Eini HMAR hai hin iengti in am ei ti ve ding? Eini khawm ei Ram hi siem ve tang ei tiu.

Ziektu: LRS Puruolte.

"Dutch ha'n, Pathien-in khawvel a siem a, Dutch ha'n Holland/Netherland kan siem," an ti chuh! Eini HMAR hai hin iengti in am ei ti ve ding?

Dutch hai hin an ram Netherland chau siem lovin ei unau RPC hai zarin ei Hmarram le ei unau hnam dang danghai ram chen an hung siem a nih. Vawisunni khawm hin an la siem zing.

Ei ram siemtu ding hin MLA/MDC/Politician/Officer/Contractor/Pastor/Hnam sunga NGO/Organisation/Kohran/Foreign le a dang dang hai chau kut ah ei sie bik el am? Mitin mawphurna a nih. Ei theina zawn seng ah changin hma la inla, chu chun ei ram ei siem chu a ni ve el. Ei mawphurna mani sin/hlaw lakna/fakzawngna/inhlawna haia ringum seng inla, ei RAM ei siem chu a lo ni zing el!... Chuchu ei biek, ei hnam le ram-in Kum Za neka tam a lo zui tah, ei PATHIEN THU khawm a nih.

Eini khawm ei Ram hi siem ve tang ei tiu. "Hmar ha'n, Pathien-in khawvel a siem a, Hmar ha'n Hmarram (Hmar umna taphawt khuo le veng) kan siem," ei ti ve vatna dingin HMAR hai hin THANGRUOLIN, LUNGRUOLIN HNAM TAD'N KAL PEN SUP SUP EI TIU. Indem, inhrilsiet, indo, inthattuo, inkhik inkhalna hai po po hin ram ropui mi'n tlun naw tawp a tih.

Chu nek chun in tawngtai puituoin, in thangpuituo lem ei tiu. Chu chau chun ei ram le hnam, khawtlang dam a tih.