Ziektu: Pu Zarzolien Keivom.
Ei Lalpa Isu hi khawvela a hung leng lai khan voi khat chu ramhuoi man pasal pakhat, mitdel le trong thei lo chu sukdam dingin Isu kuomah an hung thruoi a, a lo sukdam a, a hung trong suok a, a hmu thei ta nghal bok a. Mipui chun mak an ti hle a, hi pa hi Davida naupa a ni thei el naw ding am a nih? an ti tawl a. Farisaihai ruok chun “Belzibub zawl a ni hi. Ramhuoi lal leiin annawm ramhuoihai a hnot suok hlak” an ti bok. Anni chu Isun a ko a, an kuomah, “Setanin Setan bok iengtin am hnot suok thei a ta? Ram khom ama le ama indo chu a ngir suok thei nawh, chuong ang bokin mani le mani indo sungkuo khom an ngir suok thei bok nawh. Setan khom ama le ama inkhinga a’n do si chun ngir thei naw ni a, bohmang lem a tih” tiin a hril a. Isu thu hril hi a’n dik a ni phot chun eini rawi khom hi ei la bohmang ve el awm de aw! ti chu ngaituo a hun ta ngei!
Isu thu hrilhai po po hi belsa ding le pei hmang ding hlak pakhat khom a um der si nawh. Eini India hmarsaka chenghai, a bik takin Sinlung suok intihai hi ieng thu le hla um bek lo khoma indo thut hmang eini leiin unau phai rama chenghai neka ei hnufuol bik tlat nasan khom hi ni ngei dingin ring a um chu tie! Isun, mani le mani indo sungkuo khom an ngir suok thei bok nawh a lo ti namain. Nambar 35:33 a chun “In umna ram chu sukporche naw ro, Thisen insuona chun ram chu a sukporche a, thisen insuo lei a sukporche ram chu thisen insuotu thisen chau naw chun sukthieng thei a ni nawh” ti ei hmu ang bokin ei umna ram hai hi thisena sukporche ram an ta leiin eini Sinlung suokhai ta dingin thisen insuona hi ei thrangmaw bawk laia pakhat chu ni ngei dingin ring a um. Ei umna ramhai hi a hun le ni ngaituo chun changkang ve fetna khop chu a ni ve tah, sienkhom vervekna le thabona bak hi chu ei hmasawnna hril ding ei hau bek naw niin an lang. Ngirsuok meka inngaihai khom hi a bohmang mekhai ta dingin hmarchadeng khop khom an tling nawh ti inla inkhel naw nih.
A bik takin Sinlung suok laia Hmar intihai hnu le hma tlawmtein la hang sui nawk ei tih. Kum sawmhni le paruk lai liem tah a, Mizorama eini Hmarhai hma lakna kha ei thlir let chun ei thlalak iemani zat zet chu Isu thu hril le inzomin ei thrangmaw bawk hmu ding a um. A voi khatna dinga peaceful bandh an thaw le inzoma India danin a phal anga an lungawi nawna khekpuia lam hrawhai chunga Mizoram pulithaiin kut an thlak leia Manipura an unauhai kuoma an thlasiet thu an hung intlun trum khan nasa takin Hmar ka nih inti taphot lungril le ngaituona chu hnam hmangaina tui lien chun a chimpil phut ni takin an lang. Kei tak ngiel khom ka tui inhlieu thiem le thiem naw khom hril thei loin hnam hmangaina tui lien chun a lipui tieng ami fen lut ve hiel a. A bik takin India hmarsak biela cheng Hmar nauhai lem chu a tar a zurIin hnam lainatna thlipuin a nuoi hmai an um naw ang tluk a nih. Hnam ta dinga tlawmngaia inpe ei tam taluo hiel a, tha le zung le sum le pai khom hnam ta ding chun inro reng ei nei naw a ni deu tak, a nghong khom a na hle reng a nih. Mizoram sorkar thruoituhai khomin thlaphangna ruk tak chu nei ve ngei an tih ring a um. Khang ang khan fe pei inla chu Autonomous Council khom kum tam nor ngai kher naw nih.
Tiena tlanga inthoka ei thrangmawbawk chu mani le mani indo hi a la ni pei, Hrangkhup le Thawnglaiin an tran a, Hmar le Lusei indoin Saizahawl chu Sailo uichalin a thrang nawk a, HPC do let dinga Mizoram uichala thanghai chu Hmar tlangvalhai bok ei ni kha. HPC sukremna dinga Mizoram sorkarin Hmar tlangval trening a pekhai kha MAP let tamin HPCin a thawhla lem a, a thil tum khom lam chenve a hraw hman trawk reng a nih. Isun mani le mani indo sungkuo chu an ngir suok thei nawh a ti hi ei hnam hi a sukdiktu laia pakhat chu ei lo ni zing el. SHDC khom hi ei inthuruolna kei chentu dinga Mizoram sorkar hmangruo poimaw tak a la ni zui pei niin an lang.
Khanga HPC in a thiltum a hlen suok zo ta si naw chun ti a, autonomous council loa lung dam thei lo tlangval threnkhat le kansil membar threnkhat chu inbie tlangin tlawmngai pawl tlangval iemani zat chu ramhnuoia la chambang ding le ram danga la’n tuoi thar dingin thutlukna an lo nei ta a nih. Chu thu chu fe thleng peiin ram dangah khom ei intir nghe nghe a, voisun chen hin a la fe pei a. Chu lai zing chun ring naw tieng pang takin HRA le HRF a hung pieng nawk ta pei a, ieng tak am ei buoipui ti hriet thei lo khop hielin pawl le pawl buoina chun ei ram ei hnam chu thisenin an khat tawkin a’n sil ta pei a nih. Isu thu hril ang hrimin mani le mani indo tlat chun hmasawn dan ding um ngang lo chu, a tawp tawpah chun an hung rem ta reng a. Lalhmingthang keithruoi HPC(D) chu a hung inthrang nawk duok duok a, mipui ngaiven khom a hlaw hle lai zingin Thangsang keithruoi HNA-hai chu an hung inlar suok nawk pei bok. Pawl hnia inkhingna khom khop a um naw nak laiin Peresident pawl le Chairman pawl a hung suok nawk pei a! Ei pi le puhaiin “Ar lungsie, sanghar lunglawm“ an lo ti po chu ei thaw tlut tlut ni takin a’n lang. Ei Pathien thu hi a’n dik a ni phot chun hma sawn nekin ei hnung sawn pei ma ding chu ni ma el naw leh!
Ei thu ziek hi tu khom ei hrilsietna le demna chu a ni der nawh a, mani le mani indo hi ei hnam le ram thrangmawbawk a nizie ei hrilna a ni lem. Ei hnam politiks le kohran ngirhmun enin ei hnam ta dinga thil thra le ngaidan hril suok ngam khom ei um ta naw ni deu takin an lang. Pawl a ngir ta hlak chun a thloptu ding le trantu ding hlak bo lo me, a poi ti bak chu hril ding a vang a ni tak! Kei khom voi tam tak hnam hi thisan ka tum hlak. Sienkhom, ei hnamin siet a tuok pha ka tuorna em em hlak si leiin min an lungrila an pai an hril ngam lo am ei ti ding an hril nuom lo chu hril lo thei loin a mi kap tlat leiin insum pumin ei ram le hnam thrangmawbawk chu mani le mani indo hi a nizie le Isu trong bau sukdiktu laia ppakhat ei nizie ei hang suklang chau lem a nih.
Mani le mani indo sungkuo lai hin kohran khom ei him bik chuong der nawh niin an lang, ei ram ei hnam chanchin ei hang hril tahai po po khom hi kohran thlalak indik tak niin an lang. Pathien kohran intihai hmana pawl thichil ei ngam chun ramhnuoi sipaihai lem chun an va ngam nasa lem awm de aw! Isu lem chun mani unau theidatu chu tuolthat a nih a ti thlawt el a nih. Chuong a ni si lem chun kohranhai hin tuol ei lo that nasa ta awm de aw! Mani le mani indo sungkuo ei lo ni ve zing el chu tie. Zabili lawm zet ta hnung khoma mani khata rong la bawl thei loa fawrena kutdaw dinga lan tir deu zing el hi chu piengsuolna chi khat chu a ni ngei el, lu chau inthranga pum inthrang thei lo mi piengsuol nungchang le um dan a ni tlat leiin theida thei naw ma nih. (KEIVOM RUN (Greater Noida)31 July 2014.
“Setanin Setan bok iengtin am hnot suok thei a ta? Ram khom ama le ama indo chu a ngir thei nawh. Mani le mani indo sungkuo khom an ngir suok thei bok nawh. Setan khom ama le ama inkhinga a’n do si chun ngir thei naw ni a, bohmang lem a tih”. Isu (Marka 3 :23).
Isu thu hrilhai po po hi belsa ding le pei hmang ding hlak pakhat khom a um der si nawh. Eini India hmarsaka chenghai, a bik takin Sinlung suok intihai hi ieng thu le hla um bek lo khoma indo thut hmang eini leiin unau phai rama chenghai neka ei hnufuol bik tlat nasan khom hi ni ngei dingin ring a um chu tie! Isun, mani le mani indo sungkuo khom an ngir suok thei bok nawh a lo ti namain. Nambar 35:33 a chun “In umna ram chu sukporche naw ro, Thisen insuona chun ram chu a sukporche a, thisen insuo lei a sukporche ram chu thisen insuotu thisen chau naw chun sukthieng thei a ni nawh” ti ei hmu ang bokin ei umna ram hai hi thisena sukporche ram an ta leiin eini Sinlung suokhai ta dingin thisen insuona hi ei thrangmaw bawk laia pakhat chu ni ngei dingin ring a um. Ei umna ramhai hi a hun le ni ngaituo chun changkang ve fetna khop chu a ni ve tah, sienkhom vervekna le thabona bak hi chu ei hmasawnna hril ding ei hau bek naw niin an lang. Ngirsuok meka inngaihai khom hi a bohmang mekhai ta dingin hmarchadeng khop khom an tling nawh ti inla inkhel naw nih.
A bik takin Sinlung suok laia Hmar intihai hnu le hma tlawmtein la hang sui nawk ei tih. Kum sawmhni le paruk lai liem tah a, Mizorama eini Hmarhai hma lakna kha ei thlir let chun ei thlalak iemani zat zet chu Isu thu hril le inzomin ei thrangmaw bawk hmu ding a um. A voi khatna dinga peaceful bandh an thaw le inzoma India danin a phal anga an lungawi nawna khekpuia lam hrawhai chunga Mizoram pulithaiin kut an thlak leia Manipura an unauhai kuoma an thlasiet thu an hung intlun trum khan nasa takin Hmar ka nih inti taphot lungril le ngaituona chu hnam hmangaina tui lien chun a chimpil phut ni takin an lang. Kei tak ngiel khom ka tui inhlieu thiem le thiem naw khom hril thei loin hnam hmangaina tui lien chun a lipui tieng ami fen lut ve hiel a. A bik takin India hmarsak biela cheng Hmar nauhai lem chu a tar a zurIin hnam lainatna thlipuin a nuoi hmai an um naw ang tluk a nih. Hnam ta dinga tlawmngaia inpe ei tam taluo hiel a, tha le zung le sum le pai khom hnam ta ding chun inro reng ei nei naw a ni deu tak, a nghong khom a na hle reng a nih. Mizoram sorkar thruoituhai khomin thlaphangna ruk tak chu nei ve ngei an tih ring a um. Khang ang khan fe pei inla chu Autonomous Council khom kum tam nor ngai kher naw nih.
Tiena tlanga inthoka ei thrangmawbawk chu mani le mani indo hi a la ni pei, Hrangkhup le Thawnglaiin an tran a, Hmar le Lusei indoin Saizahawl chu Sailo uichalin a thrang nawk a, HPC do let dinga Mizoram uichala thanghai chu Hmar tlangvalhai bok ei ni kha. HPC sukremna dinga Mizoram sorkarin Hmar tlangval trening a pekhai kha MAP let tamin HPCin a thawhla lem a, a thil tum khom lam chenve a hraw hman trawk reng a nih. Isun mani le mani indo sungkuo chu an ngir suok thei nawh a ti hi ei hnam hi a sukdiktu laia pakhat chu ei lo ni zing el. SHDC khom hi ei inthuruolna kei chentu dinga Mizoram sorkar hmangruo poimaw tak a la ni zui pei niin an lang.
Khanga HPC in a thiltum a hlen suok zo ta si naw chun ti a, autonomous council loa lung dam thei lo tlangval threnkhat le kansil membar threnkhat chu inbie tlangin tlawmngai pawl tlangval iemani zat chu ramhnuoia la chambang ding le ram danga la’n tuoi thar dingin thutlukna an lo nei ta a nih. Chu thu chu fe thleng peiin ram dangah khom ei intir nghe nghe a, voisun chen hin a la fe pei a. Chu lai zing chun ring naw tieng pang takin HRA le HRF a hung pieng nawk ta pei a, ieng tak am ei buoipui ti hriet thei lo khop hielin pawl le pawl buoina chun ei ram ei hnam chu thisenin an khat tawkin a’n sil ta pei a nih. Isu thu hril ang hrimin mani le mani indo tlat chun hmasawn dan ding um ngang lo chu, a tawp tawpah chun an hung rem ta reng a. Lalhmingthang keithruoi HPC(D) chu a hung inthrang nawk duok duok a, mipui ngaiven khom a hlaw hle lai zingin Thangsang keithruoi HNA-hai chu an hung inlar suok nawk pei bok. Pawl hnia inkhingna khom khop a um naw nak laiin Peresident pawl le Chairman pawl a hung suok nawk pei a! Ei pi le puhaiin “Ar lungsie, sanghar lunglawm“ an lo ti po chu ei thaw tlut tlut ni takin a’n lang. Ei Pathien thu hi a’n dik a ni phot chun hma sawn nekin ei hnung sawn pei ma ding chu ni ma el naw leh!
Ei thu ziek hi tu khom ei hrilsietna le demna chu a ni der nawh a, mani le mani indo hi ei hnam le ram thrangmawbawk a nizie ei hrilna a ni lem. Ei hnam politiks le kohran ngirhmun enin ei hnam ta dinga thil thra le ngaidan hril suok ngam khom ei um ta naw ni deu takin an lang. Pawl a ngir ta hlak chun a thloptu ding le trantu ding hlak bo lo me, a poi ti bak chu hril ding a vang a ni tak! Kei khom voi tam tak hnam hi thisan ka tum hlak. Sienkhom, ei hnamin siet a tuok pha ka tuorna em em hlak si leiin min an lungrila an pai an hril ngam lo am ei ti ding an hril nuom lo chu hril lo thei loin a mi kap tlat leiin insum pumin ei ram le hnam thrangmawbawk chu mani le mani indo hi a nizie le Isu trong bau sukdiktu laia ppakhat ei nizie ei hang suklang chau lem a nih.
Mani le mani indo sungkuo lai hin kohran khom ei him bik chuong der nawh niin an lang, ei ram ei hnam chanchin ei hang hril tahai po po khom hi kohran thlalak indik tak niin an lang. Pathien kohran intihai hmana pawl thichil ei ngam chun ramhnuoi sipaihai lem chun an va ngam nasa lem awm de aw! Isu lem chun mani unau theidatu chu tuolthat a nih a ti thlawt el a nih. Chuong a ni si lem chun kohranhai hin tuol ei lo that nasa ta awm de aw! Mani le mani indo sungkuo ei lo ni ve zing el chu tie. Zabili lawm zet ta hnung khoma mani khata rong la bawl thei loa fawrena kutdaw dinga lan tir deu zing el hi chu piengsuolna chi khat chu a ni ngei el, lu chau inthranga pum inthrang thei lo mi piengsuol nungchang le um dan a ni tlat leiin theida thei naw ma nih. (KEIVOM RUN (Greater Noida)31 July 2014.
Post a Comment
Comments not related to the news or article may be deleted.