‘Hmasawnna Thar’ speaks, finally!

Feb 7, 2010: In a surprising development, Hmasawnna Thar, the only Hmar language daily in Manipur’s Tuithraphai valley, took a strong stand against what its called ‘bitter competition’ among the Hmar churches in view of the recent Gospel Centenary celebrations.

The Sunday edition of the paper in its editorial said: “If the Gospel Centenary does not produce results, all the money and preparations that had gone into the celebration project would be in vain.”

It also asked churches to take steps towards reconciliation for creating  a spirit of unity.

Below is the Editorial from Hmasawnna Thar

Ei rama Krista Chanchin\ha a hung lut a kum zakhat tlingna ei lawm hi lawm ding hrim, lawm phu hlie hlie a nih. Tulai tak hin Hmar mi le Hmar Kohranhai lai Gospel Centenary an lar em em a, thu dang hrim hrim an lengnaw a, Gospel Centenary lawmna thuin a mi bawde hne hle a nih. Pathien nekin Gospel Centenary lawmna hin inlalna le ropuina chang lem pal hlau rawi a tih ti hi thil inlauum takel a nih. Churachandpur district a chun Gospel Centenary lawmna hi a la fe pei ding ani a, Hmar Kohran le Kohran pawl dang danghai khawma an la hung lawm pei ding an leiin Gospel Centenary lawmna chun tu kum sung hi a dai ding a nih. Gospel Centenary ei lawmna hin ra \ha an suo naw chun Churachandpur District mipui han Gospel Centenary ei lawm hi a hlawsam let der ani ding a nih. Hieng ani lei hin ra \ha a hung insuo ngei theina dinga Kohran pawl tum tumhai hin \hang ei lak a \ul a nih.

Gospel Centenary lawmnaa hin sum cheng nuoitel ei hmang ral ding a nih ti chu a chieng hle a. Sum nuoitel ei seng baka ei hun \ha, ei tha hratna, ei varna le thiemnahai ei hmangin ei seng nasa hle a. Chu taka ei ram le hnam, ei kohran le ei khawtlang ta dinga thil\ha chiterek bek khawm a hung rasuoknaw chun Gospel Centenary ei lawmna chu umzie bo, Gospel Centenary hlawsam a hung ni ding a nih. Gospel Centenary ei lawmna hin Hmar Kohran pawl hran hranhai lai inremna, inpumkhatna le inthuruolna dam, Hmar hnamhai laia inpumkhatna le inthuruolna dam, Churachandpur District sunga tribe chi tum tum umhai lai inremna, inthuruolna le inpumkhatna \halem hung rasuok ngei sien nuom a va um lawm lawm ngei deh! Kohran pawl tum tumhai laia inelrelna, intheidana, inremnawna, inhmusitna, indemna le inhrilsietna umhai popo hi ei Gospel Centenary lawmna hin hung \hiekin hung sukbo ngei sienla nuom a um hle.

Gospel Centenary ei lawmna hin ra \ha a hung insuo ditna le beiseina dam hi Kohran \huoituhai le kohran member-hai lai a um am aw? Chuongang ditna le beiseina ei neinaw chun Gospel Centenary ei lawmna chu Pathien \hang lova ei lawm tina a hung ni ding a nih. Gospel Centenary lawmtuhai popo ei lungril kawtkharhai thienghlim taka hawnga ei inennawn seng nuom a um ngawt el a nih. Gospel Centenary lawm hun sung hi khar a \ul am? ti dam hi ei ngaituo a \ulin an lang. Kum 100 lawmna chu khar khawm lo ni inla, Chanchin\ha ei lawmna hun hi khar tak tak pal ei tih, ti khawm inlau um takel a nih. Gospel Centenary lawmna Programme bik chu suktawp nisienlakhawm, Gospel Centenary lawmna hi khar el chi niin an lang nawh. Kohran baka pawl tum tumhai khawmin Chanchin\ha ei dawng hi ei lawmzing ding a nih.

Chanchin\ha hi ei ram, ei hnam, ei kohran le mimal tin mi keithova mi sukhartu le mi siem \hatu, tuta ei ngirhmun neka \halem le insanglema mi chawisangtu ani takzet a, chuleiin, ei nitin, thlatin le kumtin hun hmangnaah Chanchin\ha hi lawmzing lem ding an naw ding maw. Pathien rawngbawlna hi miin sumdawngnaa an hmang chun suol a hnai tina a nih. Kohran khawm hi a khawvel tiel tiel a, thawlawm baka sum sukpungna chi tum tum ei siem a, Biekin compound le Verandah hai chen sumdawngnain ei hmang ta niin an lang. Jerusalem Temple sukthienghlimtu khan tulai hin mi hung kan ve sienla chu “Ka Pa in sumdawngna hmuna siemnaw ro” tiin a mi baukhat el thei ti khawm inlau um takel a nih. Pulpit tlanga thu \ha tak tak ei hril a, ei bul ela um nawchizawrhai le inruithei ngawlvawi, \hangpui ngai ngawi ngawihai chu Samari mi\ha tekhin thua thiempu ang el khan lampui sir a ei hel nawk si a, Pastor, Kohran upa le Pathien thuhriltuhai lai hin \halaihai suottu, inruithei ngawlvawi le nawchizawrhai ti takzeta invawi a, imu intuo lo hiela hmangaitu iengzat am um an ti aw?

Gospel Centenary ei hmang le lawmna hin hiengang mihai hmangai theina dam hung rasuok ngei sien nuom a um ngei el. Gospel Centenary ei lawmna hmun hi ei thuomhnaw thar le mawihai inentirna, ei inlalna, ei nina le ropuina ei inentirna hmun dam ni pal a tih ti hi inlau um takel a nih. Chuonganga ei lo hmang pal ani chun Gospel Centenary ei lawmna hin ra \ha le ditum an suo naw ding a nih ti chu a chieng em em el a nih. Kohranhai hin tulaina, huou huouna le hlimhlawpna thil ei uor taluo deu an ta naw maw? Pathien dit dan ngaituo pumzinga Gospel Centenary hmangtu le lawmtu ni tum seng ei tiu.