Tipaimukh Dam Chungthu-a HNA President Tawngkam

By Lalthangsang Intoate, HNA Leader

Mihriem ta ding hin electrict mei-eng / kawlphetha hi a pawimaw ang hrimin, khawvel
rambung sawrkar tinhai chun, an ram sunga electrict mei-eng lak suok theina hmun hrim hrimhai chu hla reng tum lovin kawlfai kel tumin \hang an lak mup mup seng a. Chuongang bawkin ei chengna ram India sawrkar thlungpui ngei khawm chun, kan ram ei lo ti ve sunhai ram kilkhawr tak tak a hai chun, electrict mei-eng lak suokna ding DAM chu hmun nga (5) lai hielah siem ve tumin hma a lak mek a. Chuleichun, ei hnam sunga mithiem mivar tamtak hai lungril a sahal a, an bei a dawng takzet bawk a, an ngaidan hai khawm mipui mimirin tamtak ei hriet ta bawk a nih.

Tipaimukh Dam hin Hmar hnam boral theina le damkhawsuok theina thil inthup a phur hrim a, chu thil chu ngaituona pawnlang tak neia hrietsuok el thei chi an naw a nih. Chuleiin, Tipaimukh Dam hi a hming, ‘DAM’ ani ang hrimin, Hmar hnam damkhawsuok theina ding thil hung phurluttu ani theina ding chun, nang le kei hin mawphurna insang tak ei nei a nih.

Ngaituona pawnlang lo tak pakhat, Genesis & Science ti lekhabu a chun, “Ei chengna khawvel hi Pathienin a siem khan mihriem vaibelsie sangnga cheng theina dinga a siem a na, sienkhawm, mihriem chu vaibelsie sangnga tling phak thei ngai nawng ei ta, ei phak insangtak ah vaibelsie sang hni za nga ei tling thei chau ding a nih. Chuleiin nau sukthlak le insiem (family planning) thaw hi Pathien lawm zawng ani naw ding a nih” ti thu hi an ziek a. Tuhin, khawvela mihriem popo hi vaibelsie (crore) zakuo vel tling phak awr chau ding ei nih. Chuong chu ani lai zing, ei chengna khawvel hi ei thlir chun, Delhi hi hieng anga a fe pei chun, kum 30/40 hnungah chu fly-over in a sip el dim chu maw?.. China khawpui tak hlak chu traffic jam-in ni riet hlawl a aw an ti bawk. Hmar politician-hai chau ni lovin, khawvel rambung tina politician-hai tak tak khawm hin ngaituona inriltak neia, Pathien thiltum le a lungril puthmang hrea mani ram chau ni lova khawvel pum huop politics hi an khel a tul ta a nih.

Tipaimukh Dam hi khawvela Dam insang tak ding ti kha a nia, sienkhawm an sukhnuoi nawk met ding nia hriet a nih. Tha / power pek suok thei zawng a khawm, Asia khawmuolpuia a lien tienga pathumna ni dinga ti a nih. Tipaimukh Dam chau ni loin Tuivai Dam, Tuiriel Dam, Bairabi Dam le Serlui Dam hai hi Hmar hnam delna rama innghat ani nawk ta pei a. Hmar hnam hi Pathienin iengang ngirhmun’am sie a tum ninga ta? tia ngaituona hei pek meu chun, ei mithiem mivarhai lungkhamna hi belchieng a dawl hle a nih.

Hmarhai hi \obula chienglo hnam ei ni ang hrimin, politics-a ei inhnuoi zie hi hrilin a phak naw a nih. South East Asia biela cheng, hnam \obula chieng lo, Tibeto-Burman or Sinlung suokhai lai hin a bikin, Zohnathlak hieng Chin, Kuki, Mizo, Zomi, Hmar intihai hi politics ah ei inhnuoi bik hle a. Chulai chun, ei ni Hmar intihai hi ei lan hnuoi bik nawk zuol a nih. Sienkhawm, hnam changkang tak tak khawma an thawhla em em hlak, DAM ropui tak, Asia ram pumpui a khawm a lien pawl tak Tipaimukh Dam le, Dam van tlang tak tak pali lai zetin a mi hei tuom vel el ding chu mihriem ngaituona ringawt a chun, “Boralna’n a mi hmuok zing a nih” ti naw ruol an naw a nih.

“Sawrkar thlungpui hin Tipaimukh Dam hi a bawl tak tak ding ani si chun, a ram hi a sie vawng ding a na; a thlengna dingin ram mi pe rawse” ti inla hlak, mi \henkhatin an tinzawn tak, Khawbawn tlang hlak chu Hmar ram tho a ni bawk si a. “India khawpui hmun pakhatah mi sie ro” ti ding ni inla hlak, hnam inhumhimna pek ei ni naw chun, hnam boral or refugee hnam ei ni bawk ding si. Chuleiin, India danpui, India Constitutiona tribal / hnamhnuoihnung inziekluthai hrim hrim chu, inhumhimna pek an ni ngei ding a nih, tia dan siema um chu, eini Hmar hnam khawm hin kiltina inthawka inkhi khawmin ei phu ve zing lai, ei politics infuk chie naw leia vawisunni chena ei la dawng lo chu hmu / dawngna remchang nia ngaiin, tuhin, “NO SAFEGUARD NO DAM, HUMHIMNA BO-IN DAM BAWL PAWM LO” ti thu chu Hmar hnam SLOGAN / KHEKPUI dinga thlang suok alo ni ta a nih.

Tipaimukh District Demand le inzawma tawngkam \henkhat:
* Hmar Inpui-in Tipaimukh Dam Committee an dinna san tak chu, Tipaimukh biel suksiet vawng ani ding chungchanga hin pumpel theina lampui zawngtu dinga indin ani a; sienkhawm mumal takin an hmalakna chu a fe thei nawh a: tuhin hieng ang thil hi a hung suok ta si chun, hi neka thil\ha hi aum thei chuong ding an naw leiin a puitling ngeina dingin theitawp suotlang a \ul a nih. Ti em a chu Pherzawl ADC ringawt khawm hi ani dan ding ang takin fe sien, chu ringawt khawm chu hnam ngirsuokna tham a tling ding a nih. District puitling, 6th Schedule
safeguard nawk lek lem chu hmu thei inla duthusam a nih. Pu Lal\halien, Secretary, Hmar Inpui, Hqrts.

*Keiin thu / lekha-in do theina popo-in ka do a, chu taka ka lungril beiseina lien tak chu, “Hnam sipai/revolutionary party-a inthawk hin Tipaimukh biel boral nawna ding hi ieng thil tak him thawhai sien pumpel thei ninga ta?” ti hi a nih a. Tuhin hieng ang thil a hung pieng hi ka lawm takzet a, hi thil hi a puitling ngei theina dingin theitawp ei suo a \ul a nih.
Tv. David Buhril, Chairman, SIPHRO.

* Tipaimukh Dam hi ei dang theiruol ding an nawha; boralna ding laka pumpel theina chu ei mamaw takzet a, chu ding chun Safeguard chu duthusam a nih.
Pu John H Pulamte, President, HSA. Hqrts.

*Hieng chen chen hi in phak taa, in topui \awk \awk a ni? Theitawp ei suo tlang ding a nih.
Pu HT Sangliana, Vice-Chairman, National Commission For Minorities.

* Hnam humhimna nei lo chun changkangna lampui hraw chu harsa tak a nih. “NO SAFEGUARD NO DAM WE DEMAND AUTONOMOUS DISTRICT UNDER SIXTH SCHEDULE AND SOCIO-ECONOMIC SECURITY FOR PEOPLE AFFECTED BY TIPAIMUKH DAM’ ti hi Mizo sap \awng amanih, Hmar sap \awng amani khawm nilo, tuipuiral \awng indik tak a hawi khawp el, a thil tum khawm hin kawngro deng sien a hawi hle hi tie..
Pu L Keivom, Zoram Khawvel lekhabu ziektu.

* Hmar hnam hin ei thil ngen hi awlsam takin ei hmu naw khawma, Constitutional Advocate ruoiin Supreme Court ah sawrkar thlungpui hi hek theina ding san tha tak ei nei a nih. Asanchu, India danpuiin Tribe pakhata ami pawm ei ni angin humhimna/safeguard khawm ami pek ngei ding a nih. Chuchu, India danpuibu, India Constitution bupuia chuong a nih. Chu khingna ding chun sum tamtak seng ngai sienkhawm, Hmar hnam hin chu khingna tham sum chu ei nei a nih.
-Pu Daineikung Pudaite.

Tipaimukh biel MLA ni mek, Pu Ngursanglur le MLA ni tuma kam pet mek, Pu Chaltonlien le Pu Lallukhum-hai pathum hin iem an hril vea? ti chu la tlangzar naw phawt ei tih.