chun hre angin inngai inla khom thiem tak tak thei a ni nawh. Trong hi hnam hnukpui a nih. Trong hi hnam darthlalang a ni bok. Hnam hmangaia inhrila mani hnam chanchin le trong ngaisak si lo chu hmangaina thrang lo, darbenthek nun Paulan a hril (1 Kor 13) ang kha a ni thei. Chuleiin, ei trong hi ngaisakin nasa takin chîk nawkzuol tum ei tiu.

=============
[*Editor's Note: INPUI columnist Pu Keivom is a retired Indian Foreign Service officer, respected Hmar Mizo litterateur and author of 'Zoram Khawvel' series.]

For teenagers and beauty conscious nothing can be more embarrassing and unsightly than an acne outbreak. Whether it’s contributing to the normal teenage angst or causing personal and professional difficulty for adults, acne can be a frustrating problem. Fortunately, there are steps you can take to heal acne without resorting to medication and steps you can take to prevent further outbreaks.

Acne is caused by the production of sebum in the skin just below the surface layer

This excess sebum causes pockets or pimples to develop. The key to healing acne is treating the skin and keeping it as healthy as possible. This means using mild soaps or cleansers and washing your face twice a day. It is extremely important to keep skin clean, but you want to avoid over-washing as that can actually stimulate sebum production.

You should avoid using any kind of rough brushes or sponges on your skin as that can make breakouts worse. And never pick at pimples or pop them. The more you rub at them, the more the sebum inside will spread, which will just make the outbreak worse. And picking at pimples can result in scarring as well.

One of the easiest ways to both combat and prevent acne is by drinking water


Eight glasses of water a day is generally recommended to keep skin properly hydrated. And well hydrated skin is healthy skin, since water can help flush toxins out of your system. The healthier your skin, the less likely you will be to have more outbreaks.

Often, food can be a cause of acne outbreaks

Greasy and spicy foods, chocolate, and dairy products treated with hormones can all cause acne so if you are prone to breakouts, you should avoid these foods as much as possible. There are also some foods which can help to prevent acne, including green vegetables, vegetable juice and foods rich in zinc.

Exercise and acne

Since sweating can also exacerbate acne symptoms, it is important that you avoid heavy exercise during a breakout. If you are prone to acne, you should try and exercise in moderation to avoid excess sweating. Moderate exercise will also help to improve circulation and ease the expulsion of toxins from the body which can alleviate symptoms.

The effect of stress on acne

The other thing to bear in mind is to try and keep yourself stress free as stress can be another direct cause of acne outbreaks. This is particularly true for adult acne, as the stress of everyday life can easily become overwhelming and cause our bodies to react negatively.

Try to remain calm and relax. Yoga, meditation and massage can all help to relieve the body of excess tension.

Nobody likes dealing with acne, but it can be managed and even prevented if you just make sure to treat your skin right. Remember, you only get one skin so it us up to you to take care of it. Eat right, get the proper amount of exercise and avoid stress and you can be acne free and loving the skin you’re in!

src: all4women

Nov 3, 2009: Senvon khawtlang po po inzawmkhawm chun Manipur Simthlanga Chanchintha hung lut kum 100 tlingna chu kum thar January 21-23 khin ropui taka hmang dingin an in singsa mek.

Kum 100 tling hriet zingna dingin Lunghai phun dingin an keikhawm vawng ta a; Senvon a Committee indin khawm dittawk el lovin sin hai a fe tluong theina ding le hma lak a hrat nawk zuol thei na dingin Tuithaphai-ah hai chen sub-Committee an indin tah.

Hrietchieng thei china chu Centenary Hrietzingna Lung hi Pu Rev Rochunga Pudaite hawng dinga sukfel a ni tah. Speaker ding ruok chun Pu Rev Mansang Songate ning a tih.

Hi huna hin Senvon khuo suokhai hrim hrim chu inhmai um der lova thang kim seng chu committee ditdan a ni a; sienkhawm, umna a lo indar tak leiin mi hriet kim el an thei tak naw leiin, mi tin el chu ei sung-le-kuo hai le ei hriet hmai pal hai lo hril pei dinga ngen an nih.

Hming peklut theina ding:
Chairman- Upa Dr Rosangzuol Khawlum, Hmarveng CCpur
Secretary- Thangrohlun, Saikot
Inf. Secy- Laltanvel, Hmarveng.
Mb:+91-9862244823
E-Mail : senvawn@yahoo.com

Nicky Chongneithem is Miss KUT, Damkung Hmar felicitated

Imphal, November 01 2009:
Chief Minister Okram Ibobi said that Kut festival is not just an ordinary cultural festival.

It is a festival which offers a platform to bring peace and harmony amongst the different communities of the state.

He was speaking as the chief guest of the morning cultural programme of the State Level Kut, 2009 celebration, the biggest post-harvest festival of the Chin-Kuki-Mizo communities, organised by the State Level Kut Committee, at the 1st Manipur Rifles Parade ground today.

Chief Minister O Ibobi further noted that the Kut celebration was done at village level on different dates depending on their convenience since time immemorial.

Viewing the importance of the festival, it has been promoted at the State level.

The festival is now recognised by the Union Ministry of Tourism.

The significance of Kut had diminished in the late nineteenth century.

But it has been revived since the late 20th century.

Since its revival, the festival has been celebrated on November 1 every year, the Chief Minister observed.

He said the festival has assumed importance to all communities now.

O Ibobi further said that Kut demonstrates unity in diversity and signifies the principle of living in peace and harmony.

The Kut celebration was graced by Power Minister Phungzathang Tonsing and outer Manipur MP, Thangso Baite as the guest of honour and president respectively.

Shingkhuplin Serto, eminent social worker and chief of Sagang village, Churachandpur was the Kut-Pa (host) of the festival.

Speaking on the occasion, MP Thangso Baite observed that Kut is a day of compromise celebrated once in a year with pomp and gaiety.

Presentation to two prominent personalities among the Chin-Kuki-Mizo communities was another highlight of the celebration.

M Aloysius Zangkhosei Gangte (62) of Tuibuong, Churachandpur and Damkung Hmar (81), of Hmar Veng Churachandpur, social workers were honoured as the Kut personalities of the year.

Observance of one-minute silence in memory of the departed leaders also marked the occasion.

A souvenir was also released by the Chief Minister.

Cultural dances from Kom, Chin, Paite, Simte, Zou, Aimol, Hmar, Chothe, Thangkhal, Mizo, Tarao, Maring, Chiru, Vaiphei and Gangte cultural troupes were showcased.

Braving the sun, thousands of Kutters have turned up to join in the celebration.

Various artistes including Lenchung Haokip (reigning Kuki Idol), Kamminsoi Neihsial, Lalsanglien and party, Ms Liani, Joy Khongsai, Ms Kelly, Kimrose, Benny Khongsai et al have belted out their hit songs to keep the celebration spirit alive.

The celebration stretched till late tonight.

The main highlight of the night programme was the coveted Miss Kut contest.

The festival was also celebrated at different places elsewhere where the Chin-Kuki-Mizo communities felt their presence.The district level Kut was celebrated at Palel in Chandel district.

Nicky Chongneithem is Miss KUT, 2009

Ms Nicky Chongneithem (C) is crowned Miss KUT, 2009 beating 27 other aspiring contestants. Nicky Chongneithem received a cash award of Rs 75,000.Ms Thokchom Pratima (R) is adjudged the 1st runner-up while Ms Elizabeth Ningthoujam is declared the 2nd runner up. The two runner-up title winners bagged Rs 50,000 and Rs 35,000 respectively.

Other subtitles winners were Nicky Chongneithem (Beautiful Eyes), Ms Lunngaikim Buansing (Beautiful Hair), Ms Heikham Anupama (Beautiful Smile), and Ms Christina Vaiphei (Photogenic) .

Source:
Hueiyen News Service/e-pao.net

By The Zozam Times

Aizawl, Oct 29, 2009: Mipat hmeichhiat (Sex) hman chungchangah inzirtirna tha neih tula a hriat avangin Social & Human Rights Activist, Ruatfela Nu (Vanramchhuangi) chuan a zirchianna atangin naupangten an inkhualtelemnaah sex an hmang lem thin tih a sawi a. Hemi chungchang hi ‘Sex Education ‘Fate Kaihhruai Nan’ tih lehkhabu-ah a ziakah a telh nghe nghe.

He lehkhabu-a a ziak dan chuan inkhualtelemnaa sex hman lem chungchangah hian mi 18 te zirchiangin, zawhna 10 a zawt a. “Mi pathum tih loh chuan sex hi an hmang lem thin tih an sawi vek a ni,” a ti. Heng hi nu leh paten an fate sex chungchangah zirtirna dik leh mumal tak pea an hrilhhriat pawimawh a tih em avanga ziak tel a nih thu The Zozam Times a hrilh.

Ruatfela Nu hian Sex Education A AW B (Naupangte Tan) tih leh Tleirawlte Tan tih chu a bu hranin a ziak bawk a. A, AW, B ah hian naupangte ngeiin an chhiara an hriatthiam theih turin a ziak a. “Inlemkhual leh pawntonaah nupa lem chan loh tur,” a ti. ‘Tleirawlte Tan’ tih bu-ah hian sex awmzia, sex hman khawloh chhan, sex chungchangah information dik dawn a pawimawh tihte chu a thuken laimu an ni a. Sex chungchanga tleirawlte zawhna leh chhanna thenkhat a tarlang bawk.

Pathian thu nen inhnerem taka ziak Sex Education chungchang lehkhabu 3 te hi October ni 28 khan I&PR Auditorium-ah School Education Minister Lalsawta’n a tlangzarh a. Hemi ni hian cheng singhnih chuang man hralhchhuah nghal a nih thu kan dawng.

Tuolte Vanglai a...

1. Sungkhaw pa kha a khaw nasa awm ngei, leidar an daw pek a chu,a zuk inhnwm nwk khwm in a la khaw thel tho-Tleia Zote,Vairengte

2. Hmarcha deng inthak tak chu, an thak taluo a, a khuo in an thlir el a nih. Ros, Hyd.

3. -Nunghak pa1 hin tlangval pa1 kawl hril nuom deu nei ni awm takin I..I..eh...a hei ti a,pasal pa chn hriet a chk khpel a,'hril ti naw rwh' a hei ti a.Atwpa chn nuhmei nu chn 'GANGADAR HI SHAKTIMAN A NI' ti'n an dwn. :) Mimte,Haflong

4. Ek hautak pa chu a ek in vawk sing a sing a chawma,millionaire a kai twp-Michael Lungtau,Chennai

5. Lengtul takpa khwm kha a lusipah pa a to hlawl-KKGangte,Tezpur

[Note: Tuolte Vanglai/Tuolte Tales are taken from the '1st Tuolte Vanglai Competition, 2008' organised by 'Hmars' free SMS service (Inpui admin)]

Powered by Blogger.