(Destination Hmar Hills – Part 1)
By Robert L. Sungte
Ka pieng le murna ram, zosum bawm tlang dung le daidaw riekna muol le khanghai chu kum thum zet sir hman ta loa India Information Technology hmunpui Bangalore-a khawsa ni lang khom, Hmar Hills ka ngaina hi rè nek hmanin, ‘Hmarram’ ti thumal hi ka lungril phekpuiah 'tattoo' anga nawt bo thei loa inziek hiel am a ni ding, ni tinin ka ngaina a zuol deu deu tlat chu tie! Kan naupang laia tlangsam buk hnuoia bukte bawl a, sephum kan cho suokhai chu insiktir a, inbikbika thaw a, inhnelna chi tum tuma hlim taka kan inhnel hun lai dam kha zanita thil tlung ang elin mitthlaah a la thar a, hlui zai a rĕl nuom nawh. Hun liem tahai kha ko kir thei ni sien nuom a um thei ngei.
Chuonga Hmar Hills hmu nawk kar nghakhla taka lungril ka’n len vel lai chun, ‘Iengtik am chawl la thei ka ti aw’, ti'n remchang ka dap vel a. Pathienin hun remchang mi hung siempekin, December 11, 2013 – January 31, 2014 sung chawl lak a hung rem ta thut a. Chuongchun, North East India tieng ni 45 vel hlawk taka hmang dan ding ka nuhmei Lily Parmoi leh kan phan mol mol nghal a.
December 12, 2013 khan, ‘Garden City of India’ ti-a mi hril huoi huoi, Bangalore-a inthok chun vuongnaa Guwahati pan dingin airport panin taxi-in kan intawl suok a. Bangalore International Airport thar lampui hi a ruola motor 10 (10-lane) inpel zut zut theina a ni leiin chawl dêr loin airport, km 35 a hla chu minute 20 velin kan tlung a. Vuongna kan lut hnung chun, kum 2010 a Ruonglevaisuo le Lungthulien inkara Tipaimukh National Highway-a kan inzin trum, lampui thra naw taluo't leia motor a kai thei nawna poah passenger-hai kan trum lai hai dam kha lungril mitah a hung inlang a. Tuihokin a hor kuok lampui inkhurna deu le vadungte le ruom, chirdiek tamna taphotah motor ke intangin sirsana a hmang ding lung pha a, motor ke kara lampui pawng zuolna po bawngtuthlawa cho hnuoi ngat ngat a trûl pei lai le tuta kan lam hraw hang inthlauzie chu hrilin a siek nawh. Ei rama ni khat ei thangnaa hin lamlien thratnaa chuh darkar khat khom a lak nawh.
Bangalore le Guwahati inkar hi vuongnaa fe chun Kolkata sir ngei ngei a ngai: Bangalore-Kolkata-Guwahati. Darkar thum le a chenve vel sum chungah um a trûl a, ring nekin a sawt nuom el. Ka nuhmei le kan naute, kum khat le thla riet mi chun hadam takin an mi insan a. Kei ruok chu bus a ka chuong dan pangngai anga thawin, vuongna tukvera inthokin sum inzar duoi le a bawm nawna chin, van boruoka tuipui um ni âwm taka inlang chu ka thlir vel a. Mawi tak le hmu nuomum tak khom ni sien, a pangngai ngot darkar thum chuong zet hang en chu a’n hoi sawt chuong nawh. Bus-ah tukver bula ka thrung ruok chun lampui intluonin thil thar hmu ding a tam leiin sun le zan khom hin ka in ngai meuh nawh. Mihriem mizie hi a lo mak ngei! Tipaimukh road anga lam kawi le inkhur det dut um nawna van boruoka ei intawl ham ham khoma ning an tel hman tho a nih!
Kolkata inthoka kan suok, Bangladesh ram chunga iemani chen kan vuong hnung, India ram kan hei lut tawm chun kan chuongna IndiGo vuongna chun sumpui a nêr leiin a hung intet buk buk a; ngai a thra chie naw ie. Minit hni vel hnungah sumpui intûr ngûk kan ner thleng char chun ka lungrilah hieng hin indonna a hung suok a: "Inhoi taka sawt tak fe am? Annawleh, inhoi naw taka tawite fe?" Hang thlang ding bik hre loin, ka mimawl varna le lekha hrietna khom an inbuon chai chai a, an insel kuol a; anachu, a ieng lem hi'm thai rang lang thrang a ta, ti chu an mi la hril thei hri nawh.
Hung sawt naw teah Guwahati airport-a trum ding kan ni thu pilot chun a hung puong a. Sûm a sà leiin trum dinga vuongna zuk inbir thlak, sum pik a ner lai chun vuongna chu a hung intet nawk buk buk a; tukvera inthoka ka hei en hlak chun an thim mup bok si. Kha hmaa ngai thrat naw ka hril kha chu thra tak a nih. Sum chunga vuong laia khawthlir sukinhoitu sumpui inzar duoihai kha a sung ei hang lut meuh chu a lo inthim nasa ngei!
Nisienlakhom, minute khat hnungah phai leilethai chu fie takin a zuk inlang thei ta a, ngai a thra nawk zăn tah. Ngaituona himaw taka hun tawite um nek chun sawt tak, muk taka thrunga lungril hadam taka um kha a lo van hoi veng veng ngei! Minute hni vel hnungah vuongna ke-in 'runway' a zuk hrut phei a. Dam takin Guwahati kan intawl lut tah a nih.
(Destination Hmar Hills – Part II)
 |
| Lungmuong taka hun hmang a lo hlu ngei. |
By Robert L. Sungte
Ka pieng le murna ram, zosum bawm tlang dung le daidaw riekna muol le khanghai chu kum thum zet sir hman ta loa India Information Technology hmunpui Bangalore-a khawsa ni lang khom, Hmar Hills ka ngaina hi rè nek hmanin, ‘Hmarram’ ti thumal hi ka lungril phekpuiah 'tattoo' anga nawt bo thei loa inziek hiel am a ni ding, ni tinin ka ngaina a zuol deu deu tlat chu tie! Kan naupang laia tlangsam buk hnuoia bukte bawl a, sephum kan cho suokhai chu insiktir a, inbikbika thaw a, inhnelna chi tum tuma hlim taka kan inhnel hun lai dam kha zanita thil tlung ang elin mitthlaah a la thar a, hlui zai a rĕl nuom nawh. Hun liem tahai kha ko kir thei ni sien nuom a um thei ngei.
Chuonga Hmar Hills hmu nawk kar nghakhla taka lungril ka’n len vel lai chun, ‘Iengtik am chawl la thei ka ti aw’, ti'n remchang ka dap vel a. Pathienin hun remchang mi hung siempekin, December 11, 2013 – January 31, 2014 sung chawl lak a hung rem ta thut a. Chuongchun, North East India tieng ni 45 vel hlawk taka hmang dan ding ka nuhmei Lily Parmoi leh kan phan mol mol nghal a.
December 12, 2013 khan, ‘Garden City of India’ ti-a mi hril huoi huoi, Bangalore-a inthok chun vuongnaa Guwahati pan dingin airport panin taxi-in kan intawl suok a. Bangalore International Airport thar lampui hi a ruola motor 10 (10-lane) inpel zut zut theina a ni leiin chawl dêr loin airport, km 35 a hla chu minute 20 velin kan tlung a. Vuongna kan lut hnung chun, kum 2010 a Ruonglevaisuo le Lungthulien inkara Tipaimukh National Highway-a kan inzin trum, lampui thra naw taluo't leia motor a kai thei nawna poah passenger-hai kan trum lai hai dam kha lungril mitah a hung inlang a. Tuihokin a hor kuok lampui inkhurna deu le vadungte le ruom, chirdiek tamna taphotah motor ke intangin sirsana a hmang ding lung pha a, motor ke kara lampui pawng zuolna po bawngtuthlawa cho hnuoi ngat ngat a trûl pei lai le tuta kan lam hraw hang inthlauzie chu hrilin a siek nawh. Ei rama ni khat ei thangnaa hin lamlien thratnaa chuh darkar khat khom a lak nawh.
Bangalore le Guwahati inkar hi vuongnaa fe chun Kolkata sir ngei ngei a ngai: Bangalore-Kolkata-Guwahati. Darkar thum le a chenve vel sum chungah um a trûl a, ring nekin a sawt nuom el. Ka nuhmei le kan naute, kum khat le thla riet mi chun hadam takin an mi insan a. Kei ruok chu bus a ka chuong dan pangngai anga thawin, vuongna tukvera inthokin sum inzar duoi le a bawm nawna chin, van boruoka tuipui um ni âwm taka inlang chu ka thlir vel a. Mawi tak le hmu nuomum tak khom ni sien, a pangngai ngot darkar thum chuong zet hang en chu a’n hoi sawt chuong nawh. Bus-ah tukver bula ka thrung ruok chun lampui intluonin thil thar hmu ding a tam leiin sun le zan khom hin ka in ngai meuh nawh. Mihriem mizie hi a lo mak ngei! Tipaimukh road anga lam kawi le inkhur det dut um nawna van boruoka ei intawl ham ham khoma ning an tel hman tho a nih!
Kolkata inthoka kan suok, Bangladesh ram chunga iemani chen kan vuong hnung, India ram kan hei lut tawm chun kan chuongna IndiGo vuongna chun sumpui a nêr leiin a hung intet buk buk a; ngai a thra chie naw ie. Minit hni vel hnungah sumpui intûr ngûk kan ner thleng char chun ka lungrilah hieng hin indonna a hung suok a: "Inhoi taka sawt tak fe am? Annawleh, inhoi naw taka tawite fe?" Hang thlang ding bik hre loin, ka mimawl varna le lekha hrietna khom an inbuon chai chai a, an insel kuol a; anachu, a ieng lem hi'm thai rang lang thrang a ta, ti chu an mi la hril thei hri nawh.
Hung sawt naw teah Guwahati airport-a trum ding kan ni thu pilot chun a hung puong a. Sûm a sà leiin trum dinga vuongna zuk inbir thlak, sum pik a ner lai chun vuongna chu a hung intet nawk buk buk a; tukvera inthoka ka hei en hlak chun an thim mup bok si. Kha hmaa ngai thrat naw ka hril kha chu thra tak a nih. Sum chunga vuong laia khawthlir sukinhoitu sumpui inzar duoihai kha a sung ei hang lut meuh chu a lo inthim nasa ngei!
Nisienlakhom, minute khat hnungah phai leilethai chu fie takin a zuk inlang thei ta a, ngai a thra nawk zăn tah. Ngaituona himaw taka hun tawite um nek chun sawt tak, muk taka thrunga lungril hadam taka um kha a lo van hoi veng veng ngei! Minute hni vel hnungah vuongna ke-in 'runway' a zuk hrut phei a. Dam takin Guwahati kan intawl lut tah a nih.
(Destination Hmar Hills – Part II)
Well said...
ReplyDelete