TUITHAPHAI, June 28, 2009: Hmar Students Association (HSA) Marketing Complex Rs. 8,88,980/- senga bawl hawngna prokram chu tarik 28 June thla, zing 9:00AM khan hmang ani a. Pu Ngursanglur,MLA TipaimukhA/C chu khuolliena thangin marketing complex building hawngna a nei.Khuollienin Complex hawngna a nei zovin Upa Ngursangluoi Pudaite chun Pathien kuoma tawngtaia inhlanna a nei.
Pu Y.Dimbajit Singh, SDO, Tipaimukh Sub-Division chu Guest of Honour in a thang baka All Tribal Students Union (ATSUM) President, Pu Thomas Taishya khawm hi programme hmangna huna hin a hung thang ve a, HSA in Sports an huoihawt lai tak ani bawk leiin HSA thangpuina dingin Football 4, Volleyball 4 baka Volley Ball net 4 a pek.
Pu Y.Dimbajit Singh,SDO, Tipaimukh hin HSA Marketing Complex bawlna dingin tuta hma khan Rs. 10,000/- thangpuina a lo pek ta a nih.
Dr.John H.Pulamte, President, HSA Gen. Hqrts. in keynote adress a hrilna huna, HSA marketing Complex hi November 2005 a inthawka bawl tan ani thu a hril a.
Hmun ram hlaa inthawka inchuklaihai umna dingin HSA Gen. Hqrts chun Aizawl-ah Hostel dingin thlakhata In Rs. 10,000/- a hluo tum ani thu le Silchar hmuna khawm hiengang bawka Hostel siem tum a nih, tiin a hril.
Source: Hmasawnna Thar
Post a Comment
Comments not related to the news or article may be deleted.